سری نگر، وادی کشمیر میں جاری برف و باراں سے گرچہ بارشوں کی کمی مکمل طور پر پوری نہیں ہوئی ہے تاہم اس میں کافی حد تک بہتری واقع ہوئی ہے۔

محکمہ موسمیات کے مطابق وادی میں موجودہ موسمی صورتحال سے بارشوں کی 80 فیصد کمی اب صرف 65 فیصد رہ گئی ہے۔

انہوں نے کہا کہ کشمیر میں رواں سیزن کے دوران یعنی یکم جنوری سے 27 فروری تک بارش کی 63 فیصد کمی جبکہ صوبہ جموں میں 67 فیصد بارش کی کمی ریکارڈ ہوئی ہے۔

ان کا کہنا ہے کہ توسیعی رینج پیش گوئی(ای آر ایف) کے مطابق 27 فروری سے 6 مارچ تک معمول سے زیادہ بارشیں متوقع ہیں جبکہ 6 مارچ سے 13 مارچ تک معمول کے قریب بارشیں ہونے کا امکان ہے۔

محکمے کے مطابق گذشتہ ہفتے یعنی 21 فروری سے 27 فروری تک وادی کے دس اضلاع میں اوسطاً 37.73 ملی میٹر بارش ریکارڈ ہوئی ہے جو معمول کے مطابق 29.76 ملی میٹر ریکارڈ ہونی چاہئے تھی اس طرح بارش معمول سے26.78 فیصد زیادہ ریکارڈ ہوئی ہے۔

سری نگر میں 21 سے 27 فروری تک 25.5 ملی میٹر بارش ریکارڈ ہوئی ہے جو معمول کی 24.7 ملی میٹر بارش سے3 فیصد زیادہ ریکارڈ ہوئی ہے۔اس دوران جنوبی کشمیر کے ضلع اننت ناگ میں 32.2 ملی میٹر بارش ریکارڈ ہوئی ہے جو معمول کی24.9 ملی میٹر بارش سے 29 فیصد زیادہ ریکارڈ ہوئی ہے۔

جنوبی کشمیر کے ضلع کولگام میں اس ایک ہفتے کے دوران32 .5 ملی میٹر بارش ریکارڈ ہوئی ہے جو معمول کی 42.2 ملی میٹر کی بارش سے 30 فیصد کم ریکارڈ ہوئی ہے۔

ضلع پلوامہ میں 27.1 ملی میٹر بارش ریکارڈ ہوئی ہے جو معمول کی13.5 ملی میٹر کی بارش سے 101 فیصد زیادہ ریکارڈ ہوئی ہے اسی طرح ضلع شوپیاں میں 17.5 ملی میٹر بارش ریکارڈ ہوئی ہے جو معمول کی25.2 ملی میٹر سے 31 فیصد کم ریکارڈ ہوئی ہے۔

وسطی ضلع ضلع بڈگام میں گذشتہ ایک ہفتے کے دوران 11.7 ملی میٹر بارش ریکارڈ ہوئی ہے جو معمول کی 27. 9 ملی میٹر کی بارش سے 57 فیصد کم ریکارڈ ہوئی ہے جبکہ ضلع گاندربل میں 44.9 ملی میٹر بارش ریکارڈ ہوئی ہے جو معمول کی 26.7 ملی میٹر کی بارش سے68 فیصد زیادہ ریکارڈ ہوئی ہے۔

شمالی کشمیر کے ضلع کپوارہ میں 21 سے 27 فروری کے دوران 66.5 ملی میٹر بارش ریکارڈ ہوئی ہے جو معمول کی42.2 ملی میٹر کی بارش سے58 فیصد زیادہ ریکارڈ ہوئی ہے۔

ضلع بارہمولہ میں اس دوران61 ملی میٹر بارش ریکارڈ ہوئی ہے جو معمول کی33.1 ملی میٹر کی بارش سے 84 فیصد زیادہ ریکارڈ ہوئی ہے جبکہ ضلع بانڈی پورہ میں 58.4 ملی میٹر بارش ریکارڈ ہوئی ہے جو معمول کی33.9 ملی میٹر کی بارش سے72 فیصد زیادہ ریکارڈ ہوئی ہے۔

