فن و ادب

سلیم -جاوید کی ڈاکیومنٹری سیریز ’اینگری ینگ مین‘ کا ٹریلر جاری

Published

2 years ago

August 14, 2024

ممبئی، بالی ووڈ کے سب سے مشہور اسکرپٹ رائٹرز سلیم خان اور جاوید اختر پر مبنی دستاویزی سیریز ‘اینگری ینگ مین’ کا ٹریلر جاری کر دیا گیا ہے۔

‘اینگری ینگ مین’ کو سلمان خان فلمز، ایکسل میڈیا اینڈ انٹرٹینمنٹ اور ٹائیگر بے بی نے مشترکہ طور پر پروڈیوس کیا ہے۔ اس کے ایگزیکٹو پروڈیوسر میں سلمیٰ خان، سلمان خان، رتیش سدھوانی، فرحان اختر، زویا اختر اور ریما کاگتی جیسے بڑے نام شامل ہیں۔

اس سیریز کی ہدایت کاری نمرتا راؤ نے کی ہے۔ تین ایپی سوڈ کی یہ سیریز 20 اگست کو ایمیزون پرائم ویڈیو پر جاری کی جائے گی۔

ٹریلر لانچ کے موقع پر سلیم- جاوید، سلمان خان، فرحان اختر، زویا اختر موجود تھے۔ ڈاکیومنٹری کے ٹریلر میں امیتابھ بچن، جیا بچن، شتروگھن سنہا، سلمان خان، فرحان اختر، ہریتک روشن، عامر خان، شبانہ اعظمی، کرن جوہر سمیت کئی ستارے نظر آرہے ہیں۔

جاوید اختر نے اعلان کیا کہ وہ چار دہائیوں بعد ایک بار پھر سے سلیم خان کے ساتھ کام کرنے والے ہیں۔ انہوں نے کہا کہ ہم دوبارہ ایک اسکرپٹ لکھنے جارہے ہیں۔ میں نے سلیم جی سے اس بارے میں بات کی ہے، ایک پکچر ہم اور لکھ دیں۔ اُس زمانے میں بھی ہماری قیمت زیادہ تھی، اس زمانے میں تو بہت ہی زیادہ ہو گی۔ آوہ دیکھ لیجیئے گا۔ جب میں نوجوانی کی عمر میں اس شہر میں آیاتھا تب میرے پاس نہ تو کوئی نوکری تھی، نہ ہی کوئی رابطہ تھا اور نہ ہی پیسے تھے۔ میں اکثر خالی پیٹ سوجایا کرتا تھا۔ اس کے باوجود میں نے کبھی ہمت نہیں ہاری۔ میں ہمیشہ یہی سوچتا تھا کہ میں اپنی زندگی کی کہانی دنیا کے ساتھ شیئر کرنا چاہتا ہوں اور دیکھئے آج اس ڈاکیومنٹری سیریز میں ہماری کہانی دکھائی جارہی ہے۔ میں ان کی محبت کے لیے سب کا شکریہ ادا کرنا چاہتا ہوں۔

سلیم خان نے کہا کہ میں نے اپنے کیرئیر کا آغاز بطور اداکار کیا لیکن پھر مجھے احساس ہوا کہ میری اصل طاقت کہانی سنانے میں ہے۔ چنانچہ میں نے لکھنے پر توجہ دینا شروع کر دی۔ اس کے بعد میری ملاقات جاوید سے ہوئی جسے لکھنے کا اتنا ہی شوق تھا جتنا مجھے تھا۔ ہم نے مل کر کچھ عمدہ کہانیاں لکھیں، جن پر مجھے اب بھی فخر ہے۔ یہ بہت اچھا ہے کہ ہماری کہانی آنے والی نسلوں کے لیے ریکارڈ کی جا رہی ہے۔ مجھے امید ہے کہ یہ لوگوں کو اپنی بہترین کوشش کرنے کی ترغیب دے گا۔

سلمان نے کہا کہ جب سے ہوش سنبھالا ہے تب سے صرف سلیم جاوید کو ہی جانا۔ یہ دونوں آج تک کے سب سے مہنگے رائٹرزہیں اور اب بھی ہیں۔ یہ تو اچھا ہوا کہ ان دونوں نے اداکاری نہیں کی، ورنہ سوچیں کہ جب یہ خود کے لئے لکھتے تو کیا ہوتا۔

