فاروق عبداللہ قربانی دینے کیلئے یاسین ملک کا حوصلہ کیوں بڑھا رہے ہیں؟:سجاد لون

Published

7 years ago

April 26, 2019

خبراردو:

سرینگر// یاسین ملک کو اُن کی قربانیوں کو مبارک باد پیش کرنے کے ڈاکٹر فاروق عبداللہ کے بیان پر ردعمل ظاہر کرتے ہوئے پیپلز کانفرنس چیئرمین سجاد غنی لون نے کہا کہ اُنہیں فاروق صاحب کی نفرت انگیز منافقت پر کوئی حیرانی نہیں ہوئی ہے بلکہ اُنہیں غم انگیز باتوں سے تکلیف پہنچی ہے۔سجاد نے کہا کہ فاروق عبداللہ بے شرم اشرافیہ کے سوا کچھ نہیں ہیں جو عام لوگوں کو قربانی دینے کی ترغیب تو دے رہے ہیں جبکہ اُن کا اپنا خاندان بادشاہانہ رعایات سے لطف اندوز ہورہا ہے۔

سجاد غنی لون نے کہا”کیا آپ واقعی یاسین ملک کے بارے میں بات کرنے کی جرا ت رکھتے ہیں؟۔کیا آپ اپنی یاداشت پر تھوڑا سا زور دینگے اور یا د کریں گے کہ آپ نے1987میں وزیراعلیٰ کی حیثیت سے سیاسی نظام کے اندر باغی ہونے ایک نوجوان باغی یاسین ملک کاپیچھا کرکے اُنہیں بندوق اٹھانے پر مجبور کردیا؟۔کیا وہ آپ ہی نہیں تھے جس نے وزیراعلیٰ کی حیثیت سے اُنہیں1987کے الیکشن سے قبل اور بعد میں پابند سلاسل نہیں کیا؟ کیا وہ آپ کی وزیراعلیٰ کی حیثیت سے نہیں تھے جنہوں نے اُن کے تھرڈ ڈگری ٹارچر کا حکم دیا اور اُنہیں اس حد تک ٹارچر کیاگیا کہ وہ سنگین عارضہ قلب کے مریض بن گئے ؟ کیا وہ آپ ہی وزیراعلیٰ کی حیثیت سے نہیں تھے جنہوںنے اُن کے سر پر لاکھوں روپے کاانعام رکھا؟۔کیا آپ وہ سب بھول گئے ہیں؟ اور اب 32سال بعد آپ یاسین ملک کی مدح سراہی کررہے ہیں اور اُنہیں بھوک ہڑتال پرپ جانے اور اپنی زندگی قربان کرنے کیلئے تیار ہونے پر مبارک باد پیش کررہے ہیں۔اگر جو کچھ یاسین ملک کررہے ہیں،اُس کے ساتھ آپ کی اتنی ہی محبت ہے تو آپ اپنے بیٹے عمر عبداللہ کو بھی وہی کچھ کرنے کا مشورہ کیوںنہیں دے رہے ہیں؟ وہ بھوک ہڑتال پر کیوں نہیں جاتے اور قربانی کیوں نہیں دیتے جیسا کہ آپ یاسین ملک کو مشورہ د ے رہے ہیں؟ یا قربانیاں صرف غریب لوگوں کے بچوں کیلئے ہی ہیں؟“۔

