ہندوستان

اگر کمیشن مہاراشٹر کی متفقہ ووٹر لسٹ نہیں دیتا ہے تو ہم عدالت جائیں گے: راہل

Published

2 years ago

February 7, 2025

نئی دہلی، کانگریس کے سابق صدر اورایوان زیریں- لوک سبھا میں اپوزیشن لیڈر راہل گاندھی نے مہاراشٹر اسمبلی انتخابات میں ووٹر لسٹ کے ساتھ چھیڑ چھاڑ کا الزام لگاتے ہوئے الیکشن کمیشن سے مہاراشٹر میں ہونے والے لوک سبھا اور اسمبلی انتخابات کے ووٹروں کی تفصیلی فہرست مانگی ہے اور کہا ہے کہ اگر فہرست دستیاب نہیں کرائی گئی تو اس معاملہ کو عدالت میں چیلنج کیا جائے گا جمعہ کو یہاں ایک پریس کانفرنس سے خطاب کرتے ہوئے مسٹر گاندھی نے کہا کہ مہاراشٹر کی ووٹر لسٹ میں بڑے پیمانے پر تضادات پائے گئے ہیں، اس لیے کانگریس اور ریاست کی تین اہم اپوزیشن جماعتوں نے مہاراشٹر کے انتخابات کے لیے ووٹروں کی متفقہ اور حتمی فہرست(یونیفائیڈ ووٹر لسٹ) کا مطالبہ کیا ہے، جس پر لوک سبھا اور اسمبلی میں ووٹنگ ہوئی تھی۔ الیکشن کمیشن فوری طور پر یہ فہرست فراہم کر سکتا ہے لیکن فراہم نہیں کیا جا رہا۔ انہوں نے کہا کہ اگر یہ فہرست دستیاب نہیں کی گئی تو اس معاملے کو عدالت میں چیلنج کیا جائے گا۔

مسٹر گاندھی نے کہا-’’مہاراشٹر کی ووٹر لسٹ میں جتنے پانچ مہینوں میں ووٹر شامل کیے گئے ہیںاتنےپانچ برسوں میں بھی نہیں جوڑے گئے تھے۔ مہاراشٹر اسمبلی انتخابات 2019 اور لوک سبھا انتخابات 2024 کے درمیان مہاراشٹر میں 32 لاکھ ووٹروں کو شامل کیا گیا۔ ساتھ ہی، لوک سبھا انتخابات 2024 اور مہاراشٹر اسمبلی انتخابات 2024 کے پانچ مہینوں کے درمیان 39 لاکھ نئے ووٹر شامل کیے گئے۔ سوال یہ ہے کہ یہ شامل کردہ ووٹر کون ہیں اور کہاں سے آئے ہیں‘‘۔

انہوں نے کہا-’’مہاراشٹر کی بالغ آبادی۹ء۵۴؍ کروڑ ہے، لیکن الیکشن کمیشن کے مطابق مہاراشٹر میں۹ء۷۰؍ کروڑ ووٹر ہیں۔ اس کا مطلب ہے کہ الیکشن کمیشن کے مطابق مہاراشٹر میں اس کی آبادی سے زیادہ ووٹر ہیں۔

ایک مثال: کانگریس نے لوک سبھا انتخابات میں کامتھی حلقہ میں 1.36 لاکھ ووٹ حاصل کیے اور الیکشن جیتا۔ اس کے بعد مہاراشٹر اسمبلی انتخابات سے پہلے یہاں 35 ہزار نئے ووٹر شامل کیے گئے۔ یہ تمام ووٹر بی جے پی کے کھاتے میں گئے اور بی جے پی نے الیکشن جیتا۔ مہاراشٹر میں ایسی بہت سی مثالیں ہیں۔

کانگریس لیڈر نے کہا، ’’مہاراشٹر میں ہمارے ووٹ کم نہیں ہوئے، بی جے پی کے ووٹ بڑھے ہیں۔ جہاں بی جے پی کا اسٹرائیک ریٹ 90 فیصد رہا ہے۔ تاریخ میں ایسا کبھی نہیں ہوا۔ ہم الیکشن کمیشن سے مہاراشٹر کی ووٹر لسٹ مانگ رہے ہیں، لیکن الیکشن کمیشن ہمیں یہ فہرست نہیں دے رہا۔ الیکشن میں شفافیت لانا کمیشن کا کام ہے۔ مہاراشٹر میں اپوزیشن جماعتیں الیکشن کمیشن سے کھلے عام سوال پوچھ رہی ہیں لیکن پھر بھی فہرست ہمارے حوالے نہیں کی جا رہی ہے۔ کمیشن جلد از جلد مہاراشٹر کی ووٹر لسٹ ہمارے حوالے کرے۔ ہماچل پردیش کے تمام ووٹروں کو اس فہرست میں شامل کیا گیا ہے۔ جہاں یہ نئے ووٹر شامل ہوئے ہیں وہیں بی جے پی کے ووٹوں میں اضافہ ہوا ہے۔ الیکشن کمیشن کے مطابق مہاراشٹر میں اس کی آبادی سے زیادہ ووٹر ہیں۔

