کووڈ ۔ 19کی قہر سامانیوں کا نہ تھمنے والا سلسلہ بدستور جاری ، غیر مقامی باشندے سمیت مزید 7افراد جاں بحق

Published

6 years ago

July 23, 2020

جموں وکشمیر میں کورونا ہلاکتوں کی تعداد بڑھ کر285تک پہنچ گئی ،وادی میں ہلاکتیں 265ہوگئیں
تازہ ہلاکتیں :سرینگر میں (4) ،کپوارہ میں (1) ،اوڑی بارہمولہ میں (1) ،غیر مقامی ’کیرالہ ‘کا شہری(1)
خبراردو:-

سرینگر:جموں وکشمیر میں کووڈ ۔ 19(عالمگیر وبا) کی قہر ساما نیوں کے نہ تھمنے والے سلسلے کے بیچ جمعرات کو وادی کشمیر میں مزید 7افراد دوران علاج زندگی کی جنگ ہار گئے ،جن میں ایک غیر مقامی باشندہ بھی ہے ۔ اس طرح جموں وکشمیر میں کورونا ہلاکتوں کی تعداد بڑھ کر285تک پہنچ گئی جبکہ وادی میں یہ تعداد بڑھ کر 265ہوگئی اور جموں میں کورونا اموات کی تعداد 20ہے ۔

کشمیر نیوز سروس کے مطابق وادی کشمیر میں کورونا وائرس کی صورتحال ہر گزر تے دن کیساتھ ساتھ بد سے بدتر ہوتی جارہی ہے ،کیونکہ کورونا کیسوں میں مسلسل اضافہ اور اموات کا نہ تھمنے والا سلسلہ تشویشناک رخ اختیار کر تا جارہا ہے ۔ وادی کشمیر میں جمعرات کو مزید7افراد کی موت ہوگئی ۔ مرنے والے افراد میں فرودس آباد بٹہ مالو سرینگر کا57سالہ شہری ،نواکدل کا55سالہ شہری ،زونی مر سرینگر کا52سالہ شہری ،گزر یال کپوارہ کا46سالہ شہری ،60سالہ غیر مقامی شہری ،اوڑی بارہمولہ کا70سالہ شہری اور چنکرال محلہ حبہ کدل سرینگر کا40سالہ شہری شامل ہے ۔

اسپتال ذرایع سے معلوم ہوا ہے کہ یہ سبھی مریض کورونا پازیٹیو ہونے کیساتھ ساتھ مختلف دیگر امراض میں بھی مبتلاء تھے ۔ صورہ میڈیکل انسٹی چیوٹ کے ذراءع نے بتایا کہ فردوس آباد بٹہ مالو کے مریض کو10جولائی کے روز اسپتال میں داخل کیا گیا جبکہ نواکدل کے شہری کو13جولائی کو اسپتال میں داخل کیا گیا ۔ دونوں میریض اسپتال میں دوران علاج جمعرات کو انتقال کرگئے جبکہ مرحومین مختلف امراض میں بھی مبتلاء تھے ۔

زونی مر سرینگر کے مریض کو 22جولائی کو اسپتال میں داخل کیا گیا جبکہ گزریال کپوارہ کے شہری کو20جولائی کو اسپتال میں داخل کیا گیا جبکہ دونوں کی ٹیسٹ رپورٹ موت کے بعد پازیٹیو آئی ۔ ذرایع کا کہنا ہے کہ کیرالہ کے 60سالہ شہری کو اسپتال میں داخل کیا گیا تھا اور وہ بھی کورونا پازیٹیو تھا اور جمعرات کو اُسکی موت ہوگئی ۔ اوڑی بارہمولہ کے70سالہ شہری ڈائلیسس پر تھے ۔

ان کا کہناتھا کہ مریضہ کی سرینگر کے ایک نجی اسپتال میں ڈائلیسس کی گئی تھی اور ڈاکٹر گھرجانے کا مشورہ دیا تھا ۔ انہوں نے کہا ڈائلسس کے ایک ہفتے کے بعد اُسے اسپتال لایا گیا تھا ۔ اس کا کورونا ٹیسٹ رپورٹ مثبت آئی تھی اور اگلے روز اُسکی موت ہوگئی ۔ معلوم ہوا ہے کہ اس مریضہ کے رابطے میں آئے سبھی افراد کورنٹائن کیا گیا ہے ۔

