کوویڈ۔19: صدر اسپتال سرینگر میں زیر علاج مریض خدا کے رحم کر م پر

Published

6 years ago

September 3, 2020

’انجیکشن خود لگائیں،ادویات بازار سے خریدیں،اسپتال کی سپلائی غیر معیاری،ڈاکٹر وں کی تجویز‘
معاملہ میری نوٹس میں نہیں آیا،مریض مجھ سے رابطہ کریں، معاملے کا سنجیدہ اور سخت نوٹس لیا جائیگا:میڈ یکل سپر انٹنڈنٹ
خبراردو:-

سرینگر:عالمگیر وبا کورونا وائرس(کووڈ۔19) کی جاری قہر سامانیوں کے بیچ صدر اسپتال سرینگر (ایس ایم ایچ ایس)میں داخل کورونا سے متاثر مریضوں کو خد ا کے رحم کر م پر چھوڑ دیا گیا۔

مریضوں کا الزام ہے کہ اُنہیں ڈاکٹروں نے تجویز کی ہے کہ وہ انجیکشن خود لگائیں اور ضروری ادویات بازار سے خریدیں کیونکہ اسپتال کی سپلائی غیر معیاری ہے۔کشمیر نیوز سروس کے مطابق دنیا کیساتھ ساتھ عالمگیر وبا نے وادی کشمیر کو بھی اپنی لپیٹ میں لیا ہے۔

ایک طرف وادی کشمیر میں آئے روز مریضوں کی تعداد اور اموات میں مسلسل اضافہ ہورہا ہے اور دوسری طرف اسپتالوں میں زیر علاج مریضوں کو خدا کے رحم وکرم پر چھوڑ دیا گیا۔صدر اسپتال کے مختلف وارڈوں میں کورونا سے متاثر مریضوں اور اُنکے تیماداروں کا الزام ہے کہ صدر اسپتال سرینگر(ایس ایم ایچ ایس) کا نظام ِ صحت مکمل طور پر مفلوج ہو کر رہ گیا ہے۔

مریض نے بتایا کہ نہ تو اُنکا کووڈ۔19گائیڈ لائنز (ضوابط وقواعد) کے تحت علاج کیا جارہا ہے اور نہ ہی طبی سہو لیات فراہم کی جارہی ہیں۔ان کا کہناتھا کہ اسپتال میں داخل اور زیر علاج مریض بنیادی طبی سہولیات سے محروم ہیں جبکہ کووڈ۔ 19کیلئے علیحدہ سے فنڈس بھی واگزار کئے گئے ہیں،لیکن یہ فنڈس کن کاموں پر اور کہاں خرچ ہوتے ہیں؟کوئی نہیں جانتا۔

صدر اسپتال کے وارڈ نمبر9میں زیر علاج ایک30سالہ مریض نے ٹیلی فون پر بتایا کہ وہ نمو نیا کا شکار ہیں اور اُن کا کورونا ٹیسٹ بھی مثبت آیا تھا جبکہ اب وہ کورونا نگیٹیو ہیں۔ان کا مزید کہناتھا ’ہمیں اسپتال کی جانب سے این ایس انجیکشن دیا جاتا تھا لیکن ڈاکٹروں نے بتایا کہ آپ بازار سے یہ مخصوص دوا خریدیں جبکہ یہ ضروری انجیکشن ہے‘۔انہوں نے مزید کہا ’جب ڈاکٹروں سے پوچھا گیا کہ اُنہیں این ایس یعنی(Sodium Chloride injection) اسپتال سے ہی فراہم ہوتے ہیں،تو بازار سے کیوں خریدیں ہیں؟،تو ڈاکٹروں کا جواب یہ غیرمعیاری ہیں‘۔

ایک اور مریض نے بتایا کہ ہم نے ڈاکٹروں کی تجویز پر یہ انجیکشن بازار سے ہی خریدے،کیوں کہ جان ہے تو جہاں ہے۔اسی وارڈ میں ایک اور زیر علاج مریض نے فون کرکے بتایا ’جناب ہمیں خدا کے رحم وکرم پر چھوڑ دیا گیا ہے،خدا را ہمارا مسئلہ اُجا گر کریں،ہمیں اب انجیکشن بھی خود لگانے پڑتے ہیں‘۔

جب مریض سے پوچھا گیا کیوں؟،اسپتال میں طبی اور نیم طبی عملہ موجود نہیں ہے؟،تو مریض نے بتایا ’آپ یہاں خود آئیں اور خود صورتحال کا جائزہ لیں،یہاں نہ تو ڈاکٹر ہے اور نہ ہی کوئی نیم طبی عملے کا ملازم ہے،حتیٰ کہ کوئی نرس بھی وارڈ میں رات کے دوران ڈیوٹی پر نہیں ہے‘۔

