وزیر اعظم کی کشمیر آمد پر فقید المثال ہڑتال حکمرانوں کے لیے نوشتۂ دیوار، واجپائی کا ’انسانیت، جمہوریت اور کشمیریت‘ کا نعرہ محض فریب: جے آر ایل

Published

8 years ago

February 4, 2019

خبراردو:

مشترکہ مزاحمتی قیادت سید علی گیلانی، میرواعظ عمر فاروق اور محمد یٰسین ملک نے وزیر اعظم کی کشمیر آمد کے موقعہ پر یہاں کے مظلوم اور محکوم عوام کے فقید المثال احتجاجی ہڑتال کو قابض حکمرانوں کیلئے نوشتہ دیوار قرار دیتے ہوئے کہا ہے کہ نہتے اور بے بس عوام کے پاس اس کے سوا اور کوئی ذریعہ نہیں ہے جس سے وہ اپنا احتجاج درج کریں۔ انہوں نے کہا کہ اس زبردستی فوجی قبضے والے خطے میں عوام کا بے مثال احتجاج اس بات کا غماز ہے کہ جموں وکشمیر کے عوام مجموعی طور اُس غیر قانونی اور غیر اخلاقی رشتے کو تسلیم نہیں کرتے ہیں جو ان پر زبردستی مسلط کیا گیا ہے ۔انہوں نے کہا کہ بھارت کے قومی تہوار ہوں یا بھارت کی کسی سیاسی شخصیت کا دورۂ کشمیر ہر حال میں یہ مواقع یہاں کے عوام کیلئے وبال جان بن کر ان کی تکلیفوں اور مصائب میں اضافے کا باعث بنتے ہیں ۔

قائدین نے فوجی حصار اور بندوقوں کے سائے میں کئے گئے دورے کو عوامی دورہ قرار دیئے جانے کو حد درجہ مضحکہ خیز قرار دیتے ہوئے کہا گیا کہ بھارتی وزیراعظم کا یہ کہنا کہ دوسروں کے خواب چھیننے والا بڑا بزدل ہوتا ہے ہمارے اس موقف کی تائید کررہے ہیں کہ لاکھوں کشمیروں کے خواب چھیننے والے حکمران ان کی امنگوں اور آرزوؤں کا خون کرنے والے، انکے جذبات کا استحصال اور ان کا امن و سکون چھیننے والے ، ان کے نوجوانوں کو بے دردی سے شہید کرنے والے ، ان کی عفت مآب عورتوں کی عصمت کو داغدار کرنے والے یہاں کی بستیوں کو کھنڈرات میں تبدیل اور ہزاروں نوجوانوں کو بلا لحاظ جنس و عمر جیلوں اور عقوبت خانوں میں ٹھونسنے والا ملک سب سے بڑا بزدل ہے اور اس بزدلی کو چھپانے کیلئے حقائق اور دلائل سے منہ چھپا کر طاقت کا بے تحاشا استعمال کرکے حق و انصاف کی ہر آواز کو دبانے کی پالیسی پر گامزن ہیں۔

قائدین نے کہا کہ ہندوستان کے لوگوں کا کشمیریوں کے قتل و عام پر غصہ ہونے کی بات یہاں کے عوام کے زخموں پر نمک پاشی کے مترادف ہے کیونکہ بھارتی عوام کو جو کچھ اُن کے حکمران اور ان کا منہ زور میڈیا کشمیر کے حوالے سے دکھا رہا ہے وہ اُسی بات کو سچ سمجھ رہے ہیں کیونکہ بھارتی میڈیا نے ہمیشہ کشمیر کے حالات کی غلط تصویر کشی کرکے بھارتی عوام کو ہر مرحلے پر گمراہ کیا ہے اور اگر بھارتی عوام کو کشمیر میں روزانہ بہتے ہوئے لہو کا ذرا بھی احساس ہوتا تو کم سے کم وہ اس درندرگی اور بربریت پر کبھی تو زبان کھول سکتے تھے لیکن ایسی کوئی مثال نہیں ملتی۔قائدین نے بھارت کے سابق وزیراعظم اٹل بہاری واجپائی کے خواب پر تبصرہ کرتے ہوئے کہا کہ وہ خواب بی جے پی کے خواب سے مختلف نہیں تھا اور ان کے موجودہ پیشرو اسی مشن کی آبیاری کررہے ہیں جس سے اس ریاست پر ان کی گرفت مضبوط ہو۔انہوں نے کہا کہ طاقت کے بل پر کسی قوم کو زیادہ دیر تک غلام بنائے نہیں رکھا جاسکتا اوراسکی واضح مثال افغانستان سے امریکہ کی واپسی ہے جہاں پر امریکی صدر نے بھی یہ دعویٰ کیا تھا کہ وہ فوجی طاقت اور قوت کے بل پر افغان قوم کو اپنا زیر دست بنائے رکھیں گے لیکن وقت نے ثابت کردیا کہ امریکہ کے اس دعوے میں کوئی بنیا د نہیں تھی اور انہیں آخر کار افغانستان کو چھوڑ کر جانا پڑا۔قائدین نے کہا کہ نہ بھارتی وزیراعظم کے دھمکی آواز تقاریر سے اورنہ کسی آل آؤٹ آپریشن سے کسی قوم کی مبنی برحق جدوجہد کو دبایا جاسکتا ہے اور نہ بے پناہ فوجی جماؤ اور قوت کے بل پر کسی قوم کے حقوق کو سلب کیا جاسکتا۔