انہوں نے کہا کہ ووٹر لسٹ مسلسل تبدیل ہوتی رہتی ہے اور کوئی بھی اسے بدل سکتا ہے۔ فہرست میں تبدیلی کی صورتحال کو دیکھ کر لگتا ہے کہ الیکشن کمیشن کا فہرست پر کوئی کنٹرول نہیں ہے اور اس نے ہیرا پھیری کی ہے۔ اب یہ الیکشن کمیشن کی ذمہ داری ہے کہ وہ وضاحت دے۔ کمیشن کو ہمیں ڈیٹا دینے میں کوئی حرج نہیں ہونا چاہیے۔ کمیشن کو ابھی ہمیں فہرست دینے دیں۔ اگر آپ ایسا نہیں کریں گے تو اس سے ہماری جمہوریت پر سنگین سوالات اٹھیں گے اور اس کا مطلب ہے کہ ہم آئین کو توڑنے کی طرف بڑھ رہے ہیں۔ لیکن ہم باز نہیں آئیں گے۔ ہم آئین کے لیے لڑتے رہیں گے کیونکہ یہ ہمارا کام ہے اور بابا صاحب امبیڈکر ہماری تحریک ہیں۔

شیو سینا ادھو دھڑے کے سنجے راوت نے کہا’’الیکشن کمیشن کو راہل گاندھی کے سوالوں کا جواب دینا چاہیے لیکن وہ جانتے ہیں کہ کمیشن اس کا جواب نہیں دے گا کیونکہ وہ حکومت کے کہنے پر کام کر رہا ہے۔ ہم نے مہاراشٹر اور دہلی کے الیکشن کمیشن سے بارہا شکایت کی، لیکن انہوں نے کچھ نہیں کیا۔ دوسری بات- مہاراشٹر میں ڈالے گئے یہ 39 لاکھ جعلی ووٹ اب بہار جائیں گے۔ یہ تیرتے ووٹ ہیں اور جہاں بھی الیکشن ہوتے ہیں ادھر ادھر ہی پھرتے رہتے ہیں۔ یہ بی جے پی کا نیا نمونہ ہے، وہ اس طرح الیکشن جیتتی ہے، اس لیے ہم نے جو سوالات اٹھائے ہیں وہ ملک کے لیے بہت اہم ہیں۔ اگر ہم ملک میں جمہوریت کو زندہ رکھنا چاہتے ہیں تو عوام کو یہ سوالات پوچھنے ہوں گے‘‘۔

نیشنلسٹ کانگریس پارٹی شردپوار دھڑے کی لیڈر سپریہ سولے نے کہا-’’ہمارے ساتھ سولاپور کی مدھا لوک سبھا سیٹ سے ایم پی دھیری شیل موہتے اور ایم ایل اے اتم جانکر بھی ہیں۔ مال شیرس سے الیکشن جیتنے کے بعد بھی اتم جانکر چاہتے تھے کہ بیلٹ پیپر کے ذریعے ووٹنگ کرائی جائے اور دوبارہ انتخابات کرائے جائیں، لیکن وہاں پولیس بھیج کر اس عمل کو روک دیا گیا۔ ہماری پارٹی کو توڑا گیا، ہمارے ایم ایل اے کو توڑا گیا اور مہاراشٹر کے انتخابات میں اپوزیشن پر کئی اطراف سے حملہ کیا گیا۔

یواین آئی، م ش

ہندوستان

کھرگے کے اسٹیج کا ‘شُدھیکرن’ سنگین جرم، فوری ایف آئی آر درج ہو: راہل

Published

1 hour ago

August 29, 2026

Online Desk

نئی دہلی، کانگریس کے سابق صدر اور لوک سبھا میں اپوزیشن لیڈر راہل گاندھی نے کہا ہے کہ کانگریس صدر ملکارجن کھرگے کے ہلدوانی میں ہوئے پروگرام کے بعد اسٹیج کا ‘شُدھیکرن’ کرنا چھوت چھات کو فروغ دینے والا سنگین جرم ہے، اس لیے قصورواروں کے خلاف درج فہرست ذات اوردرج فہرست قبائل (مظالم کی روک تھام) قانون کے تحت فوری ایف آئی آر درج کی جانی چاہیے۔

