جان بچانے کےلئے لاک ڈاؤن ہی بہتر ،حکومتی فیصلے کا انتظار:تاجر

Published

6 years ago

July 11, 2020

’عالمگیروبا کابرق رفتار پھیلاو ‘

سرینگر:عالمگیر وبا ’کووڈ ۔ 19‘ کے بر ق رفتاری کیساتھ پھیلاو اور مثبت معاملات میں تشویشناک اضافے کے بیچ اب یہ مطالبہ زور پکڑ نے لگا ہے کہ جموں وکشمیر کی انتظامیہ کو اپنے فیصلہ جات پر ازسر نوغور وخوض کرکے دوبارہ لاک ڈاءون نافذ کرنا چاہئے ۔

ادھر تاجروں نے بھی دوبارہ لاک ڈاءون نافذ کرنے کی وکالت کرتے ہوئے کہا کہ موجودہ صورتحال میں پہلے انسانی جانوں کے تحفظ یقینی بنا یا جائے اور اسکے بعد ہی کاروبار کے بارے میں سوچا جاسکتا ہے ۔ کشمیر نیوز سروس کے مطابق کشمیر ٹریڈرس اینڈ مینو فیکچرس فیڈریشن (کے ٹی ایم ایف) کے صدر محمد یاسین خان نے سنیچر کے روز سرینگر میں نامہ نگاروں سے بات کرتے ہوئے کہا ہے کہ کووڈ ۔ 19کے پھیلاءو اور اموات کے پیش نظر اگر حکومت دوبارہ لاک ڈاءون نافذ کرنے کے حوالے سے کوئی فیصلہ لیتی ہے تو تاجر اس فیصلے کی حمایت کریں گے ۔

ان کا کہناتھا’ اگر طبی معالجین کے مشورے کے مطابق حکومت لاک ڈاوَن کو دوبارہ نافذ کرنے کا فیصلہ کرتی ہے تو ہم حکومت کے فیصلے کی پاسداری کریں گے‘ ۔ انہوں نے کہا’پہلے زندگی اور بعد میں کاروبار آتا ہے، ہ میں پہلے جان بچانے کی ضرورت ہے،اگر ہم زندہ رہیں گے ، تب ہی کاروبار ہوگا ۔ تودیکھتے ہیں کہ حکومت کیا فیصلہ لے گی;238;‘ ۔ محمد یاسین خان نے ایک ماہر طب ڈاکٹر نثارالحسن نےدو ہفتوں کےلئے دوبارہ لاک ڈاءون کی وکالت کی تاکہ وبا کو پھیلنے سے روکا جاسکے ۔ ان کا کہناتھا کہ اگر ایسا ہوتا ہے تو ہم حکومت کے فیصلے کی حمایت کریں گے

یہاں یہ بات قابل ذکر ہے کہ اَن لاک ۔ 2 میں جموں وکشمیر میں کووڈ19پازیٹیوکیسوں میں کافی اضافہ دیکھنے کو ملا ساتھ ہی ساتھ اموات میں تشویشناک اضافہ دیکھنے کو مل رہا ہے ،جسکے نتیجے میں لوگوں میں توزہ تشویش کی لہر دوڑ گئی ۔ محمد یاسین خان نے کہا’حکومتی اور طبی معالجین کی جانب سے مرتب کردہ گائیڈ لائنز کو عملا نے میں شاید ہم سے بھی غلطیاں ہوئیں یا خامیاں رہیں ،اس پر سوالیہ نشان ہے‘ ۔

ان کا کہناتھا کہ لاک ڈاؤن میں نرمی کے حوالے سے ہماری انتظامیہ سے کئی میٹنگیں بھی ہوئیں ،کیونکہ کشمیری تاجر بری طرح سے متاثر ہوا ہے ۔ یہاں مسلسل 10ماہ تک بند رہا ،تاہم امور پر غور وخوض کرنے پر ہم اس نتیجہ پر پہنچے تھے کہ مرحلہ وار بنیادوں پر دکانیں کھلنی چاہئے ‘ ۔ ان کا کہناتھا کہ ’ہم خود محسوس کررہے ہیں کہ صورتحال کافی گھمبیر ہے اور لاک ڈاءون دوبارہ نافذ کرنے کی وکالت ہر کوئی کررہا ہے ،مجھے بھی ذاتی طور یہ محسوس ہوتا ہے کہ لاک ڈاءون کی ضرورت ہے ‘ ۔ جموں وکشمیر میں کووڈ ۔ 19مثبت کیسوں کی تعداد قریب10ہزار تک پہنچ گئی جبکہ اموات160سے زائد ہوئیں ۔

