لیت پورہ حملے کی تحقیقات کے لیے ماہر کار انجینئروں کی خدمات طلب

Published

8 years ago

February 20, 2019

خبراردو:

بین الاقوامی کار کمپنی ماروتی سوزوکی کے ماہر انجینئروں کی خدمات طلب کی ہے۔ اس دوران معلوم ہوا ہے کہ قومی تحقیقات ایجنسی حملے میں مبینہ طور ملوث مدثر احمد خان نامی جنگجو کے رول کی تحقیقات کررہی ہے۔ بتایا جاتا ہے کہ حملے میں استعمال کئے گئے آر ڈی ایکس جیش سے منسلک گروپ نے بین الاقوامی سرحد سے دراندازی کرتے ہوئے اس پار لایا ہے۔

رواں مسلح جدوجہد میں اب تک پیش آئے سب سے بڑے اور خوفناک خودکش حملے جو 14فروری کو پیش آیا اور جس میں سی آر پی ایف کے 49اہلکار موقعے پر ہی ہلاک جبکہ درجنوں بری طرح زخمی ہوگئے ، کی بڑے پیمانے پر تحقیقات شروع کردی گئی ہے۔ معلوم ہو اہے کہ قومی تحقیقات ایجنسی (این آئی اے) نے حملے میں استعمال کی گئی گاڑی کی گہرائی سے چھان بین کرانے کے لیے بین الاقوامی کار کمپنی ماروتی سوزوکی کے ماہر انجینئروں کی خدمات طلب کی ہے۔خفیہ ذرائع سے معلوم ہو اہے کہ حملے میں استعمال کی گئی گاڑی بارودی مواد پھٹنے کی وجہ سے مکمل طور پر تباہ ہوئی ہیں اور تحقیقات کے لیے سیکورٹی ایجنسیوں کو کوئی شئے بھی دستیاب نہیں ہورہی ہے۔

اس سلسلے میں سیکورٹی ایجنسیوں نے تحقیقات میں پیش رفت حاصل کرنے کے لیے بین الاقوامی کار کمپنی ماروتی سوزوکی کے اعلیٰ اور ماہر انجینئروں کی خدمات طلب کی ہے۔ادھر ذرائع سے معلوم ہوا ہے کہ قومی تحقیقاتی ایجنسی نے حملے میں مبینہ طور پر ملوث جیش جنگجو مدثر احمد خان کی تلاش بڑے پیمانے پر شروع کردی ہے۔ سیکورٹی ایجنسیوں کے پاس موصولہ خفیہ اطلاعات کے مطابق مدثر احمد خان نے خود کش حملے میں اہم کردار نبھایا ہے۔

سیکورٹی ایجنسیوں کو خفیہ ذرائع سے ایسی اطلاعات بھی موصول ہوئی ہیں جس میں کہا گیا ہے کہ حال ہی میں بین الاقوامی سرحد سے جن جیش جنگجوؤں نے اس پار داخل ہونے میں کامیابی حاصل کی تھی، انہی کی ذریعے سے حملے کے لیے استعمال کئے گئے بارودی مواد سرحد کے اس جانب پہنچایا گیا۔اس سلسلے میں قومی تحقیقاتی ایجنسی کی طرف سے جاری حال میں ایک رپورٹ میں بتایا گیا ہے کہ گزشتہ ایک برس کے دوران لائن آف کنٹرول اور بین الاقوامی سرحد سے 35جنگجوؤں جن کا تعلق لشکر طیبہ اور جیش محمد سے بتایا گیا ہے ، نے اس پار داخل ہونے میں کامیابی حاصل کی ہے۔خفیہ ذرائع نے بتایا کہ’’ لیت پورہ خود کش حملے سے متعلق ہم مشکوک افراد سے پوچھ تاچھ کررہے ہیں۔ ہماراماننا ہے کہ خود کش حملے میں استعمال کئے گئے بارودی مواد (آر ڈی ایکس) کو بین الاقوامی سرحد سے مہینوں قبل کشمیر پہنچایا گیا جس کے ساتھ ساتھ دھماکہ سے متعلق ماہرین کی ٹیم نے بھی اس پار داخل ہونے میں کامیابی حاصل کی۔ذرائع نے بتایا کہ مدثر نامی جنگجو نوجوان کی تفصیلات خفیہ ایجنسیوں نے شیئر کی ہے۔ خفیہ ایجنسیوں کا ماننا ہے کہ لیت پورہ حملے کو منطقی انجام تک پہنچانے کے لیے مدثر کا اہم رول رہا ہے اور اگر اس پر شکنجہ کسا جائے تو ایسے میں سیکورٹی ایجنسیوں کو مدثر سے پوچھ تاچھ کے بعد مزید سراغ ملیں گے۔انہوں نے بتایا کہ خود کش حملے میں استعمال کی گئی گاڑی کی تفصیلات کا گہرائی سے جائزہ لینے کی خاطر بین الاقوامی کار کمپنی ماروتی سوزوکی کے ماہر انجینئروں کی خدمات طلب کی جائیں گی۔انہو ں نے کہا کہ خود کش حملے میں استعمال کی گئی ’’ایکو وین‘‘ کی مکمل تفصیلات کا پتہ لگانے کے لیے ماہر انجینئروں کا تعاون حاصل کیا جائیگا۔