مسٹر گاندھی نے ہفتے کے روز یہاں کانگریس ہیڈکوارٹر اندرا بھون میں پریس کانفرنس سے خطاب کرتے ہوئے کہا کہ آئین نے چھوت چھات کو جرم قرار دیا ہے اور کسی دلت شخص کے کسی مقام پر جانے کے بعد اس کا ‘شُدھیکرن’ کرنا اسی ذہنیت کو ظاہر کرتا ہے۔ یہ صرف مسٹر کھرگے کی نہیں، بلکہ ملک کے ہر دلت شخص کی توہین ہے۔

انہوں نے کہا کہ آٹھ اگست کو ہلدوانی میں مسٹر کھرگے کا پروگرام ہوا تھا اور اس کے بعد ان کی تقریر والے اسٹیج کا ‘شُدھیکرن’ کیا گیا۔ اس واقعے کو تقریباً 20 دن ہو چکے ہیں لیکن ابھی تک کوئی ایف آئی آر درج نہیں ہوئی ہے اور نہ ہی قصورواروں کے خلاف کوئی کارروائی کی گئی ہے۔

مسٹر گاندھی نے وزیرِ اعظم نریندر مودی سے مطالبہ کیا ہے کہ وہ اتراکھنڈ حکومت کو اس معاملے میں فوری کارروائی کرنے اورقصورواروں کے خلاف ایس سی-ایس ٹی قانون کے تحت ایف آئی آر درج کرنے کا حکم دیں۔

ان کا کہنا تھا کہ وزیرِ اعظم دلتوں کے احترام کی بات کرتے ہیں، اس لیے انہیں یہ یقینی بنانا چاہیے کہ مسٹر کھرگے کو انصاف ملے۔

کانگریس رہنما نے کہا کہ ملک میں دو نظریات کے درمیان لڑائی ہے۔ ایک آئین کا نظریہ ہے اور دوسرا بی جے پی-آر ایس ایس کا نظریہ ہے۔ آئین نافذ ہونے کے بعد بھی ملک میں دلتوں کے ساتھ امتیازی سلوک اور مظالم کے واقعات سلسلہ جاری ہے ۔ ملک کے کئی اسکولوں میں دلت بچوں سے بیت الخلا صاف کرایا جاتا ہے اور جھاڑو لگوائی جاتی ہے، انہیں کنوؤں سے پانی لینے سے روکا جاتا ہے، چائے کی دکانوں پر ان کے لیے الگ کپ رکھے جاتے ہیں۔ شادی بیاہ کے موقع پر گھوڑی پر بیٹھ کر بارات نکالنے والے دلتوں پر بھی حملے ہوتے ہیں اور دھمکیاں دی جاتی ہیں۔

مسٹر گاندھی نے کہا کہ کوئی دلت شخص جتنا کامیاب ہوتا ہے، اس پر اتنے ہی زور دار طریقے سے حملہ کیا جاتا ہے۔ انہوں نے کہا کہ کاروبار، کرکٹ یا کسی دوسرے شعبے میں کامیاب ہونے والے دلت شخص کو بھی اس ذہنیت کا سامنا کرنا پڑتا ہے اور دلت لیڈروں کے ساتھ بھی ایسا سلوک کیا جاتا ہے۔ اس تناظر میں انہوں نے راجستھان کانگریس اسمبلی پارلیمانی پارٹی کے لیڈر ٹیکارام جولی اور بہار کے سابق وزیرِ اعلیٰ جیتن رام مانجھی کے ساتھ ہوئے ‘شُدھیکرن’ کے واقعات کا حوالہ دیتے ہوئے انہوں نے کہا کہ یہ ذہنیت صرف ایک فرد تک محدود نہیں ہے۔

کانگریس رہنما نے پارلیمنٹ میں مسٹر کھرگے کے اس معاملے کو اٹھانے کا ذکر کیا اور کہا کہ بی جے پی کے سینئر رہنما جے پی نڈّا نے کہا تھا کہ اگر ایسا واقعہ ہوا ہے تو کارروائی کی جائے گی۔ اس کے باوجود اتراکھنڈ بی جے پی صدر مہیندر بھٹ نے ‘شُدھیکرن’ کے واقعے کو درست قرار دیا ہے۔

