مہندرناتھ پانڈے

کسی بھی ملک کی اقتصادی وسماجی ترقی میں ہنرمندی کا بہت اہم تعاون تسلیم کیا جاتا ہے۔ہنرمندی ایک ایسی سادھنا ہے، جس کے ذریعہ نوجوانوں کو بااختیار اور خودکفیلبنایا جاسکتا ہے اور صنعتوں کی مانگ کے مطابق ہنر مند مین پاور تیار کرکے اسکل گیپ کو آسانی سے پر کیا جاسکتا ہے۔ہنر مندی صرف ایک شخص کو نہیں بلکہ اس کے ساتھ ساتھ سماج اور قوم کو بھی آگے بڑھاتی ہے۔

صحیح معنوں میں دیکھا جائے تو مستقبل میں ہنرمندی ہی وہ ذریعہ ہوگا جو نوجوان طاقت کو خودکفیل بنانے میں اس کی مدد کرے گا اور بین الاقوامی سطح پر ایک نئی شناخت دلائی گی۔صلاحیت سازی اورصنعت کاری کی وزارت ریاستی سرکاروں ،تربیت یافتہ شراکت داروں اور متعدد کثیر ملکی کمپنیوں کے ساتھ مل کر نوجوانوں کو ہنر مندی کی تربیت فراہم کررہی ہے۔

آج اسی کا نتیجہ ہے کہ مختلف ہنر مندی کے اداروں میں تربیت حاصل کررہے نوجوانوں نے اپنی صلاحیت اور ہنرمندی کا مظاہرہ کرتے ہوئے اختراعات کے شعبہ میں متعدد نئی ایجادات کیں جو مستقبل میں دوسرے طلبا کے لیے تحریک کا باعث ثابت ہوں گی۔صلاحیت سازی اور صنعت کاری کی وزارت نوجوانوں کو 21ویں صدی کے متعلق زبردست تکنیکی اور معیاری تربیت بھی مہیا کرارہی ہے تاکہ ملک کی مجموعی ترقی میں نوجوان اپنی حصہ داری نبھاکر ‘آتم نربھر بھارت’کے وژن کو نئی سمت دے سکیں۔

ہمارے نوجوانوں میں وہ صلاحیت اور ہنر ہے جس کے بل پر بھارت کو عالمی سطح کی ہنر مندی کا مرکزبنایا جاسکتا ہےاور عالمی سطح پر بھارت کا نام سنہرے حروف میں درج کرواسکتے ہیں۔ایک اندازے کے مطابق سال2030تک بھارت کے پاس دنیا کی سب سے بڑی ورک فورس ہونے کی امید ہے ۔

اس میں سب سے زیادہ تعداد نوجوانوں کی ہوگی،اس نوجوان ورک فورس کو ہنرمندی کی تربیت دے کر انہیں مستقبل کے لئے تیار کیا جاسکتا ہےتاکہ روزگار کے نئے مواقع میں تیزی سے اضافہ کیا جاسکے۔ہنرمندی کے ذریعہ ہی ہم 21ویں صدی کے نئے بھارت کی بنیاد رکھ سکتے ہیں۔ ہنر مندی ہمیں روزگار کے متعدد مواقع فراہم کرتی ہے۔ساتھ ہی خود روزگار کے لئے بھی متحرک کرتی ہے۔

ہنر مندی میں وہ طاقت ہے جس کے ذریعہ ہم بھارت کو نئی بلندیوں تک پہنچاسکتے ہیں ۔ ہنر مندی کے ذریعے نوجوان اپنے خوابوں کو تعبیر آشنا کرسکتے ہیں۔ وزیر اعظم نریندر مودی نے نوجوانوں کو وقت کے عین مطابق رہنے کے لئے ‘اسکل ،اپ اسکل اور ری اسکل ’ کا منتر دیا تھا ۔اس منتر کا استعمال کرکے نوجوان دوسروں سے الگ ہٹ کر اپنی ایک الگ پہچان بنا سکتے ہیں۔