ہندوستان

پوروانچل ایکسپریس وے پر روڈویز بس ستون سے ٹکرائی، ڈرائیور سمیت دو ہلاک، 26 زخمی

Published

2 minutes ago

August 28, 2026

Online Desk

اعظم گڑھ، اترپردیش کے اعظم گڑھ ضلع میں پوروانچل ایکسپریس وے پر جمعرات کی دیر رات تیز رفتار روڈویز بس کے ستون سے ٹکرانے کے سبب بس ڈرائیور سمیت دو افراد کی موت ہو گئی، جبکہ کئی مسافر زخمی ہو گئے۔

اطلاع ملتے ہی پولیس اور ایکسپریس وے کی ایمبولینس ٹیم موقع پر پہنچی اور راحت و بچاؤ کا کام شروع کیا۔

زخمیوں کو فوری طور پر ضلع اسپتال سمیت آس پاس کے اسپتالوں میں داخل کرایا گیا۔ کچھ زخمیوں کی حالت نازک بتائی جا رہی ہے۔

پولیس کے مطابق، بیلتھرا روڈ ڈپو کی روڈویز بس لکھنؤ سے بلیا جا رہی تھی۔ دیر رات پوی تھانہ علاقے میں پوروانچل ایکسپریس وے کے اسٹون نمبر 191 کے قریب بس کے آگے چل رہا پک اپ اچانک بے قابو ہو گیا۔

پک اپ کو بچانے کی کوشش میں بس کا توازن بگڑ گیا اور وہ ایکسپریس وے کے کنارے بنے گورکھپور لنک ایکسپریس وے کے ستون سے ٹکراگئی۔ حادثے میں بس ڈرائیور رجنی کانت (35)، ساکن مدھوبن، مئو اور ایک خاتون مسافر کی موقع پر ہی موت ہو گئی۔ حادثے کے بعد بس میں پھنسے مسافروں کو پولیس اور راحت رساں کارکنوں نے باہر نکالا۔ زخمیوں کو مختلف اسپتالوں میں داخل کرایا گیا۔

حادثے میں زخمی مسافروں میں انجو برنوال (54)، ہرش برنوال (25)، سَویکا (18)، سنیتا (22)، نِتھانجلی یادو (16)، رمبھَا (38)، آنند (19)، شبھم شیکر (12)، روچی (3)، رودل (45)، پرنس یادو، گنسن (23)، انوشکا (18)، سشیل (41)، شویتا (22)، کوشل کشور دوبے (62)، بھگوتی (38)، انکیتا (20)، سِرشٹی (21)، گولو (15)، سنجو (17)، پرینکا شریواستو (36)، سواتی شریواستو (14)، برجیش چوہان (20)، نشا یادو (30)، ارملا (30)، نِتیاوتی دوبے (45)، ستیش موریہ (21)، اکھلیش تیواری (28)، پرتیما پرجاپتی (18)، شریا یادو (19)، پون کمار شریواستو (50)، شوانی (21) اور کملیش (45) شامل ہیں۔

تمام زخمیوں کو اسپتال میں داخل کرایا گیا ہے۔ ضلع مجسٹریٹ رویندر کمار سمیت ضلع کے کئی افسران اسپتال پہنچے اور زخمیوں کے علاج اور راحت رسانی کے کام میں کسی بھی طرح کی لاپروائی نہ برتنے کی ہدایت دی۔ پولیس نے حادثے کا شکار بس کو ایکسپریس وے سے ہٹانے کی کارروائی شروع کر دی ہے۔ ابتدائی تفتیش میں حادثے کی وجہ پک اپ کے اچانک بے قابو ہونے اور اسے بچانے کی کوشش میں بس کا توازن بگڑنا بتایا جا رہا ہے۔

یو این آئی۔ این یو۔

جموں و کشمیر

اننت ناگ میں دھوکہ دہی اور فراڈ کے الزام میں بی جے پی لیڈر کے خلاف مقدمہ درج

Published

2 hours ago

August 28, 2026

Online Desk

سری نگر، بی جے پی کے اننت ناگ ضلع جنرل سکریٹری عابد ننگرو کے خلاف جموں و کشمیر پولیس نے سرکاری ملازمت دلانے اور امرناتھ یاترا کے دوران پہلگام میں خیمے لگانے کی اجازت دلانے کے نام پر مبینہ طور پر دھوکہ دہی اور فراڈ کرنے کے الزام میں مقدمہ درج کیا ہے۔

