ہندوستان

ایران کے بعد کسی دوسرے ملک پر بھی حملہ کر سکتے ہیں ٹرمپ: سابق ڈبلیو پی ایف سیکریٹری جنرل

Published

6 months ago

March 7, 2026

نئی دہلی، مشرقِ وسطیٰ میں ایران کو لے کر بڑھتے تناؤ کے درمیان ورلڈ پیس فورم (ڈبلیو پی ایف) کے سابق سیکریٹری جنرل یین شوئی تونگ نے خبردار کیا ہے کہ امریکی صدر ڈونالڈ ٹرمپ کی پالیسیوں کے تحت مستقبل میں دیگر ممالک کے ساتھ بھی تصادم کے امکانات کو رد نہیں کیا جا سکتا مسٹر شوئی تونگ نے یواین آئی کو دیے گئے ایک خصوصی انٹرویو میں کہا کہ حالیہ واقعات عالمی سیاست میں ایک تشویشناک رجحان کی طرف اشارہ کرتے ہیں۔ ان کے مطابق ایران کسی ممکنہ امریکی حملے سے بچاؤ کے لیے کسی بیرونی طاقت پر انحصار نہیں کر سکتا۔ انہوں نے کہا کہ ٹرمپ انتظامیہ نے گزشتہ 12 ماہ میں سات ممالک پر حملے کیے اور اب ایران کو نشانہ بنایا گیا ہے، جس کے بعد کسی دوسرے ملک کو بھی نشانہ بنایا جا سکتا ہے۔

انہوں نے کہا کہ عالمی برادری کو ایسے نئے ادارہ جاتی ڈھانچوں اور اصولوں کی ضرورت ہے جو خودمختاری کے تحفظ کو صرف نظریاتی نہ رکھ کر عملی بنا سکیں۔ ان کے مطابق اس سمت میں علاقائی تعاون سب سے حقیقت پسندانہ ابتدائی قدم ہو سکتا ہے۔

مسٹر شوئی تونگ نے مزید کہا کہ امریکہ مختلف ممالک پر معاشی دباؤ اور پابندیوں کا بھی وسیع پیمانے پر استعمال کر رہا ہے، جیسا کہ وینیزویلا اور ایران کے معاملات میں دیکھا گیا ہے۔ ان کے مطابق معاشی دباؤ اور جغرافیائی سیاسی حکمتِ عملی کا یہ امتزاج عالمی سطح پر مزید تصادم پیدا کر سکتا ہے۔

انہوں نے کہاکہ “اصل سوال صرف ایران کے بارے میں نہیں ہے، بلکہ یہ ہے کہ کیا کسی بھی ملک کی خودمختاری کا تحفظ کیا جا سکتا ہے۔ اقوامِ متحدہ کا چارٹر کہتا ہے کہ رکن ممالک کو ایک دوسرے کی خودمختاری کا احترام کرنا چاہیے، لیکن یہ ہمیں یہ نہیں بتاتا کہ جب خلاف ورزی کرنے والا دنیا کا سب سے طاقتور ملک ہو تو اسے کیسے نافذ کیا جائے۔”

عالمی طاقت کے توازن پر تبصرہ کرتے ہوئے انہوں نے کہا کہ سرد جنگ کے دوران سوویت یونین کی موجودگی امریکہ کی فوجی کارروائیوں پر ایک قسم کا توازن قائم کرتی تھی، لیکن موجودہ وقت میں کوئی بھی ملک اس سطح کی فوجی صلاحیت نہیں رکھتا جو امریکہ کی یکطرفہ کارروائیوں کو مؤثر طریقے سے محدود کر سکے۔

ایران کے جوہری پروگرام کو لے کر بڑھتے تناؤ پر انہوں نے کہا کہ جوہری ہتھیاروں کا مسئلہ شاید اس تنازع کا اصل سبب نہیں ہے۔ ان کے مطابق اگر کوئی ملک واقعی جوہری ہتھیار بنانا چاہے تو وہ تقریباً دو سال میں ایسا کر سکتا ہے۔ ایران مسلسل کہتا رہا ہے کہ اس کا جوہری پروگرام پُرامن مقاصد کے لیے ہے۔ مسٹر شوئی تونگ کا ماننا ہے کہ طویل عرصے سے جاری تنازع اس بات کی طرف اشارہ کرتا ہے کہ جوہری مسئلہ اصل تنازع کا بنیادی سبب نہیں ہو سکتا۔ انہوں نے کہا کہ امریکہ میں اسرائیل کی مؤثر لابنگ کے باعث لگائی گئی پابندیوں اور دباؤ کا سب سے زیادہ نقصان عام ایرانی شہریوں کو ہوا ہے۔

