دونوں اضلاع کے اعلیٰ حکام کیساتھ الگ الگ میٹنگ
کہاآئندہ سیلاب سے نمٹنے اور تباہ شدہ ڈھانچے کی مستقل بحالی کےلئے ایک طویل المدتی منصوبہ تیار کرنے کی فوری ضرورت
حکومت آزمائش کی اس گھڑی میں متاثرین کےساتھ کھڑی ،ریلیف اور مدد فراہم کرنے کےلئے تمام ضروری اقدامات کئے جائیں گے
اننت ناگ،کولگام : جے کے این ایس : سیلاب سے متاثرہ علاقوں کا دورہ جاری رکھتے ہوئے، وزیر اعلیٰ عمر عبداللہ نے ہفتہ کو اننت ناگ اور کولگام اضلاع کا دورہ کیا، جہاں انہوں نے سیلاب زدہ علاقوںکی تازہ صورتحال کاجائزہ لینے کیساتھ ساتھ اورسیلاب سے متاثرہ لوگوں سے بات چیت کی۔ انہوں نے سیلاب متاثرین کو یقین دلایا کہ حکومت متاثرہ آبادی کےساتھ مضبوطی سے کھڑی ہے اور تمام ضروری تعاون فراہم کرے گی۔جے کے این ایس کے مطابق سیلاب سے متاثرہ علاقوں کا دورہ جاری رکھتے ہوئے، وزیر اعلیٰ عمر عبداللہ نے ہفتہ کو اننت ناگ ضلع کے سیلاب سے متاثرہ علاقوں کا دورہ کیا اور متاثرہ خاندانوں سے بات چیت کی۔ انہوں نے یقین دلایا کہ حکومت آزمائش کی اس گھڑی میں ان کے ساتھ کھڑی ہے اور ان کی مدد کےلئے ہر ممکن اقدامات کیے جائیں گے۔ان کے ساتھ نائب وزیر اعلی سریندر چودھری، وزیر سکینہ ایتو، وزیر جاوید رانا، وزیر اعلیٰ کے مشیر ناصر سوگامی اور ضلع کے متعلقہ ارکان اسمبلی بھی تھے۔وزیر اعلیٰ عمر عبداللہ نے جنوبی کشمیر کے اننت ناگ قصبے کے مختلف علاقوں اور ضلع کے دیگر سیلاب سے متاثرہ علاقوں کا دورہ کیا تاکہ حالیہ شدید بارشوں سے پیدا شدہ صورتحال کا جائزہ لیا جا سکے۔ان کے ساتھ نائب وزیر اعلیٰ سریندر چودھری، وزیر اعلیٰ کے مشیر ناصر اسلم وانی، کابینہ کے وزراءجاوید رانا اور سکینہ ایتو، اور الطاف کالو، مجید لارمی، ڈاکٹر بشیر ویری، ریاض خان اور ظفر کھٹانہ سمیت کئی قانون ساز بھی موجود تھے۔ وزیر اعلیٰ نے مہدی کدل، دیوا کالونی، اشگی پورہ پل اور ضلع کے دیگر علاقوں کا دورہ کرکے نقصان کا جائزہ لیا۔

وزیراعلیٰ نے ضلعی انتظامیہ کو ہدایت کی کہ بحالی کے کاموں کو ترجیحی بنیادوں پر تیز کیا جائے اور متاثرہ علاقوں تک ضروری سامان کی بلا تاخیر پہنچنے کو یقینی بنایا جائے۔وزیراعلیٰ کے ساتھ ڈپٹی کمشنر اننت ناگ سید فرخ الدین سمیت ضلع انتظامیہ کے افسران بھی شامل تھے۔وزیر اعلیٰ عمر عبداللہ نے متاثرہ علاقوں کا دورہ کرنے کے بعد اننت ناگ میں سیلاب کے بعد کی صورتحال کا جائزہ لینے کےلئے ڈاک بنگلو اننت ناگ میں ایک جائزہ میٹنگ کی۔ جس میں نائب وزیراعلیٰ کے علاوہ وزرائ،مشیر اور ضلع اننت ناگ کے اعلیٰ سیول وپولیس حکام بھی موجودتھے ۔وزیراعلیٰ نے ضلعی انتظامیہ کو ریلیف اور بحالی میں تیزی لانے، ضروری خدمات کی بحالی، تباہ شدہ انفراسٹرکچر کی مرمت، کمزور پشتوں کو مضبوط کرنے اور متاثرہ آبادی کے لیے خوراک، ادویات اور پینے کے پانی کی مناسب فراہمی کو یقینی بنانے کی ہدایت کی۔اسکے بعد وزیر اعلیٰ عمر عبداللہ نے کولگام ضلع کے سیلاب سے متاثرہ علاقوں کا دورہ کیا اور متاثرہ لوگوںسے بات چیت کی۔ انہوں نے لوگوں کو یقین دلایا کہ حکومت آزمائش کی اس گھڑی میں ان کے ساتھ کھڑی ہے اور ان کی مدد کےلئے ہر ممکن اقدامات کیے جائیں گے۔دورے کے دوران وزیر اعلیٰ نے متاثرہ خاندانوں سے بات چیت کی اور گھروں، سڑکوں اور عوامی انفراسٹرکچر کو پہنچنے والے نقصان کا جائزہ لیا۔ انہوں نے یقین دلایا کہ سیلاب سے متاثرہ افراد کو ریلیف اور مدد فراہم کرنے کے لیے تمام ضروری اقدامات کئے جائیں گے۔بعد ازاں وزیر اعلیٰ نے کولگام میں ضلعی افسران کے ساتھ ایک جائزہ میٹنگ کی صدارت کی۔ انہوں نے سڑکوں اور بجلی کی سپلائی کی تیزی سے بحالی، سیلاب سے بچاو ¿ کے کاموں کو مضبوط بنانے، امداد کی بروقت تقسیم اور موثر ردعمل کو یقینی بنانے کے لیے محکموں کے درمیان قریبی ہم آہنگی پر زور دیا۔

انہوں نے سیلاب سے نمٹنے اور تباہ شدہ ڈھانچے کی مستقل بحالی کےلئے ایک طویل المدتی منصوبہ تیار کرنے کی ضرورت پر بھی زور دیا۔