ویڈیو : امریکہ کی ا یران پر معاشی پابندیوں کے بعد کیا بھارت ایران سے تیل خریدنا بند کر سکتا ہے؟

Published

8 years ago

October 8, 2018

رضوان سلطان:
دسمبر ۲۰۱۵ کا سال تھا جب آسٹریا کے ویانا شہر میں اوبامہ کے دور میں دنیا کی چھ بڑی طاقتوں، ’ روس ، برطانیہ ، چین ، فرانس امریکہ ، جرمنی اور یورپی یونین نے ایران کو ایٹمی ہتھیار بنانے سے روکنے کیلئے ایران نیوکلیر ڈیل فریم ورک پر دستخط کئے تھے ، جس کے بعد ایران نے صنعتی پیمانے پر یورینیم کی افزودگی کے عمل کو روک دیا تھا ۔ جس کے بعد عاملی طاقتوں کی طرف سے ایران پر معاشی پابندیاں نرم کر دی گئی تھیں ۔

اور اس کے لگ بھگ تین سال بعد امریکہ کے نئے صدر ڈونلڈ ٹرمپ نے اس ڈیل سے خود کو الگ کر دیا ۔ کیوں کہ صدر ٹرمپ کو اس ڈیل کو لے کر خدشات تھے ، ٹرمپ کا کہنا تھا کہ یہ ایک کمزور اور یکطرفہ ڈیل ہے جو ایران کو جوہری ہتھیاروں کی تیاری سے نہیں روک سکتی ۔ ۔امریکہ نے ڈیل ختم کرتے ہی ایران پر وہی معاشی پابندیاں لگا دی گئیں بلکہ دنیا کو بھی دھمکی دے ڈالی کہ وہ ایران کیساتھ ۴ نومبر ۲۰۱۸ تک تجارتی تعلقات توڑ ڈالیں ،جس میں خاص طور پر تیل شامل ہے ۔

اب سوال یہ ہے اامریکہ باقی ممالک پر بھی پابندیاں کیوں لگا رہا ہے کیونکہ ایرن کا خام تیل بہت اچھا مانا جاتا ہے اور یہ تیل بڑے ممالک خریدتے ہیں ۔ جن میں چین ، بھارت سوتھ کوریا ترکی ، اٹلی جیسے ممالک شامل ہیں اور دوسری اور ایران کا پٹرولیم سیکٹر اس کی معیشت کا دل مانا جاتا ہے ۔ جبکہ پہلے ہی ایران بے روزگاری اور کئی مسائل کا شکار ہے اور اگر ان ممالک نے تیل لینابند کیا تو ایران کیلئے اور مسائل پیدا ہونگے ۔ اور امریکہ ایران کو پوری دنیاسے الگ کرنا چاہتا ہے ۔
لیکن چین اور ترکی نے کہہ دیا ہے وہ ایران سے تیل خریدتا رہے گاْ ۔

بھارت کا موقف:
بھارت نے نہ ہی کھل کر امریکہ کی طرف سے لگائی گئی پابندیوں کی مخالفت کی اور نہ ہی حمایت ۔ کیوں کہ اس کی کچھ وجوہات ہیں ۔بھارت ، سعودی عرب اور عراق کے بعد سے سے زیادہ تیل ایران سے خریدتا ہے ۔اپریل ۲۰۱۷ سے جنوری ۲۰۱۸ تک بھارت نے 18.4 ملین ٹن ایران سے خام تیل خریدا ہے ۔ اسکے علاوہ بھارت ایران میں چابہار پورٹ بنا رہا ہے جس میں ۵۰۰ ملین ڈالر کی سرمایہ کاری بھارت نے کی ہے ۔ جس سے بھارت کی افغانستان تک رسائی آسان ہو گی ۔

لیکن جون ۲۰۱۸ میں نکی ہیلی (جو امریکہ کی طرف سے اقوام متحدہ میں سفیر بھی ہیں) بھارتی دورے پر آئی تھیں انہوں نے بھارت سے صاف کہا کہ وہ ایران سے تیل خریدنا بند کر دےْ۔ اور یہ بھی کہہ ڈالا کہ امریکہ ایران میں چابہار پورٹ کو بنانے میں بھارت کی مدد بھی کرے گا ۔ اب سوال یہ ہے اگر امریکہ ا یران کو دنیا سے الگ کرنا چاہتا ہے تو وہ کیوں چابہار پورٹ میں بھارت کی مدد کرنا چاہے گا جس سے ایران کی کنیکٹیوٹی باقی ممالک کے ساتھ بڑھ جائے گی ۔ بھارت کو یہاں پر بھی دیکھنا ہو گا کہیں وہ اسے اپنے مفادات کیلئے استعما ل تو نہیں کر رہا ۔

