کورونا وائرس سے اموات کا سلسلہ بدستور جاری ،مزید11اموات ،تعداد206ہوگئی

Published

6 years ago

July 15, 2020

وادی کشمیر میں ہلاکتوں کی تعداد188تک پہنچ گئی،جموں میں اموات18
خبراردو:-
سرینگر:جموں وکشمیر میں کورونا وائرس کی قہر انگیزی جاری رہنے کے بیچ وادی کشمیر میں مزید11افراد اسپتالوں میں علاج کے دوران زندگی کی جنگ ہار گئے ۔ ان ہلاکتوں کیساتھ ہی یہاں مرنے والے افراد کی تعداد بڑھ کر206ہوگئی ۔

وادی میں ہلاکتوں کی تعداد بڑھ کر188جبکہ جموں میں 18اموات ہوئیں ۔ کشمیر نیوز سروس کو اس ضمن میں ملی تفصیلات کے مطابق وادی کشمیر میں منگلوار اور بدھ کی درمیانی رات کو اسپتالوں میں زیر علاج 11افراد کی موت ہوگئی ۔ مرنے والوں میں سوپور کی60سالہ خاتون ،لڈورہ سے تعلق رکھنے والے85سالہ شہری ،ہتھ لنگو سوپور کے 60سالہ شہری ،لعل بازار سرینگر سے تعلق رکھنے والے55 سالہ شہری ،الہیٰ باغ سرینگر سے تعلق رکھنے والے 70سالہ شہری ،نیو کالونی پلوامہ کے77سالہ شہری اور کھریوان اننت ناگ سے تعلق رکھنے والے 65سالہ شہری شامل ہیں ۔

سرینگر کے مضافات میں واقع شیر کشمیر انسٹی چیوٹ آف میڈیکل سائنس ( سکمز) کے میڈیکل سپر انٹنڈنٹ پروفیسر فاروق جان نے بتایا کہ جاں بحق افراد میں 3کا تعلق بارہمولہ 2تعلق سرینگر اوریک تعلق پلوامہ سے ہے ۔ اموات کے حوالے سے ان کا کہناتھا کہ سوپور بارہمولہ 60سالہ شہری کو13جولائی کو اسپتال میں داخل کیا گیا اور وہ صبح4بجے انتقال کرگیا ،مذکورہ مریض نمو نیا اور دیگر امراض میں مبتلاء تھا ۔

85سالہ لڈورا سے تعلق رکھنے والے شہری کو جی ایم سی بارہمولہ سے یہاں منتقل کیا گیا تھا ۔ مذکورہ مریض نمونیا ،ہاءپر ٹینشن ،سی وی ڈی اور سی او پی ڈی امراض میں مبتلا تھا اور صبح 6بجکر30منٹ پر انتقال کرگیا ۔ انہوں نے کہا کہ مریض وینٹی لیٹر پر تھا ۔ ان کا کہناتھا کہ ہتھ لنگنو سوپور کا شہری صبح7بجے انتقال کرگیا ۔ پروفیسر جان نے مزید کہا کہ لعل بازار کا شہری52سالہ شہری 13جولائی کو اسپتال میں داخل ہواتھا اور رات 2انتقال کرگیا ۔ انہو ں نے کہا کہ الہیٰ باغ سرینگر کا 70سالہ شہری رات12بجے انتقال کر گیا ۔ مریض کو5جولائی کو اسپتال میں داخل کیا گیا تھا کہ اور وہ مختلف امراض میں مبتلاء تھا ۔ پروفیسر جان کے مطابق 77سالہ شہری نیو کا لونی پلوامہ رات ساڑھے12بجے انتقال کر گیا ۔ ان کا کہناتھا کہ مریض11جولائی کو اسپتال میں داخل ہوا تھا ۔

ادھر 65سالہ شہری جی ایم سی اننت ناگ میں انتقال کر گیا ۔ ایم ایس ڈاکٹر ماجد مہراب نے بتایا کہ مریض 4جولائی کو اسپتال داخل ہوا تھا اور گزشتہ رات انتقال کرگیا ۔ بعد ازاں مزید2افراد کے ہلاک ہونے کی اطلاعات ملیں ۔ سکمز کے نوڈل آفیسر ڈاکٹر جی ایچ ایتو نے بتا ا کہ سعدہ کدل سرینگر کا 60سالہ شہری سکمز میں صبح8بجکر30منٹ انتقال کرگیا ۔ انہوں نے کہا کہ 14جولائی کو مریض کو اسپتال میں داخل کیا گیا تھا ۔

