کووڈ۔19وائرس میں مبتلاء مریض کی سرکاری اسپتال میں موت کے محض ایک روز بعد یہ سنسنی خیز انکشاف ہوا ہے کہ مریض کی موت مبینہ طور صورہ میڈیکل انسٹی چیوٹ کے ڈاکٹروں اور جے وی سی انتظامیہ کی لا پر واہی کی وجہ سے ہوئی۔کشمیر نیوز سروس نے اس معاملے پر تحقیقاتی رپورٹنگ کی،جس دوران یہ صاف ہوجاتا ہے کہ ایسے مریض کو جس’پروٹوکول‘ کے تحت علاج ومعالجہ ہونا چاہئے تھا،لیکن وہ ضوابط یا پروٹو کول جے وی سی کیساتھ ساتھ صورہ میڈیکل انسٹی چیوٹ صورہ نے نہیں اپنا یا۔
21مارچ کو مرحوم محمد اشرف صبح8بجکر35منٹ پر جے وی سی اسپتال کا طبی معائینہ کرانے کی غرض سے جاتے ہیں اور مریض کے رجسٹریشن کارڈ جوکہ جے وی سی کی جانب سے جاری کیا گیا ہے مریض نے اپنی دس روزہ ہسٹری مکمل طور پر ظاہر کی تھی۔ابتدائی مرحلے پر ایک جونیئر ڈاکٹر نے اُن کا طبی معائینہ کیا،جنہوں نے اپنے سینئر ریزیڈنٹ ڈاکٹر سے بات کی اور بعد اُنہیں میڈیکل چیک اپ کی صلاح دی گئی۔ دستاویزات میں پتہ چلتا ہے کہ مریض کے کیس پر امراض چھاتی کے ماہر طب کیساتھ تبادلہ خیال کیا جاتا ہے۔مریض کی طبی حالت کو دیکھتے ہوئے اُن کا فوری طور پر کووڈ۔19کا ٹیسٹ کرانے کا فیصلہ لیا جاتا ہے۔اور اُنہیں مزید بہتر علاج ومعالجہ کی خاطر صورہ میڈیکل انسٹی چیوٹ سرینگر منتقل کیا جاتا ہے۔جے وی سی کے ڈاکٹروں نے مریض کو ایمبولینس میں لیجانے کیلئے کہا تھا،تاہم مریض کے تیمادار جوکہ خود بھی ایک ڈاکٹر ہیں،نے مریض کو ذاتی گاڑی میں ہی اسپتال لیا۔جے وی سی انتظامیہ کی پہلی لاپر واہی یہ ہے کہ انہوں نے مریض کو ذاتی کار میں لیجانے کی اجازت دی اور اس کا تعاقب نہیں کیا۔ایک اعلیٰ صحت افسر نے کے این ایس کو بتایا کہ اس او پی کے تحت ایسے مریضوں سے متعلق جانکاری فوری طور پر کارڈی نیٹر افسر،جسے اسپتال نے منتخب کیا ہوتا ہے، کو دینی ہوتی ہے،تاکہ وہ انتظامیہ اور پولیس کو الرٹ رہنے کے بارے میں اطلاع دیتے۔
یہ ایم ایس جے وی سی کی سب بڑی لاپر واہی قرار دی جارہی ہے۔مذکورہ افسر کا کہنا تھا کہ مریض کو ایسی صورت میں نہیں جانے دیا جانا چاہئے بلکہ خود علاج شروع کرنے کیساتھ ساتھ اُنہیں اعلیٰ طبی ماہرین سے مشورہ بھی کر لینا چاہئے۔بہر حال 21مارچ کے روز ہی مریض دوپہر 11بجکر59منٹ پر صورہ میڈیکل انسٹی چیوٹ پہنچا تا ہے،جہاں اس کا کووڈ۔19کے مشتبہ مریضوں کیلئے خصوصی کووڈ کلنک (شعبہ ایمر جنسی) قائم کیا گیا،میں اپنا طبی معائینہ کراتا ہے۔