مشہور مورخ اور مصنف یوول نوح ہراری نے کہا ہے کہ کورونا وبا کو سمجھنے کے لئے سائنس کی چند بنیادی چیزیں سمجھنے کی ضرورت ہے۔ انہوں نے کہا کہ کورونا وائرس کی آڑ میں نگرانی کا سسٹم بنایا جارہا ہے جس سے آپ کا دماغ اور جسم مطلق العنان قوتوں کے کنٹرول میں ہوگا جبکہ معلوم ہوسکے گا کہ آپ کے جسم میں کیا چل رہاہے۔

آپ کا بخار، اس کے بعد آپ کا بلڈ پریشر، آپ کے دل کی دھڑکن کا ریٹ،آپ کی دماغی سرگرمی، اس طرح آپ ایک ایسے مطلق العنان نظام حکومت کو پیدا کریں گے جو پہلے کبھی بھی نہیں تھا۔کے این ایس مانیٹر نگ ڈیسک کے مطابق یوول نوح ہراری ایک اسرائیلی مورخ اور یروشلم یونیورسٹی کے عبرانی یونیورسٹی میں شعبہ تاریخ میں پروفیسر ہیں۔ وہ مشہور سائنس بیسٹ سیلرز سیلینز کے مصنف ہیں۔میڈیا رپورٹس کے مطابق ان کا کہنا ہے کہ وائرس خود اتنا بڑا خطرہ نہیں ہے۔ انسان کے پاس اس وائرس پر قابو پانے کے لیے سائنسی علم اور فنی ذرائع بھی ہیں۔اصل مسئلہ ہمارے اندر کے عفریت، اندر کی نفرت، لالچ اور جہالت ہے۔پروفیسر ہراری نے ایک انٹرویو میں کہا ہے کہ میں سمجھتا ہوں کہ وائرس خود اتنا بڑا خطرہ نہیں ہے، انسان ذات کے پاس اس وائرس پر قابو پانے کے لیے سائنسی علم اور فنی ذرائع بھی ہیں۔

اصل مسئلہ ہمارے اندر کے عفریت، اندر کی نفرت، لالچ اور جہالت ہے۔مجھے یہ خوف ہے کہ لوگ اس بحران پر عالمی یکجہتی، مشترکہ ذمہ داری کے طور پر کوئی ردعمل نہیں دکھا رہے، بلکہ وہ نفرت سے دوسرے ممالک کو مورد الزام ٹھہرا رہے ہیں۔انہوں نے کہا کہ اگر وبا سے عوام دہشت زدہ ہوکر چاہتی ہے کہ مضبوط لیڈر آگے بڑھ کر ٹیک اوور کرے تو ایسا کرنا ایک ڈکٹیٹر کے لیے تو بہت آسان ہوگا۔لیکن دوسری جانب آپ کو پبلک کی پشت پناہی حاصل ہے تو سیاستدان بہت آگے جا کر خطرناک چیزیں ہونے سے روک سکتا ہے۔ آپ کو ماضی کا تجربہ ہے اگر آپ کو کچھ سالوں سے ان کے ساتھ ہونے کا تجربہ ہے تو ایسی ایمرجنسی میں ان پر اعتماد کرنے کا جوازہے۔میڈیا رپورٹس کے مطابق انہوں نے کہا کہ دوسرا یہ کہ آپ ان نظریوں کے متعلق سوالات کریں جو آپ کو لوگ بتا رہے ہوتے ہیں اگر کرونا وائرس کی پیدائش اور پھیلنے کے متعلق کوئی سازشی نظریہ کے ساتھ آتاہے تو اس شخص سے وضاحت پوچھیں کہ یہ بیماری کا سبب کیسے بنا؟ اگر اس شخص کو یہ پتہ نہیں ہے تو اس کا مطلب ہے کہ اس کے پاس بنیادی سائنسی معلومات ہی نہیں ہے اور اس لیے آپ کو اس شخص کی بات پر یقین کرنے کی ضرورت ہی نہیں ہے جو آپ کو کرونا وائرس کے متعلق بتا رہا ہے۔