انہوں نے کہا کہ انسانیت ، جمہوریت اور کشمیریت کا نعرہ محض سیاسی فریب کاری کے سوا کچھ نہیں تھا جبکہ ان کے دور میں بھی یہاں کے عوام کے مصائب اور مشکلات میں کوئی کمی واقع نہیں ہوئی ۔قائدین نے بھارتی وزیراعظم کے گھر گھر بجلی کے اعلان پر تبصرہ کرتے ہوئے کہا کہ ہم نے کبھی بھارت سے بجلی کی بھیک نہیں مانگی ہے بلکہ ہم اپنے قدرتی وسائل کی تحویل چاہتے ہیں لیکن افسوس کا مقام ہے کہ دلی کے حکمرانوں کے ریاستی حاشیہ برداروں نے ہمیشہ ان کے حکم پر سر تسلیم خم کرکے اپنی غیر ت اور عزت کا جنازہ نکالا ہے اور پھر جب اقتدار سے الگ ہوتے ہیں تو مگر مچھ کے آنسو بنا کر عوام کی ہمدردیاں بٹورنے کیلئے سینہ کوبی کرتے ہیں ۔قائدین نے کہا کہ کشمیری پنڈت ہمارے سماج کا ایک حصہ ہیں اور ہم ان کی واپسی کا ہمیشہ بے تابی سے انتظار کرتے ہیں تاہم ان کے لئے الگ بستیاں بنانے کو ہرگز قبول نہیں کریں گے۔انہوں نے کہا کہ سرجیکل سٹرائیک کا ڈرامہ اور اس پر بننے والے فلموں کو بھارتی عوام کی ہمدردیاں اور ووٹ حاصل کرنے کیلئے استعمال تو کیا جاسکتا ہے لیکن ایسی سیاسی شعبدہ بازیوں کی حقیقت سے یہاں کے عوام پوری طرح واقف ہیں ۔ ہم ایک جائز اور پر امن جدوجہد میں مصروف عمل ہے جس کو خود بھارت سمیت پوری دنیا نے تسلیم کیا ہے اور اپنے حقوق کی بازیابی کیلئے ہماری جدوجہد ہر سطح پر جاری

دنیا

نیپال میں سیلاب سے تقریباً 470 افراد ہلاک، امدادی کارروائیاں جاری

Published

1 hour ago

August 28, 2026

Online Desk

کٹھمنڈو، نیپال کے دارالحکومت کھٹمنڈو کے حکام کے مطابق گلیشیئر کا ایک بڑا حصہ ٹوٹنے کے بعد مٹی اور چٹانوں کا ایک وسیع تودہ ہمالیائی دریا میں جا گرا، جس کے نتیجے میں آنے والے تباہ کن سیلاب سے نیپال اور چین کے تبت کے علاقے میں کم از کم 469 افراد ہلاک اور کم از کم 1,500 افراد لاپتہ ہیں۔

تباہ کن بھوٹی کوشی سیلاب نے نیپال اور تبت کے پہاڑی سرحدی علاقے کو اپنی زد میں لے لیا، جبکہ نیپال کے ضلع راسووا میں سب سے زیادہ تباہی ہوئی، جو چینی سرحد کے عین جنوب میں واقع ہے۔

ٹیلی ویژن پر نشر ہونے والی تصاویر میں تباہ شدہ مکانات، پانی میں بہتی گاڑیاں اور سیلابی ریلے میں بہہ جانے والا ایک دھاتی پل دکھائی دیا، جبکہ عینی شاہدین نے بتایا کہ سیلابی پانی نے پورے کے پورے دیہات کو اپنی زد میں لے لیا۔ امدادی اور تلاش کرنے والی ٹیمیں متاثرہ علاقے میں پانی میں چلتے ہوئے متاثرین اور لاپتہ افراد کو تلاش کر رہی ہیں، تاہم کارروائیوں میں شدید مشکلات پیش آ رہی ہیں کیونکہ سیلاب کے باعث متعدد سڑکیں اور پل بھی تباہ ہو گئے ہیں۔