ذرائع نے بتایا کہ جائے واردات سے سیکورٹی ایجنسیوں نے مسخ شدہ نمبر پلیٹ برآمد کیا ہے اور اسی سلسلے میں گہرائی سے چھان بین کے لیے سوموار کو وارد ہوچکی ماہر انجینئروں کی ٹیم سیکورٹی ایجنسیوں کو تحقیقات میں مدد فراہم کریں گے۔ذرائع کا کہنا تھا کہ ماہر انجینئروں کی ٹیم گاڑی کی منوفیکچرنگ تاریخ کا پتہ لگانے کے علاوہ گاڑی مالک اور شوروم جہاں سے گاڑی کو خریدا گیا ہے کا پتہ لگانے کے لیے سیکورٹی ایجنسیوں کی مدد کریں گے۔انہوں نے بتایا کہ خود کش بمبار عادل احمد ڈار کی ویڈیو کلب جو حملے کے فوراً بعد جاری کردی گئی تھیں کا جائزہ لینے کی خاطر چندی گڑھ کی فارنسک لیبارٹی سے ماہرین کی خصوصی ٹیم کام پر لگی ہوئی ہے۔ معلوم ہوا ہے کہ چندی گڑھ سے بلائی گئی ماہرین کی ٹیم ویڈیو کلپ کا باریک بینی سے جائزہ لے رہی ہے اور امید کی جارہی ہے کہ آنے والے دنوں میں تحقیقاتی ٹیم کو کوئی بڑا سراغ ہاتھ لگے۔

ادھر قومی تحقیقاتی ایجنسی اور ریاستی پولیس نے حملے کے فوراً بعد جنوبی کشمیر میں جنگجوؤں کیلئے کام کرنے والے بالائے زمین ورکروں کو پوچھ تاچھ کے لیے بڑے پیمانے پر گرفتاری عمل میں لائی ہے تاکہ تحقیقاتی ٹیم کو خود کش حملے سے متعلق کوئی سراغ ہاتھ لگ سکے۔

دنیا

نیپال میں سیلاب سے تقریباً 470 افراد ہلاک، امدادی کارروائیاں جاری

Published

1 hour ago

August 28, 2026

Online Desk

کٹھمنڈو، نیپال کے دارالحکومت کھٹمنڈو کے حکام کے مطابق گلیشیئر کا ایک بڑا حصہ ٹوٹنے کے بعد مٹی اور چٹانوں کا ایک وسیع تودہ ہمالیائی دریا میں جا گرا، جس کے نتیجے میں آنے والے تباہ کن سیلاب سے نیپال اور چین کے تبت کے علاقے میں کم از کم 469 افراد ہلاک اور کم از کم 1,500 افراد لاپتہ ہیں۔

تباہ کن بھوٹی کوشی سیلاب نے نیپال اور تبت کے پہاڑی سرحدی علاقے کو اپنی زد میں لے لیا، جبکہ نیپال کے ضلع راسووا میں سب سے زیادہ تباہی ہوئی، جو چینی سرحد کے عین جنوب میں واقع ہے۔

ٹیلی ویژن پر نشر ہونے والی تصاویر میں تباہ شدہ مکانات، پانی میں بہتی گاڑیاں اور سیلابی ریلے میں بہہ جانے والا ایک دھاتی پل دکھائی دیا، جبکہ عینی شاہدین نے بتایا کہ سیلابی پانی نے پورے کے پورے دیہات کو اپنی زد میں لے لیا۔ امدادی اور تلاش کرنے والی ٹیمیں متاثرہ علاقے میں پانی میں چلتے ہوئے متاثرین اور لاپتہ افراد کو تلاش کر رہی ہیں، تاہم کارروائیوں میں شدید مشکلات پیش آ رہی ہیں کیونکہ سیلاب کے باعث متعدد سڑکیں اور پل بھی تباہ ہو گئے ہیں۔

