کرونا وائرس خوفناک شکل اختیار کرگیا

Published

7 years ago

February 9, 2020

چین میں ہلاکتوں کی تعداد 800 سے زیادہ ہوگئی:رپورٹ

سرینگر: دنیا کو اضطراب میں مبتلاء کرنے والا ’کرو نا وائرس‘ مزید بے قابو ہوگیا ہے،کیونکہ چین میں اس وائرس سے مرنے والوں کی تعداد 800سے زیادہ ہوگئی ہے۔ یہ تعداد عالمی سطح پر2002 اور 2003 میں پھیلنے والی سانس کی بیماری’سارس‘ سے مرنے والوں کی تعداد سے بھی زیادہ ہوگئی ہے۔

کشمیر نیوز سروس(کے این ایس) مانیٹر نگ ڈیسک کے مطابق چین سے جنم لینے والے ہلاکت خیز اور انسانوں کو نگلنے والا ’کرو نا وائر س‘ ہر روز بھیانک اور مز ید خوفناک شکل اختیار کر تا جارہا ہے۔میڈیا رپورٹس کے مطابق چین میں کرونا وائرس سے ہلاکتوں کی تعداد 800 سے زائد ہوگئی۔ یہ تعداد عالمی سطح پر2002 اور2003 میں پھیلنے والی سانس کی بیماری’سارس‘ سے مرنے والوں کی تعداد سے بھی زیادہ ہوگئی ہے۔’سارس‘ سے 774 افراد ہلاک ہوئے تھے۔

چین میں کرونا وائرس سے متاثرہ افراد کی کل تعداد 37 ہزار200 ہوگئی ہے۔نیشنل ہیلتھ اتھارٹی کے جاری کردہ اعداد و شمار کے مطابق ہفتے سے اتوار تک کے درمیان مرنے والے89افراد میں سے زیادہ تر کا تعلق صوبہ ہوبی سے تھا۔عالمی ادارہ صحت کا کہنا ہے کہ چین میں پچھلے چار دنوں کے مقابلے میں صورتحال کسی حد تک مستحکم نظر آئی ہے تاہم اس حوالے سے کوئی پیش گوئی کرنا قبل از وقت ہوگا جب کہ اعداد و شمار میں مزید اضافہ بھی ہوسکتا ہے۔نئے قمری کلینڈر کے آغاز کے باوجود چین کے متعدد شہروں میں زندگی معمول پر نہیں آسکی ہے اور لوگ اب بھی اپنے اپنے کاموں پر واپس نہیں آئے۔

شنگھائی میں لوگوں کو ماسک پہننے کی ہدایات جاری کردی گئی۔ ہوبی میں لوگوں سے کہا گیا ہے کہ ضرورت کا سامان خریدنے کے لیے ایک گھر سے صرف ایک فرد ہر دوسرے دن گھر سے نکلے۔عالمی ادارہ صحت کے ہیلتھ ایمرجنیس پروگرام کے سربراہ مائیکل ریان نے کہا کہ صورتحال میں نسبتاً استحکام، وائرس کے خلاف اٹھائے جانے والے سخت اقدامات کا نتیجہ بھی ہوسکتا ہے۔امریکی سفارت خانے کے مطابق ووہان میں چین میں پہلے غیر ملکی افراد میں وائرس کی موجودگی کی تصدیق ہوئی ہے۔ جمعرات کو وائرس سے متاثرہ ایک 60 سالہ امریکی ہلاک ہوگیا۔ادھر ساٹھ سال کی عمر کے ایک جاپانی شہری کی کرونا وائرس سے مشتبہ ہلاکت بھی سامنے آئی ہے جب کہ اس سے قبل فلپائن اور ہانگ کانگ میں ایک ایک فرد اس مرض کے سبب ہلاک ہوچکا ہے۔ماہرین کے مطابق نئے وائرس ’سارس‘ اور ’کررونا‘کا تعلق ایک ہی خاندان سے ہے، تاہم دونوں امراض میں اموات کی شرح کم ہے۔

ہندوستان

طلبہ کے مطالبات پر راہل گاندھی نے ہیمنت سورین سے مداخلت کی اپیل کی، مظاہرین سے ملنے کی خواہش ظاہر کی