سجاد نے کہا کہ فاروق عبداللہ اکیلے ہی امن پسند کشمیریوں کو بندوق اٹھانے پر مجبور کرنے کیلئے ذمہ دار ہیں۔اُن کا کہناتھا”میں آپ کو یاد دلاﺅں کہ یاسین ملک 1987کے الیکشن میں مسلم متحدہ محاذ کے نوجوان رکن کی حیثیت سے الیکشن عمل کا حصہ تھے ۔اُنہیں1987کے دھاندلی شدہ الیکشن کے بعد جیل میں ٹھونس دیاگیا اور شدید جسمانی اذیتوںسے دوچار کیاگیا۔اگر اُن جیسے لوگوں کو آگے بڑھنے کا موقعہ دیا گیا ہوتا تو آج وہ وہاں ہوتے جہاں آپ کا بیٹا عمر عبداللہ ہے ۔اُس نے دہائیاں جیلوں میں گزاریں جبکہ آپ اور آپ کے بیٹے نے ترقی کی تمام حدیں پار کردیں۔بے شک وہ کالج طالب علمی کے زمانے میں باغیانہ ذہنیت کا حامل تھاتاہم اُن کا انتخابی عمل سے بھروسہ نہیں اٹھا تھا۔یہ آپ کی حکومت تھی جس نے اس قدر اندھا دھند الیکشن دھاندلیاں کیں کہ یاسین ملک اور اُس جیسے بیسیوں نوجوانوں کا جمہوری عمل سے اعتبار اٹھ گیا اور انہوں نے بندوق تھام لی۔وہ آغاز تھا اور آج تک تقریباً ایک لاکھ کشمیریوں نے اپنی جان گنوا دی ہے جبکہ آپ اور آپ کی قبیل کے دیگر لوگ مزے لوٹ رہے ہیں۔یہ شرمساری کا مقام ہے ۔دلّی کو بھی یہ بات ذہن نشین کرلینی چاہئے کہ جب تک و ہ صرف علامات کا علاج کرتے رہیں گے ،بیماری وہیں رہے گی اور وہ کبھی ختم نہیں ہوگی“۔
سجاد غنی لون نے کہا کہ مظلوم کو بار بار سزا دینے کی بجائے دلّی کو فاروق عبداللہ جیسے وائٹ کالر قاتلوں کاگریباں پکڑنا چاہئے اگر وہ واقعی تبدیلی چاہتے ہیں۔پی سی چیئرمین کا کہناتھا”میں دلّی کو چیلنج کرتاہوں کہ اگر آپ واقعی کشمیر میں تبدیلی چاہتے ہیں اور اگر آپ میں تبدیلی لانے کی واقعی چاہ ہے تو فاروق عبداللہ جیسے وائٹ کالر قاتلوں کا تعاقب کیجئے ۔امن پسند کشمیریوں کو بندو ق اٹھانے پر مجبور کرنے کیلئے فاروق عبداللہ اکیلے ذمہ دار ہے ۔جس دن دلّی روایتی اشرافیہ کو اُن کے گناہوں کیلئے سزا دینے کا سلسلہ شروع کرے گی ،کشمیر میں نمایاں تبدیلی آجائے گی“۔

سجاد غنی لون کا مزید کہناتھا کہ فاروق عبداللہ کو سینہ پیٹنے اور مگر مچھ کے آنسو بہانے کی بجائے اپنے گناہوں کی توبہ کے بار ے میں سوچنا چاہئے۔اُن کاکہناتھا”1987کے مظلومین کو ایک بار پھر سزا دی جارہی ہے اور واحد اضافہ صرف یہ ہے کہ 1987کے ظلم و جبر کا مرتکب فرد ڈاکٹر فاروق عبداللہ اب میدان میں کود پڑ ے ہیں اور اُنہوں نے سینہ پیٹنے والے رُدالی کا لبادہ اوڑھ رکھا ہے ۔ہم اُنہیں عاجزانہ مشورہ دیتے ہیں کہ اُنہیں سنجیدگی کے ساتھ توبہ استغفار کرلینا چاہئے۔یہ اب شرمناک بن چکا ہے کہ وہ فراہم کردہ مواقع پر اُن گناہوں کیلئے رونا دھو نا اور سینہ پیٹنا شروع کردیتے ہیں جن کا سکرپٹ اُنہوںنے ماضی میں خود لکھا ہوا ہے“۔

دنیا

اسرائیلی انتخابات سے قبل نیتن یاہو کی لیکوڈ اور آئزنکوٹ کی یاشار پارٹی کے درمیان سخت مقابلہ

Published

7 hours ago

October 23, 2026

Online Desk

یروشلم، اسرائیل میں منگل کو ہونے والے انتخابات سے قبل وزیر اعظم بنجامن نیتن یاہو کی حمایت کرنے والے اور ان کی مخالفت کرنے والے جماعتی اتحادوں کے درمیان سخت مقابلہ ہے۔ تاہم، زمان اسرائیل کے ایک تازہ ترین سروے کے مطابق، کسی بھی اتحاد کو 120 رکنی کنیسٹ (اسرائیلی پارلیمان) میں اکثریت حاصل ہوتی دکھائی نہیں دے رہی ہے۔

14 اور 15 اکتوبر کو 500 یہودی اور عرب افراد کے درمیان کیے گئے اس سروے میں یہودی قیادت والے دونوں بڑے سیاسی اتحادوں کو 51، 51 نشستیں ملنے کا اندازہ ظاہر کیا گیا ہے، جو حکومت تشکیل دینے کے لیے درکار 61 نشستوں سے کافی کم ہے۔

عرب قیادت والی جماعتوں کو مجموعی طور پر 14 نشستیں ملنے کا امکان ظاہر کیا گیا ہے، جبکہ کسی اتحاد کا حصہ نہ بننے والی ریزروسٹس پارٹی کو چار نشستیں ملنے کی توقع ہے۔

دونوں میں سے کسی بھی اتحاد کے لیے بعض حریف جماعتوں کے ساتھ حکومت نہ بنانے سے متعلق انتخابی وعدوں سے پیچھے ہٹے بغیر اکثریت حاصل کرنا مشکل ہوگا۔

