کوویڈ۔19کی تباہ کاریاں جاری: سی آر پی ایف اہلکار سمیت11افراد جاں بحق

Published

6 years ago

July 30, 2020

جموں وکشمیر میں ہلاکتوں کی تعداد بڑھ کر360تک جا پہنچی
خبراردو:-

سرینگر:وادی کشمیر میں کورونا وائر س کی قہر ساما نیاں جاری رہنے کے بیچ جمعرات کو سی آر پی ایف اہلکار سمیت11افراد کی موت ہوگئی،جسکے ساتھ ہی جموں وکشمیر میں ہلاکتوں کی تعداد بڑھ کر360ہوگئی۔

کشمیر نیوز سروس کو ذرائع سے معلوم ہوا ہے کہ29اور30شب سے سہ پہر3بجے تک 53سالہ خاتون اور سی پی ایف اہلکارسمیت11افراد کی موت ہوئی۔ذرائع سے معلوم ہوا ہے کہ سی ڈی اسپتال میں 4اموات ہوئیں،صورہ میڈیکل انسٹی چیوٹ میں 55سالہ سی آر پی ایف اہلکار سمیت 4اموات ہوئیں،گور نمنٹ مڈیکل کالج بارہمولہ میں دو اموات ہوئیں اور ضلع اسپتال پلوامہ میں شوپیان ضلعے سے تعلق رکھنے والے 80سالہ بزرگ شہری کی موت ہوئی۔

ذرائع کا کہناتھا کہ اشاجی پورہ اننت ناگ سے تعلق رکھنے والی53سالہ خاتون کی موت اسپتال میں داخل کئے جانے کے ایک روز بعد ہوئی۔صورہ میڈیکل انسٹی چیوٹ میں مزید جو تین اموات ہوئیں۔ان میں شیو پورہ سرینگر سے تعلق رکھنے والی 75سالہ خاتون،بٹہ مالو سرینگر سے تعلق رکھنے والا72سالہ شہری اور198بٹالین سی آر پی ایف سے وابستہ اہلکار شامل ہے۔

کووڈ۔19مریضوں کیلئے مخصوص اور خصوصی سی ڈی اسپتال میں ہوئیں اموات کے حوالے سے ملی تفصیلات کے مطابق اسدپتال میں زیر علاج بٹہ مالو سرینگر کی50سالہ،کیگام شوپیان سے تعلق رکھنے والا70سالہ شہری،ہمہامہ بڈگام کا شہری اور نسیم باغ سرینگر کا65سالہ شہری کی موت ہوئی۔ذرائع نے بتایا کہ کیگام شوپیان کی خاتون نمونیا اور دیگر امراض میں مبتلاء تھی اور اُسے وینٹی لیٹر پر رکھا گیا تھا۔

ان کا کہناتھا رات2بجے اُسے اچانک دل کا دورہ پڑا،اگرچہ سی پی آر فوری طور پر کیا گیا،تاہم وہ زندگی کی جنگ ہار گئیں۔بٹہ مالو کے مریضوں کے بارے میں اُن کا کہناتھا کہ دونوں مریض نمو نیا اور کووڈ۔19کے انفیکشن سے متاثر تھے۔ان کا کہناتھاکہ دونوں مختلف امراض میں بھی مبتلاء تھے۔انہوں نے کہا کہ ان دو مریض میں سے خاتون کو صبح7بجے دل کا دورہ پڑا اور45منٹ بعد اُسے جمعرات کی صبح مردہ قرار دیا گیا۔

بڈگام مریض کے بارے میں ذرائع کا کہنا ہے کہ مریض کو مختلف امراض کی شکایت تھی،اُسے میکنیکل وینٹی لیٹر پر رکھا گیا تھا اُسے رات1بجکر20منٹ پر دل کا دورہ پڑا اور15منٹ بعد اُسے بھی مردہ قرار دیا گیا۔نسیم باغ سرینگر کے مریض کے بارے میں ذرائع نے بتایا کہ وہ بھی وینٹی لیٹر تھا،اُسے بھی دل کا دورہ پڑا اور جانبر نہ ہوسکا۔