نوجوانوں کو نئی نئی ٹیکنالوجی میں ہنر مندی کی تربیت فراہم کرنے اور ضلعی سطح پر خود کفیل بنانے کے مقصد سے‘پردھان منتری کوشل وکاس یوجنا 3.0 ’کو اکتوبر؍نومبر 2020میں کچھ اہم اصول وضوابط کے ساتھ شروع کیا گیا ہے۔اس منصوبے کاہدف مالی سال 2020-21کے دوران8لاکھ امیدواروں کو تربیت فراہم کرنا ہے۔

یہ طلب اور صنعتوں پر مبنی ایک ایسا منصوبہ ہوگا جو نیو ایج اسکلس پر کام کرےگی اور ضلعی سطح پر نوجوانوں کو مضبوط بنائے گی۔اس منصوبے کے تحت ضلعی سطح پر صنعتوں اور دوسرے شعبوں کی طلب کی بنیاد پر جاب رولس کی پہچان کی جائے گی۔اس کے ساتھ ساتھ ڈجیٹل ٹیکنالوجی ،ڈجیٹل تعمیر،طلب پر مبنی صلاحیت سازی اور صنعت 4.0 سے متعلق ہنر مندی کے فروغ پر زیادہ توجہ دی جائے گی۔

‘پردھان منتری کوشل وکاس یوجنا 3.0 ’کے تحت ضلعی سطح پر ‘ضلع ہنرمندی کمیٹیاں’ (ڈی ایم سی) تشکیل دی جائیں گی۔ ضلع ہنرمندی کمیٹیاں صنعتوں کی مانگ کے مطابق مقامی سطح پر اسکل کی شناخت کرنے میں اہم کردار ادا کریں گی۔ اس کی علاوہ ڈی ایم سی مختلف مقامات پر ہنرمندی میلوں کا بھی انعقاد کریں گی، جس میں نوجوانوں کو ہنرمندی کی تربیت اور نصاب کے بارے میں واقف کروایا جائے گا۔

علاوہ ازیں ڈی ایم سی تمام امیدواروں کو پلیسمنٹ، خودروزگار اور تعلیم کے مساوی مواقع فراہم کرنے میں بھی اپنا حصہ ادا کرے گی۔ ہنرمندی کے فروغ اور صنعت کاری کی وزارت کا مقصد ملک کی مختلف ریاستوں میں ضلعی سطح پر ضلع ہنرمندی کمیٹیوں کو مضبوط اور مستحکم بنانا ہے، تاکہ نوجوانوں کی مانگ کے مطابق انہیں ہنرمند بنایا جاسکے۔

پی ایم کے وی وائی3.0 اسکیم کے تحت عزم بستہ پروجیکٹ کے ذریعہ مقامی سطح پر کارکنوں کو صنعت دی جائے گی اور بڑی سطح پر انہیں مقامی گزربسر کے مواقع فراہم کیے جائیں گے۔ پی ایم کے وی وائی3.0 اسکیم میں ریاستی ہنرمندی فروغ مشن (ایس ایس ڈی ایس) کابھی اہم کردار ہوگا۔ ایسی کئی ریاستیں ہیں، جہاں ایس ایس ڈی ایس کے ذریعے ہنرمندی کے فروغ کے علاوہ ضلعی کمیٹیاں بنائی گئی ہیں، تاکہ زیادہ سے زیادہ امیدواروں کے ہنرکو ترقی دی جاسکے۔

