خبراردو:

وادی کے سبھی اضلاع میں بدھوار صبح سے جاری بھاری برف باری کے نتیجے میں کشمیر کا بیرون دنیا سے زمینی و فضائی رابطہ منقطع ہوچکا ہے۔ ادھر سرینگر جموں شاہراہ کے متعدد مقامات پر بھی برف کی موٹی موٹی چادریں جمع ہوئی ہیں تاہم سہ پہر تک شاہراہ پرمعمول کے مطابق یک طرفہ ٹریفک جاری تھا۔ ادھر بھاری برف باری اور دھند کی وجہ سے سرینگر ائرپورٹ پر کسی بھی پرواز اُڑان بھرنے کی اجازت نہیں دی گئی اور نہ ہی کوئی پرواز بیرون ریاست سے وادی وارد ہوئی۔ادھر محکمہ موسمیات نے اپنی تازہ ایڈوائزری میں 19جنوری سے میدانی و بالائی حصوں میں بھاری برف باری کی پیش گوئی کی ہے تاہم انہوں نے واضح کیا کہ بدھ کی شام تک موسم میں بہتری آنے کے قوی امکانات موجود ہیں۔اس دوران تازہ برف باری کے نتیجے میں شہر و دیہات میں سڑکوں پر پھسلن پیدا ہوئی جس کے نتیجے میں لوگوں کے عبور و مرور میں مشکلات درپیش آئی جبکہ اس دوران بھاری برف باری کی وجہ سے شہر سرینگر سمیت دیگر اضلاع اور قصبہ جات میں سڑکیں زیر آب آگئیں جس کے نتیجے میں راہ گیروں کو چلنے پھرنے میں سخت مشکلات کا سامنا کرنا پڑا۔ ادھر محکمہ ٹریفک پولیس نے ڈرائیور حضرات کے نام جاری ایڈوائزری میں گاڑیاں چلانے کے دوران احتیاط برتنے کی اپیل کی۔

وادی کشمیر کے سبھی اضلاع میں بدھوار کی صبح سے شروع ہوئی تازہ برف باری کے باعث کشمیر کا بیرونی دنیا سے زمینی و فضائی رابطہ مکمل طور پر منقطع ہوچکا ہے۔ تفصیلات کے مطابق بدھوار کو بھاری برف باری کے نتیجے میں وادی کا بیرون دنیا سے زمینی و فضائی رابطہ پوری طرح منقطع ہوگیا جس کے نتیجے میں وادی کے سبھی اضلاع میں زندگی کی رفتار مکمل طور پر تھم گئی۔وادی کے سبھی دس اضلاع بشمول کولگام، اننت ناگ، شوپیان، پلوامہ، سرینگر، بڈگام، گاندربل، کپوارہ، بارہمولہ، ہندوارہ سمیت خطہ چناب کے بالائی حصوں میں تازہ برف باری کے نتیجے میں معمول کی سرگرمیاں بری طرح سے متاثر ہوئی۔ محکمہ موسمیات نے تفصیلات فراہم کرتے ہوئے کہا کہ گزشتہ کئی برسوں کے مقابلے میں امسال وادی کے میدانی علاقوں میں یہ ریکارڈ توڑ برف باری ہوئی کیوں کہ گزشتہ چند برسوں کے دوران میدانی علاقوں میں برف باری کا اثر بہت کم دیکھنے کو ملا۔محکمہ موسمیات کے اعلیٰ حکام نے بتایا کہ بدھوار کو جاری برف باری وادی کے سبھی اضلاع میں جاری رہی تاہم اس بات کے قوی امکانات موجود ہیں کہ بدھ شام تک موسم میں بہتری آئے گی۔ انہوں نے بتایا کہ تازہ برف باری کے نتیجے میں وادی کشمیر میں کڑاکے کی ٹھنڈ میں نمایاں کمی واقع ہوئی ہیں جس کے نتیجے میں عوام نے راحت کی سانس لی۔ محکمہ موسمیات کے مطابق تازہ اعداد و شمار کے مطابق سیاحتی مقام پہلگام میں 3سنٹی میٹر منگل کی شام کو ریکارڈ کی گئی جس کے نتیجے میں جنوبی کشمیر میں کل رات کا درجہ حرارت کم سے کم 2.9ڈگری سلسیس ریکارڈ کیا گیا۔