وادی کشمیر کے رواں سیزن کے دوران یعنی یکم جنوری سے 27 فروری تک اوسطاً 66.35 ملی میٹر بارش ریکارڈ ہوئی ہے جو معمول کی180,69 کی بارش سے 63.27 فیصد کم ریکارڈ ہوئی ہے۔

سری نگر میں یکم جنوری سے 27 فروری تک 51.1 ملی میٹر بارش ریکارڈ ہوئی ہے جو معمول کی 180.69 ملی میٹر کی بارش سے 72 فیصد کم ریکارڈ ہوئی ہے۔

جنوبی کشمیر کے ضلع اننت ناگ میں اس مدت کے دوران56.5 ملی میٹر بارش ریکارڈ ہوئی ہے جو معمول کی171.2 ملی میٹر کی بارش سے67 فیصد کم ریکارڈ ہوئی ہے جبکہ ضلع کولگام میں 60.9 ملی میٹر بارش ریکارڈ ہوئی ہے جو معمول کی 304.4 کی بارش سے 80 فیصد کم ریکارڈ ہوئی ہے۔

ضلع پلوامہ میں اس دوران45.5 ملی میٹر بارش ریکارڈ ہوئی ہے جو معمول کی105.5 کی بارش سے 51 فیصد کم ریکارڈ ہوئی ہے جبکہ ضلع شوپیاں میں 31.7 ملی میٹر بارش ریکارڈ ہوئی ہے جو معمول کی125.4 کی بارش سے75 فیصد کم ریکارڈ ہوئی ہے۔

وسطی کشمیر کے ضلع بڈگام میں یکم جنوری سے 27 فروری تک 28.7 ملی میٹر بارش ریکارڈ ہوئی ہلے جو معمول کی146.2 ملی میٹر بارش سے 80 فیصد کم ریکارڈ ہوئی ہے جبکہ ضلع گاندربل میں 89 فیصد بارش ریکارڈ ہوئی ہے جو معمول کی181.1 ملی میٹر بارش سے 51 فیصد کم ریکارڈ ہوئی ہے۔

سرحدی ضلع کپوارہ میں اس مدت کے دوران110.6 ملی میٹر بارش ریکارڈ ہوئی ہے جو معمول کی214.1 ملی میٹر بارش سے 48 فیصد کم ریکارڈ ہوئی ہے۔

ضلع بارہمولہ میں اس دوران104.3 ملی میٹر بارش ریکارڈ ہوئی ہے جو معمول کی 204.6 ملی میٹر بارش سے 49 فیصد کم ریکارڈ ہوئی ہے جبکہ ضلع بانڈی پورہ میں 85.2 ملی میٹرا بارش ریکارڈ ہوئی ہے جو معمول کی170.1 ملی میٹر بارش سے 50 فیصد کم ریکارڈ ہوئی ہے۔

محکمہ موسمیات کے مطابق صوبہ جموں کے دس اضلاع میں 21 سے 27 فروری تک اوسطاً 40.88 ملی میٹر بارش ریکارڈ ہوئی ہے جو معمول کی38 .32 کی بارش سے 6.68 فیصد زیادہ ریکارڈ ہوئی ہے۔

جموں صوبے میں یکم جنوری سے 27 فروری تک اوسطاً 71.94 ملی میٹر بارش ریکارڈ ہوئی ہے جو معمول کی217. 53 ملی میٹر کی بارش سے 66.92 فیصد کم ریکارڈ ہوئی ہے۔

دریں اثنا وادی میں جاری برف و باراں سے لوگوں خاص طور پر کسانوں کے دل باغ باغ ہوئے ہیں۔

خشک موسم صورتحال سے جہاں وادی میں کئی چشمے سوکھ گئے ہیں وہیں اس دوران کئی علاقوں کے جنگلوں میں آتشزدگی کے واقعات رونما ہو رہے ہیں۔

محکمہ موسمیات کے مطابق وادی میں سال رواں کے پہلے ڈیڑھ ماہ کے دوران بارش کی 79 فیصد کمی ریکارڈ ہوئی تھی جبکہ اس دوران جموں میں بارش کی 84 فیصد کمی درج ہوئی تھی۔

یو این آئی ایم افضل