دلنہ بارہمولہ کی70سالہ خاتون اور کیریری بارہمولہ کے75سالہ کے بارے میں ذرائع کا کہنا ہے کہ دونوں کی موت29جولائی کو جی ایم سی بارہمولہ میں ہوئی۔دلنہ بارہمولہ کی خاتون تین روز تک اسپتال میں زیر علاج تھی جبکہ کیری کے مریض کو27جولائی کو اسپتال میں داخل کیا گیا تھا۔

ادھر مڈ ورہ شوپیان کے بزرگ شہری کی پلوامہ ضلع اسپتال میں موت ہوئی۔مریض چھاتی کے امراض میں مبتلاء تھا۔اب تک جموں وکشمیر میں 360کورونا ہلاکتیں ہوئیں۔وادی میں سب سے زیادہ235ہلاکتیں ہوئیں جبکہ جموں میں 25اموات ہوئیں۔

دنیا

نیپال میں سیلاب سے تقریباً 470 افراد ہلاک، امدادی کارروائیاں جاری

Published

1 hour ago

August 28, 2026

Online Desk

کٹھمنڈو، نیپال کے دارالحکومت کھٹمنڈو کے حکام کے مطابق گلیشیئر کا ایک بڑا حصہ ٹوٹنے کے بعد مٹی اور چٹانوں کا ایک وسیع تودہ ہمالیائی دریا میں جا گرا، جس کے نتیجے میں آنے والے تباہ کن سیلاب سے نیپال اور چین کے تبت کے علاقے میں کم از کم 469 افراد ہلاک اور کم از کم 1,500 افراد لاپتہ ہیں۔

تباہ کن بھوٹی کوشی سیلاب نے نیپال اور تبت کے پہاڑی سرحدی علاقے کو اپنی زد میں لے لیا، جبکہ نیپال کے ضلع راسووا میں سب سے زیادہ تباہی ہوئی، جو چینی سرحد کے عین جنوب میں واقع ہے۔

ٹیلی ویژن پر نشر ہونے والی تصاویر میں تباہ شدہ مکانات، پانی میں بہتی گاڑیاں اور سیلابی ریلے میں بہہ جانے والا ایک دھاتی پل دکھائی دیا، جبکہ عینی شاہدین نے بتایا کہ سیلابی پانی نے پورے کے پورے دیہات کو اپنی زد میں لے لیا۔ امدادی اور تلاش کرنے والی ٹیمیں متاثرہ علاقے میں پانی میں چلتے ہوئے متاثرین اور لاپتہ افراد کو تلاش کر رہی ہیں، تاہم کارروائیوں میں شدید مشکلات پیش آ رہی ہیں کیونکہ سیلاب کے باعث متعدد سڑکیں اور پل بھی تباہ ہو گئے ہیں۔

حکام نے ابتدائی طور پر خیال ظاہر کیا تھا کہ بدھ کی صبح آنے والے سیلاب کی وجہ 4.4 شدت کا زلزلہ ہو سکتا ہے۔ تاہم متعدد ماہرین اور امریکی جیولوجیکل سروے (یو ایس جی ایس) نے تصدیق کی کہ ”زلزلاتی سرگرمی” دراصل گلیشیئر کے ٹوٹنے اور ملبے کے بہاؤ کا نتیجہ تھی، جس کے بعد دریا کے نچلے علاقوں میں تباہ کن اثرات مرتب ہوئے، نہ کہ زلزلے کی وجہ سے سیلاب آیا۔