چنکرال محلہ حبہ کدل کے40سالہ شہری کی بھی موت سکمز میں ہی ہوئی ۔ اُسے18جولائی کو اسپتال میں داخل کیا گیا ۔ وہ مختلف امراض میں مبتلاء تھا ۔ جموں وکشمیر میں ان تازہ 7اموات کیساتھ مرنے والوں کی تعداد285ہوگئی جن میں وادی کشمیر 264اموات ہوئیں جبکہ جموں میں یہ تعداد20ہے ۔

سرینگر میں سب سے زیادہ 79ہلاکتیں ہوئیں ،بارہمولہ میں 59،کولگام میں 26،شوپیان اور اننت ناگ میں 19،19ہلاکتیں ہوئیں ،بڈگام میں 20،کپوارہ میں 16،پلوامہ میں 15،جموں میں 12،بانڈی پورہ میں 7،گاندر بل میں 5،راجوری اور ڈوڈہ میں 2،2ہلاکتیں ہوئیں ،پونچھ ،ادھمپور اور کٹھوعہ میں ایک ،ایک موت ہوئی ۔

دنیا

نیپال میں سیلاب سے تقریباً 470 افراد ہلاک، امدادی کارروائیاں جاری

Published

1 hour ago

August 28, 2026

Online Desk

کٹھمنڈو، نیپال کے دارالحکومت کھٹمنڈو کے حکام کے مطابق گلیشیئر کا ایک بڑا حصہ ٹوٹنے کے بعد مٹی اور چٹانوں کا ایک وسیع تودہ ہمالیائی دریا میں جا گرا، جس کے نتیجے میں آنے والے تباہ کن سیلاب سے نیپال اور چین کے تبت کے علاقے میں کم از کم 469 افراد ہلاک اور کم از کم 1,500 افراد لاپتہ ہیں۔

تباہ کن بھوٹی کوشی سیلاب نے نیپال اور تبت کے پہاڑی سرحدی علاقے کو اپنی زد میں لے لیا، جبکہ نیپال کے ضلع راسووا میں سب سے زیادہ تباہی ہوئی، جو چینی سرحد کے عین جنوب میں واقع ہے۔

ٹیلی ویژن پر نشر ہونے والی تصاویر میں تباہ شدہ مکانات، پانی میں بہتی گاڑیاں اور سیلابی ریلے میں بہہ جانے والا ایک دھاتی پل دکھائی دیا، جبکہ عینی شاہدین نے بتایا کہ سیلابی پانی نے پورے کے پورے دیہات کو اپنی زد میں لے لیا۔ امدادی اور تلاش کرنے والی ٹیمیں متاثرہ علاقے میں پانی میں چلتے ہوئے متاثرین اور لاپتہ افراد کو تلاش کر رہی ہیں، تاہم کارروائیوں میں شدید مشکلات پیش آ رہی ہیں کیونکہ سیلاب کے باعث متعدد سڑکیں اور پل بھی تباہ ہو گئے ہیں۔

حکام نے ابتدائی طور پر خیال ظاہر کیا تھا کہ بدھ کی صبح آنے والے سیلاب کی وجہ 4.4 شدت کا زلزلہ ہو سکتا ہے۔ تاہم متعدد ماہرین اور امریکی جیولوجیکل سروے (یو ایس جی ایس) نے تصدیق کی کہ ”زلزلاتی سرگرمی” دراصل گلیشیئر کے ٹوٹنے اور ملبے کے بہاؤ کا نتیجہ تھی، جس کے بعد دریا کے نچلے علاقوں میں تباہ کن اثرات مرتب ہوئے، نہ کہ زلزلے کی وجہ سے سیلاب آیا۔

