گئو رکشکوں کے ذریعہ خاتون سمیت 3 لوگوں کی موب لنچنگ

Published

7 years ago

May 25, 2019

خبراردو: مدھیہ پردیش میں شری رام سینا کے غنڈوں نے تین لوگوں کی صرف اس لیے بے رحمانہ پٹائی کر دی کیونکہ انھیں شبہ تھا کہ وہ گائے کا گوشت لے کر جا رہے ہیں۔ اس معاملہ میں پولس نے 5 لوگوں کو گرفتار کیا ہے۔

مدھیہ پردیش میں ہندوتوا غنڈوں کے ذریعہ موب لنچنگ کا دردناک واقعہ پیش آیا ہے جس کا ویڈیو سوشل میڈیا پر بھی وائرل ہو گیا ہے۔ معاملہ ضلع سیونی کا ہے اور بتایا جاتا ہے کہ ویڈیو 22 مئی کا ہے جب پورے ملک میں عام انتخاب کے نتیجوں کا بے صبری سے انتظار کیا جا رہا تھا۔ اس ویڈیو کو شبھم بگھیل نے نتیجوں والے دن یعنی 23 مئی کو اپنے فیس بک اکاؤنٹ سے پوسٹ کیا تھا اور ویڈیو میں شبھم اپنے ساتھیوں کے ساتھ ایک خاتون سمیت تین لوگوں کی بے رحمانہ پٹائی کرتا ہوا نظر آ رہا تھا۔

Gau Ralshaks on the prowl in MP. Muslim couple thrashed on suspicion of carrying ‘beef’. one person arrested by the police. Ram Raj aa raha hai pic.twitter.com/sY25ZYPfDV

— Hemender Sharma (@delayedjab) May 24, 2019

بتایا جاتا ہے کہ ’شری رام سینا‘ کے صدر شبھم بگھیل نے گائے کا گوشت لے جانے کے شبہ میں مسلم نوجوانوں کی بے رحمی سے پٹائی کی اور ان سے ’جے شری رام‘ کے نعرے بھی لگوائے۔ دراصل شبھم کو کسی نے خبر دی تھی کہ کچھ لوگ گاڑی میں گائے کا گوشت لے جا رہے ہیں۔ یہ خبر ملتے ہی شبھم اپنے کچھ غنڈوں کے ساتھ پہنچا اور گاڑی میں بیٹھی خاتون، ایک شخص اور گاڑی ڈرائیور کی زبردست پٹائی شروع کر دی۔

گاڑی کا ڈرائیور بار بار شری رام سینا کے غنڈوں سے چھوڑنے کی اپیل کر رہا تھا لیکن اس کی کوئی سنوائی نہیں ہو رہی تھی۔ لاٹھی اور ڈنڈوں سے اس کی خوب پٹائی ہو رہی تھی اور آس پاس کئی لوگ بھی جمع تھے۔ وہاں موجود سبھی لوگ تماش بنے اس پٹائی کو دیکھ رہے تھے اور کسی نے پولس کو خبر کرنے کی ضرورت محسوس نہیں کی۔ حد تو یہ ہے کہ جب خاتون کی پٹائی چپلوں سے کی جا رہی تھی تو ایک دیگر خاتون اس کی مزید پٹائی کرتی ہوئی نظر آئی۔ حالانکہ اس خاتون کا چہرہ نظر نہیں آیا لیکن چوڑی پہنے اس کا ہاتھ ویڈیو میں دکھائی پڑتا ہے جو اشارہ کرتے ہوئے مزید پٹائی کرنے کے لیے کہتی ہے۔

حیرانی کی بات یہ ہے کہ 23 مئی کو شبھم نے یہ ویڈیو سوشل میڈیا پر پوسٹ کیا تھا اور اب جب کہ یہ وائرل ہو چکا ہے تو پولس کی نیند کھلی ہے۔ پولس نے دعویٰ کیا ہے کہ سبھی پانچ ملزمین کو گرفتار کر لیا گیا ہے۔ قابل غور بات یہ بھی ہے کہ شبھم کو 6 فروری میں ہی ضلع بدر کر دیا گیا تھا اور اس کا نام پہلے بھی گوشت کے شبہ پر پٹائی کے معاملوں میں آ چکا ہے۔ ضلع بدر کرنے کے باوجود وہ یہاں کیسے آیا اور یہ غنڈہ گردی کیوں ہوئی، یہ ایک بڑا سوال ہے۔