گلیشیئر کا انہدام اس وقت ہوتا ہے جب برفانی تودے کا ایک بڑا حصہ اپنے بستر سے الگ ہو جاتا ہے۔ اس میں بعض اوقات لاکھوں مکعب میٹر برف، چٹانیں اور پانی شامل ہوتے ہیں، جو انتہائی تیزی سے حرکت کرنے والے برفانی تودے یا ملبے کے بہاؤ میں تبدیل ہو سکتے ہیں۔ گلیشیئر کا انہدام گلیشیئر سائنس میں باقاعدہ طور پر متعین سائنسی اصطلاح نہیں، تاہم ایسے واقعات کو بیان کرنے کے لیے یہ اصطلاح عام طور پر استعمال ہوتی ہے۔

نیپال کی نیشنل ڈیزاسٹر رسک ریڈکشن اینڈ مینجمنٹ اتھارٹی کے مطابق ”گلیشیئر سے آنے والا سیلاب” لہینڈے کھولا دریا میں نیپالی جانب برف اور چٹانوں کے تودے گرنے کے باعث آیا۔ اتھارٹی کے ماہر ارضیات پرکاش پوکھرل نے بتایا کہ ابتدائی سیلابی ریلا لہینڈے کھولا میں داخل ہوا، جو آگے بھوٹی کوشی اور پھر تریشولی دریاؤں میں شامل ہوتا ہے۔ اس کے نتیجے میں سیلابی پانی جنوب کی جانب نیپال میں پھیل گیا۔ اطلاعات کے مطابق صرف 30 منٹ میں تریشولی دریا کی سطح میں تقریباً 9 میٹر (27 فٹ) تک اضافہ ہوا۔

جاری۔ یو این آئیْ۔ ع ا۔

ہندوستان

پوروانچل ایکسپریس وے پر روڈویز بس ستون سے ٹکرائی، ڈرائیور سمیت دو ہلاک، 26 زخمی

Published

2 hours ago

August 28, 2026

Online Desk

اعظم گڑھ، اترپردیش کے اعظم گڑھ ضلع میں پوروانچل ایکسپریس وے پر جمعرات کی دیر رات تیز رفتار روڈویز بس کے ستون سے ٹکرانے کے سبب بس ڈرائیور سمیت دو افراد کی موت ہو گئی، جبکہ کئی مسافر زخمی ہو گئے۔

اطلاع ملتے ہی پولیس اور ایکسپریس وے کی ایمبولینس ٹیم موقع پر پہنچی اور راحت و بچاؤ کا کام شروع کیا۔

زخمیوں کو فوری طور پر ضلع اسپتال سمیت آس پاس کے اسپتالوں میں داخل کرایا گیا۔ کچھ زخمیوں کی حالت نازک بتائی جا رہی ہے۔

پولیس کے مطابق، بیلتھرا روڈ ڈپو کی روڈویز بس لکھنؤ سے بلیا جا رہی تھی۔ دیر رات پوی تھانہ علاقے میں پوروانچل ایکسپریس وے کے اسٹون نمبر 191 کے قریب بس کے آگے چل رہا پک اپ اچانک بے قابو ہو گیا۔

پک اپ کو بچانے کی کوشش میں بس کا توازن بگڑ گیا اور وہ ایکسپریس وے کے کنارے بنے گورکھپور لنک ایکسپریس وے کے ستون سے ٹکراگئی۔ حادثے میں بس ڈرائیور رجنی کانت (35)، ساکن مدھوبن، مئو اور ایک خاتون مسافر کی موقع پر ہی موت ہو گئی۔ حادثے کے بعد بس میں پھنسے مسافروں کو پولیس اور راحت رساں کارکنوں نے باہر نکالا۔ زخمیوں کو مختلف اسپتالوں میں داخل کرایا گیا۔

حادثے میں زخمی مسافروں میں انجو برنوال (54)، ہرش برنوال (25)، سَویکا (18)، سنیتا (22)، نِتھانجلی یادو (16)، رمبھَا (38)، آنند (19)، شبھم شیکر (12)، روچی (3)، رودل (45)، پرنس یادو، گنسن (23)، انوشکا (18)، سشیل (41)، شویتا (22)، کوشل کشور دوبے (62)، بھگوتی (38)، انکیتا (20)، سِرشٹی (21)، گولو (15)، سنجو (17)، پرینکا شریواستو (36)، سواتی شریواستو (14)، برجیش چوہان (20)، نشا یادو (30)، ارملا (30)، نِتیاوتی دوبے (45)، ستیش موریہ (21)، اکھلیش تیواری (28)، پرتیما پرجاپتی (18)، شریا یادو (19)، پون کمار شریواستو (50)، شوانی (21) اور کملیش (45) شامل ہیں۔

