5 ممالک کی خفیہ ایجنسیوں کا خطرناک الزام

Published

6 years ago

May 5, 2020

امریکہ، برطانیہ، کناڈا، آسٹریلیا اور نیوزی لینڈ کی خفیہ ایجنسیوں سے جڑے جاسوسوں نے دعویٰ کیا ہے کہ چین کورونا کا جلد خاتمہ نہیں چاہتا اس لیے لگاتار ویکسین بنانے میں رخنہ پیدا کر رہا ہے۔کے این ایس مانیٹر نگ ڈیسک کے مطابق ایک طرف امریکہ سمیت کچھ دیگر ممالک بار بار چین پر یہ الزام عائد کر رہے ہیں کہ کورونا وائرس لیباریٹری میں تیار کیا گیا، اور اب ایسی خبریں آ رہی ہیں کہ چین کورونا کا خاتمہ نہیں چاہتا اس لیے ویکسین تیار کیے جانے کی کوششوں میں بار بار رخنہ اندازی کر رہا ہے۔

دراصل کورونا انفیکشن سے دنیا بھر میں تباہی مچانے کے بعد سے ہی چین پر کئی طرح کے الزامات لگتے رہے ہیں۔ دعویٰ کیا جا رہا ہے کہ کورونا وائرس چین کی لیباریٹری میں ہی ایک ہتھیار کی شکل میں بنایا گیا اور بعد میں ایک غلطی کی وجہ سے باہر نکل گیا۔ اب امریکہ، برطانیہ، کناڈا، آسٹریلیا اور نیوزی لینڈ کی خفیہ ایجنسیوں سے جڑے جاسوسوں نے دعویٰ کیا ہے کہ چین لگاتار کورونا کے ویکسین بنانے میں رخنہ پیدا کر رہا ہے۔اس تعلق سے’دی سن‘ میں ایک رپورٹ شائع ہوئی ہے جس میں بتایا گیا ہے کہ امریکہ، برطانیہ، کناڈا، آسٹریلیا اور نیوزی لینڈ کی خفیہ ایجنسیوں نے مل کر ایک 15 صفحہ کا ڈوزیر تیار کیا ہے۔ اس ڈوزیر کے مطابق چین نہیں چاہتا کہ دنیا کو جلد سے جلد کورونا وائرس کی ویکسین مل سکے۔

اس سلسلے میں اس نے لگاتار کئی ممالک اور آزاد سائنسی اداروں کو بھی کورونا کے لائیو سیمپل دینے سے انکار کر دیا ہے۔ یہاں تک کہ اس نے کسی بھی سائنسداں کو گراؤنڈ زیرو پر جانے یا پھر کیس زیرو سے ملنے کی اجازت نہیں دی ہے۔ دعویٰ کیا جا رہا ہے کہ اسی ڈوزیر کی بنیاد پر امریکی صدر ڈونالڈ ٹرمپ لگاتار چین پر حملہ آور ہیں۔ڈوزیر میں کئی ایسی باتیں لکھی گئی ہیں جو چین پر سوالیہ نشان کھڑے کرتے ہیں۔ اس میں بتایا گیا ہے کہ چین لگاتار اس بات سے انکار کرتا رہا ہے کہ کورونا انفیکشن انسانوں سے انسانوں میں پھیل رہا ہے، جب کہ اس بات کے پختہ ثبوت ملے ہیں کہ اسے اس بات کا بہت پہلے سے پتہ تھا۔

چین نے اس بات کا اعتراف کرنے میں ہفتوں لگا دیئے جس سے یورپ اور امریکہ میں کورونا انفیکشن نے زبردست تباہی مچا دی۔ علاوہ ازیں چین میں جس بھی ڈاکٹرس یا پھر صحافی نے کورونا وائرس اور اس کے خطرات کے بارے میں جانکاری دینا چاہی، وہ حیرت انگیز طریقے سے غائب ہو گئے۔ڈوزیر میں یہ بھی بتایا گیا ہے کہ اس بات کے پختہ ثبوت ملے ہیں کہ وہان کی ایک لیباریٹری میں چمگادڑوں میں پائے جانے والے مضر وائرس پر ریسرچ جاری تھی۔ اس لیب میں ریسرچ کے دوران کسی بھی طرح کے پروٹیکشن کا استعمال نہیں کیا جا رہا تھا۔ اس کی تصویریں سامنے آئیں جسے چین نے مٹا دیا۔ چین نے نہ صرف اس لیباریٹری میں موجود پورے ایک حصے کو ختم کر دیا بلکہ اس میں کام کر رہے لوگوں کو بھی غائب کر دیا۔