Published

1 hour ago

August 17, 2026

Online Desk

نئی دہلی، لوک سبھا میں اپوزیشن لیڈر راہل گاندھی نے جھارکھنڈ میں طالب علموں کے احتجاج کے حوالے سے وزیر اعلٰی ہیمنت سورین کو خط لکھ کر مظاہرین سے ذاتی طور پر ملاقات کرنے اور ان کے مطالبات کا حل نکالنے کی اپیل کی ہے راہل گاندھی نے گزشتہ 14 اگست کو مسٹر سورین کو خط لکھا تھا۔ انہوں نے کہا کہ پرامن احتجاج آئین میں درج جمہوری حقوق کا اہم حصہ ہے اور کانگریس پارٹی طالب علموں کے اس حق کی مکمل حمایت کرتی ہے۔

انہوں نے کہا کہ جھارکھنڈ میں طالب علم ریاست میں منعقدہ بھرتی امتحانات میں مبینہ بے ضابطگیوں کے خلاف احتجاج کر رہے ہیں۔ انہوں نے احتجاج کو پرامن قرار دیتے ہوئے طالب علموں کے مطالبات کو جائز قرار دیا۔ خط میں انہوں نے وزیر اعلٰی کی طرف سے تشکیل دی گئی کمیٹی کے ذریعے طالب علموں کے ساتھ بات چیت شروع کیے جانے کی بھی تعریف کی۔

انہوں نے کہا کہ کئی مطالبات پر حکومت اور طالب علموں کے درمیان اتفاقِ رائے ہوا ہے لیکن اس کے باوجود تحریک جاری ہے اور کچھ طالب علم غیر معینہ مدت کے لیے بھوک ہڑتال پر بیٹھے ہیں۔

کانگریس رہنما نے وزیر اعلٰی سورین سے مظاہرین کے نمائندوں سے خود ملاقات کرنے کا مطالبہ کرتے ہوئے کہا کہ اس سے حکومت کے عزم کو تقویت ملے گی اور طالب علموں کے باقی خدشات کے ازالے کی راہ ہموار ہوگی۔ انہوں نے کہا کہ ہندوستان کا مستقبل ملک کے نوجوانوں سے وابستہ ہے اور بحران کی اس گھڑی میں ان کے ساتھ کھڑا ہونا ضروری ہے۔

یو این آئی ایف اے

دنیا

انڈونیشیا کے فلوریس میں ایک اور شدید زلزلے کے جھٹکے، دو روز قبل آنے والے آفٹر شاکس میں 53 افراد ہلاک

Published

1 hour ago

August 17, 2026

Online Desk

جکارتہ، انڈونیشیا کے فلوریس علاقے میں پیر کی صبح 5.9 شدت کے زلزلے کے جھٹکے محسوس کیے گئے۔

جرمن ریسرچ سینٹر فار جیو سائنسز (جی ایف زیڈ) کے مطابق، آج کے زلزلے کا مرکز ابتدائی طور پر 8.57 ڈگری جنوبی عرض البلد اور 121.55 ڈگری مشرقی طول البلد پر تھا، جو سطح زمین سے تقریباً 10 کلومیٹر کی گہرائی میں تھا۔ زلزلے سے جانی یا مالی نقصان کی فوری طور پر کوئی اطلاع نہیں ہے۔

دو دن پہلے ہفتے کے روز 7.7 شدت کا ایک طاقتور زلزلہ آیا تھا جس میں کم از کم 53 افراد ہلاک اور ہزاروں بے گھر ہو گئے تھے۔ طاقتور زلزلے نے فلوریس میں چھ ریجنسیوں کو متاثر کیا، لینڈ سلائیڈنگ، انفراسٹرکچر کو نقصان پہنچا اور مواصلات میں خلل پڑا۔

