ویڈیو: وادی میں نوجوان نسل کا نشے کی لت میں ہوشربا اضافہ

Published

8 years ago

January 16, 2019

خبراردو:

وادی کشمیر میں نوجوانوں کا منشیات کی لت میں پڑنے کا تزی سے اضافہ ہوتا جا رہا ہے ۔ کشمیر کی نوجوان نسل میں نشہ آور چیزوں کا استعمال اور اسکے نتیجے میں ان میں پیدا ہونے والے امراض کا معاملہ تشویش کا باعث ہے ۔

ماہر نفسیات کے مطابق نشہ شروع کر نے کی وجوہات مختلف ہوتی ہیں ۔ کچھ افراد ذہنی تناؤ کو دور کرنے کیلئے نشہ کا استعمال کرن اشروع کرتے ہیں لیکن پھر اسکی کی لت میں پڑ جاتے ہیں ۔ کبھی کسی صدمے سے دور چار ہونے کے بعد یا اپنی پریشنایوں کو کم کرنے کے لئے استعما کرتے ہیں ۔ ایک شخص منشیات کا عادی اس وقت کہلاتا ہے جب وہ نشہ آور ادویات ایک ایسی مقدار میں اور ایسے طریقوں سے استعمال کریں جس سے خود کی زات اور دوسرے بھی متاثر ہوں ۔

– United Nations International Drug Control Programme. کے مطابق وادی کشمیر میں ہی ستر ہزار افراد نشے کی لت مین گرفتار ہوگئے ہیں اور ان میں چار ہزار خواتین بھی شامل ہیںْ ۔
وہیں ۹۰ فیصد کے قریب منشیات کے عادی افراد ۱۷ سے ۳۵ سال کی عمر کے ہیں ۔ بلکہ اسکے علاوہ اسکولی بچے بھی اس لعنت میں ملوث پائے گئے ۔

ماہر نفسیات ڈاکٹر مشتاق مرغوبی نے اپنی ایک کتاب مئیں اس بات کا انکشاف کیا ہے کہ وادی میں دو لاکھ سے زائد افراد نشے کے عادی ہیں ،۔ جو چر س گانجا ، براون شوگر ، ایس پی ٹیبلٹس ، دم کش منشیات ، جوتوں کی پالش ، وارنش جیسی نشہ آاور چیزوں کا کرتے ہیں ۔

ماہرین کے مطابق وادی میں نا مساعدہ حالات ، سیاسی ، سماجی ، اور دیگر کئی قسم کے مسائل کے ساتھ ساتھ منشیات کے بڑھتے رجحان کی وجو ہات ہو سکتی ہیں ۔ تحقیق کے مطابق منشیات کی لت میں جکڑے ہوئے افراد کی زندگی کا وا حد مقصد نشہ آور اشیاء کو حاصل کرنا اور جب نہ ملیں تو وہ اسے حاصل کرنے کیلئے کسی بھی حد تک جا سکتے ہیں ۔، نشہ نہ ملنے سے ان کے دما غ کا ایک حصہ Amygdala متحرک ہوجاتا ہے اور اس شخص کو منشیات حاصل کرنے کیلئے ابھارتا ہے ۔

نشہ استعمال کرنے والے انسان بیماریوں کو بھی دعوت دیتا ہے منشیات بطور دم کش استعمال کرنے والے دل کی بیماریون میں مبتلا ہوتے ہیں ، جو انجیکشن والی منشیات کا استعمال کرتے ہیں ان میں ایڈس وائرس کا زیادہ خطرہ ہوتا ہے ۔

وادی میں سب سے زیادہ نشے میں عادی افراد سرینگر سے پائے گئے ہیں ۔ ۲۰۱۷ میں ایس ایم ایچ ایس ہسپتال کے انسداد منشات مرکز میں چار ہزار کیس درج ہوئے جن میں سے ۴۵ فیصد کا تعلق سرینگر سے تھا ۔