انہوں نے کہا کہ مریض کو کورونا ٹیسٹ کیا گیا جسکی رپورٹ مثبت آئی ۔ اس دوران راٹھسنہ بڈگام سے تعلق رکھنے والا 70سالہ شہری کی کووڈ ۔ 19سے موت ہوئی ۔ اس کی تصدیق ڈی سی بڈگام شہباز احمد مرزا نے کی ۔ اس طرح جموں وکشمیر میں مرنے والوں کی تعداد بڑھ کر 204ہوگئی جن میں 186کا تعلق وادی کشمیر سے ہے جبکہ18کووڈ ۔ 19اموات جموں میں ہوئیں ۔ اس دوران مزید2مریض دم توڑ بیٹھے ۔ سرینگر میں 50،بارہمولہ41، کولگام میں 22،شوپیان میں 17،اننت ناگ میں 16،بڈگام میں 15،جموں میں 11، کپوارہ میں 11،پلوامہ میں 7، گاندر بل4،بانڈی پورہ میں 3،ڈوڈہ میں 2،پونچھ ،ادھمپور ،راجوری اور کٹھوعہ میں ایک ایک موت ہوئی ۔

ہندوستان

پوروانچل ایکسپریس وے پر روڈویز بس ستون سے ٹکرائی، ڈرائیور سمیت دو ہلاک، 26 زخمی

Published

2 minutes ago

August 28, 2026

Online Desk

اعظم گڑھ، اترپردیش کے اعظم گڑھ ضلع میں پوروانچل ایکسپریس وے پر جمعرات کی دیر رات تیز رفتار روڈویز بس کے ستون سے ٹکرانے کے سبب بس ڈرائیور سمیت دو افراد کی موت ہو گئی، جبکہ کئی مسافر زخمی ہو گئے۔

اطلاع ملتے ہی پولیس اور ایکسپریس وے کی ایمبولینس ٹیم موقع پر پہنچی اور راحت و بچاؤ کا کام شروع کیا۔

زخمیوں کو فوری طور پر ضلع اسپتال سمیت آس پاس کے اسپتالوں میں داخل کرایا گیا۔ کچھ زخمیوں کی حالت نازک بتائی جا رہی ہے۔

پولیس کے مطابق، بیلتھرا روڈ ڈپو کی روڈویز بس لکھنؤ سے بلیا جا رہی تھی۔ دیر رات پوی تھانہ علاقے میں پوروانچل ایکسپریس وے کے اسٹون نمبر 191 کے قریب بس کے آگے چل رہا پک اپ اچانک بے قابو ہو گیا۔

پک اپ کو بچانے کی کوشش میں بس کا توازن بگڑ گیا اور وہ ایکسپریس وے کے کنارے بنے گورکھپور لنک ایکسپریس وے کے ستون سے ٹکراگئی۔ حادثے میں بس ڈرائیور رجنی کانت (35)، ساکن مدھوبن، مئو اور ایک خاتون مسافر کی موقع پر ہی موت ہو گئی۔ حادثے کے بعد بس میں پھنسے مسافروں کو پولیس اور راحت رساں کارکنوں نے باہر نکالا۔ زخمیوں کو مختلف اسپتالوں میں داخل کرایا گیا۔

حادثے میں زخمی مسافروں میں انجو برنوال (54)، ہرش برنوال (25)، سَویکا (18)، سنیتا (22)، نِتھانجلی یادو (16)، رمبھَا (38)، آنند (19)، شبھم شیکر (12)، روچی (3)، رودل (45)، پرنس یادو، گنسن (23)، انوشکا (18)، سشیل (41)، شویتا (22)، کوشل کشور دوبے (62)، بھگوتی (38)، انکیتا (20)، سِرشٹی (21)، گولو (15)، سنجو (17)، پرینکا شریواستو (36)، سواتی شریواستو (14)، برجیش چوہان (20)، نشا یادو (30)، ارملا (30)، نِتیاوتی دوبے (45)، ستیش موریہ (21)، اکھلیش تیواری (28)، پرتیما پرجاپتی (18)، شریا یادو (19)، پون کمار شریواستو (50)، شوانی (21) اور کملیش (45) شامل ہیں۔

تمام زخمیوں کو اسپتال میں داخل کرایا گیا ہے۔ ضلع مجسٹریٹ رویندر کمار سمیت ضلع کے کئی افسران اسپتال پہنچے اور زخمیوں کے علاج اور راحت رسانی کے کام میں کسی بھی طرح کی لاپروائی نہ برتنے کی ہدایت دی۔ پولیس نے حادثے کا شکار بس کو ایکسپریس وے سے ہٹانے کی کارروائی شروع کر دی ہے۔ ابتدائی تفتیش میں حادثے کی وجہ پک اپ کے اچانک بے قابو ہونے اور اسے بچانے کی کوشش میں بس کا توازن بگڑنا بتایا جا رہا ہے۔

