پوری دنیا کی طرح وادی کشمیر میں کورونا وائرس کے نتیجے میں جاری لاک ڈاون کے دوران خط افلاس سے نیچے زندگی کا گزر بسر کرنے یا ان سے بھی کمزرو لوگوں کی دو وقت کی روٹی متاثر ہونی لگی ہے،ویہی دوسری جانب روں ماہ رمضان میں غریبوں کی طرح صاحب ثروت لوگ بھی پچھلے سالوں کے نسبت افطار اور سحری کا اہتمام انتہائی سادگی سے کر رہے ہیں۔

کشمیر نیوز سروس (کے این ایس) کے مطابق مہلک کورونا وائرس کے بعد سرکار کی جانب سے جاری لاک ڈون کے نتیجے میں جس طرح دنیا کی اقتصادی حالت انتہاتک پہنچی ہے، ویہی غریب غربات اور مزدور پیشہ افراد کی دو وقت کی روٹی متاثر ہونے لگی ہے۔

اس دورا ن مقدس ماہ رمضان کے سحری اور افتار کی اوقات کے لئے سجائے جا رہے، دسترخوان پربھی یہ اثرات ظاہر ہونے لگے ہیں، جہاں مالی اعتبار سے کمزور بلکہ بیشتر صاحب ثروت لوگ بازار سے اشیاء نہ ملنے کے باعث ان اقات کے کھانے کا اہتمام انتہائی سادگی سے کرتے ہیں۔منظور احمد نامی ایک شخص نے بات کرتے ہوئے بتایا میں ایک مزدور ہوں، مزدوری کر کے اہل عیال کی کفالت کرتا تھا۔تاہم اب ڈیڈ ماہ سے گھرسے باہر جا نہیں سکتا ہوں۔انہوں نے کہا کہ مجھے سرکار کی طرف سے فراہم شدہ چاول کے بناء کوئی بھی چیز موجود نہیں ہے حتیٰ ماہ رمضان میں بھی ہم بنا دودھ کے چائے پیتے ہیں،جبکہ سابق ماہ رمضان میں ہم ہم مزدوری کر کے ہی اپنے حساب سے بہتر انداز میں افطار اور سحری کا اہتمام کرتے تھے۔

فاروق احمد نامی ایک ڈرائیور نے بتایا میں ہر سال ماہ رمضان کے لئے بلکل الگ خرچہ رکھتا تھا اور اس ماہ میں ہمارے خرچے میں اضافہ بھی ہوتا تھا۔انہوں نے کہا امسال بلکل ساد گی سے ہم افطار کرتے ہیں،حالانک تاحال خالی پانی سے ان چار دنوں کا افطار کیا ہے۔ انہوں نے کہا اگر ہم کچھ اشیاء لانے کی خواہش کرتے بھی ہیں،تاہم دکا ن خالی پڑے ہیں،بازار بند ہیں،باہر کے چیزوں کو کھانے میں ڈر بھی اور احتیاط بھی کرتے ہیں۔ان کا کہنا تھا کہ لاکڈون طویل بھی ہوسکتا،اس وقت بہتر یہی ہے کہ ہر چیز کو احتیاط سے خرچ کیا جائے۔محکمہ تعلیم میں کام کر رہے ریاض احمد نامی ایک لکچرر نے بتایا واقعی اس رمضان نے امیر اور غریب کو یکسان بنا دیا ہے انہوں نے کہا اپنی عمر میں پہلی بار ہم افطار انتہائی سادگی سے کرتے ہیں۔

انہوں نے کے این ایس کے ساتھ فون پر بات چیت کرتے ہوئے کہا کہ ہمارے گھر میں یہ ماہ رمضان میں معمول تھا کہ افطار کے وقت دستر خوان پرمتعدد اور مختلف اقسام کی زیافتیں ہوتی تھی تاہم اب کی بار زیادہ سے زیادہ پانی اور تربوزے ہوتے ہیں۔

انکا کہنا تھا کہ آج انسان کو ایک غریب کی زندگی سمجھ آتی ہے کہ ایک مزدور کسی طرح اپنا گزارہ کرتا ہے انہوں نے کہابے شک یہ وائرس کے بعد جاری لاکڈون سے ہوا ہے ’کاش ایسا تب ہوتا جب سب کچھ ٹھیک تھا“۔بشیر احمد نامی ایک دکاندار نے کہاوہ ماہ رمضان میں خشک اور دیگر قسم کے میوہ جات،جوس،کھجورکے ساتھ ساتھ باقی اشیاء افطار کے لئے فروخت کرتا تھا،جس پر وہ اپنے گھر کا گزارہ بہتر انداز میں چلاتاتھا۔

انہوں نے بتایا اب کی بار دکان میں جوکچھ موجود تھا وہ بھی لوگ لینے سے گبرا رہے ہیں۔بشیر احمد کا کہنا تھا رمضان سے دس دن پہلے ہم صرف افطار اور سحری کا سامان رکھتے تھے،لیکن کورونا وائرس کے باعث وقت سے قبل لاکڈون کے موجب کچھ بھی نہیں لا سکے ہیں۔سماج کے معتبر شخصیات کا ماناہے کہ کم کھانے سے انسان نہیں مرتا ہے اور اس وقت ضرورت اس بات کی ہے کہ جو ہمارے پاس ہے اپنے پڑسیوں کے ساتھ مل کر کھائیں۔