خبراردو:

جنوبی کشمیر کے قصبہ ترال کے ریشی محلہ ترال کو فوج کے42RRسی آر پی ایف180بٹالین اور ایس او جی ترا ل نے علاقے میں جنگجوؤں کے موجود گی کے حوالے سے مصدقہ اطلاع ملنے کے بعدسوموار کی رات ساڑے آٹھ بجے کے قریب علاقے کو سخت محاصرے میں لیاجس دوران فورسزنے کسی کو بھی محلے کے اندر یا باہر جانے کی اجازت نہیں دی اور تمام راستوں کو سیل کیا ہے ۔مقامی لوگوں نے بتایا فورسز نے محلے میں داخل ہوتے ہی چند ایک مکانوں کی تلاشی لینے کے بعد اُسی مکان کو سخت گیرے میں لیا جس میں انہیں جنگجووں کے موجود ہونے کی مصدقہ اطلاع موصول ہوئی تھی ۔

ذرائع نے بتایااس دوران فورسز نے غلام قادر نایک نامی ایک شہری کے مکان میں رہائش پزیر افراد خانہ کو باہر نکال کر مکان کی تلاشی لینی شروع کر کے جنگجوؤں مخالف آپریشن کا آغاز کیاجس کے بعد مکان میں موجود جنگجوؤں نے منگل کی صبح 3بجے فرار ہونے کی کوشش کر کے فورسز پر شدید فائرنگ کی جس دوران یہاں موجود اہلکاروں نے جوابی فائرنگ کی جس کے نتیجے میں طرفین کے درمیان ایک خون ریز معرکہ آرائی شروع ہوئی جس میں ابتدائی طور ایک جنگجوجس نے فرار ہونے کے کوشش کی تھی مکان کے صحن میں جان بحق ہوا جبکہ دوسرا جنگجومکان کے اند سے ہی فورسز پر صبح 7بجے تک وقفے وقفے سے فائرنگ کرتا رہا جس دوران فورسز نے مکان ماٹر شلوں کی بارش کی جس دوران مکان میں آگ لگ گئی ہے جس کے نتیجے میں مکان میں موجود دوسراجنگجو جاں بحق ہوا۔ادھر پولیس نے جائے جھڑپ سے2حزب جنگجوؤں کی نعشیں برآمد کی ہیں ۔پولیس نے مارے گئے جنگجوؤں کی شناخت ادفر فیاض ولد فیاض احمد پرے ساکنہ گلشن پورہ ترال اور 19سالہ عرفان احمد راتھر ولد غلام حسن راتھر ساکنہ شریف آباد ترال کے طور کی ہے جہاں قانونی لواز مات پورے کرنے کے لئے دونوں ی نعشوں کو پولیس انٹشن ترال منتقل کیا گیا جہاں سے بعد دوپہر دونوں کی نعشوں کو لواحقین کے سپرد کیا گیا ۔

ادھر ذرائع نے بتایا کہ جھڑپ میں جاں بحق جنگجو ادفر فیاض اور عرفان احمد راتھر کی نعشیں جب ان کے گھروں کو پہنچائے گئے تو یہاں کہرام مچ گیا اور لوگوں نے اسلام اور آزادی کے حق میں نعرے بلند کئے ۔ جبکہ شام دیر گئے تک نماز جنازوں کا سلسلہ جاری تھا ۔ اس دوران جھڑپ میں طرفین کی فائرنگ میں ایک عام شہری فاروق احمد نائیک ولد عبد لرحمان نائیک ساکنہ ترال پائین بھی گولی لگنے کے نتیجے میں زخمی ہوا ۔پولیس نے بتایا زخمی شہری کو فوری طور اسپتال منتقل کیا جہاں بعد میں اس سے ایس ایم ایچ ایس سرینگر منتقل کیاگیا جہاں اس کی حالت مستحکم بتائی جا رہی ہے ۔

ادھر علاقے میں جنگجوؤں کی ہلاکت کی خبر پھیلتے ہی ترال قصبے کے شریف آباد اور بس اسٹینڈ ترال میں نوجوانوں نے فورسز پر شدید پتھراو کیا جس دوران فورسز نے نوجوانوں کو منتشر کرنے کے لئے آنسوں گیس کے درجنوں گولے داغے جس کے نتیجے میں علاقے میں افرا تفری پھیل گئی۔ادھر علاقے میں جاں بحق جنگجوؤں کی یاد میں مکمل ہڑتال رہی جس دوران قصبے میں تمام دکانین بند رہے جبکہ سڑکوں سے ٹرانسپوٹ غائب رہنے کے ساتھ ساتھ سرکاری و غیر سرکاری دفاتر بھی بند رہے۔جاں بحق جنگجووں میں سابق حز کمانڈربرہان مظفر وانی کا پڑوسی 19سالہ عرفان احمد راتھرعرف ابو طالب ولد غلام نبی راتھر بھی شامل ہے جس نے 2سال قبل عسکریت میں شمولیت کی تھی جبکہ دوسرے جنگجوادفر فیاض ولد فیاض احمد پرے عرف ابو زرار ساکنہ گلشن پورہ گزشتہ 7ماہ سے علاقے میں سرگم تھا۔

ادھر انتظامیہ نے علاقے میں پولیس ضلع اونتی پورہ کے تحت آنے والے علاقے میں سوموار رات محاصرہ شروع ہونے کے ساتھ ہی انٹر نیٹ سروس کو معطل کر رکھا۔ادھر پولیس نے بتایا جائے جھڑپ میں مارے گئے جنگجوؤں کے قبضے سے اسلحہ اور گولہ بارود ضبط کیا گیا۔پولیس نے بتایا دونوں جنگجوؤں فورسز کو کئی جنگجوؤں حملوں میں مطلوب تھے جن کے خلاف پولیس اسٹیشن میں کیس بھی درج ہیں ۔پولیس نے عوام سے اپیل کی ہے کہ وہ فلحال جھڑپ کی جگہ سے جانے سے پرہز کریں ۔