انڈونیشیا کی نیشنل ڈیزاسٹر مینجمنٹ ایجنسی کے مطابق گزشتہ زلزلے میں کم از کم 53 افراد ہلاک ہوئے اور ہلاکتوں میں اضافے کا خدشہ ہے۔ ریسکیو ٹیموں کو سب سے زیادہ متاثرہنگیکو ریجینسی تک پہنچنے میں مشکلات کا سامنا ہے۔ لینڈ سلائیڈنگ نے کئی علاقوں میں سڑکیں بند کر دی ہیں اور مواصلاتی رابطہ منقطع کر دیا ہے، جس سے بچاؤ اور امدادی کارروائیوں میں رکاوٹ پیدا ہو رہی ہے۔ 15 اگست کو فلورس میں 230 سے زیادہ جھٹکے ریکارڈ کیے گئے، جن میں سے سب سے زیادہ طاقتور جھٹکے 6.2 کی شدت کے تھے۔ ادھر فلورس سے ہزاروں کلومیٹر دور سماٹرا میں بھی 6.9 شدت کے زلزلے کے جھٹکے محسوس کیے گئے۔

انڈونیشیا نے سنیچر کے زلزلے کے بعد 14 دن کے ہنگامی ردعمل کا اعلان کیا ہے۔ تلاش اور بچاؤ کی کارروائیاں اتوار کو بھی جاری رہیں، حکام زندہ بچ جانے والوں کی تلاش اور نقصان کا اندازہ لگا رہے ہیں۔ میڈیا رپورٹس کے مطابق فلورس کے کچھ حصوں میں ایندھن اور ایل پی جی کی سپلائی بحال کر دی گئی ہے۔ تقریباً 6000 لوگ مختلف علاقوں میں پناہ لیے ہوئے ہیں، جن میں سیکا، مانگرائی، نگیکیو، بیما اور سیلیار شامل ہیں۔

ابتدائی اندازوں کے مطابق گزشتہ زلزلے میں کم از کم 914 مکانات، 93 تعلیمی ادارے، 36 صحت مراکز اور 38 سرکاری دفاتر کو نقصان پہنچا۔ حکام نے مزید زلزلے کے لیے چوکسی بڑھا دی ہے کیونکہ متاثرہ علاقوں میں راحت اور بچاؤ کا کام جاری ہے۔

یو این آئی۔ ع ا۔

دنیا

پوپ لیو کا مطالبہ: مغربی کنارے میں تشدّد بند کیا جائے

Published

1 hour ago

August 17, 2026

Online Desk

ویٹی کن سٹی، پوپ لیو چہاردہم نے مغربی کنارے میں فلسطینیوں کے خلاف جاری اسرائیلی ظلم و تشدد کے خاتمے کی اپیل کی ہے۔

ویٹیکن کے سرکاری نشریاتی ادارے ویٹیکن نیوز کی ویب سائٹ کے مطابق ویٹیکن سٹی کے سربراہ پوپ لیو چہاردہم نے اتوار کی دعا کے بعد کئے گئے خطاب میں مقبوضہ مغربی کنارے کے فلسطینیوں پر جاری اسرائیلی تشدّد پر بات کی اور بار بار ہونے والے پُرتشدد واقعات کے خاتمے کا مطالبہ کیا ہے۔

انہوں نے عالمی برادری سے بھی دو ریاستی حل اور پائیدار امن کے حصول کی جانب پیش رفت کے دوام کو یقینی بنانے کی اپیل کی ہے۔

واضح رہے کہ اقوامِ متحدہ نے 12 اگست کو جاری کردہ بیان میں مغربی کنارے میں فلسطینی اراضی پر قبضہ کرنے والے اسرائیلی آبادکاروں کے تشدد کے غیر معمولی سطح تک پہنچنے کی طرف توجہ مبذول کروائی تھی۔

اقوامِ متحدہ کے مطابق 2026ء کے آغاز سے اب تک تقریباً 260 فلسطینی آبادیوں کو نشانہ بنا کر کئے گئے 1,430 سے زائد حملے ریکارڈ کئے جا چکے ہیں۔ اقوامِ متحدہ نے یہ بھی کہا ہے کہ تباہی اور جبری بے دخلی کے نتیجے میں تقریباً 3,800 فلسطینی بے گھر ہو چکے ہیں جن میں تقریباً نصف تعداد بچوں کی ہے۔

یو این آئی۔ ع ا۔