اگر کوئی اتحاد حکومت تشکیل دینے میں ناکام رہتا ہے تو 2027 کے اوائل میں دوبارہ انتخابات کرائے جا سکتے ہیں اور اس دوران نیتن یاہو نگراں وزیر اعظم برقرار رہیں گے۔

ٹائمز آف اسرائیل کے ایک الگ سروے کے مطابق، تقریباً 60 فیصد جواب دہندگان چاہتے ہیں کہ اگر نیتن یاہو حکومت بنانے میں ناکام رہتے ہیں تو وہ سیاست سے سبکدوش ہوجائیں۔

ٹائمز آف اسرائیل کے جماعت وار اندازوں کے مطابق، اپوزیشن رہنما گادی آئزنکوٹ کی یاشار پارٹی 23 نشستوں کے ساتھ پہلے مقام پر ہے، اگرچہ گزشتہ ہفتے کے مقابلے میں اس کی متوقع نشستوں میں تین کی کمی آئی ہے۔

دوسری جانب نیتن یاہو کی لیکوڈ پارٹی 21 نشستوں کے ساتھ دوسرے مقام پر ہے۔ امریکی صدر ڈونالڈ ٹرمپ کی جانب سے نیتن یاہو کی حمایت کے چند روز بعد لیکوڈ کی متوقع نشستوں میں ایک کا اضافہ ہوا ہے۔

اسرائیل کے سابق وزیر اعظم نفتالی بینیٹ کی جماعت بی یاخاد کو 11 نشستیں ملنے کا امکان ہے، جبکہ سخت گیر موقف رکھنے والی یسرائیل بیتینو کو نو نشستیں مل سکتی ہیں۔ عرب قیادت والے جوائنٹ لسٹ اتحاد کو بھی نو نشستیں ملنے کی توقع ہے۔

انتہائی قدامت پسند مذہبی جماعتوں شاس اور یونائیٹڈ توراہ جوڈازم، بائیں بازو کی ڈیموکریٹس اور انتہائی دائیں بازو کی اوتسما یہودیت، ہر ایک کو آٹھ نشستیں ملنے کا اندازہ ہے۔ مذہبی صہیونیت پارٹی کو چھ، تاریخی طور پر اسلام پسند جماعت راعم کو پانچ اور ریزروسٹس پارٹی کو چار نشستیں ملنے کی توقع ہے۔

اوفیر ونٹر کی قیادت والی دائیں بازو کی پیپلز آف اسرائیل پارٹی کے بارے میں اندازہ ہے کہ وہ انتخابی حد عبور نہیں کر پائے گی۔ اس جماعت نے وعدہ کیا ہے کہ وہ

جاری ۔ یو این آئی۔ ع ا۔

دنیا

سرائیلی فوج کے سربراہ نے کنیسٹ انتخابات سے قبل ایران پر حملے کی ضرورت مسترد کردی

Published

7 hours ago

October 23, 2026

Online Desk

یروشلم، اسرائیلی فوج کے سربراہ لیفٹیننٹ جنرل ایال زامیر نے فی الحال ایران پر حملے کے لیے کسی عملی ضرورت سے انکار کیا ہے۔ چینل 13 نے جمعرات کو یہ اطلاع دی۔ ان کا یہ بیان اسرائیل میں 27 اکتوبر کو ہونے والے کنیسٹ انتخابات سے قبل ایران کے ساتھ جنگ دوبارہ شروع ہونے کے خدشات کے درمیان سامنے آیا ہے۔

چینل 13 کے مطابق، زامیر نے حالیہ ایک نجی اجلاس میں کہا، ”ہمیں ایسے کوئی اشارے نہیں ملے ہیں جن سے ظاہر ہو کہ انتخابات سے پہلے ایران پر حملہ ضروری ہے۔ اگر ہم اس نتیجے پر پہنچے کہ ایران پر حملہ ضروری ہے تو ہم ایسا کریں گے۔”

وزیر اعظم بنجامن نیتن یاہو کے اہم حریف اور یاشار پارٹی کے سربراہ گادی آئزنکوٹ نے بھی جمعرات کو اسی طرح کا موقف ظاہر کیا۔ انہوں نے چینل 13 سے کہا، ”ایران کی جانب سے کوئی ایسا براہ راست اور فوری خطرہ نہیں ہے جو انتخابات سے پہلے جنگ شروع کرنے کو ضروری بنائے۔”

نیتن یاہو کو ناقدین کی جانب سے ان الزامات کا سامنا ہے کہ وہ اسرائیلی انتخابات پر اثرانداز ہونے یا انہیں ملتوی کرانے کے لیے ایران کے خلاف جنگ دوبارہ شروع کرنے کی کوشش کر رہے ہیں۔ تاہم، انہوں نے ان الزامات کی تردید کی ہے۔