وہیں دوسری طرف اگر دیکھے چین اور ایران کے تعلقات مظبوط ہو رہے ہیں اسی سال چین میں شانگیائی کارپوریشن سممٹ ہوا جس میں حسن روحانی چیف گیسٹ کے بور موجود تھے جو کہ اس کارپوریشن کا حصہ بھی نہیں ہیں۔ جہاں پر شی جن پنگ نے کہا کہ وہ ایران کو کسی بھی قسم کا اقتصادی تعاون دینے کیلئے تیار ہیں ۔ جس کا صاف مطلب ہے کہ امریکہ کی طرف سے لگائی گئی پابند یوں کے باوجود چین ایران کے ساتھ کھڑا ہے .

وہیں اگر بھارت نے امریکہ کی بات مان کر تیل خردینا بند کیا تو اس سے بھارت ایران کے تعلقات میں خرابی بھی آسکتی ہے ۔ جس سے بھارت کو نقصان اٹھانا پڑ سکتا ہے۔ اب کچھ روز پہلے ہی عالمی عدالت برائے انصاف نے بھی امریکہ کو کہا ہے کہ وہ ایرانی ضروری اشیاء سے پابند ی ہٹائے ۔
جس سے صاف ظاہر ہوتا ہے بھارت اس وقت تذبذب میں پھنس گیا ہے کہ اسے کیا کرنا چاہیے ۔

دنیا

نیپال میں سیلاب سے تقریباً 470 افراد ہلاک، امدادی کارروائیاں جاری

Published

2 hours ago

August 28, 2026

Online Desk

کٹھمنڈو، نیپال کے دارالحکومت کھٹمنڈو کے حکام کے مطابق گلیشیئر کا ایک بڑا حصہ ٹوٹنے کے بعد مٹی اور چٹانوں کا ایک وسیع تودہ ہمالیائی دریا میں جا گرا، جس کے نتیجے میں آنے والے تباہ کن سیلاب سے نیپال اور چین کے تبت کے علاقے میں کم از کم 469 افراد ہلاک اور کم از کم 1,500 افراد لاپتہ ہیں۔

تباہ کن بھوٹی کوشی سیلاب نے نیپال اور تبت کے پہاڑی سرحدی علاقے کو اپنی زد میں لے لیا، جبکہ نیپال کے ضلع راسووا میں سب سے زیادہ تباہی ہوئی، جو چینی سرحد کے عین جنوب میں واقع ہے۔

ٹیلی ویژن پر نشر ہونے والی تصاویر میں تباہ شدہ مکانات، پانی میں بہتی گاڑیاں اور سیلابی ریلے میں بہہ جانے والا ایک دھاتی پل دکھائی دیا، جبکہ عینی شاہدین نے بتایا کہ سیلابی پانی نے پورے کے پورے دیہات کو اپنی زد میں لے لیا۔ امدادی اور تلاش کرنے والی ٹیمیں متاثرہ علاقے میں پانی میں چلتے ہوئے متاثرین اور لاپتہ افراد کو تلاش کر رہی ہیں، تاہم کارروائیوں میں شدید مشکلات پیش آ رہی ہیں کیونکہ سیلاب کے باعث متعدد سڑکیں اور پل بھی تباہ ہو گئے ہیں۔

حکام نے ابتدائی طور پر خیال ظاہر کیا تھا کہ بدھ کی صبح آنے والے سیلاب کی وجہ 4.4 شدت کا زلزلہ ہو سکتا ہے۔ تاہم متعدد ماہرین اور امریکی جیولوجیکل سروے (یو ایس جی ایس) نے تصدیق کی کہ ”زلزلاتی سرگرمی” دراصل گلیشیئر کے ٹوٹنے اور ملبے کے بہاؤ کا نتیجہ تھی، جس کے بعد دریا کے نچلے علاقوں میں تباہ کن اثرات مرتب ہوئے، نہ کہ زلزلے کی وجہ سے سیلاب آیا۔

