خبراردو:

پلوامہ کے درب گام علاقے میں فورسز کے ساتھ تصادم آرائی میں جاں بحق 2مقامی جیش محمد جنگجوؤں کی یاد میں دوسرے روز بھی مکمل ہڑتال رہی ہے جس دوران علاقے میں معمولات کی زندگی بری طرح متاثر رہی ۔جبکہ قصبہ اور دور دراز علاقوں میں تمام کار باری ادارے بندرہے اورسڑکوں سے ٹرانسپورٹ غائب رہا ۔جبکہ سرکاری اور غیر سرکاری دفاتر میں ملازمین کی حاضری نہ ہونے کے برا بر رہی ہے ۔ادھر علاقے میں سخت ہڑتال کے باوجود لوگوں کی ایک بڈی تعدادجاں بحق جنگجوؤں کے گھر تعزیت پرسی کرنے کے لئے جا رہے تھے ۔ ادھر سوپو میں 25جنوری کو ہوئے گرنیڈ حملے میں مبینہ طور ملوث 3افرا د کے گرفتاری کا دعوی کیا ۔

جنوبی کشمیر کے دربگام پلوامہ میں جمعہ کو فورسز کے ساتھ ایک شبانہ تصادم آرائی میں جاں بحق ہوئے2جیش جنگجوؤں شاہد مشتاق بابا ولد مشتاق احمد بابا ساکنہ دربگام اور عنایت عبداللہ ولد محمد عبد اللہ کی یاد میں سنیچر کوقصبہ پلوامہ سمیت دیگر ملحقہ علاقوں میں مکمل تعزیتی ہڑتال کی وجہ سے دوسرے دن بھی معمولات زندگی بری طرح متاثر رہی ہے اس دوران علاقے میں مکمل ہڑتال کی وجہ سے معمولات زندگی بری طرح متاثر رہی ہے ۔ادھر قصبے میں تمام دکان سرکاری و غیر سرکاری کار باری ادارے بند رہتے اور اس دوران دفاتر میں ملازمین کی حاضری بھی بہت کم رہی ہے ادھر ہڑتال کے دوران قصبے کے اکثر علاقوں کی سڑکوں پر ٹرانسپورٹ غائب رہنے کی وجہ سے سڑکیں ویران منظر پیش کر رہی تھی ۔ادھر سخت ہڑتال کے دوران مختلف علاقوں سے آئے ہوئے لوگوں کی ایک بڑی تعداد نے پیدل اور نجی گاڑیوں کے علاوہ موٹر سائیکلوں پر سوار ہو کر جاں بحق جنگجوؤں کے اقراد خانہ کے ساتھ تعزیت کا اظہار کیا ۔

تاہم علاقے میں حلات کل ملا کر پر امن رہے ادھر جنوبی کشمیر کے قصبہ ترال میں سنیچر کے روز بعد دوپہر فورسز کی ایک پارٹی بٹہ گنڈ اور دیگر کئی علاقوں میں چھاپہ ڈالنے کی غرض سے جا رہے تھے اس دوران جب فورسز کی پارٹی بس اسٹینڈ کے قریب پہنچی تو انہوں نے فورسز گاڑیوں پر پتھراو کیا ،تاہم اس وقت فورسز اہلکاروں نے پتھراو کرنے والے نوجوانوں کو کچھ نہیں بولا۔اس دوران جب فوروز کی پارٹی چھاپے کے بعد واپس آرہی تھی تھے تو بس اسٹینڈ میں پہلے سے نوجود نوجوانوں نے فورسز پارٹی پر شدید پتھراو کیا،جس کے جواب میں فورسز گاڑیوں میں موجود اہلکاروں نے نوجوانوں کو یہاں سے تتر بتر کرنے کے لئے آنسوں گیس کے درجنوں گولے داغے جس کے نتیجے میں یہاں زبردست افرار تفری کا ماحول پیدا ہوا ۔

اس دوران دکانداروں نیاپنی دکانیں کھلی چھوڑ کر یہاں سے فرار ہوئے ہیں۔ تاہم واقعے میں بس اسٹینڈ میںآنسوں گیس کی شل لگنے سے ایک خاتون دلشادہ زوجہ جاوید احمد ریشی ساکنہ ترال پائین شل لگنے سے زخمی ہوئی ہے ۔جس کو ابتدائی علاج معالجے کے لئے فوری طورایس ڈی ایچ ترال منتقل کیا گیا اسپتال منتقل کیاگیا۔جہاں سے ڈاکٹروں نے اسے سرینگر منتقل کیا ہے ۔تاہم بعد میں چاربجے کے قریب حالات پھر معمول پر آگئے۔ پولیس نے سنیچر کو کہا کہ شمالی کشمیر کے سوپور میں گرینیڈ پھینکنے میں ملوث جیش محمد نامی عسکری گروہ سے وابستہ تین افراد کو گرفتار کیا گیا ہے۔ادھر سوپور پولیس نے 25جنوری کی شام شمالی کشمیر کے سوپو علاقے میں گرنیڈ معاملے میں 3نوجوانوں کو ملوث ہونے کا دعوی کرتے ہوئے انہیں گرفتار کر لیا۔

پولیس بیان کے مطابق نامعلوم جنگجوؤں نے جنوری25کو سوپور میں سی آر پی ایف بنکر پر گرینیڈ پھینکا تھا۔اس ضمن میں پولیس نے اس وقت ایک کیس درج کرکے تحقیقات شروع کی ہے۔ جس کے دوران تین افراد جن میں غلام قادر راتھر ساکنہ تارزو،اعجاز احمد خان ساکنہ نسیم باغ اور اْویس خالد ڈار ساکنہ نگین باغ سوپور کو شک کی بنیاد پر حراست میں لیا۔جہاں پوچھ تاچھ کے دورا ن گرفتار شدگان نے انکشاف کیا کہ وہ جیش محمدجنگجوؤں تنظیم سے وابستہ ہیں جنہوں نے انہیں2 گرینیڈ فراہم کئے تھے جن میں سے ایک کو پھینکا گیا جب کہ دوسرے کو ضبط کر لیا گیا۔جس کے بعد پولیس نے تینوں کے خلاف کیس درج کر کے تحقیقات شروع کیا ہے ۔