کشمیر میں پولیس نے گزشتہ سال ۱۷ کوینٹل پوست( پاپی اسٹرا) ۸ کوینٹل فکی چھ کلو براون شو گر ، ۷۳ کلو چرس ، پانچ کلو گانجا ، ایک کوینٹل ۷۱ کلو بھنگ اور آٹھ کلو افیم برآمد کی ہے ۔
وہیں منشیات فروشوں کے خلاف ۳۱۲ کیس درج کئے گئے اور پانچ سو کے قریب افراد کو حراست میں لیا گیا ۔

اگر چہ انتظامی سطح پر اسکے خاتمے کیلئے کوشش کی جا رہی لیکن ہر گزرتے دن کیساتھ ساتھ اس ناسور میں مزید نوجوان گرفتار ہو رہی ہے جس کے لئے انتظامیہ کے یہ اقدامات نہ کے برابر ہی ہیں۔

دنیا

نیپال میں سیلاب سے تقریباً 470 افراد ہلاک، امدادی کارروائیاں جاری

Published

1 hour ago

August 28, 2026

Online Desk

کٹھمنڈو، نیپال کے دارالحکومت کھٹمنڈو کے حکام کے مطابق گلیشیئر کا ایک بڑا حصہ ٹوٹنے کے بعد مٹی اور چٹانوں کا ایک وسیع تودہ ہمالیائی دریا میں جا گرا، جس کے نتیجے میں آنے والے تباہ کن سیلاب سے نیپال اور چین کے تبت کے علاقے میں کم از کم 469 افراد ہلاک اور کم از کم 1,500 افراد لاپتہ ہیں۔

تباہ کن بھوٹی کوشی سیلاب نے نیپال اور تبت کے پہاڑی سرحدی علاقے کو اپنی زد میں لے لیا، جبکہ نیپال کے ضلع راسووا میں سب سے زیادہ تباہی ہوئی، جو چینی سرحد کے عین جنوب میں واقع ہے۔

ٹیلی ویژن پر نشر ہونے والی تصاویر میں تباہ شدہ مکانات، پانی میں بہتی گاڑیاں اور سیلابی ریلے میں بہہ جانے والا ایک دھاتی پل دکھائی دیا، جبکہ عینی شاہدین نے بتایا کہ سیلابی پانی نے پورے کے پورے دیہات کو اپنی زد میں لے لیا۔ امدادی اور تلاش کرنے والی ٹیمیں متاثرہ علاقے میں پانی میں چلتے ہوئے متاثرین اور لاپتہ افراد کو تلاش کر رہی ہیں، تاہم کارروائیوں میں شدید مشکلات پیش آ رہی ہیں کیونکہ سیلاب کے باعث متعدد سڑکیں اور پل بھی تباہ ہو گئے ہیں۔

حکام نے ابتدائی طور پر خیال ظاہر کیا تھا کہ بدھ کی صبح آنے والے سیلاب کی وجہ 4.4 شدت کا زلزلہ ہو سکتا ہے۔ تاہم متعدد ماہرین اور امریکی جیولوجیکل سروے (یو ایس جی ایس) نے تصدیق کی کہ ”زلزلاتی سرگرمی” دراصل گلیشیئر کے ٹوٹنے اور ملبے کے بہاؤ کا نتیجہ تھی، جس کے بعد دریا کے نچلے علاقوں میں تباہ کن اثرات مرتب ہوئے، نہ کہ زلزلے کی وجہ سے سیلاب آیا۔

گلیشیئر کا انہدام اس وقت ہوتا ہے جب برفانی تودے کا ایک بڑا حصہ اپنے بستر سے الگ ہو جاتا ہے۔ اس میں بعض اوقات لاکھوں مکعب میٹر برف، چٹانیں اور پانی شامل ہوتے ہیں، جو انتہائی تیزی سے حرکت کرنے والے برفانی تودے یا ملبے کے بہاؤ میں تبدیل ہو سکتے ہیں۔ گلیشیئر کا انہدام گلیشیئر سائنس میں باقاعدہ طور پر متعین سائنسی اصطلاح نہیں، تاہم ایسے واقعات کو بیان کرنے کے لیے یہ اصطلاح عام طور پر استعمال ہوتی ہے۔