انہوں نے خبردار کیا کہ ایران پر کسی بڑے فوجی حملے کے نتائج دور رس ہو سکتے ہیں اور اس سے پورے مشرقِ وسطیٰ کی استحکام متاثر ہو سکتی ہے۔ انہوں نے کہا کہ بڑھتے ہوئے تحفظ پسندی، جغرافیائی سیاسی مقابلے اور تکنیکی تبدیلی کے دور میں عالمی برادری کو انسانی زندگی اور قومی خودمختاری کے تحفظ پر خاص توجہ دینی چاہیے۔

یواین آئی۔ ظ ا

ہندوستان

گجرات میں زہریلی شراب سے 13 اموات کے معاملے میں بھرت پور سے دو ملزمان گرفتار

Published

5 hours ago

August 27, 2026

Online Desk

بھرت پور، گجرات کے بھاو نگر میں زہریلی شراب سے 13 افراد کی موت کے معاملے میں گجرات پولیس نے راجستھان کے بھرت پور میں نقلی اور زہریلی شراب بنانے کے کاروبار سے مبینہ طور پر وابستہ دو افراد کو گرفتار کیا ہے۔

پولیس ذرائع کے مطابق گجرات پولیس نے مَتھرا گیٹ تھانہ علاقے کی ہاؤسنگ بورڈ کالونی میں چھاپہ مار کر شیر سنگھ کو گرفتار کیا، جبکہ وجے نگر سے کومل نامی شخص کو حراست میں لیا گیا ہے۔ معاملے کی مزید تحقیقات جاری ہیں۔

یو این آئی۔ م س

ہندوستان

ہفتے کے روز ازبکستان اور کرغزستان کے چار روزہ دورے پر جائیں گے مودی

Published

6 hours ago

August 27, 2026

Online Desk

نئی دہلی، وزیرِ اعظم نریندر مودی ہفتے کے روز ازبکستان اور کرغزستان کے چار روزہ دورے پر جائیں گے جہاں وہ بشکیک میں 26 ویں شنگھائی تعاون تنظیم (ایس سی او) کے سربراہ اجلاس میں شرکت کریں گے۔

وزارتِ خارجہ میں سکریٹری (مغرب) سیبی جارج نے جمعرات کے روز یہاں ایک پریس کانفرنس میں وزیرِ اعظم کے دورے کے بارے میں معلومات دیں۔ انہوں نے کہا کہ مسٹر مودی 29 اور 30 اگست کو ازبکستان میں نیز 31 اگست سے یکم ستمبر تک کرغز جمہوریہ میں رہیں گے۔

انہوں نے کہا کہ وزیرِ اعظم ازبکستان کے صدر شوکت میرضیایف کی دعوت پر تاشقند جائیں گے اور یہ اس ملک کا ان کا چوتھا دورہ ہوگا۔ وہ اس سے پہلے 2015، 2016 اور 2022 میں ازبکستان گئے تھے۔ ازبکستان کے صدر 2018 میں ہندوستان آئے تھے اور 2019 میں انہوں نے وائبرنٹ گجرات کانفرنس میں حصہ لیا تھا۔ اس کے علاوہ دونوں رہنماؤں نے سال 2020 میں ورچوئل ذریعے سے کانفرنس میں شرکت کی تھی۔

اس دوران دونوں رہنماؤں کے درمیان تجارت، سرمایہ کاری، دفاع، توانائی سمیت مختلف شعبوں میں دوطرفہ بات چیت ہوگی۔ اس کے علاوہ علاقائی اور بین الاقوامی اہمیت کے موضوعات پر بھی تبادلۂ خیال کا امکان ہے۔

مسٹر جارج نے کہا کہ ازبکستان سے مسٹر مودی کرغز جمہوریہ کے صدر، صدر جاپاروف کی دعوت پر بشکیک جائیں گے جہاں وہ 26 ویں ایس سی او سربراہ اجلاس میں حصہ لیں گے۔ انہوں نے کہا کہ ایس سی او کا قیام بنیادی طور پر دہشت گردی، علیحدگی پسندی اور انتہا پسندی کی تین برائیوں کا مقابلہ کرنے کے مقصد سے کیا گیا تھا اور یہ تمام آج بھی چیلنج بنے ہوئے ہیں۔

سربراہ اجلاس سے الگ مسٹر مودی کی روس کے صدر کے ساتھ ساتھ دیگر رکن ممالک کے رہنماؤں کے ساتھ دوطرفہ بات چیت کا بھی امکان ہے۔

ایس سی او ممالک کے ساتھ ہندوستان کے مسلسل مضبوط ہوتے تعلقات کے پیشِ نظر اس دورے کو اہم مانا جا رہا ہے۔