وزیراعظم نریندر مودی نے سال 2015 میں ‘اسکل انڈیا مشن’ کی شروعات کی تھی۔ اس مشن کا مقصد نوجوانوں کی ہنرمندی کو فروغ کرکے روزگار کے مستقل مواقع مہیا کرنا تھا۔ آج اس مشن کے ذریعے ہر سال ایک کروڑ سے زیادہ نوجوانوں کے ہنر کو بہتر بنایا جارہا ہے۔ اس کے علاوہ ہماری فلیگ شپ اسکیم ‘پردھان منتری کوشل وکاس یوجنا 3.0 ’کے ذریعے نوجوانوں کو جدید تکنیکوں پر مبنی ہنرمندی کی تربیت فراہم کی جارہی ہے۔ پی ایم کے وی وائی کے تحت اب تک ایک کروڑ سے زیادہ نوجوانوں کو ہنرمندی کی تربیت دی جاچکی ہے اور لاکھوں لوگوں کو روزگار کے مواقع فراہم کیے جاچکے ہیں۔

ہنرمندی کے فروغ اور صنعت کاری کی وزارت لگاتار تربیتی شراکت داروں کے ساتھ مل کر کام کررہی ہے۔ آج ملک بھر میں 700 سے زیادہ ضلعوں میں 26 ہزار سے زیادہ مراکز کا ایک مضبوط نیٹ ورک قائم کیا گیا ہے، جہاں پر نوجوانوں کو ہنرمندی کی تربیت دیے جانے کےساتھ ساتھ انہیں خودکفیل بنایا جارہا ہے۔

ایک اندازے کے مطابق بھارت میں 487 ملین کارکن ہیں۔ آج بھی ہمارے ملک میں ایسے کارکنوں کی تعداد زیادہ ہے، جو اپنے کام میں ماہر تو ہوتے ہیں لیکن سند یافتہ نہیں ہوتے۔ اسی لیے ہنرمندی کے فروغ اور صنعت کاری کی وزارت کے ذریعے ‘اسکل انڈیا مشن’ کے تحت عزم بستہ پروجیکٹ کے ذریعے ایسے کارکنوں کو سند دی جاری ہے، تاکہ انہیں مستقبل میں بہتر روزگار کے مواقع مل سکیں۔

اس کے علاوہ مستقبل کے ہنرمندی کی تشکیل کے لیے بھی کارکنوں کو تیار کیا جارہا ہے، تاکہ انہیں خودکفیل بنایا جاسکے۔ ہماری اہم پہل میں سے ایک آرپی ایل (ریکوگنائزیشن آف پرائر لرننگ) کے ذریعے بھی کارکنوں کے ہنر کو ایک الگ شناخت مل رہی ہے۔ حال ہی میں این ایس ڈی کے ذریعے کیے گئے ایک مطالعے کے مطابق آر پی ایل سند کاری کے بعد تقریبا 47 فیصد لوگوں نے اعتراف کیا ہے کہ ان کی آمدنی میں اضافہ ہوا ہے۔

اتنا ہی نہیں نیتی آیوگ کی رپورٹ کے مطابق جن امیدواروں نے آر پی ایل میں تربیت حاصل کی ہے، ان میں سے 59 فیصد امیدواروں نے اعتراف کیا ہے کہ آرپی ایل ان کے ہنر کو تقویت دیتا ہے اور بازار میں انہیں روزگار کے بہتر مواقع دلانے میں ان کی مدد کرتا ہے۔

ہنرمندی کے فروغ اور صنعت کاری کی وزارت کا مقصد ضلعی سطح پر زیادہ سے زیادہ امیدواروں کو پی ایم کے وی وائی3.0 اسکیم سے مربوط کرنا ہے، تاکہ نوجوانوں کے ہنر کی ترقی کرکے انہیں روزگار کے مستقل مواقع فراہم کیے جاسکیں۔

ملک کی اقتصادی اور سماجی ترقی کی رفتار کو بڑھانے کے لیے ہم عہد بستہ ہیں۔ ہم ایک ایسے نئے بھارت کی تعمیر کی سمت پیش رفت کررہے ہیں،جس کی شناخت ‘آتم نربھر بھارت’ کے طور پر کی جائے گی۔