انہوں نے بتایا کہ جنوبی کشمیر کے کوکرناگ علاقے کا کم سے کم درجہ حرارت 3ڈگری سلسیس ریکارڈ کیا گیا۔اسی طرح سرحدی ضلع کپوارہ میں کل رات کا کم سے کم درجہ حرارت 5.6سیلسیس ریکارڈ کیا گیا۔محکمہ کے افسر نے بتایا کہ شہرہ آفاق گلمرگ میں بھی برف باری کے نتیجے میں کل رات کا کم سے کم درجہ حرارت 6ڈگری سیلسیس ریکارڈ کیا گیا۔ادھر تازہ برف باری کے نتیجے میں وادی کشمیر کا بیرون دنیا سے زمینی و فضائی رابطہ منقطع ہوچکا ہے جس کے نتیجے میں بیرون ریاست جانے والے مسافروں کو سخت ذہنی کوفت اُٹھانی پڑرہی ہے۔ معلولم ہوا ہے کہ برفباری کے نتیجے میں زمینی و فضائی ٹریفک منقطع ہونے کے نتیجے میں مسافر ائر پورٹ سے واپس اپنے گھروں کو لوٹ آئے۔ائرپورٹ اتھارٹی کے مطابق بدھوار کو جاری تازہ برف باری سے ائرپورٹ کی رن وے پر کسی بھی پرواز کو آنے یا جانے کی اجازت نہیں دی گئی۔ انہوں نے کہا کہ رن پر برف کی تہہ جم جانے سے یہاں سخت پھسلن واقع ہوئی تھی جس کے بعد ائرپورٹ انتظامیہ نے کسی بھی پرواز کو اُڑان بھرنے کی اجازت نہیں دی۔ انہوں نے کہا کہ ائرپورٹ پر مسافروں کی بڑی تعداد اس انتظار میں تھی تاہم موسم کی خراب صورتحال کو مدنظر رکھتے ہوئے مسافروں کو واپس گھروں کو لوٹنا پڑا۔ ادھر محکمہ موسمیات نے عوام کے نام تازہ ایڈوائزری جاری کرتے ہوئے کہا کہ 19جنوری سے وادی کے میدانی و بالائی علاقوں میں بھاری برف باری کا امکان ہے جس کے نتیجے میں وادی کا بیرونی دنیا سے رابطہ مکمل طور پر منقطع ہوسکتا ہے ۔

انہوں نے عوام کو اس دوران احتیاط برتنے کی اپیل کی ہے۔ محکمہ کے اعلیٰ حکام نے بتایا کہ وادی میں بدھ کی صبح شروع ہوئی برف باری میں بدھ شام تک بہتری آنے کے امکانات موجود ہیں۔اس دوران تازہ برف باری کے نتیجے میں شہر و یہات میں اندرون و بیرون سڑکوں پر پھسلن پیدا ہوئی ہے جس کے نتیجے میں عام لوگوں کے چلنے پھرنے میں سخت مشکلات درپیش آئی ہیں ۔ اس دوران تازہ برف باری کے نتیجے میں شمال و جنوب میں سڑکیں زیر آب آگئی ہیں جس کی وجہ سے سڑکیں ندی نالوں کا منظر بیان کررہی ہیں۔ ادھر محکمہ ٹریفک نے ٹرانسپورٹروں کے نام تازہ ایڈوزائزری جاری کی ہے جس میں ڈرائیور حضرات کوبرف باری کے پیش نظر گاڑیوں کی رفتار دھیمی رکھنے کی ہدایت کی گئی ہے۔ محکمہ ٹریفک نے ڈرائیوروں کو ہدایت کرتے ہوئے کہا کہ برف باری کی وجہ سے سڑکوں پر پھسلن واقع ہوچکی ہیں لہٰذا انسانی جانوں کی سلامتی کو یقینی بنانے کی خاطر گاڑیوں کی رفتار دھیمی رکھی جائے۔ادھر شہر سرینگر سمیت دیگر اضلاع اور قصبہ جات میں انتظامیہ نے سڑکوں پر سے برف ہٹانے کے لیے مشینوں کو متحرک کردیا ہے جس دوران وادی کے کئی مقامات پر بدھ کی دوپہر کو مشینوں کو سڑکوں پر سے برف ہٹاتے ہوئے دیکھا گیا۔