’میں اعتماد پیدا کرنے کے لئے زندگی بھرانتظار نہیں کر سکتا ہوں‘:ڈاکٹر شاہ فیصل

Published

6 years ago

August 13, 2020

’جو تبدیلی آئی ہے اُسے بدلنے کیلئے مجھ میں طاقت نہیں‘
’جیل کے اندر اور باہر جس احترام کی توقع رکھتے تھے ہمیں نہیں ملا‘
خبراردو:-

سرینگر: محض ایک سال بعد سیاست سے کنارہ کشی اختیار کرنے والے نوجوان سیاسی رہنما ڈاکٹر شاہ فیصل کا کہنا ہے کہ جموں وکشمیر میں جو تبدیلی آئی ہے،اُسے بدلنے کیلئے اُن میں طاقت نہیں ہے۔

بیوروکریسی کے عہدے کو چھوڑ کر سیاست میں قدم رکھنے والے ڈاکٹر شاہ فیصل نے محض ایک سال کے سیاسی سفر کے بعد سیاسست کنارہکنارہ کشی کیوں کی؟اس حوالے سے کشمیر نیوز سروس کیساتھ ایک تفصیلی انٹر ویو میں ڈاکٹر شاہ فیصل کا کہناتھا کہ کشمیر کو ایک نئی سیاسی حقیقت کا سامنا ہے اورمیں لوگوں کو جھوٹے خواب نہیں دکھانا چاہتا ہوں جب کہ میں اسے تبدیل کرنے کی طاقت بھی نہیں رکھتاہوں۔

جب اُن سے پوچھا گیا کہ آئی ایس چھوڑ کر اپنی سیاسی پارٹی بنانے کے بعد آپ نے سیاست سے کنارہ کشی کیوں اختیارکی؟ تو انہوں نے کہا کہ سیاست میں لوگوں کے سامنے ایک نظریہ رکھنے کی ضرورت ہوتی ہے،لیکن 5 اگست ہماری تاریخ کا ایک ایسا آبشار والا لمحہ تھا،جس نے ہمیشہ کیلئے سب کچھ بدل دیا،اس وقت کا ہم نے جو قیاس کیا تھا اب وہ زیادہ مناسب نہیں ہے اور اب ایک نئی سیاسی حقیقت بھی سامنے ہے۔ایک اور سوال کے جواب میں انہوں نے کہا’وقت بدل گیا اور یہ تبدیلی اتنی بڑی تھی کہ وہ ہم سے آگے بڑھ گئی۔

مجھے احساس ہوا کہ میں اپنی حد کو قبول کروں اور لوگوں کو سبز باغ نہ دکھاؤں، لوگوں کو میری ایمانداری اور انسانی ہمدردی کی داد دینی چاہئے اور مجھے آگے بڑھنے دینا چاہئے۔کیا آپ دوبارہ سیول سروس جوائن کریں گے؟،اس سوال کے جواب میں انہوں نے کہا’ابھی میں نے سیاست چھوڑ دی ہے،لیکن مجھے نہیں معلوم کہ میں یہاں سے کہاں جاؤں گا؟۔ زندگی جیسی بھی آتی ہے، میں اُسے گلے لگانے کے لئے تیار ہوں‘۔ایک اور سوال کے جواب ڈاکٹر شاہ فیصل کا کہناتھا ’سچ پوچھیں تو، ہم وقت کے ساتھ تیار ہوتے ہیں اور کچھ انتخابات جو ہم نے ہمیشہ مختلف طریقے سے کیے ہوتے ہیں، ہم غلطیاں کرتے ہیں اور ہم سیکھتے بھی ہیں، یہی زندگی ہے‘۔ایک اور سوال کے جواب میں ڈاکٹر شاہ فیصل کہتے ہیں ’مجھے احساس ہوا کہ میرے استعفیٰ نے اچھا کرنے کی بجائے زیادہ نقصان ہی پہنچا ہے، بہت سارے طلبا جو سول سروسز میں حاضر ہونا چاہتے تھے ان کی حوصلہ شکنی ہوئی۔

میرے ساتھیوں کے حوصلے پست ہوئے۔ پورے ہندوستان میں، ایک غلط پیغام گیا کہ میں ملک مخالف ہوں، میں نے اس کا کبھی تصور بھی نہیں کیا تھا‘۔جب ان سے پوچھا گیا کہ کیا نظر بندی کے دوران آپ میں کوئی تبدیلی آئی،کیا آپ نے جیل میں رہ کر یا خانہ نظر بندی کے دوران سیاست سے کنارہ کشی اختیار کرنے کا ذہن بنایا تھا؟اس کے جواب میں ڈاکٹر شاہ فیصل کہتے ’جی ہاں! میں نے اپنا ذہن بالیا تھا،میں نے وقت نکا ل کر اپنی ماضی کی زندگی اور نئی گھریلو اور جغرافیائی سیاسی حقائق کو دیکھا۔