یو این آئی ایف اے

ہندوستان

پی ایم مودی نے ہندستان سے اولمپک میں رسائی بڑھانے، 2036 کھیلوں کی تیاریاں ابھی سے شروع کرنے پر زور دیا

Published

9 hours ago

August 27, 2026

Online Desk

نئی دہلی، وزیرِ اعظم نریندر مودی نے جمعرات کے روز ہندستان سے اولمپک کے مختلف شعبوں میں اپنی شرکت کو وسعت دینے اور 2036 کے اولمپکس کے لیے ایتھلیٹوں کی تیاری فوری طور پر شروع کرنے کا اعادہ کرتے ہوئے کہا کہ ملک کا کھیل کا وژن صرف تمغے جیتنے تک محدود نہیں ہے بلکہ یہ وکست بھارت کی تعمیر میں کھیلوں اور نوجوانوں کی طاقت کو بروئے کار لانے کے ایک بڑے مشن کا حصہ ہے۔

کھیلو انڈیا ڈائیلاگ سے ویڈیو کانفرنسنگ کے ذریعے خطاب کرتے ہوئے وزیرِ اعظم نریندر مودی نے کھیلوں، نوجوانوں کی قیادت، فٹنس، شہری ذمہ داری اور قومی تعمیر پر ملک گیر بحث کے ایک حصے کے طور پر ملک بھر کے نوجوانوں کے ساتھ تبادلۂ خیال کیا۔

کھیلوں کے قومی دن 2026ء کی تقریبات کے حصے کے طور پر ‘میرا یووا بھارت'(مائی بھارت ) کے ذریعہ منعقدہ اس پروگرام کا مقصد نوجوانوں کو ہندستان کے کھیلوں کے سفر سے جڑنے، اپنی امنگوں کا اشتراک کرنے اور ملک کے نوجوانوں اور کھیلوں کے ماحولیاتی نظام کو مضبوط بنانے کے لیے خیالات پیش کرنے کا ایک پلیٹ فارم فراہم کرنا ہے۔ ہر ضلع کے دو کالجوں کے طلبہ کی شرکت کے ساتھ تمام ریاستوں اور مرکز کے زیرِ انتظام علاقوں میں اس کا انعقاد کیا جا رہا ہے۔

وزیرِ اعظم نریندر مودی نے کہا کہ انہوں نے 15 اگست کو لال قلعہ کی فصیل سے یومِ آزادی کے خطاب کے دوران ہندستان کے وسیع تر کھیلوں کے وژن کو اجاگر کیا تھا۔

انہوں نے کہا، “جب میں کھیلوں کے بارے میں بات کرتا ہوں تو یہ صرف تمغے جیتنے کے بارے میں نہیں ہے۔ یہ ایک ترقی یافتہ ہندستان کی تعمیر میں ہندستان کی کھیل کی صلاحیت اور نوجوانوں کی طاقت کو ایک ساتھ لانے کی مہم ہے۔”

بین الاقوامی مقابلوں میں زیادہ سے زیادہ شعبوں میں حصہ لینے کی ضرورت پر زور دیتے ہوئے وزیرِ اعظم نے کہا کہ ملک نے تاریخی طور پر اولمپکس میں شامل تقریباً نصف مقابلوں میں حصہ نہیں لیا ہے۔

انہوں نے کہا، “دوسرے ممالک ان کھیلوں میں تمغے جیتتے ہیں جن میں ہم حصہ بھی نہیں لیتے ہیں۔ اگر ہم اپنے تمغوں کی تعداد میں اضافہ کرنا چاہتے ہیں تو ہمیں ان کھیلوں میں بھی بہترین کارکردگی حاصل کرنی ہوگی۔”

وزیرِ اعظم نریندر مودی نے کہا کہ اولمپک کے متعدد شعبوں میں ہندستان کی عدم موجودگی نے ملک کے لیے تمغوں کی دوڑ میں مقابلہ کرنے کے مواقع کو محدود کر دیا ہے اور انہوں نے ملک کے کھیلوں کے دائرہ کار کو وسعت دینے کے لیے منظم کوششوں کی اپیل کی۔

انہوں نے کہا، “اولمپکس میں شامل مختلف کھیلوں میں سے ہندستانی ٹیمیں تقریباً نصف میں حصہ نہیں لیتی ہیں۔ اس کا مطلب ہے کہ ہم تمغوں کی بڑی تعداد کے لیے مقابلہ بھی نہیں کرتے۔ یہ دہائیوں سے جاری ہے۔”

جاری ۔ یو این آئی ایف اے