نیپال کی نیشنل ڈیزاسٹر رسک ریڈکشن اینڈ مینجمنٹ اتھارٹی کے مطابق ”گلیشیئر سے آنے والا سیلاب” لہینڈے کھولا دریا میں نیپالی جانب برف اور چٹانوں کے تودے گرنے کے باعث آیا۔ اتھارٹی کے ماہر ارضیات پرکاش پوکھرل نے بتایا کہ ابتدائی سیلابی ریلا لہینڈے کھولا میں داخل ہوا، جو آگے بھوٹی کوشی اور پھر تریشولی دریاؤں میں شامل ہوتا ہے۔ اس کے نتیجے میں سیلابی پانی جنوب کی جانب نیپال میں پھیل گیا۔ اطلاعات کے مطابق صرف 30 منٹ میں تریشولی دریا کی سطح میں تقریباً 9 میٹر (27 فٹ) تک اضافہ ہوا۔

جاری۔ یو این آئیْ۔ ع ا۔

ہندوستان

پوروانچل ایکسپریس وے پر روڈویز بس ستون سے ٹکرائی، ڈرائیور سمیت دو ہلاک، 26 زخمی

Published

2 hours ago

August 28, 2026

Online Desk

اعظم گڑھ، اترپردیش کے اعظم گڑھ ضلع میں پوروانچل ایکسپریس وے پر جمعرات کی دیر رات تیز رفتار روڈویز بس کے ستون سے ٹکرانے کے سبب بس ڈرائیور سمیت دو افراد کی موت ہو گئی، جبکہ کئی مسافر زخمی ہو گئے۔

اطلاع ملتے ہی پولیس اور ایکسپریس وے کی ایمبولینس ٹیم موقع پر پہنچی اور راحت و بچاؤ کا کام شروع کیا۔

زخمیوں کو فوری طور پر ضلع اسپتال سمیت آس پاس کے اسپتالوں میں داخل کرایا گیا۔ کچھ زخمیوں کی حالت نازک بتائی جا رہی ہے۔

پولیس کے مطابق، بیلتھرا روڈ ڈپو کی روڈویز بس لکھنؤ سے بلیا جا رہی تھی۔ دیر رات پوی تھانہ علاقے میں پوروانچل ایکسپریس وے کے اسٹون نمبر 191 کے قریب بس کے آگے چل رہا پک اپ اچانک بے قابو ہو گیا۔

پک اپ کو بچانے کی کوشش میں بس کا توازن بگڑ گیا اور وہ ایکسپریس وے کے کنارے بنے گورکھپور لنک ایکسپریس وے کے ستون سے ٹکراگئی۔ حادثے میں بس ڈرائیور رجنی کانت (35)، ساکن مدھوبن، مئو اور ایک خاتون مسافر کی موقع پر ہی موت ہو گئی۔ حادثے کے بعد بس میں پھنسے مسافروں کو پولیس اور راحت رساں کارکنوں نے باہر نکالا۔ زخمیوں کو مختلف اسپتالوں میں داخل کرایا گیا۔

حادثے میں زخمی مسافروں میں انجو برنوال (54)، ہرش برنوال (25)، سَویکا (18)، سنیتا (22)، نِتھانجلی یادو (16)، رمبھَا (38)، آنند (19)، شبھم شیکر (12)، روچی (3)، رودل (45)، پرنس یادو، گنسن (23)، انوشکا (18)، سشیل (41)، شویتا (22)، کوشل کشور دوبے (62)، بھگوتی (38)، انکیتا (20)، سِرشٹی (21)، گولو (15)، سنجو (17)، پرینکا شریواستو (36)، سواتی شریواستو (14)، برجیش چوہان (20)، نشا یادو (30)، ارملا (30)، نِتیاوتی دوبے (45)، ستیش موریہ (21)، اکھلیش تیواری (28)، پرتیما پرجاپتی (18)، شریا یادو (19)، پون کمار شریواستو (50)، شوانی (21) اور کملیش (45) شامل ہیں۔