گلیشیئر کا انہدام اس وقت ہوتا ہے جب برفانی تودے کا ایک بڑا حصہ اپنے بستر سے الگ ہو جاتا ہے۔ اس میں بعض اوقات لاکھوں مکعب میٹر برف، چٹانیں اور پانی شامل ہوتے ہیں، جو انتہائی تیزی سے حرکت کرنے والے برفانی تودے یا ملبے کے بہاؤ میں تبدیل ہو سکتے ہیں۔ گلیشیئر کا انہدام گلیشیئر سائنس میں باقاعدہ طور پر متعین سائنسی اصطلاح نہیں، تاہم ایسے واقعات کو بیان کرنے کے لیے یہ اصطلاح عام طور پر استعمال ہوتی ہے۔

نیپال کی نیشنل ڈیزاسٹر رسک ریڈکشن اینڈ مینجمنٹ اتھارٹی کے مطابق ”گلیشیئر سے آنے والا سیلاب” لہینڈے کھولا دریا میں نیپالی جانب برف اور چٹانوں کے تودے گرنے کے باعث آیا۔ اتھارٹی کے ماہر ارضیات پرکاش پوکھرل نے بتایا کہ ابتدائی سیلابی ریلا لہینڈے کھولا میں داخل ہوا، جو آگے بھوٹی کوشی اور پھر تریشولی دریاؤں میں شامل ہوتا ہے۔ اس کے نتیجے میں سیلابی پانی جنوب کی جانب نیپال میں پھیل گیا۔ اطلاعات کے مطابق صرف 30 منٹ میں تریشولی دریا کی سطح میں تقریباً 9 میٹر (27 فٹ) تک اضافہ ہوا۔

جاری۔ یو این آئیْ۔ ع ا۔

ہندوستان

پوروانچل ایکسپریس وے پر روڈویز بس ستون سے ٹکرائی، ڈرائیور سمیت دو ہلاک، 26 زخمی

Published

2 hours ago

August 28, 2026

Online Desk

اعظم گڑھ، اترپردیش کے اعظم گڑھ ضلع میں پوروانچل ایکسپریس وے پر جمعرات کی دیر رات تیز رفتار روڈویز بس کے ستون سے ٹکرانے کے سبب بس ڈرائیور سمیت دو افراد کی موت ہو گئی، جبکہ کئی مسافر زخمی ہو گئے۔

اطلاع ملتے ہی پولیس اور ایکسپریس وے کی ایمبولینس ٹیم موقع پر پہنچی اور راحت و بچاؤ کا کام شروع کیا۔

زخمیوں کو فوری طور پر ضلع اسپتال سمیت آس پاس کے اسپتالوں میں داخل کرایا گیا۔ کچھ زخمیوں کی حالت نازک بتائی جا رہی ہے۔

پولیس کے مطابق، بیلتھرا روڈ ڈپو کی روڈویز بس لکھنؤ سے بلیا جا رہی تھی۔ دیر رات پوی تھانہ علاقے میں پوروانچل ایکسپریس وے کے اسٹون نمبر 191 کے قریب بس کے آگے چل رہا پک اپ اچانک بے قابو ہو گیا۔

پک اپ کو بچانے کی کوشش میں بس کا توازن بگڑ گیا اور وہ ایکسپریس وے کے کنارے بنے گورکھپور لنک ایکسپریس وے کے ستون سے ٹکراگئی۔ حادثے میں بس ڈرائیور رجنی کانت (35)، ساکن مدھوبن، مئو اور ایک خاتون مسافر کی موقع پر ہی موت ہو گئی۔ حادثے کے بعد بس میں پھنسے مسافروں کو پولیس اور راحت رساں کارکنوں نے باہر نکالا۔ زخمیوں کو مختلف اسپتالوں میں داخل کرایا گیا۔