فرحان اختر نے کہا کہ اس دستاویزی فلم کا نام ‘اینگری ینگ مین’ بالکل درست ہے کیونکہ انہوں نے اپنی زندگی کے تجربات، اپنی شناخت اور اپنی آواز کو ان کرداروں میں اتارا ہے جنہیں ہم سب وجے کے نام سے جانتے ہیں۔ ان تمام کرداروں نے ہم پر انمٹ نقوش چھوڑے ہیں۔

یواین آئی۔الف الف

فن و ادب

جموں فلم فیسٹیول کا پانچواں ایڈیشن 28-29 ستمبر کو ہوگا: منتظمین

Published

3 months ago

May 4, 2026

Online Desk

جموں، وومیدھ کی جانب سے دی اوانتی فاؤنڈیشن کے اشتراک سے پیش کیا جانے والا جموں فلم فیسٹیول (جے ایف ایف) کا پانچواں ایڈیشن 28 اور 29 ستمبر کو یہاں منعقد ہوگا۔

پیر کے روز اس کے پانچویں ایڈیشن کا باضابطہ اعلان کیا گیا، جو خطے کے ثقافتی اور سنیما کے سفر میں ایک اہم سنگ میل ہے۔

پریس کانفرنس میں آئندہ ایڈیشن کا اعلان کرتے ہوئے فیسٹیول ڈائریکٹر راکیش روشن بھٹ نے تمام شراکت داروں کا شکریہ ادا کرتے ہوئے کہا ہے کہ “یہ سفر یقین، ثابت قدمی اور بے شمار افراد و تنظیموں کی حمایت سے ممکن ہوا ہے۔ ہم ان سب کے شکر گزار ہیں جنہوں نے جے ایف ایف کو ایک بامعنی پلیٹ فارم بنانے میں تعاون دیا۔ یہ سنگ میل پوری تخلیقی برادری کا ہے۔”

انہوں نے مزید کہا کہ اس ایڈیشن کی ایک خاص جھلک بہترین مقامی پروڈکشن کے لیے ایک لاکھ روپے کا انعام ہوگا، جس کا مقصد علاقائی ٹیلنٹ کو فروغ دینا اور بین الاقوامی معیار کو برقرار رکھنا ہے۔

فیسٹیول ڈائریکٹر روہت بھٹ نے بتایاکہ“پانچویں ایڈیشن کے ساتھ ہم علاقائی کہانیوں کو فروغ دینے کی سمت ایک اہم قدم اٹھا رہے ہیں۔ بہترین مقامی پروڈکشن کے لیے ایک لاکھ روپے کا انعام رکھا گیا ہے تاکہ جموں و کشمیر کے فلم سازوں کو مضبوط پلیٹ فارم مل سکے۔”

فیسٹیول کے مشیر ڈاکٹر امیت وانچو نے کہا کہ جموں فلم فیسٹیول ایک معتبر پلیٹ فارم بن چکا ہے جو بامعنی سنیما کو فروغ دیتا ہے اور اس کی مسلسل ترقی منتظمین کی محنت اور معیاری کہانیوں میں بڑھتی دلچسپی کو ظاہر کرتی ہے۔

شریک پیش کنندہ کی جانب سے سنجیو کاک نے کہاکہ“ہمیں خوشی ہے کہ ہم وومیدھ کے ذریعے جموں و کشمیر میں جے ایف ایف اور ٹی آئی ایف ایف ایس جیسے بین الاقوامی فلمی میلوں سے وابستہ ہیں۔ یہ پلیٹ فارم عالمی سنیما کو یہاں کے ناظرین تک پہنچانے اور مقامی ٹیلنٹ کو فروغ دینے میں اہم کردار ادا کرتے ہیں۔”

وومیدھ کی مشیر بھاونا پنڈیتا نے کہا کہ تنظیم فن و ثقافت کے فروغ کے لیے پُرعزم ہے اور جے ایف ایف جیسے اقدامات کے ذریعے فنکاروں اور فلم سازوں کے لیے نئے مواقع پیدا کیے جا رہے ہیں۔

سینئر اداکارہ کسم ٹیکو نے کہا کہ ابتدا سے اس سفر کا حصہ ہونا خوش آئند ہے اور یہ دیکھ کر اطمینان ہوتا ہے کہ یہ پلیٹ فارم وقت کے ساتھ ایک اہم ثقافتی سنگ میل بن چکا ہے۔

