کھیل

کانپور میں حالات اور پچ دیکھ کر اتریں گے: ابھیشیک

Published

2 years ago

September 26, 2024

کانپور، ہندوستانی ٹیم کے بیٹنگ کوچ ابھیشیک نائر نے بدھ کو کہا کہ ٹیم کے تمام کھلاڑی فٹ اور کھیلنے کے لئے پرجوش ہیں، لیکن ہندوستان کانپور ٹیسٹ میں حالات اور پچ کو دیکھ کر اپنی حکمت عملی تیار کرے گا۔

میچ کے موقع پر منعقدہ پریس کانفرنس میں ابھیشیک نے کہا، ’’سچ پوچھیں تو مجھے ابھی تک نہیں معلوم کہ ہم کس سطح پر کھیلنے جا رہے ہیں لیکن یہاں تیار کی گئی دونوں پچز بہت اچھی لگ رہی ہیں۔ کانپور اکثر اچھی چیزوں کے لیے جانا جاتا ہے۔ مجھے ابھی تک باؤنس کے بارے میں یقین نہیں ہے، یہ دلچسپ ہوگا کہ جب ہم صبح گراونڈ پر اترتے ہیں تو حالات کیسے ہوتے ہیں کیونکہ بہت کچھ پر اس پر منحصر ہوتا ہے کہ پچ کس طرح کھیلتی ہے۔

ہمارے لیے پچ پر کوئی بھی فیصلہ کرنا یا کسی بھی قسم کا سوچنا بہت جلدبازی یوگی لیکن ہمیں امید ہے کہ ہم کل دھوپ والے دن میدان میں اتریں گے۔

انہوں نے کہا، “ہر کھلاڑی حوصلہ افزا ہے اور ہندوستانی ٹیم کا حصہ بننا کئی طریقوں سے بڑی بات ہوتی ہے۔ ایک نوجوان کھلاڑی سمجھتا ہے کہ ایسا وقت آئے گا جب اسے کسی اور کے لیے باہر بیٹھنا پڑے گا۔ ایسے وقت بھی آئیں گے جب انہیں کسی سینئر کھلاڑی کے لیے جگہ بنانا ہو گی لیکن ایسے وقت میں یہ بہت ضروری ہے کہ ہم بطور ساتھی کے طوپر مثبت ذہنیت رکھیں اور کھلاڑیوں کو تیار کرنے کی کوشش کریں۔ اگر کھلاڑی اس سے بھی بہتر ہیں تو جب وہ ٹیم میں واپس آئیں گے اور موقع ملے گا تو انہیں کارکردگی دکھانے کے لیے تیار رہنا چاہیے۔

چائنا مین گیند باز کلدیپ یادیو کے پلیئنگ الیون میں جگہ ملنے کے امکانات کے بارے میں پوچھے جانے پر انہوں نے کہا کہ ظاہر ہے مقامی کھلاڑی ہونے کے ناطے کلدیپ یادو کے بارے میں بات کرنا عام ہے لیکن اس حوالے سے حتمی فیصلہ کل صبح ہی کیا جانا بہتر ہوگا۔”

کے ایل راہول کی فارم کے بارے میں انہوں نے کہا، “کے ایل راہول ایک بہترین بلے باز ہیں۔ جب آپ ہندوستان کے لیے کھیل رہے ہوتے ہیں تو آپ کو حوصلہ افزائی کی ضرورت نہیں ہوتی۔ کبھی کبھی یہ صرف سمت ہوتی ہے اور مجھے لگتا ہے کہ کے ایل نے پچھلے کچھ دنوں میں ان کے ساتھ تھوڑا سا وقت گزارا ہے۔ وہ ایسے شخص ہیں جو اپنے کھیل کو اچھی طرح سمجھتے ہیں۔ مجھے لگتا ہے کہ جب وہ جنوبی افریقہ میں تھے تو انہں نے ہندوستان کے لیے زبردست اننگز کھیلی تھیں۔ میرے خیال میں وہ جس طرح سے بیٹنگ کر رہے ہیں وہ تسلی بخش ہے۔ جس طرح وہ چنئی میں دوسری اننگز میں بلے بازی کر رہے تھے، مجھے یقین ہے کہ آگے چل کر آپ ان سے توقعات اور کارکردگی دیکھیں گے۔

ٹیم کی فٹنس کے بارے میں پوچھے جانے پر ابھیشیک نے کہا، “مجھے لگتا ہے کہ ہر کوئی اس وقت دستیاب ہے۔ ہر کوئی فٹ ہے اور جانے کے لیے تیار ہے۔ میرے خیال میں اب بہت سارے فیلڈرز اور بہت سارے ڈومیسٹک کرکٹرز اور عام طور پر کرکٹرز نے زیادہ فٹ ہونے پر زور دیا ہے اور مجھے لگتا ہے کہ اس کا نتیجہ براہ راست زیادہ فٹ، تیز اور چست ہندوستانی ٹیم کی صورت میں نکلا ہے۔

