عوامی نیشنل کانفرنس کی مجلس عاملہ کا اجلاس
وسیع تر مفادات کے تحفظ کیلئے مشترکہ پلیٹ فارم ناگزیر

خبراردو:-

سرینگر:عوامی نیشنل کانفرنس کی صدر بیگم خالدہ نے کہا ہے کہ جموں وکشمیر کے وسیع تر مفادات کے تحفظ کیلئے ایک مشترکہ پلیٹ فارم ناگزیر ہے

انہوں نے کہا کہ جموں و کشمیر کی موجودہ سیاسی بے چینی اورمعاشی بدحالی کے لئے ذمہ داراں کوتاریخ کبھی معاف نہیں کرسکتی ہے۔

کشمیر نیوز سروس کے مطابق جموں و کشمیر عوامی نیشنل کانفرنس کی صدر خالدہ شاہ نے اپنے صدر دفتر پر عوامی نیشنل کانفرنس کی مرکزی مجلس عاملہ کے اجلاس سے خطاب کرتے ہوئے کہا ہے کہ جموں و کشمیر کی موجودہ سیاسی بے چینی اور معاشی بدحالی کے لئے ذمہ داراں کوتاریخ کبھی معاف نہیں کرسکتی یہاں کے مجبور و مقہور لوگوں کی بے بسی سے لطف اندوز ہونے والے بی جے پی اور آر ایس ایس کے آلہ کاروں سے پوچھا جاسکتا ہے کہ وہ اس ستم رسیدہ قوم کی آنے والی نسلوں کے لئے کونسی نئی مصیبتیں کھڑا کرنے کا منصوبہ بنا رہے ہیں۔

انہوں نے کہا کہ گذشتہ کے ساتھ پیوستہ موجودہ سیاسی حالات اور اقتصادی بحران کے محرکات اور اسباب کی نشاندہی کرتے ہوئے جموں و کشمیر کی تمام سیاسی جماتیں چھوٹے موٹے باہمی اختلافات کو بھول کر قوم کے وسیع تر مفادات کے تحفظ کیلئے ایک مشترکہ پلیٹ فارم پر جمع ہو جائیں اور اپنی کھوئی ہوئی قومی شناخت اور ملی تشخص کو آبر و مندانہ طریقے سے باز یافت کرنے کی ٹھوس کوشیش کریں۔

اجلاس میں صوبہ جموں سے تعلق رکھنے والے کئی ایک صوبائی وضلعی عہدیداراں نے صوبائے صدر جموں سردار گھیان سنگھ کی قیادت میں ٹیلی موا صلاتی سہولیت کے ذریعے شمولیت کر کے ایسے ہی دوسرے اجلاس کو جموں میں منعقد کرانے کے لئے صحابہ صدر سے منظوری لی ۔

گپکار ڈیکلریشن کو اس سمت میں سنگ میل قرار دیتے ہوئے پارٹی کے شنیئر نائب صدر جناب مظفر شاہ نے کہا کہ یہ بات بہت ہی حوصلہ افزا ہے کہ گپکار اعلانیہ میں پہلے سے شامل یہاں کی سیاسی جماعتوں کے علاوہ جموں و کشمیر اور لداخ سے مختلف طبقہ ہا فکر کی انجمنوں کے نمائیندگاں بھی اس کارواں میں شامل ہونے کے لئے آگے آ ئے ہیں۔

انہوں نے گپکار اعلانیہ کو فعال اور موثر بنانے کے لئے اپنی پارٹی کی طرف سے مکمل تعاون و اشتراک دینے کا اعادہ کرتے ہوئے کہا کہ دفعہ 370 اور دفعہ 35 A کی بازیابی کے لئے اس اعلانیہ میں شامل تمام جماعتیں سپریم کورٹ آف انڈیا کے سامنے بحیثیت عرض دھند گان کھڑے ہیں۔انہوں نے یہاں کی معاشی بدحالی پر تشویش کا اظہار کرتے ہوئے کہا کہ بدقسمتی سے وادی کشمیر 2014 کے تباہ کْن سیلاب سے لیکر آج تک کئی ایک دیگر وجوہات کے بناء پر اقتصادی بربادی کے دلدل میں پھنس گئی ہے۔ سیلاب کے بعد2015 کے ناخوشگوار موسمی حالات 2016,17 کی مکمل ہڑتالیں اور اسکے بعد تاحال کے رواں کرفیو اور لاک ڈاؤں نے یہاں کی معشیت کی کمر توڑ دی ہے۔