حکام نے ابتدائی طور پر خیال ظاہر کیا تھا کہ بدھ کی صبح آنے والے سیلاب کی وجہ 4.4 شدت کا زلزلہ ہو سکتا ہے۔ تاہم متعدد ماہرین اور امریکی جیولوجیکل سروے (یو ایس جی ایس) نے تصدیق کی کہ ”زلزلاتی سرگرمی” دراصل گلیشیئر کے ٹوٹنے اور ملبے کے بہاؤ کا نتیجہ تھی، جس کے بعد دریا کے نچلے علاقوں میں تباہ کن اثرات مرتب ہوئے، نہ کہ زلزلے کی وجہ سے سیلاب آیا۔

گلیشیئر کا انہدام اس وقت ہوتا ہے جب برفانی تودے کا ایک بڑا حصہ اپنے بستر سے الگ ہو جاتا ہے۔ اس میں بعض اوقات لاکھوں مکعب میٹر برف، چٹانیں اور پانی شامل ہوتے ہیں، جو انتہائی تیزی سے حرکت کرنے والے برفانی تودے یا ملبے کے بہاؤ میں تبدیل ہو سکتے ہیں۔ گلیشیئر کا انہدام گلیشیئر سائنس میں باقاعدہ طور پر متعین سائنسی اصطلاح نہیں، تاہم ایسے واقعات کو بیان کرنے کے لیے یہ اصطلاح عام طور پر استعمال ہوتی ہے۔

نیپال کی نیشنل ڈیزاسٹر رسک ریڈکشن اینڈ مینجمنٹ اتھارٹی کے مطابق ”گلیشیئر سے آنے والا سیلاب” لہینڈے کھولا دریا میں نیپالی جانب برف اور چٹانوں کے تودے گرنے کے باعث آیا۔ اتھارٹی کے ماہر ارضیات پرکاش پوکھرل نے بتایا کہ ابتدائی سیلابی ریلا لہینڈے کھولا میں داخل ہوا، جو آگے بھوٹی کوشی اور پھر تریشولی دریاؤں میں شامل ہوتا ہے۔ اس کے نتیجے میں سیلابی پانی جنوب کی جانب نیپال میں پھیل گیا۔ اطلاعات کے مطابق صرف 30 منٹ میں تریشولی دریا کی سطح میں تقریباً 9 میٹر (27 فٹ) تک اضافہ ہوا۔

جاری۔ یو این آئیْ۔ ع ا۔

ہندوستان

پوروانچل ایکسپریس وے پر روڈویز بس ستون سے ٹکرائی، ڈرائیور سمیت دو ہلاک، 26 زخمی

Published

2 hours ago

August 28, 2026

Online Desk

اعظم گڑھ، اترپردیش کے اعظم گڑھ ضلع میں پوروانچل ایکسپریس وے پر جمعرات کی دیر رات تیز رفتار روڈویز بس کے ستون سے ٹکرانے کے سبب بس ڈرائیور سمیت دو افراد کی موت ہو گئی، جبکہ کئی مسافر زخمی ہو گئے۔

اطلاع ملتے ہی پولیس اور ایکسپریس وے کی ایمبولینس ٹیم موقع پر پہنچی اور راحت و بچاؤ کا کام شروع کیا۔

زخمیوں کو فوری طور پر ضلع اسپتال سمیت آس پاس کے اسپتالوں میں داخل کرایا گیا۔ کچھ زخمیوں کی حالت نازک بتائی جا رہی ہے۔

پولیس کے مطابق، بیلتھرا روڈ ڈپو کی روڈویز بس لکھنؤ سے بلیا جا رہی تھی۔ دیر رات پوی تھانہ علاقے میں پوروانچل ایکسپریس وے کے اسٹون نمبر 191 کے قریب بس کے آگے چل رہا پک اپ اچانک بے قابو ہو گیا۔

پک اپ کو بچانے کی کوشش میں بس کا توازن بگڑ گیا اور وہ ایکسپریس وے کے کنارے بنے گورکھپور لنک ایکسپریس وے کے ستون سے ٹکراگئی۔ حادثے میں بس ڈرائیور رجنی کانت (35)، ساکن مدھوبن، مئو اور ایک خاتون مسافر کی موقع پر ہی موت ہو گئی۔ حادثے کے بعد بس میں پھنسے مسافروں کو پولیس اور راحت رساں کارکنوں نے باہر نکالا۔ زخمیوں کو مختلف اسپتالوں میں داخل کرایا گیا۔