ٹیم میں نائب کپتان نہ ہونے کے سوال پر انہوں نے کہا کہ آپ کو اس ٹیم میں بہت سے کپتان، مثالی کپتان ملے ہیں اس لیے آپ کو نائب کپتان کا نام دینے کی ضرورت نہیں ہے۔

یو این آئی۔ م ع۔ 1535

کھیل

سروچی سنگھ اور کمل جیت سنگھ نے ہندوستان کو ایشیائی کھیلوں میں دوسرا طلائی تمغہ دلایا

Published

3 days ago

September 25, 2026

Online Desk

آئیچی-ناگویا (جاپان)، ہندوستان کی سروچی سنگھ اور کمل جیت سنگھ کی جوڑی نے جمعہ کو ایشیائی کھیلوں کے نشانہ بازی مقابلے میں 10 میٹر ایئر پسٹل مکسڈ مقابلے میں جنوبی کوریا کو پیچھے چھوڑتے ہوئے طلائی تمغہ حاصل کیا۔ یہ ایشیائی کھیلوں میں ہندوستان کا دوسرا تمغہ ہے۔

آج یہاں ہوئے مقابلے میں ہندوستانی جوڑی نے مجموعی طور پر 484.6 اسکور کے ساتھ سرفہرست مقام حاصل کیا۔ کمل جیت اور سروچی نے شروعات سے ہی اچھی برتری بنا لی تھی، لیکن جنوبی کوریا مسلسل ہندوستانی نشانہ بازوں پر دباؤ بنائے ہوئے تھا۔ تاہم ہندوستانی جوڑی نے دباؤ میں کوئی غلطی نہیں کی اور جنوبی کوریا کو 6.6 پوائنٹس کے فرق سے شکست دے کر طلائی تمغہ اپنے نام کرلیا۔ جنوبی کوریا 478 اسکور کے ساتھ دوسرے جبکہ ایران 415.8 اسکور کے ساتھ تیسرے مقام پر رہا۔

یو این آئی۔ ایم جے

کھیل

سلطان واریئرز بارہمولہ نے افتتاحی چنار پریمیئر لیگ کا خطاب جیت لیا

Published

2 weeks ago

September 15, 2026

Online Desk

سری نگر، سلطان واریئرز بارہمولہ نے افتتاحی چنار پریمیئر لیگ (سی پی ایل) کرکٹ ٹورنامنٹ 2026 کا خطاب جیت لیا۔ اس نے بارہمولہ کے جنرل بپن راوت اسٹیڈیم میں کھیلے گئے شاندار فائنل میں رمزی اسپورٹس سری نگر کو شکست دی۔

پہلے بلے بازی کرتے ہوئے سلطان واریئرز نے مقررہ اوورز میں 9 وکٹوں کے نقصان پر 182 رنز بنائے، جس کے جواب میں رمزی اسپورٹس سری نگر کی پوری ٹیم 142 رنز پر آؤٹ ہوگئی۔ اس طرح سلطان واریئرز نے شاندار کامیابی کے ساتھ خطاب اپنے نام کر لیا۔

سلطان واریئرز کے عاقب کھانڈے کو میچ جیتنے والی کارکردگی پر ’مین آف دی میچ‘ قرار دیا گیا، جبکہ ان کے ساتھی کھلاڑی عاصم بشیر کو پورے ٹورنامنٹ میں مسلسل عمدہ کارکردگی پر ’مین آف دی سیریز‘ کا اعزاز دیا گیا۔

فوج کی سری نگر چنار کور کی جانب سے منعقد کیے گئے اس ٹورنامنٹ میں ریکارڈ تعداد میں ٹیموں نے شرکت کی۔ مقابلے کے لیے 130 ٹیموں نے رجسٹریشن کرائی تھی، جن میں سے کشمیر وادی کے مختلف علاقوں سے 79 ٹیموں کا انتخاب کیا گیا۔

تقریب میں جموں و کشمیر کے چیف سیکریٹری اتل ڈلو کے علاوہ بارہمولہ میں تعینات ڈیگر ڈویژن کے جنرل آفیسر کمانڈنگ اور مقامی برادری کی ممتاز شخصیات نے شرکت کی۔

منتظمین نے کہا کہ سی پی ایل 2026 نے پوری کشمیر وادی کے کرکٹ ٹیلنٹ کو اپنی صلاحیتوں کے اظہار کا موقع فراہم کیا اور خاص طور پر نوجوانوں کے درمیان ہندوستانی فوج اور مقامی برادری کے تعلقات کو مضبوط بنانے کے لیے ایک پلیٹ فارم کے طور پر کام کیا۔