گلیشیئر کا انہدام اس وقت ہوتا ہے جب برفانی تودے کا ایک بڑا حصہ اپنے بستر سے الگ ہو جاتا ہے۔ اس میں بعض اوقات لاکھوں مکعب میٹر برف، چٹانیں اور پانی شامل ہوتے ہیں، جو انتہائی تیزی سے حرکت کرنے والے برفانی تودے یا ملبے کے بہاؤ میں تبدیل ہو سکتے ہیں۔ گلیشیئر کا انہدام گلیشیئر سائنس میں باقاعدہ طور پر متعین سائنسی اصطلاح نہیں، تاہم ایسے واقعات کو بیان کرنے کے لیے یہ اصطلاح عام طور پر استعمال ہوتی ہے۔

نیپال کی نیشنل ڈیزاسٹر رسک ریڈکشن اینڈ مینجمنٹ اتھارٹی کے مطابق ”گلیشیئر سے آنے والا سیلاب” لہینڈے کھولا دریا میں نیپالی جانب برف اور چٹانوں کے تودے گرنے کے باعث آیا۔ اتھارٹی کے ماہر ارضیات پرکاش پوکھرل نے بتایا کہ ابتدائی سیلابی ریلا لہینڈے کھولا میں داخل ہوا، جو آگے بھوٹی کوشی اور پھر تریشولی دریاؤں میں شامل ہوتا ہے۔ اس کے نتیجے میں سیلابی پانی جنوب کی جانب نیپال میں پھیل گیا۔ اطلاعات کے مطابق صرف 30 منٹ میں تریشولی دریا کی سطح میں تقریباً 9 میٹر (27 فٹ) تک اضافہ ہوا۔

جاری۔ یو این آئیْ۔ ع ا۔

ہندوستان

پوروانچل ایکسپریس وے پر روڈویز بس ستون سے ٹکرائی، ڈرائیور سمیت دو ہلاک، 26 زخمی

Published

2 hours ago

August 28, 2026

Online Desk

اعظم گڑھ، اترپردیش کے اعظم گڑھ ضلع میں پوروانچل ایکسپریس وے پر جمعرات کی دیر رات تیز رفتار روڈویز بس کے ستون سے ٹکرانے کے سبب بس ڈرائیور سمیت دو افراد کی موت ہو گئی، جبکہ کئی مسافر زخمی ہو گئے۔

اطلاع ملتے ہی پولیس اور ایکسپریس وے کی ایمبولینس ٹیم موقع پر پہنچی اور راحت و بچاؤ کا کام شروع کیا۔

زخمیوں کو فوری طور پر ضلع اسپتال سمیت آس پاس کے اسپتالوں میں داخل کرایا گیا۔ کچھ زخمیوں کی حالت نازک بتائی جا رہی ہے۔

پولیس کے مطابق، بیلتھرا روڈ ڈپو کی روڈویز بس لکھنؤ سے بلیا جا رہی تھی۔ دیر رات پوی تھانہ علاقے میں پوروانچل ایکسپریس وے کے اسٹون نمبر 191 کے قریب بس کے آگے چل رہا پک اپ اچانک بے قابو ہو گیا۔

پک اپ کو بچانے کی کوشش میں بس کا توازن بگڑ گیا اور وہ ایکسپریس وے کے کنارے بنے گورکھپور لنک ایکسپریس وے کے ستون سے ٹکراگئی۔ حادثے میں بس ڈرائیور رجنی کانت (35)، ساکن مدھوبن، مئو اور ایک خاتون مسافر کی موقع پر ہی موت ہو گئی۔ حادثے کے بعد بس میں پھنسے مسافروں کو پولیس اور راحت رساں کارکنوں نے باہر نکالا۔ زخمیوں کو مختلف اسپتالوں میں داخل کرایا گیا۔