مسٹر گاندھی نے کہا کہ وزیرِ اعظم کہتے ہیں کہ وہ ہر ذات کا احترام کرتے ہیں لیکن اگر ان کی پارٹی کے رہنما اس طرح کے واقعے کو صحیح ٹھہراتے ہیں تو ان کے قول و فعل میں فرق صاف دکھائی دیتا ہے۔
کانگریس کی لڑائی اسی امتیازی سلوک اور عدم مساوات کے نظریے کے خلاف ہے۔

مسٹر گاندھی نے کہا کہ یہ صرف کانگریس صدر کھرگے کا معاملہ نہیں ہے، بلکہ ملک کے ہر دلت شخص کے وقار ، مساوات اور آئینی حقوق سے جڑا معاملہ ہے۔ حکومت کو فوری کارروائی کرنی چاہیے اور اگر ایسا نہیں کیا جاتا ہے تو کانگریس قصورواروں کو انصاف کے کٹھہرے تک پہنچانے کے لیے اپنی لڑائی جاری رکھے گی۔

یو این آئی ایف اے

ہندوستان

کھڑگے نے مودی، شاہ کو خط لکھ کر آفت زدہ نیپال کو ضروری امداد دینے کی اپیل کی

Published

5 hours ago

August 29, 2026

Online Desk

نئی دہلی، کانگریس صدر ملکارجن کھڑگے نے نیپال میں آئے تباہ کن سیلاب کے سلسلے میں وزیراعظم نریندر مودی اور وزیر داخلہ امت شاہ کو خط لکھ کر آفت سے متاثرہ لوگوں کو مناسب انسانی اور راحت امداد فراہم کرنے کی اپیل کی ہے۔

مسٹر کھڑگے نے جمعہ کو لکھے گئے دونوں خطوط کو آج جاری کرتے ہوئے نیپال میں آئے سیلاب پر گہری تشویش کا اظہار کیا۔ انہوں نے نیپال کو انسانی امداد فراہم کرنے کے ساتھ قومی آفات سے نمٹنے والی فورس (این ڈی آر ایف) کی مہارت سے فائدہ اٹھانے کی بھی اپیل کی ہے۔

وزیر اعظم کو لکھے خط میں انہوں نے کہا ہے کہ وہ نیپال میں آنے والے تباہ کن سیلاب سے گہری تشویش میں مبتلا ہیں، جس سے جانی اور مالی نقصان بڑے پیمانے پر ہوا ہے۔ حالیہ ذرائع ابلاغ کی خبروں کے مطابق 500 سے زیادہ افراد ہلاک ہو چکے ہیں اور متعدد افراد اب بھی لاپتہ ہیں۔ اس آفت کے باعث ہزاروں افراد کو خوراک، دوا، پناہ گاہ اور دیگر ضروری امداد کی فوری ضرورت ہے۔

انہوں نے وزیر اعظم سے درخواست کی ہے کہ نیپال حکومت کے ساتھ مل کر متاثرہ لوگوں تک مناسب انسانی اور راحت امداد پہنچائی جائے۔

وزیر داخلہ کو لکھے خط میں مسٹر کھڑگے نے کہا کہ نیپال میں حالیہ سیلاب سے ہونے والے جانی و مالی نقصان، گھروں اور بنیادی ڈھانچے کی بڑے پیمانے پر تباہی اور لوگوں کے بے گھر ہونے سے انہیں گہرا صدمہ پہنچا ہے۔

ہندستان اور نیپال کے عوام کے درمیان گہرے تعلقات کا ذکر کرتے ہوئے انہوں نے حکومت سے اپیل کی ہے کہ نیپال کو فوری طور پر وسیع پیمانے پر انسانی اور آفات سے متعلق راحت امداد فراہم کی جائے۔ خاص طور پر ضرورت پڑنے پر این ڈی آر ایف کی ٹیمیں تعینات کی جائیں اور نیپال حکومت کے ساتھ تال میل کرکے بچاؤ، انخلا اور راحت کے کاموں میں مدد کی جائے۔ انہوں نے کہا کہ اس بحران میں این ڈی آر ایف کی مہارت قیمتی تعاون فراہم کر سکتی ہے اور وزارت داخلہ کو اس معاملے سے فوری اور حساسیت کے ساتھ نمٹنا چاہیے۔