جموں و کشمیر

دہلی میں مودی کے حامی کشمیری نوجوان پر حملے کے خلاف سری نگر میں احتجاج

Published

8 hours ago

October 9, 2026

Online Desk

سری نگر، نئی دہلی کے کناٹ پلیس میں کانگریس کے احتجاج کے دوران سری نگر کے رہائشی فہیم نذیر شاہ پر مبینہ حملے کے خلاف جمعہ کو کشمیری نوجوانوں کے ایک گروپ نے سری نگر میں احتجاج کیا اور اس واقعے میں ملوث افراد کے خلاف سخت قانونی کارروائی کا مطالبہ کیا۔

احتجاجی نوجوان ہاتھوں میں پلے کارڈز اٹھائے ہوئے تھے اور کانگریس کے خلاف نعرے لگا رہے تھے۔ انہوں نے شہر کے مرکزی علاقے کی جانب مارچ کرنے کی کوشش کی، تاہم پولیس نے انہیں روک دیا۔

وزیراعظم نریندر مودی کے حامی فہیم نذیر شاہ پر مبینہ طور پر جمعرات کو اس وقت حملہ کیا گیا، جب وہ ایک پلے کارڈ لے کر کانگریس کے احتجاجی مقام پر پہنچے۔ پلے کارڈ پر ”وزیراعظم اور وزیر داخلہ سے معافی مانگو” درج تھا۔ وہاں انہوں نے نعرے بھی لگائے۔ اس واقعے کے بعد، بالخصوص بھارتیہ جنتا پارٹی (بی جے پی) کی جانب سے شدید مذمت کی گئی۔

سری نگر میں احتجاج کرنے والوں نے سوال کیا کہ سیاسی خیالات کا اظہار کرنے پر فہیم شاہ کو نشانہ کیوں بنایا گیا؟ انہوں نے کہا کہ ہر شہری کو تشدد کے خوف کے بغیر اپنی رائے ظاہر کرنے کا حق حاصل ہے۔

ایک احتجاجی نے سوال کیاکہ ”کیا ان کا قصور یہ تھا کہ وہ کشمیری یا مسلمان ہیں، یا انہوں نے وزیراعظم کی حمایت میں بینر اٹھایا تھا؟” انہوں نے مطالبہ کیا کہ کشمیریوں کا احترام کیا جائے اور وہ جہاں بھی جائیں، ان کے تحفظ کو یقینی بنایا جائے۔

ایک دوسرے احتجاجی نے کہا کہ فہیم شاہ کے ساتھ اظہارِ یکجہتی اور انہیں انصاف دلانے کے مطالبے کے لیے یہ مظاہرہ منعقد کیا گیا۔ انہوں نے مرکزی وزیر داخلہ اور دہلی انتظامیہ سے اپیل کی کہ اس واقعے کے ذمہ دار افراد کے خلاف سخت قانونی کارروائی کی جائے۔

یواین آئی۔ ظ ا

ہندوستان

اتر پردیش میں راجیہ سبھا کی تمام 10 نشستوں پر بلا مقابلہ انتخاب، بی جے پی کے 8 اور سماجوادی پارٹی کے 2 امیدوار کامیاب

Published

8 hours ago

October 9, 2026

Online Desk

لکھنؤ، اتر پردیش میں راجیہ سبھا کی تمام 10 سیٹوں پر بلامقابلہ انتخاب ہو گیا ہے۔ بھارتیہ جنتا پارٹی (بی جے پی) کے آٹھ اور سماج وادی پارٹی (ایس پی) کے دو امیدواروں کو منتخب قرار دیا گیا ہے۔ ووٹنگ کی ضرورت نہیں تھی کیوں کہ تمام نشستوں پر امیدواروں کی تعداد نشستوں کی تعداد کے برابر تھی۔ کاغذات نامزدگی کی جانچ پڑتال اور دستبرداری کا عمل مکمل ہونے کے بعد ریٹرننگ آفیسر نے تمام 10 امیدواروں کو بلا مقابلہ منتخب قرار دے دیا۔