حادثے میں زخمی مسافروں میں انجو برنوال (54)، ہرش برنوال (25)، سَویکا (18)، سنیتا (22)، نِتھانجلی یادو (16)، رمبھَا (38)، آنند (19)، شبھم شیکر (12)، روچی (3)، رودل (45)، پرنس یادو، گنسن (23)، انوشکا (18)، سشیل (41)، شویتا (22)، کوشل کشور دوبے (62)، بھگوتی (38)، انکیتا (20)، سِرشٹی (21)، گولو (15)، سنجو (17)، پرینکا شریواستو (36)، سواتی شریواستو (14)، برجیش چوہان (20)، نشا یادو (30)، ارملا (30)، نِتیاوتی دوبے (45)، ستیش موریہ (21)، اکھلیش تیواری (28)، پرتیما پرجاپتی (18)، شریا یادو (19)، پون کمار شریواستو (50)، شوانی (21) اور کملیش (45) شامل ہیں۔

تمام زخمیوں کو اسپتال میں داخل کرایا گیا ہے۔ ضلع مجسٹریٹ رویندر کمار سمیت ضلع کے کئی افسران اسپتال پہنچے اور زخمیوں کے علاج اور راحت رسانی کے کام میں کسی بھی طرح کی لاپروائی نہ برتنے کی ہدایت دی۔ پولیس نے حادثے کا شکار بس کو ایکسپریس وے سے ہٹانے کی کارروائی شروع کر دی ہے۔ ابتدائی تفتیش میں حادثے کی وجہ پک اپ کے اچانک بے قابو ہونے اور اسے بچانے کی کوشش میں بس کا توازن بگڑنا بتایا جا رہا ہے۔

یو این آئی۔ این یو۔

جموں و کشمیر

اننت ناگ میں دھوکہ دہی اور فراڈ کے الزام میں بی جے پی لیڈر کے خلاف مقدمہ درج

Published

4 hours ago

August 28, 2026

Online Desk

سری نگر، بی جے پی کے اننت ناگ ضلع جنرل سکریٹری عابد ننگرو کے خلاف جموں و کشمیر پولیس نے سرکاری ملازمت دلانے اور امرناتھ یاترا کے دوران پہلگام میں خیمے لگانے کی اجازت دلانے کے نام پر مبینہ طور پر دھوکہ دہی اور فراڈ کرنے کے الزام میں مقدمہ درج کیا ہے۔

پولیس اسٹیشن اننت ناگ میں دھوکہ دہی اور فراڈ کی شکایت پر تحریری شکایت موصول ہونے کے بعد مقدمہ درج کیا گیا۔

پولیس نے بتایا کہ اسے وحید احمد ایتو، عیشمقام، جو فی الحال جی ڈی سی بوائز ہاسٹل، خانہ بل میں مقیم ہیں، کی جانب سے تحریری شکایت موصول ہوئی، جس میں الزام لگایا گیا کہ کرندی گام، بیج بہارا کے عابد ننگرو نے ان کے ساتھ دھوکہ کیا۔

پولیس کے مطابق شکایت میں کہا گیا ہے کہ ملزم نے شکایت کنندہ کو یہ یقین دلا کر اپنے جال میں پھنسایا کہ وہ محکمہ پولیس میں ایس پی او (اسپیشل پولیس آفیسر) کی حیثیت سے اسے سرکاری ملازمت دلوا سکتا ہے اور اپنے سیاسی اثر و رسوخ کی مدد سے شری امرناتھ جی یاتریوں کے لیے پہلگام میں خیمے لگانے کی اجازت بھی دلوا سکتا ہے۔

شکایت کنندہ نے مزید الزام لگایا کہ ان یقین دہانیوں اور دعووں کی بنیاد پر اس سے مجموعی طور پر 8,25,000 روپے لے لیے گئے۔

شکایت کا نوٹس لیتے ہوئے پولیس اسٹیشن اننت ناگ میں بی این ایس کی دفعات 318(4) اور 351(3) کے تحت ایف آئی آر درج کی گئی ہے اور تحقیقات شروع کردی گئی ہیں۔

اننت ناگ پولیس نے ایک بار پھر کہا ہے کہ دھوکہ دہی، فراڈ یا سرکاری ملازمت یا دیگر سرکاری فوائد دلانے کے جھوٹے وعدوں کے ذریعے لوگوں کا استحصال کرنے میں ملوث پائے جانے والے افراد کے خلاف سخت قانونی کارروائی کی جائے گی۔

یو این آئی، ایم جے