تمام زخمیوں کو اسپتال میں داخل کرایا گیا ہے۔ ضلع مجسٹریٹ رویندر کمار سمیت ضلع کے کئی افسران اسپتال پہنچے اور زخمیوں کے علاج اور راحت رسانی کے کام میں کسی بھی طرح کی لاپروائی نہ برتنے کی ہدایت دی۔ پولیس نے حادثے کا شکار بس کو ایکسپریس وے سے ہٹانے کی کارروائی شروع کر دی ہے۔ ابتدائی تفتیش میں حادثے کی وجہ پک اپ کے اچانک بے قابو ہونے اور اسے بچانے کی کوشش میں بس کا توازن بگڑنا بتایا جا رہا ہے۔

یو این آئی۔ این یو۔

جموں و کشمیر

اننت ناگ میں دھوکہ دہی اور فراڈ کے الزام میں بی جے پی لیڈر کے خلاف مقدمہ درج

Published

4 hours ago

August 28, 2026

Online Desk

سری نگر، بی جے پی کے اننت ناگ ضلع جنرل سکریٹری عابد ننگرو کے خلاف جموں و کشمیر پولیس نے سرکاری ملازمت دلانے اور امرناتھ یاترا کے دوران پہلگام میں خیمے لگانے کی اجازت دلانے کے نام پر مبینہ طور پر دھوکہ دہی اور فراڈ کرنے کے الزام میں مقدمہ درج کیا ہے۔

پولیس اسٹیشن اننت ناگ میں دھوکہ دہی اور فراڈ کی شکایت پر تحریری شکایت موصول ہونے کے بعد مقدمہ درج کیا گیا۔

پولیس نے بتایا کہ اسے وحید احمد ایتو، عیشمقام، جو فی الحال جی ڈی سی بوائز ہاسٹل، خانہ بل میں مقیم ہیں، کی جانب سے تحریری شکایت موصول ہوئی، جس میں الزام لگایا گیا کہ کرندی گام، بیج بہارا کے عابد ننگرو نے ان کے ساتھ دھوکہ کیا۔

پولیس کے مطابق شکایت میں کہا گیا ہے کہ ملزم نے شکایت کنندہ کو یہ یقین دلا کر اپنے جال میں پھنسایا کہ وہ محکمہ پولیس میں ایس پی او (اسپیشل پولیس آفیسر) کی حیثیت سے اسے سرکاری ملازمت دلوا سکتا ہے اور اپنے سیاسی اثر و رسوخ کی مدد سے شری امرناتھ جی یاتریوں کے لیے پہلگام میں خیمے لگانے کی اجازت بھی دلوا سکتا ہے۔

شکایت کنندہ نے مزید الزام لگایا کہ ان یقین دہانیوں اور دعووں کی بنیاد پر اس سے مجموعی طور پر 8,25,000 روپے لے لیے گئے۔

شکایت کا نوٹس لیتے ہوئے پولیس اسٹیشن اننت ناگ میں بی این ایس کی دفعات 318(4) اور 351(3) کے تحت ایف آئی آر درج کی گئی ہے اور تحقیقات شروع کردی گئی ہیں۔

اننت ناگ پولیس نے ایک بار پھر کہا ہے کہ دھوکہ دہی، فراڈ یا سرکاری ملازمت یا دیگر سرکاری فوائد دلانے کے جھوٹے وعدوں کے ذریعے لوگوں کا استحصال کرنے میں ملوث پائے جانے والے افراد کے خلاف سخت قانونی کارروائی کی جائے گی۔

یو این آئی، ایم جے