مریض نے اپنی بات جاری رکھتے ہوئے کہا ’یہاں 30مریض زیر علاج ہیں،ستم ظریفی یہ ہے کہ بدھ کی دوپہر کو ہمیں بتایا گیا کہ جس جس مریض کو انجیکشن لگانا ضروری ہے،وہ خود انجیکشن لگائے،یہاں نہ تو رات کو کوئی ڈاکٹر ہوگا اور نہ ہی کوئی نرس ہوگی،ہمیں نہیں معلوم ماجرا کیا ہے؟‘۔ایک مریض کے تیمادار نے بتایا کہ اُن مریض بال بال بچ گیا،کیوں کہ مریض نے خود ہی اپنی جان بچانے کیلئے خود کا انجیکشن کیا۔

ان کا کہناتھا ’یہ اسپتال ذبح خانے میں تبدیل ہوچکا ہے اور یہاں مریض کی زندگیوں کیساتھ کھلواڑ کیا جارہا ہے؟،کوئی نوٹس نہیں لیا،جبکہ کووڈ۔19مریض کے علاج کیلئے باضابط طور پر گائیڈ لائنز موجود ہیں،لیکن یہ یہاں سبھی قواعد وضوابط بالائے طاق رکھ کر مریضوں کو مرنے کیلئے چھوڑ دیا گیا ہے۔

اس سلسلے میں جب کے این ایس نے اسپتال کے میڈیکل سپر انٹنڈنٹ،ڈاکٹر نذیر چودھری نے بتایا کہ اُنکی نوٹس میں یہ معاملہ نہیں آیا ہے،مریض یا تیماداروں کو یہ معاملہ میری نوٹس میں لانا چاہئے۔ان کا مزید کہناتھا ’آپ نے یہ معاملہ میری نوٹس میں لایا،اس کا سنجیدہ اور نوٹس لیا جائیگا اور اگر کہیں کوئی کوتائی بر تی جارہی ہے،تو اس کا ازالہ کیا جائیگا‘۔

جموں و کشمیر

دہلی میں مودی کے حامی کشمیری نوجوان پر حملے کے خلاف سری نگر میں احتجاج

Published

12 hours ago

October 9, 2026

Online Desk

سری نگر، نئی دہلی کے کناٹ پلیس میں کانگریس کے احتجاج کے دوران سری نگر کے رہائشی فہیم نذیر شاہ پر مبینہ حملے کے خلاف جمعہ کو کشمیری نوجوانوں کے ایک گروپ نے سری نگر میں احتجاج کیا اور اس واقعے میں ملوث افراد کے خلاف سخت قانونی کارروائی کا مطالبہ کیا۔

احتجاجی نوجوان ہاتھوں میں پلے کارڈز اٹھائے ہوئے تھے اور کانگریس کے خلاف نعرے لگا رہے تھے۔ انہوں نے شہر کے مرکزی علاقے کی جانب مارچ کرنے کی کوشش کی، تاہم پولیس نے انہیں روک دیا۔

وزیراعظم نریندر مودی کے حامی فہیم نذیر شاہ پر مبینہ طور پر جمعرات کو اس وقت حملہ کیا گیا، جب وہ ایک پلے کارڈ لے کر کانگریس کے احتجاجی مقام پر پہنچے۔ پلے کارڈ پر ”وزیراعظم اور وزیر داخلہ سے معافی مانگو” درج تھا۔ وہاں انہوں نے نعرے بھی لگائے۔ اس واقعے کے بعد، بالخصوص بھارتیہ جنتا پارٹی (بی جے پی) کی جانب سے شدید مذمت کی گئی۔

سری نگر میں احتجاج کرنے والوں نے سوال کیا کہ سیاسی خیالات کا اظہار کرنے پر فہیم شاہ کو نشانہ کیوں بنایا گیا؟ انہوں نے کہا کہ ہر شہری کو تشدد کے خوف کے بغیر اپنی رائے ظاہر کرنے کا حق حاصل ہے۔

ایک احتجاجی نے سوال کیاکہ ”کیا ان کا قصور یہ تھا کہ وہ کشمیری یا مسلمان ہیں، یا انہوں نے وزیراعظم کی حمایت میں بینر اٹھایا تھا؟” انہوں نے مطالبہ کیا کہ کشمیریوں کا احترام کیا جائے اور وہ جہاں بھی جائیں، ان کے تحفظ کو یقینی بنایا جائے۔

ایک دوسرے احتجاجی نے کہا کہ فہیم شاہ کے ساتھ اظہارِ یکجہتی اور انہیں انصاف دلانے کے مطالبے کے لیے یہ مظاہرہ منعقد کیا گیا۔ انہوں نے مرکزی وزیر داخلہ اور دہلی انتظامیہ سے اپیل کی کہ اس واقعے کے ذمہ دار افراد کے خلاف سخت قانونی کارروائی کی جائے۔

یواین آئی۔ ظ ا

ہندوستان

اتر پردیش میں راجیہ سبھا کی تمام 10 نشستوں پر بلا مقابلہ انتخاب، بی جے پی کے 8 اور سماجوادی پارٹی کے 2 امیدوار کامیاب