حکومت کی طرف سے ریلیف اور باز آباد کاری کے کھوکھلے دعوؤں کو رد کرتے ہوئے مظفر شاہ نے کہا کہ سرکار کی محض کاغذی جمع خرچ سے متاثرہ آبادی کا کوئی بھلا نہیں ہو سکتا ہے۔بلکہ حکومت ہند کی گذشتہ سال بے جا اور غیر منصفانہ اقتصادی ناکہ بندی کے نتیجے میں یہاں وادی کشمیر میں ہوئے ہزاروں کروڑوں روپیہ کے ہوئے مال نقصان کی ادائیگی کرکے۔دفعہ 370 اور 35 A کی اہمیت افادیت اور اسکی آئینی صفحات میں موجودگی یا عدم موجودگی کے بارے میں منفی سوچ رکھنے والے اورکج بحث کرنے والے مہاپرشوں سے مظفر شاہ صاحب نے اپیل کرتے ہوئے کہا کہ وہ اپنے حقیرمفاد کے حصول کیلئے اپنی آنیوالی نسلوں کے مستقبل کو داؤ پرنہ لگائیں بلکہ ایک مثبت سوچ کے ساتھ تاریخی حقئیق کا طرف دار بن کر سامنے آئے۔

5 اگست 2019 کو ہندوستاں کے وزیر اعظم،وزیر داخلہ اور منسٹرآف سٹیٹ ڈاکٹر جتندر سنگھ نے دفعہ 370 اور 35 A کی منسوخی کے حوالے سے پارلیمنٹ میں تاریخی حقائیق کوتوڑ مروڑ کے رْخ بدل کر پیش کیا اور قانونی ضابطوں کو بالائے طاق رکھ کر اپنی سیاسی بالا دستی کا مظاہرہ کرکے اسے غیر آئینی طور منسوخ کر وایا۔ اس تمام غیر آئینی طریقہ کار کیخلاف عوامی نیشنل کانفرنس گزشتہ سال قانونی چارہ جوئی کے ساتھ ساتھ سیاسی جْدوجہد کا آغاز کرکے اس دفعہ کے حوالے سے ایک قابل فہم آئینی اور تاریخی دستاویز مرتب کرکے جموں و کشمیر کے عوام کی طرف سے بطور ایک ’تحریک استحقاق‘ نیشنل کانفرنس کے صدر ڈاکٹر فاروق عبداللہ،پی ڈی پی صدر محبوبہ مفتی اور اْن کے دیگر ممبران پارلیمنٹ کے علاوہ دیگر جزب مخالف کے ممبران پارلیمنٹ کو ڈاکٹر فاروق عبداللہ کی سر براہی میں جناب غلام نبی آزاد کی تائید و حمایت کیساتھ پیش کیا گیا جسکے خاطر خواہ مطلوبہ نتائج تاحال برآمد نہ ہوئے۔

لہذا آنے والے مون سون سیشن میں اس معاملے کو پھر سے پارلیمنٹ میں زیر بحث لانے کی کوشش میں تمام حذب اختلاف کے ممبران کو5 اگست 2019 ؁ کے غیر جمہوری فیصلہ کو رد کروا کر آئین اور آئین سازوں کی لاج رکھنے کی استد عا کیگئی۔میٹنگ میں پارٹی صدر محترمہ خالدہ شاہ صاحبہ اور سنیئر نائب صدر مظفر شاہ صاحب کی ایک سال تک کی غیر قانونی خانہ نظر بندی کے خلاف جنرل سیکریٹری ایڈوکیٹ میر محمد شفع نے افسوس کا اظہار کرتے ہوئے اس معاملے کیخلاف مجاز عدالت کے سامنے ہر جانہ کیلئے تحت قواعد جانے کا اعلان کیا۔

انہوں نے بی جے پی جموں و کشمیر یونٹ صدر رویندر رینہ کے خلاف اْن کے ورکنگ کمیٹی جموں میں دئے گئے حالیہ غیر جمہوری اور غیر ذمہ دارانہ بیانات کے خلاف قومی انسانی حقوق کمشن کے علاوہ اقلیتی کمشن کے سامنے اٹھانے کا اظہار کیا۔اْنہوں نے مذید کہا کہ اگر سپریم کورٹ آف انڈیا نے دفعہ 370/35 A کے تعلق سے بروقت دائر کی گئی ہماری پٹیشن کو طوالت میں نہ ڈال کراسکی اہمیت کو سنجیدگی سے لیکر ایک ’اسٹیٹس کو’دیا ہوتا تو شاید حکمران ٹولے کو طاقت کے بل بوتے پر پارلیمنٹ کے زریعہ اسے منسوخ کرنے کا موقعہ نہیں ملتا ۔