اس ویڈیو کے منظر عام پر آنے کے بعد اے آئی ایم آئی ایم سربراہ اور رکن پارلیمنٹ اسدالدین اویسی نے پی ایم مودی کو تنقید کا نشانہ بنایا ہے اور ٹوئٹ کیا ہے کہ ’’مودی کے ووٹروں کے ذریعہ پیدا کیے گئے وجیلنٹس اس طرح کا رویہ مسلمانوں کے ساتھ کرتے ہیں۔ نئے ہندوستان میں آپ کا استقبال ہے جو مشترک ہوگا اور جیسا کہ پی ایم نے اسے جمہوریت کا نقاب بتایا۔‘‘

جموں و کشمیر

اننت ناگ میں دھوکہ دہی اور فراڈ کے الزام میں بی جے پی لیڈر کے خلاف مقدمہ درج

Published

2 hours ago

August 28, 2026

Online Desk

سری نگر، بی جے پی کے اننت ناگ ضلع جنرل سکریٹری عابد ننگرو کے خلاف جموں و کشمیر پولیس نے سرکاری ملازمت دلانے اور امرناتھ یاترا کے دوران پہلگام میں خیمے لگانے کی اجازت دلانے کے نام پر مبینہ طور پر دھوکہ دہی اور فراڈ کرنے کے الزام میں مقدمہ درج کیا ہے۔

پولیس اسٹیشن اننت ناگ میں دھوکہ دہی اور فراڈ کی شکایت پر تحریری شکایت موصول ہونے کے بعد مقدمہ درج کیا گیا۔

پولیس نے بتایا کہ اسے وحید احمد ایتو، عیشمقام، جو فی الحال جی ڈی سی بوائز ہاسٹل، خانہ بل میں مقیم ہیں، کی جانب سے تحریری شکایت موصول ہوئی، جس میں الزام لگایا گیا کہ کرندی گام، بیج بہارا کے عابد ننگرو نے ان کے ساتھ دھوکہ کیا۔

پولیس کے مطابق شکایت میں کہا گیا ہے کہ ملزم نے شکایت کنندہ کو یہ یقین دلا کر اپنے جال میں پھنسایا کہ وہ محکمہ پولیس میں ایس پی او (اسپیشل پولیس آفیسر) کی حیثیت سے اسے سرکاری ملازمت دلوا سکتا ہے اور اپنے سیاسی اثر و رسوخ کی مدد سے شری امرناتھ جی یاتریوں کے لیے پہلگام میں خیمے لگانے کی اجازت بھی دلوا سکتا ہے۔

شکایت کنندہ نے مزید الزام لگایا کہ ان یقین دہانیوں اور دعووں کی بنیاد پر اس سے مجموعی طور پر 8,25,000 روپے لے لیے گئے۔

شکایت کا نوٹس لیتے ہوئے پولیس اسٹیشن اننت ناگ میں بی این ایس کی دفعات 318(4) اور 351(3) کے تحت ایف آئی آر درج کی گئی ہے اور تحقیقات شروع کردی گئی ہیں۔

اننت ناگ پولیس نے ایک بار پھر کہا ہے کہ دھوکہ دہی، فراڈ یا سرکاری ملازمت یا دیگر سرکاری فوائد دلانے کے جھوٹے وعدوں کے ذریعے لوگوں کا استحصال کرنے میں ملوث پائے جانے والے افراد کے خلاف سخت قانونی کارروائی کی جائے گی۔

یو این آئی، ایم جے

ہندوستان

وزیر اعظم مودی نے رکشا بندھن پر عوام کو مبارکباد دی

Published

2 hours ago

August 28, 2026

Online Desk

نئی دہلی، وزیر اعظم نریندر مودی نے جمعہ کو رکشا بندھن کے موقع پر عوام کو دلی مبارکباد پیش کی اور دعا کی کہ یہ ۔تہوار تمام شہریوں کی زندگیوں میں خوشی، خوشحالی اور کامیابی لائے۔