بعد ازاں اسمبلی میں منتخب اراکین اسمبلی کو سرٹیفکیٹ پیش کیے گئے۔ بی جے پی کے منتخب امیدواروں میں ودیا ساگر سونکر، پرینکا سنگھ راوت، گوپی کرشنا پانڈے، دھرمپال سنگھ، رادھاکانت اوجھا، پرکاش پال، رام پرتاپ سنگھ چوہان اور شروتی گنگوار شامل ہیں، جب کہ سماج وادی پارٹی کے پروفیسر رام گوپال یادو اور دھن راج پریمل ناتھوپوانی راجپوت سبھا کے لیے منتخب ہوئے۔ چوں کہ ان راجیہ سبھا سیٹوں کے لیے کوئی اور امیدوار مقابلہ نہیں کر رہا تھا، اس لیے الیکشن بغیر ووٹ کے ختم ہو گیا۔ الیکشن کے بعد اتر پردیش سے بی جے پی کے آٹھ اور سماج وادی پارٹی کے دو نمائندے راجیہ سبھا کے لیے منتخب ہوئے۔

یو این آئی۔ این یو۔ م الف

فن و ادب

ریکھا کی ادکاری ہندی سنیما کی تاریخ کا ایک یادگار باب

Published

12 hours ago

October 9, 2026

Online Desk

ممبئی،
ریکھا محض ایک اداکارہ نہیں بلکہ ہندی سنیما کی تاریخ کا ایک یادگار باب ہیں۔ ان کی اداکاری، شخصیت اور فن آنے والی نسلوں کے لیے بھی اہمیت رکھتے ہیں۔ ان کا فلمی سفر اس حقیقت کی گواہی دیتا ہے کہ اصل عظمت صرف شہرت حاصل کرنے میں نہیں، بلکہ اپنے فن کے ذریعے وقت کی حدود سے آگے نکل جانے میں ہے۔

ریکھا کی زندگی کامیابی، جدوجہد، تنہائی، شہرت اور خود کو نئے انداز میں پیش کرنے کی ایک طویل داستان ہے۔ انہوں نے بچپن کی مشکلات سے نکل کر ہندوستانی فلمی دنیا میں وہ مقام حاصل کیا جس تک پہنچنا ہر فنکار کے لیے ممکن نہیں ہوتا۔

‘خوب صورت’ کی زندہ دل منجو ہو، ‘امراو جان’ کی غم زدہ شاعرہ، ‘گھر’ کی دکھ سہنے والی عورت یا ‘خون بھری مانگ’ کی مضبوط کردار والی ہیروئن، ریکھا نے ہر کردار میں اپنی الگ شناخت قائم کی۔

بالی وڈ کی امراؤ جان، قاتل نگاہیں اور نمکین رنگت والی مشہور اداکارہ ریکھا دس اکتوبر 1954 کو مدراس کے ایک گھرانے میں پیدا ہوئیں۔ اُن کا حقیقی نام بھانو ریکھا گنیشن ہے۔ان کے والد جیمنی گنیشن اور ان کی ماں تیلگو اداکارہ پشپ دیوی نے باقاعدہ شادی نہیں کی تھی۔ بچپن سے ہی تیلگو فلموں سے اپنا فلمی سفر شروع کرنے والی ریکھا کو کافی جدوجہد کرنی پڑی۔

ریکھا نے محض گیارہ سال کی عمر میں تیلگو فلم میں اداکاری سے اپنےکیرئیر کاآغاز کیا، 1969 میں ہندی فلم ‘دو شکاری’ کی ہیروئن کے روپ میں جلوہ گر ہوئیں اور جلد ہی فلمی دنیا پر راج کرنے لگیں۔

سال 1976 میں انہوں نے پہلی بار امیتابھ بچن کے ساتھ فلم ‘دو انجانے’ میں کام کیا اور فلم کو امر کردیا۔ اس کے بعد یہ جوڑی نٹور لال، خون پسینہ، مقدر کا سکندر اور بہت سی فلموں میں ایک ساتھ نظر آئی ۔
1978 میں فلم ‘مقدرکا سکندر’ نے ریکھا کو شہرت کی بلندیوں پر پہنچادیا اورانہیں فلم فیئر ایوارڈ سے بھی نوازا گیا۔

جاری یو این آئی۔ ایم جے