عام لوگوں کے ساتھ ساتھ طلباء و مریض کو تکلیف دہ مشکلات کا سامنا،انتظامیہ سے مداخلت کی اپیل

سرینگر: ملک کے باقی ریاستوں کے ساتھ ساتھ وادی کشمیر میں لاک ڈاؤن میں نرمی کے باوجود غریب غربات لوگ مہنگا سفر نہ کرنے کے نتیجے میں گھروں میں ہی محصور ہیں جس کے نتیجے میں عام لوگوں کے ساتھ ساتھ طلباء،مریض اور مزدور پیشہ افراد سخت مشکلات کا سامنا کر رہے ہیں ۔ اس دوران جنوبی کشمیر کے متعدد علاقوں سے تعلق رکھنے والے لوگوں نے الزام لگایا کہ کچھ ڈارئیور انہیں دوگنا کرایہ حاصل کر کے گاڑی میں دس سے بھی زیادہ سواریاں اٹھاتے ہیں ۔

عوام نے سرکار سے مکمل طور ٹرایفک کی بحالی کا مطالبہ کیا ۔ کشمیر نیوز سروس ( کے این ایس ) کے مطابق وادی کشمیر میں سرکار اور انتظامیہ کی جانب سے جہاں ایک طرف عوام کو راحت پہنچانے کے لئے کئی ماہ سے جاری لاک ڈون میں نرمی کی ہے ،ویہی دوسری جانب بیشتر لوگ مجبور لوگ جن میں مریض،طلباء،اور غریب غربات لوگ دوگنا کرایہ ادا کرنے کی حالت میں نہیں ہیں ،جو لوگوں کو لاک ڈون میں نرمی کے باوجود گھروں سے باہر نکلنے میں کوئی مدد نہیں کررہا ہے ۔

کشمیر نیوز سروس کو وادی کے مختلف علاقوں جس میں خاص کر جنوبی کشمیر کے پلوامہ ،شوپیان،ترال،اننت ناگ،بجبہاڑہ ،اور سرینگر کے کئی علاقوں سے تعلق رکھنے والے لوگوں نے بتایا لاک ڈون میں نرمی کے باجود بیشتر علاقوں کے سڑکوں پر چلنے ولا ٹرانسپورٹ مسلسل غائب ہے ۔ انہوں نے بتایا نئے سرکاری ضوابط کے مطابق اگرچہ گاڑیوں میں صرف 5یا6سواریوں کو بٹھانا ہے تاہم اکثر مقامات پر اس قانون کو چند ڈارئیور حضرات نظر انداز کر کے پواری سوار اٹھانے کے ساتھ ساتھ دوگنا کرایہ وصول کر رہے ہیں جبکہ اس معاملے کو لے کر کئی مقامات پر مسافروں اور ڈارئیوروں کے درمیان ہاتھائی بھی دیکھنے کو ملی ۔

ایک علاقے سے روزانہ سفر کرنے والے شخص غلام محمد ریشی نے بتایا ہم کو اس بات کا احساس ہے کہ ٹرانسپوٹروں کو نقصان ہوا ہے ان کا درد ہمارے دل میں ہے لیکن اس کا مطلب یہ ہر گز نہیں ہے ،کہ وہ دوگنا کرایہ بھی لیں گے ڈبل سواری بھی اٹھائیں گے اورنصف منزل پر سواریوں کو چھوڑیں گے! ۔ فاطمہ نامی ایک مریض خاتون نے بتایا کہ میں ہر ماہ ڈاکٹر کے پاس جاتی تھی تاہم لاک ڈون کے بعد کبھی نہیں جا پائی ۔ انہوں نے بتایا پہلے فیس اور ادویات کی فکر ہوتی تھے لین اب دوگنا کرایہ ادا کرنا پڑ رہا ہے ۔ انکا کہنا تھا کہ ترال سے سرینگر 80روپیہ کرایہ تھا جوا س160روپیہ بنالیا گیا ہے جبکہ کسی بھی جگہ سٹینڈ کھلا نہیں ہے ۔

اسی طرح مزدور طبقے کا کہنا ہے انہیں امید تھی کہ لاک دون کھلے گا اور اس کے بعد وہ بھی کام کاج کے لئے نکلیں گے،تاہم لاک ڈون میں نرمی کے باوجود وہ ہنوز گھروں میں اس لئے بیٹھیں ہیں کیوں کہ اکثر علاقوں میں ٹرانسپوورٹ کی عدم دستیابی ہے جہاں 90فیصد گاڑی مالکان نے مارچ ماہ سے آج تک اپنی گاڑیاں باہر نہیں نکالی ہیں ۔ مزکورہ لوگوں کا کہنا تھا کہ دوسری جانب دوگنا کرایہ ان کے لئے گھر سے باہر نہ نکلنے کا باعث بن گیا ہے رمیض احمد نامی ایک نوجوان نے بتایا بندشوں میں نرمی کے بعد کئی مقامات پر کچھ اساتذہ نے رضاکارانہ طور کلاس لینے شروع کئے ہیں ،تاہم ان تک صرف وہ طلبا پہنچ سکتے ہیں جن کے گھروں میں اپنی گاڑیاں ہیں کیونکہ غریب گھرانوں سے تعلق رکھنے والے طلبا ء مہنگا سفر کرنے کی حالت میں نہیں ہے، ساری صورت حال کے نتیجے میں لاک ڈون میں نرمی کے باوجود عام لوگ خاص کر غریب لوگوں کی زندگی اجیرن بنی ہوئی ہے ۔

ادھر جنوبی کشمیر کے ضلع پلوامہ اونتی پوارہ اور ترال کے علاوہ سرینگر سے اننت ناگ جانے والے ڈارئیوروں پر لوگوں نے الزام عائد کیا ہے کہ وہ سواریاں بھی زیادہ اٹھا رہے ہیں اور دوگنا کرایہ بھی وصول کر تے ہیں جس پر عوامی حلقوں نے سخت ناراضگی کا اظہار کیا گیا ہے ۔ پولیس کے ایک افسر نے کے این ایس کو بتایا کہ اگر کوئی بھی ڈارئیور سرکاری حکم نامے کی خلاف ورزی کرے گا اس کے خلاف قانونی کارروائی کی جائے گی انہوں نے بتایا لوگوں کو چاہے کہ وہ اپنی شکایت اسی وقت نزدیکی پولیس اسٹیشن میں درج کرائیں ۔