حکام نے ابتدائی طور پر خیال ظاہر کیا تھا کہ بدھ کی صبح آنے والے سیلاب کی وجہ 4.4 شدت کا زلزلہ ہو سکتا ہے۔ تاہم متعدد ماہرین اور امریکی جیولوجیکل سروے (یو ایس جی ایس) نے تصدیق کی کہ ”زلزلاتی سرگرمی” دراصل گلیشیئر کے ٹوٹنے اور ملبے کے بہاؤ کا نتیجہ تھی، جس کے بعد دریا کے نچلے علاقوں میں تباہ کن اثرات مرتب ہوئے، نہ کہ زلزلے کی وجہ سے سیلاب آیا۔

گلیشیئر کا انہدام اس وقت ہوتا ہے جب برفانی تودے کا ایک بڑا حصہ اپنے بستر سے الگ ہو جاتا ہے۔ اس میں بعض اوقات لاکھوں مکعب میٹر برف، چٹانیں اور پانی شامل ہوتے ہیں، جو انتہائی تیزی سے حرکت کرنے والے برفانی تودے یا ملبے کے بہاؤ میں تبدیل ہو سکتے ہیں۔ گلیشیئر کا انہدام گلیشیئر سائنس میں باقاعدہ طور پر متعین سائنسی اصطلاح نہیں، تاہم ایسے واقعات کو بیان کرنے کے لیے یہ اصطلاح عام طور پر استعمال ہوتی ہے۔

نیپال کی نیشنل ڈیزاسٹر رسک ریڈکشن اینڈ مینجمنٹ اتھارٹی کے مطابق ”گلیشیئر سے آنے والا سیلاب” لہینڈے کھولا دریا میں نیپالی جانب برف اور چٹانوں کے تودے گرنے کے باعث آیا۔ اتھارٹی کے ماہر ارضیات پرکاش پوکھرل نے بتایا کہ ابتدائی سیلابی ریلا لہینڈے کھولا میں داخل ہوا، جو آگے بھوٹی کوشی اور پھر تریشولی دریاؤں میں شامل ہوتا ہے۔ اس کے نتیجے میں سیلابی پانی جنوب کی جانب نیپال میں پھیل گیا۔ اطلاعات کے مطابق صرف 30 منٹ میں تریشولی دریا کی سطح میں تقریباً 9 میٹر (27 فٹ) تک اضافہ ہوا۔

جاری۔ یو این آئیْ۔ ع ا۔

ہندوستان

پوروانچل ایکسپریس وے پر روڈویز بس ستون سے ٹکرائی، ڈرائیور سمیت دو ہلاک، 26 زخمی

Published

2 hours ago

August 28, 2026

Online Desk

اعظم گڑھ، اترپردیش کے اعظم گڑھ ضلع میں پوروانچل ایکسپریس وے پر جمعرات کی دیر رات تیز رفتار روڈویز بس کے ستون سے ٹکرانے کے سبب بس ڈرائیور سمیت دو افراد کی موت ہو گئی، جبکہ کئی مسافر زخمی ہو گئے۔

اطلاع ملتے ہی پولیس اور ایکسپریس وے کی ایمبولینس ٹیم موقع پر پہنچی اور راحت و بچاؤ کا کام شروع کیا۔

زخمیوں کو فوری طور پر ضلع اسپتال سمیت آس پاس کے اسپتالوں میں داخل کرایا گیا۔ کچھ زخمیوں کی حالت نازک بتائی جا رہی ہے۔

پولیس کے مطابق، بیلتھرا روڈ ڈپو کی روڈویز بس لکھنؤ سے بلیا جا رہی تھی۔ دیر رات پوی تھانہ علاقے میں پوروانچل ایکسپریس وے کے اسٹون نمبر 191 کے قریب بس کے آگے چل رہا پک اپ اچانک بے قابو ہو گیا۔

پک اپ کو بچانے کی کوشش میں بس کا توازن بگڑ گیا اور وہ ایکسپریس وے کے کنارے بنے گورکھپور لنک ایکسپریس وے کے ستون سے ٹکراگئی۔ حادثے میں بس ڈرائیور رجنی کانت (35)، ساکن مدھوبن، مئو اور ایک خاتون مسافر کی موقع پر ہی موت ہو گئی۔ حادثے کے بعد بس میں پھنسے مسافروں کو پولیس اور راحت رساں کارکنوں نے باہر نکالا۔ زخمیوں کو مختلف اسپتالوں میں داخل کرایا گیا۔