دفاعی ترجمان نے کہا کہ سی پی ایل 2026 کا کامیاب انعقاد خطے کے کھیلوں کے کیلنڈر میں ایک اہم سنگِ میل ہے۔ اس کے ذریعے وادی کے مختلف علاقوں سے تعلق رکھنے والے باصلاحیت نوجوان کرکٹرز کو اپنی صلاحیتیں دکھانے کا موقع ملا۔

یواین آئی۔ ظ ا

کھیل

بابر اعظم کی سات سال بعد ڈومیسٹک فرسٹ کلاس کرکٹ میں واپسی

Published

2 weeks ago

September 15, 2026

Online Desk

اسلام آباد، پاکستان کے ٹیسٹ کپتان بابر اعظم موجودہ پریذیڈنٹس ٹرافی گریڈ ون فرسٹ کلاس ٹورنامنٹ میں آئل اینڈ گیس ڈیولپمنٹ کمپنی لمیٹڈ (او جی ڈی سی ایل) کی نمائندگی کریں گے۔ انہیں ٹیم نے بطور گیسٹ کھلاڑی شامل کیا ہے۔

ذرائع کے مطابق بابر نے پاکستان کرکٹ بورڈ (پی سی بی) سے درخواست کی تھی کہ انہیں کسی ٹیم میں شامل کیا جائے تاکہ وہ طویل فارمیٹ میں اپنی فارم بہتر کرسکیں۔ اس کے بعد بورڈ نے انہیں او جی ڈی سی ایل کے ساتھ جوڑ دیا۔ بابر نے دسمبر 2022 کے بعد سے ٹیسٹ کرکٹ میں کوئی سنچری نہیں بنائی۔ اس کے بعد سے 39 اننگز میں وہ صرف آٹھ نصف سنچریاں بناسکے ہیں، جبکہ 2023 کے آغاز سے ٹیسٹ میں ان کی اوسط 30.43 رہی ہے۔

ان کی خراب فارم پاکستان کرکٹ میں مسلسل بحث کا موضوع بنی ہوئی ہے۔ حالیہ انگلینڈ دورے میں پاکستان کو تین ٹیسٹ کی سیریز میں 0-3 سے شکست ہوئی، جبکہ لارڈز اور ایجبسٹن ٹیسٹ میں انگلینڈ کے تیز گیندبازوں نے شارٹ گیند کے خلاف بابر کی کمزوری کا فائدہ اٹھایا۔ تاہم گزشتہ پانچ ٹیسٹ میں وہ چار نصف سنچریاں بناچکے ہیں اور گزشتہ ماہ ویسٹ انڈیز کے خلاف دوسرے ٹیسٹ میں ان کا اسکور 88 رنز رہا، جس سے پاکستان نے جولائی 2023 کے بعد پہلی بار بیرون ملک ٹیسٹ جیتا۔

بابر نے آخری بار 2019 میں ڈومیسٹک فرسٹ کلاس ٹورنامنٹ کھیلا تھا، جب انہوں نے سینٹرل پنجاب کی کپتانی کرتے ہوئے فائنل میں ناردرن کو شکست دے کر قائداعظم ٹرافی جیتی تھی۔ حالیہ برسوں میں ٹیسٹ اور آئی سی سی ٹورنامنٹس میں پاکستان کی خراب کارکردگی کے بعد پاکستانی کھلاڑیوں کے ڈومیسٹک فرسٹ کلاس کرکٹ میں زیادہ حصہ لینے کا مطالبہ کیا جاتا رہا ہے۔ اس سیزن میں شاہین شاہ آفریدی اور سلمان آغا سمیت کئی دیگر بین الاقوامی کھلاڑی بھی پریذیڈنٹس ٹرافی میں حصہ لے رہے ہیں۔

پی سی بی کے سینٹرل کنٹریکٹ کے تحت اے کیٹیگری کے ٹیسٹ ماہر کھلاڑیوں کے لیے سالانہ کم از کم چھ، اے بی کیٹیگری کے ٹیسٹ اور ون ڈے ماہر کھلاڑیوں کے لیے چار، جبکہ بی سی کیٹیگری کے وائٹ بال ماہر کھلاڑیوں کے لیے کم از کم دو فرسٹ کلاس میچ کھیلنا ضروری ہے۔ پاکستان اس وقت آئی سی سی ٹیسٹ رینکنگ میں نویں نمبر پر ہے اور ورلڈ ٹیسٹ چیمپئن شپ کی نو ٹیموں کی جدول میں آخری مقام پر ہے۔ وہ گزشتہ چار آئی سی سی ٹورنامنٹس میں ناک آؤٹ مرحلے تک بھی نہیں پہنچ سکا ہے۔

یو این آئی۔ م س