تمام زخمیوں کو اسپتال میں داخل کرایا گیا ہے۔ ضلع مجسٹریٹ رویندر کمار سمیت ضلع کے کئی افسران اسپتال پہنچے اور زخمیوں کے علاج اور راحت رسانی کے کام میں کسی بھی طرح کی لاپروائی نہ برتنے کی ہدایت دی۔ پولیس نے حادثے کا شکار بس کو ایکسپریس وے سے ہٹانے کی کارروائی شروع کر دی ہے۔ ابتدائی تفتیش میں حادثے کی وجہ پک اپ کے اچانک بے قابو ہونے اور اسے بچانے کی کوشش میں بس کا توازن بگڑنا بتایا جا رہا ہے۔

یو این آئی۔ این یو۔

جموں و کشمیر

اننت ناگ میں دھوکہ دہی اور فراڈ کے الزام میں بی جے پی لیڈر کے خلاف مقدمہ درج

Published

4 hours ago

August 28, 2026

Online Desk

سری نگر، بی جے پی کے اننت ناگ ضلع جنرل سکریٹری عابد ننگرو کے خلاف جموں و کشمیر پولیس نے سرکاری ملازمت دلانے اور امرناتھ یاترا کے دوران پہلگام میں خیمے لگانے کی اجازت دلانے کے نام پر مبینہ طور پر دھوکہ دہی اور فراڈ کرنے کے الزام میں مقدمہ درج کیا ہے۔

پولیس اسٹیشن اننت ناگ میں دھوکہ دہی اور فراڈ کی شکایت پر تحریری شکایت موصول ہونے کے بعد مقدمہ درج کیا گیا۔

پولیس نے بتایا کہ اسے وحید احمد ایتو، عیشمقام، جو فی الحال جی ڈی سی بوائز ہاسٹل، خانہ بل میں مقیم ہیں، کی جانب سے تحریری شکایت موصول ہوئی، جس میں الزام لگایا گیا کہ کرندی گام، بیج بہارا کے عابد ننگرو نے ان کے ساتھ دھوکہ کیا۔

پولیس کے مطابق شکایت میں کہا گیا ہے کہ ملزم نے شکایت کنندہ کو یہ یقین دلا کر اپنے جال میں پھنسایا کہ وہ محکمہ پولیس میں ایس پی او (اسپیشل پولیس آفیسر) کی حیثیت سے اسے سرکاری ملازمت دلوا سکتا ہے اور اپنے سیاسی اثر و رسوخ کی مدد سے شری امرناتھ جی یاتریوں کے لیے پہلگام میں خیمے لگانے کی اجازت بھی دلوا سکتا ہے۔

شکایت کنندہ نے مزید الزام لگایا کہ ان یقین دہانیوں اور دعووں کی بنیاد پر اس سے مجموعی طور پر 8,25,000 روپے لے لیے گئے۔

شکایت کا نوٹس لیتے ہوئے پولیس اسٹیشن اننت ناگ میں بی این ایس کی دفعات 318(4) اور 351(3) کے تحت ایف آئی آر درج کی گئی ہے اور تحقیقات شروع کردی گئی ہیں۔

اننت ناگ پولیس نے ایک بار پھر کہا ہے کہ دھوکہ دہی، فراڈ یا سرکاری ملازمت یا دیگر سرکاری فوائد دلانے کے جھوٹے وعدوں کے ذریعے لوگوں کا استحصال کرنے میں ملوث پائے جانے والے افراد کے خلاف سخت قانونی کارروائی کی جائے گی۔

یو این آئی، ایم جے