’کورونا وائرس‘ سے متاثر افراد کی تعداد میں روزانہ اضافے کے پیش نظر انتظامیہ نے جموں وکشمیر میں پابندیاں مزید بڑھاتے ہوئے’شبانہ کرفیو‘ عائد کرنے کا فیصلہ لیا۔حکمنامے کے تحت شام 7بجے سے صبح 7بجے تک کرفیو نافذ رہے گا۔اس دوران لوگوں کی ہر طرح کی آزاد نقل وحرکت پر مکمل طور پابندی عائد کی گئی،تاہم میڈیکل ایمرجنسی کو کرفیو سے مستثنیٰ رکھا گیا۔

کشمیر نیوز سروس کے مطابق جموں وکشمیر انتظامیہ کے پرنسپل سیکریٹری اورحکومتی ترجمان، روہت کنسل نے سماجی رابطہ کی ویب سائٹ ٹویٹر پر ایک ٹویٹ کرتے ہوئے کہا ’جموں و کشمیر کے تمام علاقہ جات میں شام7بجے سے صبح 7بجے تک کرفیو نافذ کیا جائے گا‘۔ انہوں نے کہا ’کرفیو کے دوران ضلع انتظامیہ کی جانب سے اجرا کیے گئے پاسز کے بغیر آمدورفت کی اجازت نہیں ہوگی۔ تاہم طبی پیشہ اور ضروری خدمات فراہم کرنے والے افراد پر یہ پابندی عائد نہیں ہوں گی‘۔ گزشتہ روز انتظامیہ نے جموں و کشمیر کے13اضلاع کو ریڈزون زمرے میں لایا تھا۔ ان میں کشمیر کے تمام اضلاع کے ساتھ ساتھ جموں صوبے کے جموں، کٹھوعہ اور سامبا بھی شامل ہے۔ ریاسی، ادھم پور، رامبن اور راجوری اورنج زون میں ہیں جبکہ ڈوڈہ، کشتوار اور پونچھ گرین زون میں ہیں۔ رواں مہینے کی یکم تاریخ کو مرکزی حکومت کی جانب سے لاک ڈان کے تیسرے مرحلے کے دوران عائد پابندیوں کیلئے ہدایت جاری کرتے ہوئے ملک کے733اضلاع کو ریڈ اورنج اور گرین زون باندھا گیا تھا۔ عوام کو پابندیوں میں رعایت بھی انہیں زون کے مطابق دی جائیگی۔

مرکزی وزارت صحت کے مطابق ’اگرچہ ان پابندیاں پر ہر ہفتے صورتحال کا جائزہ لینے کے بعد نظرثانی کی جاسکتی ہے تاہم پابندیاں کتنی بڑھانی ہے اور کتنی کم کرنی ہے اس کا حتمی فیصلہ ضلع انتظامیہ کو ہی لینا ہے۔‘جموں وکشمیر میں اب تک کورونا وائرس کے 701 کیسز سامنے آئے ہیں جن میں سے زائد از 600 کشمیر کے ہیں۔ اب تک وائرس سے متاثرہ قریب 300 مریض صحتیاب ہوچکے ہیں جبکہ8 مریضوں کی موت ہوچکی ہے۔ اس دوران جموں وکشمیر نے ایک دن میں 2ہزار کورونا وائرس ٹیسٹ کرنے کے ہدف کا کامیاب تعاقب کیا ہے۔ادھرعالمی وبا کوروناوائرس کے مریضوں کی بڑھتی تعداد کے پیش نظر لاک ڈان میں مزید دو ہفتوں کی توسیع کے ساتھ ہی محکمہ تعلیم نے بھی جموں وکشمیر میں تمام تعلیمی اداروں اور تربیتی مراکز کو رواں ماہ کی17تاریخ تک بند رکھنے کا حکم نامہ جاری کیا ہے۔اس حکمنامے کے مطابق کوروناوائرس کے پھیلا کی روکتھام کے لیے محکمہ اسکول تعلیم نے تمام تعلیمی اداروں کو مزید وقت کے لیے بند کرنے کا فیصلہ لیا ہے۔جموں وکشمیرمیں کوروناوائرس کی بیماری کے دستک کے بعد سے ہی اسکولوں میں تمام تعلیمی اور تدریسی سرگرمیوں کو معطل کیا گیا تھا۔

اب چونکہ گزشتہ ہفتے مرکزی وزارت داخلہ نے ملک گیر لاک ڈان کو مزید دو ہفتوں تک بڑھانے کا فیصلہ کیا یے۔ اس تناظر میں اب محکمہ تعلیم نے بھی ایک مرتبہ پھر بچوں سے تاکید کی ہے کہ وہ بندوشوں اور پابندیوں کے دوران گھروں میں ہی پڑھائی کا سلسلہ جاری رکھے۔ جبکہ لاک ڈان کی صورت میں محکمہ کی جانب سے شروع کیے گئے آن لائن اور ٹیلی کلاسز سے بھی استفادہ حاصل کریں۔ پڑھائی کے وقت کو ضائع ہونے سے بچانے کے لیے وادی کشمیر کے سرکاری اور بعض نجی اسکولوں نے بھی طلبہ کو آن لائن پڑھانے کا انتظام کیا ہے۔ جس کے لیے زوم کلاسز اور دیگر ایپس استعمال کی جارہی ہیں۔چھوٹے بچوں کے لیے والدین کے موبائل فون پر ایس ایم ایس بھیج کر بچوں کو واٹس آیپ گروپ میں شامل ہوکر آن لائن اسائنمنٹس اور دیگر ہوم ورک دیا جاتا ہے۔ وہیں اب آن لائن سسٹم کے ذریعے ہی یونٹIstاور یونٹ2ndامتحانات لینے کی بھی بات کی جارہی ہے۔

سست رفتار 2جی انٹرنٹ کی دستیابی کی وجہ سے بچے اکثر اوقات تعلیمی مواد ڈان لوڈ بھی نہیں کر پارہے ہیں۔ وہیں والدین بھی شکایت کرتے رہتے ہیں کہ ان کے ایک سے زیادہ بچے کسی اسکول میں زیر تعلیم ہیں تو مختلف کلاسز کے بچوں کو ایک ہی وقت میں پڑھانے کے نتیجے میں کئی بچوں کے کلاسز چھوٹ جاتے ہیں۔ جس سے ان کا تعلیمی نقصان ہوتا ہے۔ طلبہ کو درپیش دیگر دشواریوں کے باعث بھی آن لائن کلاسز زیادہ سودمند ثابت نہیں ہو پا رہے ہیں۔اب محکمہ تعلیم نے ایک غیر معمولی فیصلے کے تحت بچوں کو تعلیم دینے کے لیے آل انڈیا ریڈیو کے اشتراک سے آڈیو کلاسز شروع کرنے کا بھی فیصلہ کیا ہے۔