پولیس اسٹیشن اننت ناگ میں دھوکہ دہی اور فراڈ کی شکایت پر تحریری شکایت موصول ہونے کے بعد مقدمہ درج کیا گیا۔

پولیس نے بتایا کہ اسے وحید احمد ایتو، عیشمقام، جو فی الحال جی ڈی سی بوائز ہاسٹل، خانہ بل میں مقیم ہیں، کی جانب سے تحریری شکایت موصول ہوئی، جس میں الزام لگایا گیا کہ کرندی گام، بیج بہارا کے عابد ننگرو نے ان کے ساتھ دھوکہ کیا۔

پولیس کے مطابق شکایت میں کہا گیا ہے کہ ملزم نے شکایت کنندہ کو یہ یقین دلا کر اپنے جال میں پھنسایا کہ وہ محکمہ پولیس میں ایس پی او (اسپیشل پولیس آفیسر) کی حیثیت سے اسے سرکاری ملازمت دلوا سکتا ہے اور اپنے سیاسی اثر و رسوخ کی مدد سے شری امرناتھ جی یاتریوں کے لیے پہلگام میں خیمے لگانے کی اجازت بھی دلوا سکتا ہے۔

شکایت کنندہ نے مزید الزام لگایا کہ ان یقین دہانیوں اور دعووں کی بنیاد پر اس سے مجموعی طور پر 8,25,000 روپے لے لیے گئے۔

شکایت کا نوٹس لیتے ہوئے پولیس اسٹیشن اننت ناگ میں بی این ایس کی دفعات 318(4) اور 351(3) کے تحت ایف آئی آر درج کی گئی ہے اور تحقیقات شروع کردی گئی ہیں۔

اننت ناگ پولیس نے ایک بار پھر کہا ہے کہ دھوکہ دہی، فراڈ یا سرکاری ملازمت یا دیگر سرکاری فوائد دلانے کے جھوٹے وعدوں کے ذریعے لوگوں کا استحصال کرنے میں ملوث پائے جانے والے افراد کے خلاف سخت قانونی کارروائی کی جائے گی۔

یو این آئی، ایم جے

ہندوستان

وزیر اعظم مودی نے رکشا بندھن پر عوام کو مبارکباد دی

Published

3 hours ago

August 28, 2026

Online Desk

نئی دہلی، وزیر اعظم نریندر مودی نے جمعہ کو رکشا بندھن کے موقع پر عوام کو دلی مبارکباد پیش کی اور دعا کی کہ یہ ۔تہوار تمام شہریوں کی زندگیوں میں خوشی، خوشحالی اور کامیابی لائے۔

وزیر اعظم نے سوشل میڈیا پلیٹ فارم ایکس پر ایک پوسٹ میں اپنی نیک خواہشات کا اظہار کرتے ہوئے رکشا بندھن کو محبت اور مضبوط انسانی رشتوں کی علامت قرار دیا۔

مسٹر مودی نے کہا، ’’رکشا بندھن پر دلی مبارکباد۔ یہ تہوار آپ سب کی زندگیوں میں خوشی، خوشحالی اور کامیابی لائے۔‘‘

وزیر اعظم نے یہ امید بھی ظاہر کی کہ لوگوں کے درمیان محبت، اپنائیت اور باہمی اعتماد کے رشتے مضبوط اور پائیدار رہیں گے۔

انہوں نے کہا، ’’محبت، اپنائیت اور باہمی اعتماد کا دھاگا ہمیشہ اٹوٹ رہے، یہی میری دلی خواہش ہے۔‘‘

رکشا بندھن، جسے عام طور پر راکھی کے نام سے جانا جاتا ہے، پورے ہندستان میں محبت، خیال اور تحفظ کے رشتے کی عکاسی کرنے والے تہوار کے طور پر منایا جاتا ہے، خاص طور پر بھائی بہن کے درمیان۔

بہنیں روایتی طور پر اپنے بھائیوں کی کلائی پر راکھی کے نام سے معروف مقدس دھاگا باندھتی ہیں، جبکہ بھائی اپنی بہنوں کی مدد اور حفاظت کے عزم کی تجدید کرتے ہیں۔

یہ تہوار خاندانوں اور برادریوں کو بھی ایک دوسرے کے قریب لاتا ہے، جہاں لوگ تحائف، مٹھائیاں اور مبارکباد کا تبادلہ کرتے ہوئے محبت، اعتماد، اتحاد اور باہمی احترام کی پائیدار اقدار کا جشن مناتے ہیں۔

یو این آئی، ایم جے