یو این آئی۔ ع ا۔

جموں و کشمیر

عمر عبداللہ کی لوگوں سے باغِ گلِ داؤد کی خوب صورتی سے لطف اندوز ہونے کی اپیل

Published

7 hours ago

October 23, 2026

Online Desk

سری نگر، جموں و کشمیر کے وزیر اعلیٰ عمر عبداللہ نے جمعہ کو کہا کہ سری نگر کا پہلا مخصوص گلِ داؤدی باغ، ‘باغِ گلِ داؤد’، سیاحوں کو پھولوں کی ایک منفرد دل کشی فراہم کرکے کشمیر میں سیاحتی موسم کو وسعت دینے میں مددگار ثابت ہوگا۔

باغ کا دوسری مرتبہ افتتاح کرنے کے بعد صحافیوں سے بات کرتے ہوئے عمر عبداللہ نے کہا کہ اس اقدام کا مقصد کشمیر کے سیاحتی موسم کے آغاز اور اختتام، دونوں ادوار میں سیاحوں کے لیے خصوصی کشش کے مقامات تیار کرنا ہے۔

انہوں نے کہاکہ ”اس باغ کو تیار کرنے کے پیچھے ہمارا مقصد سیاحتی موسم کو فروغ دینا ہے۔” انہوں نے مزید کہا کہ محکمۂ گل کاری نے باغِ گلِ داؤد کو اس لیے تیار کیا ہے تاکہ ایسے عرصے میں سیاحوں کو ایک منفرد تجربہ فراہم کیا جا سکے، جب سیاحت کے لیے خاص کشش رکھنے والے مقامات نسبتاً کم ہوتے ہیں۔

زبرون پہاڑیوں کے دامن میں واقع اور ڈل جھیل کے چمکتے پانیوں کا نظارہ پیش کرنے والا یہ خوب صورت، زینہ دار باغ سری نگر کے مشہور ٹیولپ گارڈن کے قریب واقع ہے۔

عمر عبداللہ نے لوگوں کو باغ کی سیر کی دعوت دیتے ہوئے کہاکہ ”میں نہ صرف ملک بھر کے ان لوگوں کو کشمیر آنے کی دعوت دیتا ہوں جو یہاں کی سیر کے خواہش مند ہیں، بلکہ اس سے بھی بڑھ کر سری نگر اور آس پاس کے علاقوں میں رہنے والے اپنے لوگوں سے اپیل کرتا ہوں کہ وہ آئیں اور اس باغ کی خوب صورتی سے لطف اندوز ہوں۔”

انہوں نے سیاحوں پر زور دیا کہ وہ باغ میں تصاویر کھینچیں اور یہاں کی خوب صورتی کی یادیں ہمیشہ کے لیے محفوظ کریں۔

گزشتہ سال باغ کے افتتاح کے بعد ہونے والی پیش رفت کا ذکر کرتے ہوئے وزیر اعلیٰ نے کہا کہ باغ میں نمایاں بہتری آئی ہے اور اسے مزید دل کش بنانے کی کوششیں جاری رہیں گی۔

انہوں نے کہاکہ ”آپ میں سے جو لوگ گزشتہ سال افتتاح کے موقع پر میرے ساتھ تھے اور جنہوں نے اس مرتبہ یہاں آنے کا موقع حاصل کیا ہے، انہوں نے خود دیکھا ہوگا کہ اس باغ نے کتنی ترقی کی ہے۔”

وزیر اعلیٰ نے کہا کہ پائیداری کے اعتبار سے بھی اس باغ کو ایک فائدہ حاصل ہے، کیونکہ اس کے پودوں کو مقامی طور پر افزائش دے کر بڑھایا جا سکتا ہے، جب کہ ٹیولپ کے بلب بار بار درآمد کرنے پڑتے ہیں۔

انہوں نے کہاکہ ”اس باغ کا ایک بڑا فائدہ یہ ہے کہ ٹیولپ گارڈن کے برعکس، جس کے لیے ہمیں بار بار بیرونِ ملک سے بلب منگوانے پڑتے ہیں، باغِ گلِ داؤد کے پودوں کا مواد ہمارے اپنے پاس موجود ہے۔ ہم خود ان کی افزائش کرتے ہیں اور ان کی تعداد بڑھاتے ہیں۔”

انہوں نے مزید کہا کہ حکومت ہر سال باغ میں نئی خصوصیات متعارف کرانے کی کوشش کرے گی تاکہ اس کی کشش برقرار رہے اور سیاحتی مقام کے طور پر اس کا کردار مزید مستحکم ہو۔

یواین آئی۔ ظ ا