حادثے میں زخمی مسافروں میں انجو برنوال (54)، ہرش برنوال (25)، سَویکا (18)، سنیتا (22)، نِتھانجلی یادو (16)، رمبھَا (38)، آنند (19)، شبھم شیکر (12)، روچی (3)، رودل (45)، پرنس یادو، گنسن (23)، انوشکا (18)، سشیل (41)، شویتا (22)، کوشل کشور دوبے (62)، بھگوتی (38)، انکیتا (20)، سِرشٹی (21)، گولو (15)، سنجو (17)، پرینکا شریواستو (36)، سواتی شریواستو (14)، برجیش چوہان (20)، نشا یادو (30)، ارملا (30)، نِتیاوتی دوبے (45)، ستیش موریہ (21)، اکھلیش تیواری (28)، پرتیما پرجاپتی (18)، شریا یادو (19)، پون کمار شریواستو (50)، شوانی (21) اور کملیش (45) شامل ہیں۔

تمام زخمیوں کو اسپتال میں داخل کرایا گیا ہے۔ ضلع مجسٹریٹ رویندر کمار سمیت ضلع کے کئی افسران اسپتال پہنچے اور زخمیوں کے علاج اور راحت رسانی کے کام میں کسی بھی طرح کی لاپروائی نہ برتنے کی ہدایت دی۔ پولیس نے حادثے کا شکار بس کو ایکسپریس وے سے ہٹانے کی کارروائی شروع کر دی ہے۔ ابتدائی تفتیش میں حادثے کی وجہ پک اپ کے اچانک بے قابو ہونے اور اسے بچانے کی کوشش میں بس کا توازن بگڑنا بتایا جا رہا ہے۔

یو این آئی۔ این یو۔

جموں و کشمیر

اننت ناگ میں دھوکہ دہی اور فراڈ کے الزام میں بی جے پی لیڈر کے خلاف مقدمہ درج

Published

4 hours ago

August 28, 2026

Online Desk

سری نگر، بی جے پی کے اننت ناگ ضلع جنرل سکریٹری عابد ننگرو کے خلاف جموں و کشمیر پولیس نے سرکاری ملازمت دلانے اور امرناتھ یاترا کے دوران پہلگام میں خیمے لگانے کی اجازت دلانے کے نام پر مبینہ طور پر دھوکہ دہی اور فراڈ کرنے کے الزام میں مقدمہ درج کیا ہے۔

پولیس اسٹیشن اننت ناگ میں دھوکہ دہی اور فراڈ کی شکایت پر تحریری شکایت موصول ہونے کے بعد مقدمہ درج کیا گیا۔

پولیس نے بتایا کہ اسے وحید احمد ایتو، عیشمقام، جو فی الحال جی ڈی سی بوائز ہاسٹل، خانہ بل میں مقیم ہیں، کی جانب سے تحریری شکایت موصول ہوئی، جس میں الزام لگایا گیا کہ کرندی گام، بیج بہارا کے عابد ننگرو نے ان کے ساتھ دھوکہ کیا۔

پولیس کے مطابق شکایت میں کہا گیا ہے کہ ملزم نے شکایت کنندہ کو یہ یقین دلا کر اپنے جال میں پھنسایا کہ وہ محکمہ پولیس میں ایس پی او (اسپیشل پولیس آفیسر) کی حیثیت سے اسے سرکاری ملازمت دلوا سکتا ہے اور اپنے سیاسی اثر و رسوخ کی مدد سے شری امرناتھ جی یاتریوں کے لیے پہلگام میں خیمے لگانے کی اجازت بھی دلوا سکتا ہے۔

شکایت کنندہ نے مزید الزام لگایا کہ ان یقین دہانیوں اور دعووں کی بنیاد پر اس سے مجموعی طور پر 8,25,000 روپے لے لیے گئے۔

شکایت کا نوٹس لیتے ہوئے پولیس اسٹیشن اننت ناگ میں بی این ایس کی دفعات 318(4) اور 351(3) کے تحت ایف آئی آر درج کی گئی ہے اور تحقیقات شروع کردی گئی ہیں۔

اننت ناگ پولیس نے ایک بار پھر کہا ہے کہ دھوکہ دہی، فراڈ یا سرکاری ملازمت یا دیگر سرکاری فوائد دلانے کے جھوٹے وعدوں کے ذریعے لوگوں کا استحصال کرنے میں ملوث پائے جانے والے افراد کے خلاف سخت قانونی کارروائی کی جائے گی۔

یو این آئی، ایم جے