ریاستی معیشت میں ریڈ کی ہڈی ’’باغبانی ‘‘ لیکن نظرانداز کیوں

Published

8 years ago

July 18, 2018

رضوان سلطان:
ریاست جموں وکشمیر خوبصورتی کے علاوہ قدرتی وسائل سے بھی مالا مال ہے ۔کشمیر کی اگر ہم بات کریں تو یہ باغبانی کے لئے جانا جاتا ہے ۔وادی میں باغبانی کے شعبے میں سیب ،اخروٹ ،آڑو ،انجیر خوبانی وغیرہ موجود ہیں ۔ یہ کہنا غلط نہ ہو گا کہ کشمیر میں سب سے بڑا کمائی کا ذریعہ باغبانی ہی ہے ۔

باغبانی کے شعبے میں سیب کی بات کریں تو سیب کے کاروبار میں لگ بھگ کشمیر کاہر ایک ضلع جڑا ہواہے ۔ بھارت میں 70فیصد سیب کی پیدا وار کشمیر میں ہی ہوتی ہے جہاں1975.76 میں سیب کی پیداوا 4734 2 ہیکٹر پر 348011 میٹرک ٹن کی جاتی تھی ۔وہیںیہ بڑھ کے 1995میں میں 161773 ہیکٹرپر 1966417میٹرک ٹن کی پیداوارکی ہو گئی ۔

دو صدیوں کے بعد یعنی 2016-17 میں سیب کی پیداور اور اس کے رقبہ میں بہت اضافہ ہو گیا ہے ۔ جہاں رقبہ میں 107فیصد اضافہ وہیں پیداوار میں 175فیصد اضافہ ہوا ہے ۔سب سے زیادہ سیب کی پیداوار بارہمولہ ،شوپیان ،پلوامہ ،بڈگام ،اننت ناگ ،اور کلگام میں ہوتی ہے ۔ایک تحقیق کے مطابق سیب کے کاروبار کے ساتھ ریاست کی 60فیصد آبادی بلواسطہ یا بلاواسطہ جڑی ہوئی ہے ۔جبکہ وادی میں 35لاکھ افراد اس شعبے سے جڑے ہوئے ہیں ۔
2016کی ایک تحقیق میں بتایا گیا ہے کہ کشمیر میں 237000ہیکٹر زمین سیب کی پیداروا کے لئے استعمال کی جاتی ہے ۔اسکے علاوہ ریاست کے 20فیصد زمیں باغبانی کے لئے استعمال کی جاتی ہے ۔جس میں 45فیصد رقبے پر صرف سیب کی پیداوار کی جاتی ہے ۔جس سے سالانہ سیب کے کاوربار سے ریاستی سرکارکو 5000کڑوڑ آمدنی ہوتی ہے ۔
لیکن آج ہم آپ کو بتائیں گے کہ ریاست میں الٹی گنگا کیسے بہتی ہے اور کڑوڑں میں آمدنی حاصل کرنے کے باوجود بھی اس کاروبار کو صنعت کا درجہ نہیں ملا ۔جہاں ریاست میں سیاحتی شعبے کے ایک اشتہار کے لئے ۱ کڑوڑ خرچ کیا جا سکتا ہے وہیں باغبانی شعبہ جو کشمیر کی معیشت میں ریڈ کی ہڈی کا کام کرتا ہے اس کے لئے کچھ بھی نہیں کیا جاتا ۔

ریاست میں باہر کی ریاستوں سے مختلف کمپنییوں کی طرف سے یہاں سٹیل فیکٹریاں بنائی جاتی ہیں ۔ وہاں پر استعمال ہونے والاخام مال بھی باہر سے ہی لایا جاتا ہے ۔
غرض پیسہ کمانے کے لئے یہاں کی زمین استعمال کی جاتی ہے ،اور ریاست کے لوگو ں کو ملتا کچھ بھی نہیں ۔

اگر اس کے بجائے ریاستی سرکار سیب کے کاروبار کو وسعت دے ،جس سے پہلے ہی 60فیصد لوگ جڑے ہوئے ہیں ۔سیب کا میوہ جو سال کے آخر میں کبھی تیز ہواوؤں سے اور کھبی اولے گرنے سے خراب ہو جاتا ہے ،یا کبھی خراب حالات ہونے کی وجہ سے باہر کی منڈیوں تک وقت پر نہیں پہنچ پاتا ۔

