رضوان سلطان:
وادی لولاب سے تعلق رکھنے والے ۳۵ سالہ ڈاکٹر شاہ فیصل نے جیسے ۲۰۰۹ میں بھارت میں آئی اے ایس امتحان میں ٹاپ آنے کے بعد خبروں کی زینت بن گئے تھے ، آج اسی ایڈمنسٹریٹیو سروس کو خیرباد کہنے کی وجہ سے میڈیا میں ان کی چرچا ہو رہی ہے ۔
کچھ روز قبل ہی ہاروڈ کنیڈی سکول سے واپس آئے شاہ فیصل فیصل نے ۹ جنوری کو ایک فیس بک پوسٹ کے ذریعے استعفی دے دیا ۔ اور اس استعفیٰ کی وجوہات بیان کرتے ہوئے انہوں نے کہا کہ ’’ کشمیر میں بڑھتی ہوئی ہلاکتوں اور بھارت میں میں آباد ۲۰ کروڑ مسلمانون کو غیر اہم بنانے اور گمنامی کی طرف دھکیلنے اور انہیں بنیاد پرست ہندتوا طاقتوں کی طرف سے عملاََ دوسرے درجے کے شہری بنانے کی مہم کے خلاف استعفیٰ دیتا ہوں ‘‘۔

انہوں نے مزید کہا کہ استعفیٰ بھارت میں ریزرو بنک آف انڈیا ، سی بی آئی ، این آئی اے جیسے قومی عوامی اداروں کو غیر فعال بنانے اور انہیں سیاسی مقاصد کیلئے استعمال کرنے کی کوششوں کے خلاف بھی ہے ۔‘‘
اسکے بعد دلی کی ایک ویب پورٹل میں کیا گیا کہ شاہ فیصل این سی کو جوائن کرنے والے ہیں اور بارہمولہ کی پارلیمانی سیٹ سے اگلے آنے ولاے انتخابات میں حصہ لیں گے ۔
پھر کیا تھا نوجوانوں نے کمنٹ کرنے شروع کئے اور اس پوسٹ پر پچیس سو سے زائد کمنٹ کرنے والوں میں سے زیادہ تر یوزرس نے شاہ فیصل کو مشورہ دیا کہ وہ یا تو اپنی پارٹی بنائے ، یا پھر بیوروکریسی میں ہی رہے ، موجودہ جماعتوں میں شمولیت کا مشورہ نہ کے برابر رہا ۔

اسکے بعد شاہ فیصل نے ان قیاس آرائیوں کو ختم کرنے کرنے لئے جمعہ کو سرینگر میں ایک ہنگامی پریس کانفرنس بلا کر صاف کہہ دیا کہ وہ اگلے آنے والے انتخابات میں حصہ لینے کی خواہش رکھتے ہیں لیکن فی الحال کسی جماعت میں شامل نہیں ہو نگے ۔ کچھ نے انہیں حریت پسند جماعت میں شامل ہونے بھی کہا تھا ، شاہ فیصل نے اس پر کہا کہ انہوں نے سید علی گیلانی کی جماعت میں پہلے شامل ہونے کا سوچا تھا لیکن وہاں کیا کروں گا وہ انتخابات میں حصہ نہیں لیتے ۔
لیکن کہیں نوجوانوں کی بے چینی ختم ہونے کے بجائے بڑھ ہی گئی کیوں کہ ان کی طرف سے کوئی حتمی فیصلہ نہیں لیا گیا ۔ بلکہ اب وہ آج سے نوجوانوں سے صلہ مشورہ کرنے کے بعد ہی اپنا فیصلہ لیں گے ۔