مریض کے رپورٹ کارڈ سے یہ سب کچھ ظاہر ہوتا ہے کہ وہ اپنی ساری ٹرول ہسٹری (سفری تفصیلات) اندو مان نیکو بار سے سرینگر تک ظاہر کر تا ہے۔مریض نے یہ بتایا کہ سرینگر ائر پورٹ پر اُس کی اسکریننگ بھی ہوئی،یہ سرینگر ائر پورٹ پر اسکر یننگ پر بڑ ا سوالیہ ہے،جو حکومت کی جانب سے سرینگر ائر پورٹ پر مشکوک کووڈ۔19مریضوں کیلئے قائم کی گئی تھی۔مریض کے صورہ میڈیکل انسٹی چیوٹ کے رپورٹ کارڈ سے یہ بھی معلوم ہوا ہے کہ مریض نے کسی پازیٹیو کوڈ مریض کو چھو ا ہے اور یہ نہ ہی اس نے اپنے ساتھی سفر کرنے والو ں کو چھوا،جن میں بخار اور کھانسی کی علامت تھی۔ مریض کو یہ صلاح دی گئی تھی کہ وہ گھر پر قرنطینہ میں رہیں اور اپنی صفائی کا خاص خیال رکھنے کیساتھ ساتھ سماجی اجتماع میں شرکت کرنے سے گریز کریں۔مریض کے رپورٹ کارڈ میں یہ بھی تحریر ہے کہ مریض کو مزید طبی معائینہ کیلئے ڈاکٹر اعجاز کول سے رابطہ کرنے کا مشورہ دیا جاتا ہے۔ایک سینئر ڈاکٹر نے کے این ایس کو بتا یا کہ کنسلٹنٹ نے مریض کو بتایا تھا کہ وہ کووڈ۔19مریض نہیں ہیں اور اگر وہ پھر بھی داخلے کیلئے اسرار کرتا ہے،تو اُسے جنرل میڈی سن وارڈمیں داخل کیا جائے یا وہ گھر میں قرنطینہ میں رہے۔سکمز کی لاپر واہی:کووڈ۔19کی علامات ہونے کے باوجود بھی مریض کو گھر جانے کی اجازت دی گئی۔
پروٹوکول یا ضوابط کے تحت ایسے مریض کو فوری طور پر اسپتال کے آئسولیشن وارڈ میں داخل کرنا تھا اور انتظامیہ کو الرٹ کر دینا تھا۔ایک اعلیٰ افسر نے بتایا کہ ہم اس کیس کی تمام کوتائیوں اور لاپر واہی کی سنجیدگی سے تحقیقات کررہے ہیں اور جس نے بھی غفلت شعاری برتی ہوگی،اُسے نہیں بخشا جائیگا،چاہئے وہ کتنا ہی بڑا کیوں نہ ہو۔مریض اسی روز شام کو چھاتی میں درد محسوس کرنے کے بعد دوبارہ جے وی سی کا دورہ کرتا ہے۔ڈاکٹروں نے اُسے اسپتال میں داخلہ ہونے کا مشورہ دیا کہ لیکن مریض کسی طرح دوبارہ اسپتال سے چلا جاتا ہے۔جے وی سی ایک سینئر ڈاکٹر نے بتایا کہ لیزان افسر سے رابطہ کرنا چاہئے تھا اور پولیس کی مدد حاصل کرنے چاہئے،لیکن ایسا نہیں ہوا۔اگلے روز مریض اپنے ڈاکٹر تیمادار کے ہمراہ سی ڈی اسپتال ڈلگیٹ میں طبی معائینہ کرانا کی غرض سے پہنچتا ہے اور طبی معائینہ کر نے کے بعد ڈاکٹرمریض کو اسپتال میں داخل کراتے ہیں۔صوبائی کمشنر کشمیر،نے کل جے وی سی اسپتال سرینگر کی انتظامیہ کی مبینہ لاپر واہی کے حوالے سے تحقیقات احکامات کے صادر کئے۔معلوم ہوا ہے کہ مریض کا کووڈ۔19رپورٹ مثبت آنے کے بعد مریض کا پروٹو کول کے مطابق علاج ومعالجہ نہیں کیا گیا۔