سرحدی کشیدگی ،مجموعی صورتحال اور مسلح افواج کی دفاعی ا ورجوابی کارروائیوں پروزیراعظم نریندر مودی کی ہمہ وقت نظر
روزانہ کی بنیادپر تازہ پیش رفت اور حکمت عملی کاجائزہ
وزیرداخلہ امت شاہ نے لیاسرحداور ہوائی اڈوں پر سیکورٹی کا جائزہ ، علاقائی فوج کی14 انفنٹری بٹالین کو فعال کرنے کافیصلہ
سرینگر:جے کے این ایس : پہلگام دہشت گردانہ حملے کے بعد بھارت کی جوابی کارروائی کے بعد ہندوپاک کے درمیان جاری سخت سفارتی اور سرحدی کشیدگی کے تناظر میں وزیراعظم نریندر مودی مجموعی صورتحال اور مسلح افواج کی کارروائیوں پر نظر رکھے ہوئے ہیں جبکہ وزیردفاع راجناتھ سنگھ اور مرکزی وزیرداخلہ امت شاہ نے فوج اور دیگر سیکورٹی ایجنسیوں کے اعلیٰ کمانڈروںاور افسران کیساتھ میٹنگیں کرکے تازہ پیش رفت اور حکمت عملی کاجائزہ لینے میں مصروف ہیں۔دریں اثناءہندوستان اور پاکستان کے درمیان جاری سرحدی کشیدگی کے بیچ وزارت دفاع نے علاقائی فوج کی14 انفنٹری بٹالین کو فعال کیاہے ۔جے کے این ایس مانٹرینگ ڈیسک کے مطابق بھارت اور پاکستان کے درمیان بڑھتی سرحدی کشیدگی کے بعد سے وزیراعظم مودی مسلسل قومی سلامتی کے مشیر اجیت کمار ڈوول سے صورتحال کی جانکاری لے رہے ہیں ۔میڈیا رپورٹس کے مطابق پل پل کی خبررکھنے کیساتھ ساتھ وزیراعظم شام کے وقت مجموعی صورتحال کا اعلیٰ سطحی میٹنگوںمیں جائزہ لے رہے ہیں ۔اس دوران پاکستان کےساتھ جاری کشیدگی کے درمیان راج ناتھ سنگھ نے دفاعی سربراہوں کے ساتھ اعلیٰ سطحی میٹنگ کی۔میڈیا رپورٹس کے مطابق وزیر دفاع راج ناتھ سنگھ جمعہ کی صبح ساو ¿تھ بلاک میں چیف آف ڈیفنس اسٹاف، فوج، بحریہ اور فضائیہ کے سربراہوں کے ساتھ ایک اعلیٰ سطحی میٹنگ کی،جس میں تازہ صورتحال کا جائزہ لینے کیساتھ ساتھ آئندہ کی حکمت عملی پر بھی غوروخوض کیاگیا۔

میٹنگ کے دوران چیف آف ڈیفنس اسٹاف جنرل انیل چوہان، آرمی چیف جنرل اوپیندر دویدی، ایئر چیف مارشل اے پی سنگھ اور بحریہ کے سربراہ ایڈمرل دنیش کے ترپاٹھی نے وزیردفاع راج ناتھ سنگھ کو تازہ ترین پیش رفت اور حکمت عملی کے بارے میں بریفنگ دی۔ وزیر دفاع راج ناتھ سنگھ نے جمعہ کو اعلیٰ فوجی قیادت کے ساتھ میٹنگ کی اور قومی سلامتی کے منظر نامے کا جامع جائزہ لیا۔وزیر دفاع نے تمام پہلوو ¿ں پر اجلاس کیا، میزائلوں اور ڈرونز کے استعمال پر تبادلہ خیال کیا گیا یہ جائزہ پاکستان کی جانب سے بھارتی فوجی تنصیبات کو نشانہ بنانے کی کوششوں کو ناکام بنائے جانے کے ایک دن بعد کیا گیا۔ بتایا جا رہا ہے کہ میٹنگ میں سیکورٹی کی بدلتی صورتحال سے متعلق ہر پہلو پر تبادلہ خیال کیا گیا۔ وزیر دفاع راجناتھ سنگھ نے بریفنگ کے دوران کہاکہ بھارت کاآگے بڑھنے کا کوئی ارادہ نہیں ہے، لیکن اگر دشمن قوتیں دوبارہ حملہ کرتی ہیں، تو ہم جوابی کارروائی کرنے سے نہیں ہچکچائیں گے۔اسی بیچ مرکزی وزیرداخلہ امت شاہ نے اعلیٰ حکام کےساتھ ہند پاک سرحد، ہوائی اڈوں پر سیکورٹی کا جائزہ لیا۔دوسری جانب مرکزی وزیر داخلہ امت شاہ نے بھی اعلیٰ سطحی میٹنگ کی صدارت کی جس میں انھوں نے ہوائی اڈوں کے سیکورٹی انتظامات کا جائزہ لیا۔مرکزی وزیر داخلہ امت شاہ نے بی ایس ایف کے ڈائریکٹر جنرل، سی آئی ایس ایف کے ڈائریکٹر جنرل اور وزارت داخلہ کے سینئر حکام کے ساتھ سرحدی صورتحال اور ہوائی اڈوں پر سیکورٹی انتظامات کا جائزہ لیا۔۔ذرائع نے بتایا کہ ہندوستان اورپاکستان سرحد پر سیکورٹی کی صورتحال کا جائزہ لینے کے علاوہ،امت شاہ نے ملک بھر کے ہوائی اڈوں پر سیکورٹی بڑھانے کےلئے کئے گئے اقدامات کا بھی جائزہ لیا۔جہاں بی ایس ایف ہندوستان،پاکستان سرحد کی حفاظت کرتا ہے، سنٹرل انڈسٹریل سیکورٹی فورس ملک کے ہوائی اڈوں، میٹرو نیٹ ورکس اور دیگر اہم تنصیبات کی حفاظت کرتی ہے۔وزیر داخلہ امت شاہ کی زیر صدارت میٹنگ میں شرکت کرنے والوں میں مرکزی داخلہ سکریٹری گووند موہن، انٹیلی جنس بیورو کے ڈائریکٹر تپن ڈیکا، بی ایس ایف، سی آئی ایس ایف اور بیورو آف سول ایوی ایشن سیکورٹی کے ڈائریکٹر جنرل شامل تھے۔دریں اثناءہندوستان اور پاکستان کے درمیان جاری سرحدی کشیدگی کے بیچ وزارت دفاع نے علاقائی فوج کی14 انفنٹری بٹالین کو فعال کیاہے ۔میڈیارپورٹس کے مطابق مرکزی حکومت نے آرمی چیف کو شمالی، مغربی اور مشرقی کمان میں 2028 تک تعیناتی کے لئے علاقائی فوج کی14 انفنٹری بٹالین کو طلب کرنے کا اختیار دیا ہے۔ حکومت کی تازہ ترین گزٹ نوٹیفکیشن کے مطابقعلاقائی فوج کے اصول1948 کے قاعدہ 33 کے ذریعے عطا کردہ اختیارات کے استعمال میں، مرکزی حکومت آرمی چیف کو اس قاعدے کے تحت اختیارات کا استعمال کرنے کا اختیار دیتی ہے کہ وہ علاقائی فوج کے ہر افسر اور ہر اندراج شدہ فرد کو ضروری گارڈ فراہم کرنے کے لیے بلائے۔