یواین آئی۔ ظ ا

فن و ادب

رنویر سنگھ کی فلم دھوندھر: دی ریوینج 1000 کروڑ کلب میں شامل

Published

4 months ago

April 6, 2026

Online Desk

ممبئی، بالی ووڈ اسٹار رنویر سنگھ کی فلم دھوندھر: دی ریوینج نے ہندوستانی مارکیٹ میں 1013 کروڑ روپے سے زیادہ کی کمائی کی ہے۔ آدتیہ دھر کی ہدایت کاری میں بننے والی بلاک بسٹر دھوندھر کا سیکوئل، دھوندھر: دی ریونج روزانہ لاکھوں روپے کی آمد کے ساتھ کامیابی جاری ہےرنویر سنگھ نے مرکزی کردار میں اداکاری کی، یہ فلم ریلیز کے بعد سے ہی شائقین کے درمیان زبردست ہٹ رہی ہے۔ فلم کی مقبولیت اپنے عروج پر ہے۔ رنویر سنگھ، آر مادھاون، ارجن رامپال، سنجے دت، راکیش بیدی، اور سارہ علی خان نے اہم کردار ادا کیے ہیں۔

سکنلک کے حاصل کردہ اعداد و شمار کے مطابق، “دھورندھر: دی ریوینج” نے 18 مارچ تک تقریباً 43 کروڑ کی کمائی کی۔ فلم نے ریلیز کے پہلے ہفتے میں ہندوستانی مارکیٹ میں 674.17 کروڑ روپے کمائے۔ اس نے دوسرے ہفتے میں 263.65 کروڑ روپے کمائے۔ فلم نے 16ویں دن 21.55 کروڑ روپے، 17ویں دن 25.65 کروڑ اور 18ویں دن 28.75 کروڑ کی کمائی کی۔ فلم نے 18 دنوں میں ہندوستانی مارکیٹ میں 1013.77 کروڑ روپے کمائے ہیں۔

یو این آئی۔ ایم جے

فن و ادب

نوتن فلموں میں کام کرنے والی پہلی مس انڈیا تھیں

Published

6 months ago

February 20, 2026

Online Desk

21 فروری برسی کے موقع پر

خصوصی تحریر: نسیم الدین

بالی ووڈ میں ایسی شخصیتوں کی ایک طویل فہرست ہے جِن کے کارناموں کو ہم کبھی فراموش نہیں کرسکتے اور جِنھوں نے فلمی دنیا میں اپنے انمٹ نقش چھوڑے ہیں اِس طویل عرصے میں کیسے کیسے نامور فن کاروں نے، جِن میں ایکٹرز، ڈائریکٹرز، گلوکار، رائٹرز، شاعر اور موسیقار اور فلمی اسکرین پر اور اس کے پس پردہ کام کرنے والی سینکڑوں شخصیتیں شامل ہیں، اپنی لگن اور فنی جوہر سے بالی ووڈ کو وہ بلند مقام دیا جہاں اُسے ہم آج دیکھتے ہیں۔اِنہی میں ایک عظیم اداکارہ نوتن بھی شامل ہیں۔

نوتن نے اپنی فطری اداکاری، سادگی اور مکالموں کی ادائیگی سے فلم شائقین کو جِس طرح متاثر کیا وہ اپنی مثال آپ ہے۔

آج کے دور میں جہاں مس انڈیا کا خطاب جیتنے والی حسیناؤں کو فلموں میں کام کرنے کا موقع آسانی سے مل جاتا ہے، وہیں نوتن کو فلموں میں کام حاصل کرنے کے لئے کافی جدوجہد کرنی پڑی تھی۔

چار جون 1936 کو ممبئی میں پیدا ہوئیں نوتن کا اصلی نام نوتن سمرتھ تھا۔ ان کو اداکاری کا فن وراثت میں ملا۔ ان کی ماں شوبھنا سمرتھ اس زمانے کی معروف فلم اداکارہ تھیں۔ گھر میں فلمی ماحول ہونے کی وجہ سے نوتن اکثر اپنی ماں کے ساتھ شوٹنگ دیکھنے جایا کرتی تھیں۔

اس وجہ سے ان کا رجحان بھی فلموں کی جانب مائل ہو گیا اور وہ بھی اداکارہ بننے کے خواب دیکھنے لگیں۔نوتن نے بطور چائلڈا سٹار فلم ’نل دمينتی‘ سے اپنے فلمی کیریئر کا آغاز کیا۔ اس درمیان نوتن نے آل انڈیا بیوٹی مقابلہ میں حصہ لیا جس میں وہ سرفہرست رہیں لیکن بالی ووڈ کے کسی فلمساز کی توجہ ان کی طرف نہیں گئی۔ انہیں 1950 کی فلم ہماری بیٹی میں اداکاری کرنے کا موقع ملا جس کی ہدایت کار ان کی ماں شوبھنا سمرتھ تھیں۔

جاری۔یو این آئی۔ این یو۔