خبراردو ڈیسک :

گزشتہ سال اکتوبر میں بلاک ترقیاتی کونسل کے چناﺅ میں میونسپل کارپوریشن سرینگر میں میئر اور ڈپٹی میئر کی سیٹ یں حاصل کرنے والے میں جنید عظیم متو اور شیخ محمد عمران کے خلاف کارپوریٹرو ں کی جانب سے عدم اطمنان کی تحریک پیش کی گئی ہے ۔ اور اسکے ساتھ ہی ایس ایم سی میں پچھلے دو روز سے سیاسی سرگرمیاں تیز ہو گئی ہیں

پہلے سوموار کو ڈپٹی میئر شیخ عمران کے خلاف موجودہ ستر کونسلروں میں سے ۴۷ کی جانب سے دستخط کی گئی ایک عدم اطمنان تحریک پیش کی گئی ۔ جس کے بعد عمرا ن کو انکے عہدے سے ہٹایا گیا ۔

جبکہ وہیں دوسری جانب جنید متو کے خلاف ایسی کوئی قرار داد نہیں لائی گئی تھی ۔ زرائع کے مطابق اس کا مقصد بھاجپا کو ایس ایم سی سے دور رکھنا تھا

لیکن اسکے دوسرے روز ہی ۴۰ ممبران کی جانب سے دستخط کی گئی ایک عدم اطمنان تحریک میئر جنید متو کے خلاف بھی ایس ایم سی کمشنر کے سامنے پیش کی گئی۔

اطلاعات کے مطابق تحریک میں آزاد ممبران ، بھاجپا اور این سی ممبران کے دستخط بتائے جا رہے ہیں ۔ کیوں کہ این سی بھی جنید متو کو میئر نہیں دیکھنا چاہتی ہے ۔ لیکن وہیں پر این سی بھاجپا امیدوار کو میئر ی سیٹ کےلئے ساتھ دینے کے حق میں نہیں ہے.

ادھر کچھ روز قبل سے بھاجپا پر کچھ کارپورٹروں کی جانب سے یہ الزامات لگائے جا رہے ہیں کہ میئر کو ہٹانے کےلئے بھاجپا رشوت اور دھمکیوں کا سہارا لے رہی ہے ۔
ان الزامات کو بھاجپا مسترد کر رہی ہے.

جبکہ ڈپٹی میئر کی جانب سے ایس ایم سی کو اپنا استعفی بھیج دیا گیا ہے ۔

آپ کو بتا دیں شیخ عمران کوبھی ۵ اگست سے نظر بند ہی رکھا گیا ہے ۔ جبکہ میئر کو کچھ ہفتے قبل رہا کیا گیا تھا ۔ اور پچھلے ہفتے سنیچر کو ان کی جانب سے ۵ اگست کے بعد سے کونسلرز کی پہلی میٹنگ کی گئی جس میں ۵۰ ممبران شامل ہوئے تھے ۔

اب آگے کیا ہو گا ؟
سرینگر کارپوریشن ایکٹ کے تحت عدم اطمنان تحریک کے ۴۸ گھنٹوں تک کوئی بھی کارروائی نہیں لی جا سکتی ہے اور اس دوران ہی کوئی تاریخ مقرر کی جائے گی ۔ جس کے بعد جس کے خلاف یہ تحریک لائی گئی ہے ۔ اسکے سامنے ان کارپوریٹروں کو لایا جائے گا اور ایک ٹسٹ کے زریعے سے جہاں میئر کو اکثریت ثابت کرنا ہو گی ۔ وہیں یہ بھی دیکھا جائے گا کہ جو اسکے خلاف ہیں ان کی تعداد کتنی ہے ۔ اب ۲۶ دسمبر کو جنید متو کی قسمت کا فیصلہ ہو گا کہ آیا وہ اپنی کرسی بچا پاتے ہیں یا نہیں ۔

میونسپل کارپویشن سرینگر :
اس کارپوریشن میں کل ممبران کی تعداد ۷۴ ہے لیکن اسوقت ۴ سیٹیں خالی ہیں ۔ ۔ جبکہ ان میں ۱۷ ممبران کانگریس کے ہیں وہیں ۴ ممبران بھاجپا کے بھی ہیں ۔ اسکے علاوہ ۲۲ کا تعلق پیپلز کانفرنس ۱۱ کاتعلق این سی پانچ کا پی ڈی پی اور باقی گیارہ ممبران آزاد ہیں ۔
واضح رہے ان انتخابات میں این سی اور پی ڈی پی نے بائیکاٹ کا اعلان کیا تھا ۔میئر یا ڈپٹی میئر کو کرسی سے ہٹانے کےلئے کم از کم ۵۶ ممبرا ن کا ساتھ ہونا چاہیے۔
ایس ایم سی سرینگر کام کے بجائے تنازعات کی وجہ سے خبروں میں زیادہ رہاہے.

ایس ایم سی جب سے بنی ہے تب سے ہی اس میں سرینگر میں تبدیلی لانے کے بجائے تنازعات ہی دیکھے گئے ہیں اور ا سمیں سیاست زیادہ دیکھی گئی ہے ۔
میئر متو کو پی سی کی حمایت حاصل تھی وہیں ڈپٹی میئر عمران کو کانگریس کی حمایت تھی ۔

سب سے پہلے ایک خاتون کارپوریٹر کی جانب سے میئر متو پر جنسی طور ہراساں کرنے کا الزام عائد کیا گیا ۔ جسکے بعد ہی کارپوریشن میں آپسی رسہ کشی ان دونوں کے مابین مزید بڑھ گئی اور عمران خاتون کی حمایت میں آگئے ۔

اسکے بعد ڈپٹی میئر شیخ عمران کی جانب سے ایک ڈاکٹر کےساتھ غیر پارلیمانی زبان استعمال کرنے کا ویڈیو سامنے آیا ۔ جس پر عمران کو معافی مانگنا پڑی ۔
وہیں کارپوریشن میں ایک میٹنگ کے دوران ڈپٹی میئر پر ایک بار حملہ بھی کیا گیا ۔ جس کا الزام انہوں نے جنید متو پر لگایا ۔

اسکے بعد ڈپٹی میئر کی جانب سے اپنے نام کے آگے مجاہد جوڑنے کا معاملہ بھی سامنے آیا ۔ جس پر ان کا سوشل میڈیا پر لوگوں کی جانب سے خاصا ٹرول کیا گیا ۔
ایک اور حیران کن تبدیلی تب دیکھی گئی جب عمران ایک ویڈیو میں اپنے سخت حریف رہے جنید متو کو گلے لگاتے دیکھے گئے ۔ جہاں انہوں نے باضابطہ طور پیپلز کانفرنس میں شمولیت کا اعلان کیا ۔

حالانکہ اطلاعات یہ بھی آ رہی ہیں کہ عمران کو ہٹانے میں جنید متو کا بھی ہاتھ ہے کیوں کہ وہ انہیں ڈپٹی میئر کے بطور نہیں دیکھنا چاہتے تھے ۔