شاہ فیصل کے اس استعفیٰ اور سیاست میں قدم رکھنے کے فیصلے پر سب سے پہلے سابق وزیر اعلیٰ عمر عبداللہ نے ٹویٹ کرتے ہوئے لکھا ’’ شاہ فیصل کا استعفیٰ ، بیوروکریسی کو نقصان سیاست کو فائدہ ، ۔ میر واعظ عمر فاروق نے ٹویٹ میں شاہ فیصل کے ہلاکتوں کے خلاف احتجاجاََ استعفیٰ دینے کو خوش آئید قراردے کر کہا کہ امید ہے ہلاکتوں کے خلاف شاہ فیصل کا ردعمل انہیں بہتر سیاسی فیصلہ لینے میں مدد دے گا ۔محبوبہ مفتی نے شاہ فیصل کے خلاف نا زیبہ زبان استعمال کرنے کو غلط قرار دے کر کہا کہ ہمیں اسکے جزبات کی قدر کرنی چاہیے ۔، میرا ساتھ شاہ فیصل کے ساتھ ہے ۔انجینئر رشید نے شاہ فیصل کو اے آئی پی میں شامل ہونے کا مشورہ دے ڈالا کیوں کہ ان کے مطابق باقی جماعتوں کا ریکارڈ ٹھیک نہیں ۔
ادھر دلی سے کانگریس کے سینر لیڈر پی چدمبرم نے شاہ فیصل کو سلام پیش کرتے ہوئے کہا کہ ان کا مستعفی ہونا بد قسمتی ہے ان کے بیان کا ہر لفظ درست ہے اور پوری دنیا فیصل کے غم وغصے کا نوٹس لے گی ۔

لیکن ممبر پارلیمنٹ نذیر احمد لاوے کچھ اور سوچ رہے ہیں انہوں نے کہا کہ شاہ کا سیاست میں آنا محض بہانا ہے اصل میں باہر کہیں سیٹل ہونا چاہتے ہیں ۔محبوب مخدومی جنہوں نے کچھ روز قبل ان کے ساتھ ایک مضمون بھی لکھا تھا ، انہوں نے شاہ فیصل کے فیصلے کو احمقانہ قرار دے کر کہا کہ میں نے پوری کوشش کی کہ انہیں اس گٹر میں نہ جانے دوں ۔ اور میں ہر ایک سے کہتا ہوں وہ انہیں شراکتداروں کیساتھ جانے سے روکے ۔
کچھ کا یہ ماننا ہے کہ شاہ فیصل کا این سی کے ساتھ جوائن کرنا طے تھا ۔ لیکن انہوں نے پہلے کشمیری عوام کی اس پر ریکشنز دیکھنے کے بعد شائد اپنا فیصلہ روکا ۔

شاہ فیصل اس پہلے کہیں بار خبرو ں میں رہ چکے ہیں ۔ ۲۰۱۶ میں بر ہان وانی کے جانبحق ہونے کے بعد دلی کے کہیں میڈیا چینلز کی طرفسے شاہ کی برہان کیسا تھ تصویر دیکھنانے پر شدید ردعمل کا اظہار کرتے ہوئے انہوں نے کہا تھا کہ ’’ میڈیا کا ایک حصہ ایک بار پھر اپنے روایتی خونخوار طریقہ اپناتے ہوئے جھوٹ پھیلا رہا ہے ۔ لوگوں کو صرف بانٹنے اور زیادہ نفرت پھیلانے میں لگے ہیں ۔

گزشتہ سال شاہ فیصل نے بڑھتی عصمت دری پر ایک ٹویٹ میں ریپستان لفظ کا استعمال کیا ۔جس کے بعد مرکز نے ریاستی حکومت کو ان کے خلاف کارروائی کرنے کو کہا ۔عمر عبداللہ نے شاہ کا دفاع کرتے ہوئے ایک ٹویٹ میں لکھا تھا کہ لگتا ہے ڈپارٹمنٹ آف پرسنل ٹریننگ شاہ فیصل کو سیول سروس سے باہر کرنے پر تلی ہوئی ہے ۔
بہرحال اب شاہ فیصل نے نوجوانوں کیساتھ مشورہ کرنے بعد ہی فیصلہ لینے کو کہا ہے ۔ شاہ فیصل کو حریت پسند جماعتیں، این سی ، کوئی اور علاقائی جماعت ، اپنی پارٹی بنانی چاہیے یا آزاد امید وار کے طور آنا چاہیے ۔
یا پھر وہ آئی اے ایس آفیسر ہی ٹھیک تھے ۔ آپ ہمیں کمنٹ بکس میں ضرور بتائیں ۔