یو این آئی۔ایم جے

ہندوستان

ازبکستان اور کرغیزستان کے دورے سے وسطی ایشیا میں ہندستان کی حکمت عملی پر مبنی شراکت داری مضبوط ہوگی: مودی

Published

5 hours ago

August 29, 2026

Online Desk

نئی دہلی، وزیر اعظم نریندر مودی نے کہا ہے کہ ازبکستان اورجمہوریہ کرغیز کے ان کے دورے سے وسطی ایشیا میں ہندستان کی حکمت عملی پر مبنی شراکت داری مضبوط ہوگی اور امن، استحکام اور خوشحالی کے لیے مشترکہ کوششوں کو تقویت ملے گی۔

مسٹر مودی نے دونوں ملکوں کے چار روزہ دورے پر روانہ ہونے سے پہلے ہفتہ کو ایک بیان میں کہا کہ وہ صدر شوکت مرزایوف کی دعوت پر 29 اور 30 اگست کو سرکاری دورے کے لیے تاشقند میں ہوں گے۔ انہوں نے کہا کہ وہ صدر مرزایوف کے ساتھ دو طرفہ اہمیت کے مختلف امور پر بات چیت کے لیے پرجوش ہیں۔

انہوں نے کہا، ’’حالیہ برسوں میں ہندستان-ازبکستان حکمت عملی پر مبنی شراکت داری میں اہم پیش رفت ہوئی ہے۔ میں صدر مرزایوف کے ساتھ تجارت اور سرمایہ کاری، ڈیجیٹل رابطے، دفاع اور توانائی کے شعبوں میں ہمارے تعاون کو مزید گہرا کرنے اور وکست بھارت اور یانگی ازبکستان کے ہمارے مشترکہ تصورات کو آگے بڑھانے پر اپنی بات چیت کا منتظر ہوں۔‘‘

وزیر اعظم نے کہا کہ وہ تاشقند اسٹیٹ یونیورسٹی آف اورینٹل اسٹڈیز میں شاستری یادگار اور مہاتما گاندھی مرکز کا بھی دورہ کریں گے، جو دونوں ملکوں کو جوڑنے والے قریبی ثقافتی اور عوام سے عوام کے تعلقات کے لیے ایک خراج عقیدت ہے۔

مسٹر مودی نے کہا کہ تاشقند سے وہ کرغیز جمہوریہ کے صدر صادر ژاپاروف کی دعوت پر 26ویں ایس سی او سربراہ اجلاس میں شرکت کے لیے بشکیک کا سفر کریں گے، جو اس اہم تنظیم کے 25 سال مکمل ہونے کی علامت ہے۔ ہندستان 2017 سے ایس سی او کا فعال اور تعمیری رکن رہا ہے۔

انہوں نے کہا، ’’میں خطے کے لیے ہندستان کے نقطۂ نظر کو آگے بڑھانے کا منتظر ہوں، جو سلامتی، رابطے اور مواقع پر مبنی ہے، اور ایسے خطے کے لیے رکن ممالک کے ساتھ مل کر کام کرنے کا خواہاں ہوں جو دہشت گردی، علیحدگی پسندی اور انتہا پسندی کے بحران سے پاک ہو، جو ہمارے پڑوس اور اس سے آگے امن اور استحکام کے لیے مسلسل خطرہ بنے ہوئے ہیں۔‘‘

وزیر اعظم نے کہا کہ وہ صدر ژاپاروف اور ایس سی او کے دیگر رہنماؤں سے ملاقات اور چھٹے عالمی خانہ بدوش کھیلوں کی افتتاحی تقریب میں شرکت کے لیے بھی پرجوش ہیں، جو وسطی ایشیا کے مالا مال اور جاندار ورثے کا جشن ہے، جس کا ہندستان گہرا احترام کرتا ہے۔

انہوں نے اعتماد ظاہر کیا کہ ان کے دورے سے وسطی ایشیا میں ہندستان کی حکمت عملی پر مبنی شراکت داری مضبوط ہوگی۔ انہوں نے کہا، ’’مجھے یقین ہے کہ یہ سفر وسطی ایشیا میں ہندستان کی حکمت عملی پر مبنی شراکت داریوں کو مضبوط کرے گا، خطے کے ساتھ ہمارے تہذیبی تعلق کو مزید گہرا کرے گا اور امن، استحکام اور خوشحالی کی ہماری مشترکہ جستجو کو آگے بڑھائے گا—یہ وہ اقدار ہیں جو دنیا کے ساتھ ہندستان کے تعلقات کے مرکز میں ہیں۔‘‘

یو این آئی، ایم جے