وزیر اعظم نے سوشل میڈیا پلیٹ فارم ایکس پر ایک پوسٹ میں اپنی نیک خواہشات کا اظہار کرتے ہوئے رکشا بندھن کو محبت اور مضبوط انسانی رشتوں کی علامت قرار دیا۔

مسٹر مودی نے کہا، ’’رکشا بندھن پر دلی مبارکباد۔ یہ تہوار آپ سب کی زندگیوں میں خوشی، خوشحالی اور کامیابی لائے۔‘‘

وزیر اعظم نے یہ امید بھی ظاہر کی کہ لوگوں کے درمیان محبت، اپنائیت اور باہمی اعتماد کے رشتے مضبوط اور پائیدار رہیں گے۔

انہوں نے کہا، ’’محبت، اپنائیت اور باہمی اعتماد کا دھاگا ہمیشہ اٹوٹ رہے، یہی میری دلی خواہش ہے۔‘‘

رکشا بندھن، جسے عام طور پر راکھی کے نام سے جانا جاتا ہے، پورے ہندستان میں محبت، خیال اور تحفظ کے رشتے کی عکاسی کرنے والے تہوار کے طور پر منایا جاتا ہے، خاص طور پر بھائی بہن کے درمیان۔

بہنیں روایتی طور پر اپنے بھائیوں کی کلائی پر راکھی کے نام سے معروف مقدس دھاگا باندھتی ہیں، جبکہ بھائی اپنی بہنوں کی مدد اور حفاظت کے عزم کی تجدید کرتے ہیں۔

یہ تہوار خاندانوں اور برادریوں کو بھی ایک دوسرے کے قریب لاتا ہے، جہاں لوگ تحائف، مٹھائیاں اور مبارکباد کا تبادلہ کرتے ہوئے محبت، اعتماد، اتحاد اور باہمی احترام کی پائیدار اقدار کا جشن مناتے ہیں۔

یو این آئی، ایم جے

دنیا

روبیو نے میکسیکو پر ہجرت، فینٹانائل اور منشیات فروش گروہوں کے خلاف کارروائی تیز کرنے پر زور دیا

Published

15 hours ago

August 27, 2026

Online Desk

واشنگٹن، امریکی وزیر خارجہ مارکو روبیو نے میکسیکو پر زور دیا ہے کہ وہ غیر قانونی ہجرت، فینٹانائل کی اسمگلنگ اور منشیات فروش گروہوں کے خلاف فیصلہ کن کارروائی کرے۔

امریکی محکمہ خارجہ کے مطابق روبیو نے واشنگٹن میں میکسیکو کے وزیر خارجہ روبرٹو ویلاسکو کے ساتھ مذاکرات کے دوران یہ مطالبہ کیا۔

محکمہ خارجہ کے ترجمان ٹومی پیگوٹ نے کہا کہ روبیو نے غیر قانونی ہجرت کے خاتمے، فینٹانائل اور دیگر غیر قانونی منشیات کی امریکہ میں اسمگلنگ روکنے، غیر ملکی دہشت گرد تنظیموں اور منشیات فروش گروہوں کو ختم کرنے اور ان کی ہتھیاروں تک رسائی روکنے کے لیے اقدامات پر زور دیا۔

یہ مذاکرات ایسے وقت میں ہوئے ہیں جب ٹرمپ انتظامیہ میکسیکو کے ساتھ تعلقات میں سرحدی سکیورٹی اور غیر قانونی منشیات کے خلاف جنگ کو اہم ترجیحات قرار دے رہی ہے۔

واشنگٹن میکسیکو پر ان جرائم پیشہ تنظیموں کے خلاف کارروائیوں کو مزید مضبوط بنانے کے لیے دباؤ ڈال رہا ہے جو منشیات، خصوصاً فینٹانائل، کی تیاری اور اسمگلنگ میں ملوث ہیں۔ فینٹانائل امریکہ اور میکسیکو کے درمیان سکیورٹی تعاون میں ایک اہم مسئلہ بن چکا ہے۔

میکسیکو سرحدی سکیورٹی، منظم جرائم اور منشیات کی اسمگلنگ کے خلاف کارروائیوں میں امریکہ کا ایک اہم شراکت دار ہے۔

یو این آئی۔ ع ا۔