حادثے میں زخمی مسافروں میں انجو برنوال (54)، ہرش برنوال (25)، سَویکا (18)، سنیتا (22)، نِتھانجلی یادو (16)، رمبھَا (38)، آنند (19)، شبھم شیکر (12)، روچی (3)، رودل (45)، پرنس یادو، گنسن (23)، انوشکا (18)، سشیل (41)، شویتا (22)، کوشل کشور دوبے (62)، بھگوتی (38)، انکیتا (20)، سِرشٹی (21)، گولو (15)، سنجو (17)، پرینکا شریواستو (36)، سواتی شریواستو (14)، برجیش چوہان (20)، نشا یادو (30)، ارملا (30)، نِتیاوتی دوبے (45)، ستیش موریہ (21)، اکھلیش تیواری (28)، پرتیما پرجاپتی (18)، شریا یادو (19)، پون کمار شریواستو (50)، شوانی (21) اور کملیش (45) شامل ہیں۔

تمام زخمیوں کو اسپتال میں داخل کرایا گیا ہے۔ ضلع مجسٹریٹ رویندر کمار سمیت ضلع کے کئی افسران اسپتال پہنچے اور زخمیوں کے علاج اور راحت رسانی کے کام میں کسی بھی طرح کی لاپروائی نہ برتنے کی ہدایت دی۔ پولیس نے حادثے کا شکار بس کو ایکسپریس وے سے ہٹانے کی کارروائی شروع کر دی ہے۔ ابتدائی تفتیش میں حادثے کی وجہ پک اپ کے اچانک بے قابو ہونے اور اسے بچانے کی کوشش میں بس کا توازن بگڑنا بتایا جا رہا ہے۔

یو این آئی۔ این یو۔

جموں و کشمیر

اننت ناگ میں دھوکہ دہی اور فراڈ کے الزام میں بی جے پی لیڈر کے خلاف مقدمہ درج

Published

4 hours ago

August 28, 2026

Online Desk

سری نگر، بی جے پی کے اننت ناگ ضلع جنرل سکریٹری عابد ننگرو کے خلاف جموں و کشمیر پولیس نے سرکاری ملازمت دلانے اور امرناتھ یاترا کے دوران پہلگام میں خیمے لگانے کی اجازت دلانے کے نام پر مبینہ طور پر دھوکہ دہی اور فراڈ کرنے کے الزام میں مقدمہ درج کیا ہے۔

پولیس اسٹیشن اننت ناگ میں دھوکہ دہی اور فراڈ کی شکایت پر تحریری شکایت موصول ہونے کے بعد مقدمہ درج کیا گیا۔

پولیس نے بتایا کہ اسے وحید احمد ایتو، عیشمقام، جو فی الحال جی ڈی سی بوائز ہاسٹل، خانہ بل میں مقیم ہیں، کی جانب سے تحریری شکایت موصول ہوئی، جس میں الزام لگایا گیا کہ کرندی گام، بیج بہارا کے عابد ننگرو نے ان کے ساتھ دھوکہ کیا۔

پولیس کے مطابق شکایت میں کہا گیا ہے کہ ملزم نے شکایت کنندہ کو یہ یقین دلا کر اپنے جال میں پھنسایا کہ وہ محکمہ پولیس میں ایس پی او (اسپیشل پولیس آفیسر) کی حیثیت سے اسے سرکاری ملازمت دلوا سکتا ہے اور اپنے سیاسی اثر و رسوخ کی مدد سے شری امرناتھ جی یاتریوں کے لیے پہلگام میں خیمے لگانے کی اجازت بھی دلوا سکتا ہے۔

شکایت کنندہ نے مزید الزام لگایا کہ ان یقین دہانیوں اور دعووں کی بنیاد پر اس سے مجموعی طور پر 8,25,000 روپے لے لیے گئے۔

شکایت کا نوٹس لیتے ہوئے پولیس اسٹیشن اننت ناگ میں بی این ایس کی دفعات 318(4) اور 351(3) کے تحت ایف آئی آر درج کی گئی ہے اور تحقیقات شروع کردی گئی ہیں۔

اننت ناگ پولیس نے ایک بار پھر کہا ہے کہ دھوکہ دہی، فراڈ یا سرکاری ملازمت یا دیگر سرکاری فوائد دلانے کے جھوٹے وعدوں کے ذریعے لوگوں کا استحصال کرنے میں ملوث پائے جانے والے افراد کے خلاف سخت قانونی کارروائی کی جائے گی۔

یو این آئی، ایم جے