حادثے میں زخمی مسافروں میں انجو برنوال (54)، ہرش برنوال (25)، سَویکا (18)، سنیتا (22)، نِتھانجلی یادو (16)، رمبھَا (38)، آنند (19)، شبھم شیکر (12)، روچی (3)، رودل (45)، پرنس یادو، گنسن (23)، انوشکا (18)، سشیل (41)، شویتا (22)، کوشل کشور دوبے (62)، بھگوتی (38)، انکیتا (20)، سِرشٹی (21)، گولو (15)، سنجو (17)، پرینکا شریواستو (36)، سواتی شریواستو (14)، برجیش چوہان (20)، نشا یادو (30)، ارملا (30)، نِتیاوتی دوبے (45)، ستیش موریہ (21)، اکھلیش تیواری (28)، پرتیما پرجاپتی (18)، شریا یادو (19)، پون کمار شریواستو (50)، شوانی (21) اور کملیش (45) شامل ہیں۔

تمام زخمیوں کو اسپتال میں داخل کرایا گیا ہے۔ ضلع مجسٹریٹ رویندر کمار سمیت ضلع کے کئی افسران اسپتال پہنچے اور زخمیوں کے علاج اور راحت رسانی کے کام میں کسی بھی طرح کی لاپروائی نہ برتنے کی ہدایت دی۔ پولیس نے حادثے کا شکار بس کو ایکسپریس وے سے ہٹانے کی کارروائی شروع کر دی ہے۔ ابتدائی تفتیش میں حادثے کی وجہ پک اپ کے اچانک بے قابو ہونے اور اسے بچانے کی کوشش میں بس کا توازن بگڑنا بتایا جا رہا ہے۔

یو این آئی۔ این یو۔

جموں و کشمیر

اننت ناگ میں دھوکہ دہی اور فراڈ کے الزام میں بی جے پی لیڈر کے خلاف مقدمہ درج

Published

4 hours ago

August 28, 2026

Online Desk

سری نگر، بی جے پی کے اننت ناگ ضلع جنرل سکریٹری عابد ننگرو کے خلاف جموں و کشمیر پولیس نے سرکاری ملازمت دلانے اور امرناتھ یاترا کے دوران پہلگام میں خیمے لگانے کی اجازت دلانے کے نام پر مبینہ طور پر دھوکہ دہی اور فراڈ کرنے کے الزام میں مقدمہ درج کیا ہے۔

پولیس اسٹیشن اننت ناگ میں دھوکہ دہی اور فراڈ کی شکایت پر تحریری شکایت موصول ہونے کے بعد مقدمہ درج کیا گیا۔

پولیس نے بتایا کہ اسے وحید احمد ایتو، عیشمقام، جو فی الحال جی ڈی سی بوائز ہاسٹل، خانہ بل میں مقیم ہیں، کی جانب سے تحریری شکایت موصول ہوئی، جس میں الزام لگایا گیا کہ کرندی گام، بیج بہارا کے عابد ننگرو نے ان کے ساتھ دھوکہ کیا۔

پولیس کے مطابق شکایت میں کہا گیا ہے کہ ملزم نے شکایت کنندہ کو یہ یقین دلا کر اپنے جال میں پھنسایا کہ وہ محکمہ پولیس میں ایس پی او (اسپیشل پولیس آفیسر) کی حیثیت سے اسے سرکاری ملازمت دلوا سکتا ہے اور اپنے سیاسی اثر و رسوخ کی مدد سے شری امرناتھ جی یاتریوں کے لیے پہلگام میں خیمے لگانے کی اجازت بھی دلوا سکتا ہے۔

شکایت کنندہ نے مزید الزام لگایا کہ ان یقین دہانیوں اور دعووں کی بنیاد پر اس سے مجموعی طور پر 8,25,000 روپے لے لیے گئے۔

شکایت کا نوٹس لیتے ہوئے پولیس اسٹیشن اننت ناگ میں بی این ایس کی دفعات 318(4) اور 351(3) کے تحت ایف آئی آر درج کی گئی ہے اور تحقیقات شروع کردی گئی ہیں۔

اننت ناگ پولیس نے ایک بار پھر کہا ہے کہ دھوکہ دہی، فراڈ یا سرکاری ملازمت یا دیگر سرکاری فوائد دلانے کے جھوٹے وعدوں کے ذریعے لوگوں کا استحصال کرنے میں ملوث پائے جانے والے افراد کے خلاف سخت قانونی کارروائی کی جائے گی۔

یو این آئی، ایم جے