Published

12 hours ago

October 9, 2026

Online Desk

لکھنؤ، اتر پردیش میں راجیہ سبھا کی تمام 10 سیٹوں پر بلامقابلہ انتخاب ہو گیا ہے۔ بھارتیہ جنتا پارٹی (بی جے پی) کے آٹھ اور سماج وادی پارٹی (ایس پی) کے دو امیدواروں کو منتخب قرار دیا گیا ہے۔ ووٹنگ کی ضرورت نہیں تھی کیوں کہ تمام نشستوں پر امیدواروں کی تعداد نشستوں کی تعداد کے برابر تھی۔ کاغذات نامزدگی کی جانچ پڑتال اور دستبرداری کا عمل مکمل ہونے کے بعد ریٹرننگ آفیسر نے تمام 10 امیدواروں کو بلا مقابلہ منتخب قرار دے دیا۔

بعد ازاں اسمبلی میں منتخب اراکین اسمبلی کو سرٹیفکیٹ پیش کیے گئے۔ بی جے پی کے منتخب امیدواروں میں ودیا ساگر سونکر، پرینکا سنگھ راوت، گوپی کرشنا پانڈے، دھرمپال سنگھ، رادھاکانت اوجھا، پرکاش پال، رام پرتاپ سنگھ چوہان اور شروتی گنگوار شامل ہیں، جب کہ سماج وادی پارٹی کے پروفیسر رام گوپال یادو اور دھن راج پریمل ناتھوپوانی راجپوت سبھا کے لیے منتخب ہوئے۔ چوں کہ ان راجیہ سبھا سیٹوں کے لیے کوئی اور امیدوار مقابلہ نہیں کر رہا تھا، اس لیے الیکشن بغیر ووٹ کے ختم ہو گیا۔ الیکشن کے بعد اتر پردیش سے بی جے پی کے آٹھ اور سماج وادی پارٹی کے دو نمائندے راجیہ سبھا کے لیے منتخب ہوئے۔

یو این آئی۔ این یو۔ م الف

فن و ادب

ریکھا کی ادکاری ہندی سنیما کی تاریخ کا ایک یادگار باب

Published

15 hours ago

October 9, 2026

Online Desk

ممبئی،
ریکھا محض ایک اداکارہ نہیں بلکہ ہندی سنیما کی تاریخ کا ایک یادگار باب ہیں۔ ان کی اداکاری، شخصیت اور فن آنے والی نسلوں کے لیے بھی اہمیت رکھتے ہیں۔ ان کا فلمی سفر اس حقیقت کی گواہی دیتا ہے کہ اصل عظمت صرف شہرت حاصل کرنے میں نہیں، بلکہ اپنے فن کے ذریعے وقت کی حدود سے آگے نکل جانے میں ہے۔

ریکھا کی زندگی کامیابی، جدوجہد، تنہائی، شہرت اور خود کو نئے انداز میں پیش کرنے کی ایک طویل داستان ہے۔ انہوں نے بچپن کی مشکلات سے نکل کر ہندوستانی فلمی دنیا میں وہ مقام حاصل کیا جس تک پہنچنا ہر فنکار کے لیے ممکن نہیں ہوتا۔

‘خوب صورت’ کی زندہ دل منجو ہو، ‘امراو جان’ کی غم زدہ شاعرہ، ‘گھر’ کی دکھ سہنے والی عورت یا ‘خون بھری مانگ’ کی مضبوط کردار والی ہیروئن، ریکھا نے ہر کردار میں اپنی الگ شناخت قائم کی۔

بالی وڈ کی امراؤ جان، قاتل نگاہیں اور نمکین رنگت والی مشہور اداکارہ ریکھا دس اکتوبر 1954 کو مدراس کے ایک گھرانے میں پیدا ہوئیں۔ اُن کا حقیقی نام بھانو ریکھا گنیشن ہے۔ان کے والد جیمنی گنیشن اور ان کی ماں تیلگو اداکارہ پشپ دیوی نے باقاعدہ شادی نہیں کی تھی۔ بچپن سے ہی تیلگو فلموں سے اپنا فلمی سفر شروع کرنے والی ریکھا کو کافی جدوجہد کرنی پڑی۔

ریکھا نے محض گیارہ سال کی عمر میں تیلگو فلم میں اداکاری سے اپنےکیرئیر کاآغاز کیا، 1969 میں ہندی فلم ‘دو شکاری’ کی ہیروئن کے روپ میں جلوہ گر ہوئیں اور جلد ہی فلمی دنیا پر راج کرنے لگیں۔

سال 1976 میں انہوں نے پہلی بار امیتابھ بچن کے ساتھ فلم ‘دو انجانے’ میں کام کیا اور فلم کو امر کردیا۔ اس کے بعد یہ جوڑی نٹور لال، خون پسینہ، مقدر کا سکندر اور بہت سی فلموں میں ایک ساتھ نظر آئی ۔
1978 میں فلم ‘مقدرکا سکندر’ نے ریکھا کو شہرت کی بلندیوں پر پہنچادیا اورانہیں فلم فیئر ایوارڈ سے بھی نوازا گیا۔

جاری یو این آئی۔ ایم جے