مجھے احساس ہوا کہ میں نے صحیح انتخاب نہیں کیا تھا۔ میں سسٹم کا حصہ بن کر بہت معنی خیز کام کر رہا تھا۔ اب میں نہ تو کوئی اچھا کام کررہا ہوں اور نہ ہی مجھے کوئی اندازہ ہے کہ میں نئی سیاسی تبدیلی کے دوران لوگوں کی رہنمائی کہاں کروں گا۔جب اُن سے پوچھا گیا کہ افواہیں گرم ہیں کہ آپ کو لیفٹیننٹ گو رنر کا مشیر بنایا جائیگا؟تو انہوں نے اس کے جواب میں کہا ’مجھے اس کے بارے میں کوئی اندازہ نہیں ہے‘۔

ایک اور سوال کے جواب میں داکٹر شاہ فیصل کا کہناتھا ’میں اپنے آپ کا دوسرے لیڈران کیساتھ موازنہ نہیں کرسکتا، مجھے لوگوں سے بہت پیار ملا اور میں نے کبھی توقع نہیں کی تھی کہ ہمارے لئے کوئی فریاد کرے گا یا احتجاج کرے گا۔ لیکن جیل کے اندر اور باہر رہتے ہوئے ہمیں کچھ احترام کی توقع تھی، ہاں! یہ حوصلہ افزائی ہوئی ہوتی کہ ہم اس خطے کے خیر خواہ ہیں۔یہ احترام میں نے کہیں نہیں پایا اور میں اس اعتماد کو قائم کرنے کے لئے زندگی بھر انتظار نہیں کرسکتا ہوں، کیونکہ ہم جانتے ہیں کہ شورش والے علاقے میں پوری زندگی اعتماد قائم کرنے کے لئے کافی نہیں ہے۔

جموں و کشمیر

اننت ناگ میں دھوکہ دہی اور فراڈ کے الزام میں بی جے پی لیڈر کے خلاف مقدمہ درج

Published

2 hours ago

August 28, 2026

Online Desk

سری نگر، بی جے پی کے اننت ناگ ضلع جنرل سکریٹری عابد ننگرو کے خلاف جموں و کشمیر پولیس نے سرکاری ملازمت دلانے اور امرناتھ یاترا کے دوران پہلگام میں خیمے لگانے کی اجازت دلانے کے نام پر مبینہ طور پر دھوکہ دہی اور فراڈ کرنے کے الزام میں مقدمہ درج کیا ہے۔

پولیس اسٹیشن اننت ناگ میں دھوکہ دہی اور فراڈ کی شکایت پر تحریری شکایت موصول ہونے کے بعد مقدمہ درج کیا گیا۔

پولیس نے بتایا کہ اسے وحید احمد ایتو، عیشمقام، جو فی الحال جی ڈی سی بوائز ہاسٹل، خانہ بل میں مقیم ہیں، کی جانب سے تحریری شکایت موصول ہوئی، جس میں الزام لگایا گیا کہ کرندی گام، بیج بہارا کے عابد ننگرو نے ان کے ساتھ دھوکہ کیا۔

پولیس کے مطابق شکایت میں کہا گیا ہے کہ ملزم نے شکایت کنندہ کو یہ یقین دلا کر اپنے جال میں پھنسایا کہ وہ محکمہ پولیس میں ایس پی او (اسپیشل پولیس آفیسر) کی حیثیت سے اسے سرکاری ملازمت دلوا سکتا ہے اور اپنے سیاسی اثر و رسوخ کی مدد سے شری امرناتھ جی یاتریوں کے لیے پہلگام میں خیمے لگانے کی اجازت بھی دلوا سکتا ہے۔

شکایت کنندہ نے مزید الزام لگایا کہ ان یقین دہانیوں اور دعووں کی بنیاد پر اس سے مجموعی طور پر 8,25,000 روپے لے لیے گئے۔

شکایت کا نوٹس لیتے ہوئے پولیس اسٹیشن اننت ناگ میں بی این ایس کی دفعات 318(4) اور 351(3) کے تحت ایف آئی آر درج کی گئی ہے اور تحقیقات شروع کردی گئی ہیں۔

اننت ناگ پولیس نے ایک بار پھر کہا ہے کہ دھوکہ دہی، فراڈ یا سرکاری ملازمت یا دیگر سرکاری فوائد دلانے کے جھوٹے وعدوں کے ذریعے لوگوں کا استحصال کرنے میں ملوث پائے جانے والے افراد کے خلاف سخت قانونی کارروائی کی جائے گی۔