اس سب کے لئے حکومت ایسی جوس کی فیکٹریاں کیوں نہیں بنا سکتی ،اگر وہ اشتہار پر ایک کڑوڑ سے زائد خرچ کر سکتی ہے تو وہ وادی کے ہر ضلعے میں چھوٹی ہی سہی ۱۰چو س فیکٹریاں بنائیں ، یا اس سے منسلک سیب کی پیکنگ کے لئے ڈبے بنانے کی فیکٹریاں بھی بنا سکتی ہے ۔ جہاں پر بے روزگار بیٹھے نوجوان روز گار حاصل کر سکتے ہیں ۔ اسکے علاوہ سیب کامیوہ ضائع ہو نے سے بھی بچ سکتا ہے ۔

لیکن اگر یہ ایسے ہی چلا تو اگلے سو سالوں تک بھی ریاست میں بالخصوص وادی میں بے روزگاری ختم نہیں ہو سکتی ۔

دنیا

جنوبی ہسپانیہ زلزلے سے لرز اٹھا، عمارتوں اور گاڑیوں کو نقصان

Published

1 hour ago

August 15, 2026

Online Desk

میڈرڈ، جمعہ کی دیر شب جنوبی ہسپانوی شہر غرناطہ میں 5 کی شدت کا زلزلہ آیا، اور علاقائی حکومت نے بتایا کہ گھروں اور گاڑیوں کو نقصان پہنچا مگر کسی کے زخمی ہونے کی اطلاع نہیں ملی۔

یہ زلزلہ الہندین کے میٹروپولیٹن علاقے میں آیا ۔

ہسپانوی ٹیلی ویژن چینل ٹی وی ای نے سڑکوں پر ملبہ بکھرنے اور اس مقبول سیاحتی شہر میں کچھ گاڑیوں کو نقصان پہنچنے کے مناظر نشر کیے۔

اندلس کے ہنگامی خدمات ادارے نے نقصان زدہ عمارتوں سے متعدد افراد کو نکالا۔

اندلسی صوبائی حکومت کے نائب صدر انتونیو سانز کابییلو نے ہفتے کو ایکس پر ایک پیغام میں کہا کہ حکام نے ہنگامی صورتحال کا اعلان کیا ہے۔

انہوں نے کہا کہ”اگر آپ غرناطہ میں ہیں، آپ نے زلزلہ محسوس کیا ہے، آپ خیریت سے ہیں اور آپ کے گھر کو کوئی نقصان نہیں پہنچا تو پرسکون رہیں اور غیر ضروری طور پر عمارتوں میں داخل یا باہر نہ ہوں۔”

کہا گیا ہے کہ سڑک پر عمارتوں کے سامنے والے حصوں، سجاوٹی کناروں، بالکونیوں، دیواروں اور دیگر ایسے حصوں سے دور رہیں جن کے گرنے کا امکان ہو سکتا ہے۔

یو این آئی۔ ع ا۔

دنیا

ہرمز کو امریکی علاقہ قرار دیں گے: ٹرمپ

Published

2 hours ago

August 15, 2026

Online Desk

واشنگٹن] صدر ڈونلڈ ٹرمپ نے کہا ہے کہ وہ جلد ہی آبنائے ہرمز کو ’امریکی علاقہ‘ قرار دے سکتے ہیں۔

مسٹر ٹرمپ نے نیو یارک کی ناساؤ کاؤنٹی میں ایک تقریب میں کہا کہ “میں نے ایران کو اچھی طرح سے شکست دینے کے بعد، میں جلد ہی آبنائے ہرمز کو امریکی علاقہ قرار دوں گا۔”

صدر نے یہ بھی کہا کہ انہوں نے فوج کو “میرے خیال سے کچھ زیادہ” استعمال کیا ہے لیکن دلیل دی کہ ایرانی حکومت کو جوہری ہتھیاروں کے حصول سے روکنے کے لیے تہران پر دباؤ ڈالنا ضروری ہے۔

مسٹر ٹرمپ نے کہا کہ ہم ایران کو جوہری ہتھیار حاصل کرنے کی اجازت نہیں دے سکتے۔ صدر ٹرمپ کی جانب سے آبنائے ہرمز کو “امریکی علاقہ” قرار دینے کے بعد ایران کے نائب وزیر خارجہ برائے قانونی اور بین الاقوامی امور کاظم غریب آبادی نے جوابی حملہ کیا۔ انہوں نے تاکید کی کہ تہران اہم آبی گزرگاہ کی ناکہ بندی جاری رکھے گا۔ انہوں نے سوشل میڈیا پوسٹ میں لکھا، “آبنائے ہرمز کو ٹویٹس، طیارہ بردار جہازوں، فرمانوں یا انتخابی تقریروں سے نہیں پکڑا جا سکتا۔ ایران دھمکیوں یا طاقت کے مظاہروں سے خوفزدہ نہیں ہے۔” مسٹر غریب آبادی نے دعویٰ کیا کہ امریکہ کو “اسٹریٹجک اور اہم شکست” ہوئی ہے اور اصرار کیا کہ “آبنائے ہرمز ایران کا ہے، ایران کا ہے اور ایران کا ہی رہے گا۔”