آپ کو بیالوجی میں پی ایچ ڈی کی ضرورت نہیں آپ کو سائنس کی چند بنیادی چیزیں سمجھنے کی ضرورت ہے۔انہوں نے کہا کہ آپ جب بھی شہریوں کی نگرانی بڑھائیں گے تو ساتھ ساتھ وہ گورنمنٹ کی نگرانی ہوگی جو بڑھتی جائے گی۔اس بحران یا نازک صورتحال میں حکومتیں پانی کی طرح پیسے خرچ کر رہی ہیں امریکہ نے دو ٹرلین ڈالرز، جرمنی نے سینکڑوں بلین یورو خرچ کیے ہیں۔ایک شہری ہونے کے ناتے میں یہ جاننا چاہتا ہوں کہ ایسے فیصلے کون کر رہاہے اور یہ پیسہ کہاں جا رھاہے؟کیا یہ پیسا ان بڑی کارپوریشنز کو بیل آوٹ کرنے کے لیے استعمال کیا جا رہا ہے جو اس وبا سے پہلے اپنے غلط فیصلوں کی وجہ سے کسی مصیبت میں تھیں؟ اگر گورنمنٹ مزید نگرانی کی خواہش مند ہے تو یہ نگرانی دونوں طرف سے ہونی چاہیے اگر حکومت کہتی ہے کہ یہ بہت مشکل ہے، ہم سارے معاشی معاملات کھول نہیں سکتے، بتا نہیں سکتے تو آپ کہیں کہ’یہ اتنا محال نہیں ھے جس طرح آپ میرے روزانہ آنے جانے پر نظر رکھنے کے لیے نگرانی کا ایک نظام بنا سکتے ہیں، تو آسانی سے ایسا سسٹم بھی بنا سکتے ہیں جو بتا سکے کہ آپ میرے ٹیکس کے پیسوں سے کیا کر رہے ہیں۔

ہمیں اس کے لیے خبردار رہنا چاہیے کہ آپ کی نگرانی کی جائے گی کہ آپ باہر کی دنیا میں کیا کرتے ہیں کس سے ملتے ہیں؟ کہاں جاتے ہیں،؟ کون سی ویب سائٹ دیکھتے ہیں،؟ اور کون سا ٹی وی دیکھتے ہیں؟ یہ نگرانی کا سسٹم تو آپ کے جسم کے اندر تو نہیں جاتا۔لیکن انڈر دی اسکن سرویلینس کا مطلب ہے کہ آپ کی وہ نگرانی کی جائے کہ آپ کے جسم میں کیا چل رہا ہے۔آپ کا بخار، اس کے بعد آپ کا بلڈ پریشر، آپ کے دل کی دھڑکن کا ریٹ،آپ کی دماغی سرگرمی،ایک بار آپ نے ایسا کیاتو آپ زیادہ سے زیادہ لوگوں کے متعلق جانیں گے اور اس طرح آپ ایک ایسے مطلق العنان نظام حکومت کو پیدا کریں گے جو پہلے کبھی بھی نہیں تھا۔اگر آپ کو یہ پتہ ہو کہ میں کیا پڑھ رہا ہوں، ٹی وی پر کیا دیکھ رہا ہوں، تو وہ آپ کو میرے فنی ٹیسٹ، میرے سیاسی خیالات، میری شخصیت کے متعلق آئیڈیا دے گا۔انہوں نے کہا کہ اب آپ سوچیں کہ آپ میرے باڈی ٹمپریچر کو مانیٹر کر رہے ہیں یا میرے بلڈ پریشر کو، میرے دل کی دھڑکن کواور جیسے میں کوئی آرٹیکل پڑھتا ہوں یامیں کوئی آن لائن پروگرام دیکھتا ہوں، ٹی وی پر دیکھتا ہوں توآپ کو معلوم ہو جائے گا کہ میں اس لمحے کیا محسوس کر رہا ہوں۔

اور یہ ہی چیز ایک خوفناک مطلق العنان حکومتوں کے نظام یا قیام کی طرف لے جا سکتی ہے۔لیکن ہم ایسا ہونے سے روک بھی سکتے ہیں۔ انہوں نے کہا کہ کم سے کم انڈسٹری کے سیکٹر میں تو منظم یا آرگنائزڈ لیبر برباد ہو جائے گا لیکن یہ ناگریز یا لاعلاج نہیں ھے یہ سیاسی فیصلہ ھے۔ہم ملک میں اور پوری دنیا میں ورکرز کے حقوق کو تحفظ دینے کے لیے فیصلہ کرسکتے ہیں۔ایسی صورت حال میں حکومتیں انڈسٹریز اور کارپوریشنز کو بیل آوٹ کرتے معاشی مراعات دے رہی ہیں لیکن وہ اس کو ورکرز کے حقوق کے تحفظ سے مشروط بھی کر سکتی ہیں۔