یو این آئی، ایم جے

ہندوستان

وزیر اعظم مودی نے رکشا بندھن پر عوام کو مبارکباد دی

Published

2 hours ago

August 28, 2026

Online Desk

نئی دہلی، وزیر اعظم نریندر مودی نے جمعہ کو رکشا بندھن کے موقع پر عوام کو دلی مبارکباد پیش کی اور دعا کی کہ یہ ۔تہوار تمام شہریوں کی زندگیوں میں خوشی، خوشحالی اور کامیابی لائے۔

وزیر اعظم نے سوشل میڈیا پلیٹ فارم ایکس پر ایک پوسٹ میں اپنی نیک خواہشات کا اظہار کرتے ہوئے رکشا بندھن کو محبت اور مضبوط انسانی رشتوں کی علامت قرار دیا۔

مسٹر مودی نے کہا، ’’رکشا بندھن پر دلی مبارکباد۔ یہ تہوار آپ سب کی زندگیوں میں خوشی، خوشحالی اور کامیابی لائے۔‘‘

وزیر اعظم نے یہ امید بھی ظاہر کی کہ لوگوں کے درمیان محبت، اپنائیت اور باہمی اعتماد کے رشتے مضبوط اور پائیدار رہیں گے۔

انہوں نے کہا، ’’محبت، اپنائیت اور باہمی اعتماد کا دھاگا ہمیشہ اٹوٹ رہے، یہی میری دلی خواہش ہے۔‘‘

رکشا بندھن، جسے عام طور پر راکھی کے نام سے جانا جاتا ہے، پورے ہندستان میں محبت، خیال اور تحفظ کے رشتے کی عکاسی کرنے والے تہوار کے طور پر منایا جاتا ہے، خاص طور پر بھائی بہن کے درمیان۔

بہنیں روایتی طور پر اپنے بھائیوں کی کلائی پر راکھی کے نام سے معروف مقدس دھاگا باندھتی ہیں، جبکہ بھائی اپنی بہنوں کی مدد اور حفاظت کے عزم کی تجدید کرتے ہیں۔

یہ تہوار خاندانوں اور برادریوں کو بھی ایک دوسرے کے قریب لاتا ہے، جہاں لوگ تحائف، مٹھائیاں اور مبارکباد کا تبادلہ کرتے ہوئے محبت، اعتماد، اتحاد اور باہمی احترام کی پائیدار اقدار کا جشن مناتے ہیں۔

یو این آئی، ایم جے

دنیا

روبیو نے میکسیکو پر ہجرت، فینٹانائل اور منشیات فروش گروہوں کے خلاف کارروائی تیز کرنے پر زور دیا

Published

15 hours ago

August 27, 2026

Online Desk

واشنگٹن، امریکی وزیر خارجہ مارکو روبیو نے میکسیکو پر زور دیا ہے کہ وہ غیر قانونی ہجرت، فینٹانائل کی اسمگلنگ اور منشیات فروش گروہوں کے خلاف فیصلہ کن کارروائی کرے۔

امریکی محکمہ خارجہ کے مطابق روبیو نے واشنگٹن میں میکسیکو کے وزیر خارجہ روبرٹو ویلاسکو کے ساتھ مذاکرات کے دوران یہ مطالبہ کیا۔

محکمہ خارجہ کے ترجمان ٹومی پیگوٹ نے کہا کہ روبیو نے غیر قانونی ہجرت کے خاتمے، فینٹانائل اور دیگر غیر قانونی منشیات کی امریکہ میں اسمگلنگ روکنے، غیر ملکی دہشت گرد تنظیموں اور منشیات فروش گروہوں کو ختم کرنے اور ان کی ہتھیاروں تک رسائی روکنے کے لیے اقدامات پر زور دیا۔

یہ مذاکرات ایسے وقت میں ہوئے ہیں جب ٹرمپ انتظامیہ میکسیکو کے ساتھ تعلقات میں سرحدی سکیورٹی اور غیر قانونی منشیات کے خلاف جنگ کو اہم ترجیحات قرار دے رہی ہے۔

واشنگٹن میکسیکو پر ان جرائم پیشہ تنظیموں کے خلاف کارروائیوں کو مزید مضبوط بنانے کے لیے دباؤ ڈال رہا ہے جو منشیات، خصوصاً فینٹانائل، کی تیاری اور اسمگلنگ میں ملوث ہیں۔ فینٹانائل امریکہ اور میکسیکو کے درمیان سکیورٹی تعاون میں ایک اہم مسئلہ بن چکا ہے۔

میکسیکو سرحدی سکیورٹی، منظم جرائم اور منشیات کی اسمگلنگ کے خلاف کارروائیوں میں امریکہ کا ایک اہم شراکت دار ہے۔

یو این آئی۔ ع ا۔