انہوں نے کہا کہ “یہ آبنائے صرف ایران کے حکم پر بند اور کھلے گا،” انہوں نے مزید کہا کہ ایران اس وقت تک ناکہ بندی برقرار رکھے گا جب تک امریکہ اسے “شکست کی حقیقت” کے طور پر تسلیم نہیں کرتا۔

یو این آئی۔ ع ا۔

دنیا

اسرائیلی حملے میں جنوبی لبنان میں سات افراد جاں بحق، حملوں میں شدت

Published

2 hours ago

August 15, 2026

Online Desk

بیروت، جنوبی لبنان میں اسرائیلی فضائی حملے میں سات افراد جاں بحق اور تین زخمی ہوگئے۔ سرکاری میڈیا کے مطابق اسرائیل نے رات بھر کئی قصبوں اور دیہات پر حملوں میں شدت پیدا کردی۔

لبنان کی سرکاری خبر رساں ایجنسی نیشنل نیوز ایجنسی (این این اے) کے مطابق ہفتے کی علی الصبح نبطیہ ضلع کے قصبے انصار کے مضافات میں ایک مکان کو فضائی حملے کا نشانہ بنایا گیا، جس کے نتیجے میں عمارت مکمل طور پر تباہ ہوگئی۔

اسلامک میسج اسکاؤٹ ایسوسی ایشن، اسلامک ہیلتھ اتھارٹی اور لبنان کی سول ڈیفنس کی ہنگامی ٹیمیں ملبہ ہٹانے اور جاں بحق و زخمی افراد کو نبطیہ کے اسپتالوں میں منتقل کرنے میں مصروف رہیں۔

یہ جون میں ہونے والے معاہدوں کے بعد لبنان میں اسرائیل کا سب سے ہلاکت خیز رپورٹ شدہ حملہ ہے۔ ان معاہدوں کے نتیجے میں اسرائیل اور حزب اللہ کے درمیان کشیدگی میں نمایاں کمی آئی تھی۔

این این اے کے مطابق ہفتے کی علی الصبح اسرائیلی حملوں میں شدت آگئی اور نبطیہ الفوقا کے قریب علی الطاہر پہاڑی سلسلے پر متعدد فضائی حملے کیے گئے۔

دو دیگر حملوں میں نبطیہ الفوقا میں اساتذہ کے تربیتی مرکز اور حسینی کلب کے قریب کے علاقوں کو نشانہ بنایا گیا، جبکہ انصار اور زَراریہ کے درمیان واقع وادی پر بھی حملہ کیا گیا۔ خبر رساں ایجنسی کے مطابق یہ دو ماہ قبل جنگ بندی کے بعد جنوبی لبنان میں اس قدر اندر تک کیا جانے والا پہلا حملہ تھا۔

این این اے نے بتایا کہ سرحد کے قریب بنت جبیل میں اسرائیلی فوج نے کئی مکانات تباہ کردیے اور کونین-صف الہوا سڑک کے ساتھ واقع گھروں کی جانب بھاری مشین گنوں سے فائرنگ کی۔

اسرائیلی فضائی حملے میں نصف شب سے کچھ دیر قبل المنصوری کے علاقے المشاعہ کو بھی نشانہ بنایا گیا۔

جون میں امریکہ اور ایران کے درمیان مفاہمت کی یادداشت اور اس کے بعد لبنان اور اسرائیل کے درمیان امریکہ کی سرپرستی میں طے پانے والے فریم ورک معاہدے کے بعد تشدد میں کمی آئی ہے، تاہم جنوبی لبنان میں اسرائیلی حملے اور مکانات کی مسماری کا سلسلہ جاری ہے۔

اس فریم ورک کے تحت حزب اللہ کو غیر مسلح کرنے، اسرائیلی افواج کے بتدریج انخلا اور جنوبی لبنان میں لبنانی فوج کی تعیناتی کا مطالبہ کیا گیا ہے۔

جمعہ کے روز حزب اللہ کے سربراہ نعیم قاسم نے فریم ورک پر عمل درآمد کے حوالے سے لبنانی حکام کو تنقید کا نشانہ بنایا اور الزام عائد کیا کہ جب اسرائیلی حملے جاری ہیں، اس کے باوجود حکام لبنانی فوج پر دباؤ ڈال رہے ہیں۔

انہوں نے کہا، “آپ لبنانی فوج کو تحفظ فراہم کرنے کے بجائے اسے مسلسل ذلت کا شکار کیسے ہونے دے سکتے ہیں اور اسے اسرائیلی بمباری اور دباؤ کے سامنے کیسے لا سکتے ہیں”

یو این آئی۔ ع ا۔