یو این آئی۔ این یو۔

جموں و کشمیر

اننت ناگ میں دھوکہ دہی اور فراڈ کے الزام میں بی جے پی لیڈر کے خلاف مقدمہ درج

Published

2 hours ago

August 28, 2026

Online Desk

سری نگر، بی جے پی کے اننت ناگ ضلع جنرل سکریٹری عابد ننگرو کے خلاف جموں و کشمیر پولیس نے سرکاری ملازمت دلانے اور امرناتھ یاترا کے دوران پہلگام میں خیمے لگانے کی اجازت دلانے کے نام پر مبینہ طور پر دھوکہ دہی اور فراڈ کرنے کے الزام میں مقدمہ درج کیا ہے۔

پولیس اسٹیشن اننت ناگ میں دھوکہ دہی اور فراڈ کی شکایت پر تحریری شکایت موصول ہونے کے بعد مقدمہ درج کیا گیا۔

پولیس نے بتایا کہ اسے وحید احمد ایتو، عیشمقام، جو فی الحال جی ڈی سی بوائز ہاسٹل، خانہ بل میں مقیم ہیں، کی جانب سے تحریری شکایت موصول ہوئی، جس میں الزام لگایا گیا کہ کرندی گام، بیج بہارا کے عابد ننگرو نے ان کے ساتھ دھوکہ کیا۔

پولیس کے مطابق شکایت میں کہا گیا ہے کہ ملزم نے شکایت کنندہ کو یہ یقین دلا کر اپنے جال میں پھنسایا کہ وہ محکمہ پولیس میں ایس پی او (اسپیشل پولیس آفیسر) کی حیثیت سے اسے سرکاری ملازمت دلوا سکتا ہے اور اپنے سیاسی اثر و رسوخ کی مدد سے شری امرناتھ جی یاتریوں کے لیے پہلگام میں خیمے لگانے کی اجازت بھی دلوا سکتا ہے۔

شکایت کنندہ نے مزید الزام لگایا کہ ان یقین دہانیوں اور دعووں کی بنیاد پر اس سے مجموعی طور پر 8,25,000 روپے لے لیے گئے۔

شکایت کا نوٹس لیتے ہوئے پولیس اسٹیشن اننت ناگ میں بی این ایس کی دفعات 318(4) اور 351(3) کے تحت ایف آئی آر درج کی گئی ہے اور تحقیقات شروع کردی گئی ہیں۔

اننت ناگ پولیس نے ایک بار پھر کہا ہے کہ دھوکہ دہی، فراڈ یا سرکاری ملازمت یا دیگر سرکاری فوائد دلانے کے جھوٹے وعدوں کے ذریعے لوگوں کا استحصال کرنے میں ملوث پائے جانے والے افراد کے خلاف سخت قانونی کارروائی کی جائے گی۔

یو این آئی، ایم جے

ہندوستان

وزیر اعظم مودی نے رکشا بندھن پر عوام کو مبارکباد دی

Published

3 hours ago

August 28, 2026

Online Desk

نئی دہلی، وزیر اعظم نریندر مودی نے جمعہ کو رکشا بندھن کے موقع پر عوام کو دلی مبارکباد پیش کی اور دعا کی کہ یہ ۔تہوار تمام شہریوں کی زندگیوں میں خوشی، خوشحالی اور کامیابی لائے۔

وزیر اعظم نے سوشل میڈیا پلیٹ فارم ایکس پر ایک پوسٹ میں اپنی نیک خواہشات کا اظہار کرتے ہوئے رکشا بندھن کو محبت اور مضبوط انسانی رشتوں کی علامت قرار دیا۔

مسٹر مودی نے کہا، ’’رکشا بندھن پر دلی مبارکباد۔ یہ تہوار آپ سب کی زندگیوں میں خوشی، خوشحالی اور کامیابی لائے۔‘‘

وزیر اعظم نے یہ امید بھی ظاہر کی کہ لوگوں کے درمیان محبت، اپنائیت اور باہمی اعتماد کے رشتے مضبوط اور پائیدار رہیں گے۔

انہوں نے کہا، ’’محبت، اپنائیت اور باہمی اعتماد کا دھاگا ہمیشہ اٹوٹ رہے، یہی میری دلی خواہش ہے۔‘‘

رکشا بندھن، جسے عام طور پر راکھی کے نام سے جانا جاتا ہے، پورے ہندستان میں محبت، خیال اور تحفظ کے رشتے کی عکاسی کرنے والے تہوار کے طور پر منایا جاتا ہے، خاص طور پر بھائی بہن کے درمیان۔

بہنیں روایتی طور پر اپنے بھائیوں کی کلائی پر راکھی کے نام سے معروف مقدس دھاگا باندھتی ہیں، جبکہ بھائی اپنی بہنوں کی مدد اور حفاظت کے عزم کی تجدید کرتے ہیں۔

یہ تہوار خاندانوں اور برادریوں کو بھی ایک دوسرے کے قریب لاتا ہے، جہاں لوگ تحائف، مٹھائیاں اور مبارکباد کا تبادلہ کرتے ہوئے محبت، اعتماد، اتحاد اور باہمی احترام کی پائیدار اقدار کا جشن مناتے ہیں۔

یو این آئی، ایم جے