نئی دہلی وزیر اعظم نریندر مودی نے کہا ہے کہ گزشتہ ایک دہائی میں ہندوستان اور بیلجیئم کی شراکت داری میں نئی رفتار آئی ہے اور دونوں ممالک کے درمیان تعاون روایتی شعبوں سے آگے بڑھ کر دفاع اورصاف ستھری توانائی جیسے اسٹریٹجک شعبوں تک پہنچ گیا ہے جسے آگے بڑھاتے ہوئے دونوں ممالک نے اگلے پانچ سال میں دوطرفہ تجارت کو دگنا کرنے کا ہدف رکھا ہے۔

مسٹر مودی نے ہندوستان-یوروپی یونین آزاد تجارتی معاہدے کو تاریخی قرار دیتے ہوئے کہا کہ اس سے اقتصادی تعلقات کے لیے نئے مواقع کھلے ہیں۔ بیلجیئم کی کمپنیوں کے لیے ہندوستان میں سرمایہ کاری فاسٹ ٹریک نظام بنایا گیا ہے اور ہندوستان-بیلجیئم تجارتی فورم کو باقاعدہ نظام بنانے کا فیصلہ کیا گیا ہے۔ مسٹر مودی نے ہندوستان کے دورے پر آئے بیلجیئم کے وزیر اعظم بارٹ ڈی ویور سے جمعرات کو یہاں دوطرفہ بات چیت کی۔

بات چیت کے بعد مسٹر مودی نے مشترکہ پریس بیان میں کہا کہ دونوں ممالک کے تعلقات میں گزشتہ ایک دہائی میں نمایاں پیش رفت ہوئی ہے اور آج کی گفتگو سے دونوں ممالک کے تعلقات میں نیا باب جڑا ہے۔ انہوں نے کہا کہ تعاون اب روایتی شعبوں سے آگے بڑھ کر دفاع اورصاف ستھری توانائی جیسے حکمت اسٹریٹجک شعبوں تک پہنچ گیا ہے۔ وزیر اعظم نے کہا کہ پہلی جنگ عظیم کے دوران بیلجیئم میں ہزاروں ہندوستانی فوجیوں کی شجاعت اور قربانی دونوں ممالک کی مشترکہ یادداشت کا اہم حصہ ہے۔ جمہوری اقدار، مارکیٹ معیشت اور گہرے عوامی تعلقات ہندوستان اور بیلجیئم کو فطری شراکت دار بناتے ہیں۔

انہوں نے کہا کہ دونوں ممالک زورآور ٹینک جیسے جدید دفاعی سامان پر مل کر کام کر رہے ہیں۔ آندھرا پردیش کے کاکیناڈا میں دنیا کے سب سے بڑے گرین امونیا پروجیکٹوں میں سے ایک کو تیار کیا جا رہا ہے۔

مسٹر مودی نے کہا کہ چیلنجنگ عالمی ماحول کے باوجود ہندوستانی معیشت نے اپنی رفتار برقرار رکھی ہے اور گزشتہ سہ ماہی میں اس میں 7.8 فیصد کی نمو درج کی گئی ہے۔ ہندوستان-یوروپی یونین آزاد تجارتی معاہدے کو انہوں نے تاریخی قرار دیتے ہوئے کہا کہ اس سے اقتصادی تعلقات کے لیے نئے مواقع کھلے ہیں۔

انہوں نے کہا کہ بیلجیئم کی کمپنیوں کے لیے ہندوستان میں سرمایہ کاری فاسٹ ٹریک نظام بنایا گیا ہے اور ہندوستان-بیلجیئم تجارتی فورم کو باقاعدہ نظام بنانے کا فیصلہ کیا گیا ہے۔ دونوں ممالک کے مالیاتی، فن ٹیک اور ریگولیٹری اداروں کے درمیان ہم آہنگی کو بڑھایا جائے گا۔ ان پہلوں کے ذریعے اگلے 5 سال میں دوطرفہ تجارت کو دگنا کرنے کا ہدف ہے۔ دفاعی اور سلامتی تعاون کو تعلقات کا اہم ستون قرار دیتے ہوئے وزیر اعظم نے کہا کہ دونوں ممالک کے درمیان فوجی تبادلے اور تربیت کے تعاون کو بڑھانے پر اتفاق ہوا ہے۔ حکومتوں اور دفاعی صنعتوں کے درمیان ہوئے معاہدوں سے دفاعی شعبے میں مشترکہ ترقی اور مشترکہ پیداوار کے نئے مواقع کھلیں گے۔ خفیہ معلومات کا تبادلہ اور جرائم کے خلاف تعاون کو بھی مضبوط کیا جائے گا۔

مسٹر مودی نے کہا کہ قابل تجدید توانائی پر ہوئے مفاہمت نامے سے پائیدار ترقی کے شعبے میں تعاون کو رفتار ملے گی۔ اہم معدنیات کی پروسیسنگ اور ری سائیکلنگ میں تعاون بڑھانے کا فیصلہ کیا گیا ہے۔ سیمی کنڈکٹر شعبے میں بیلجیئم کی مہارت اور ہندوستان کے پیمانے کو ایک دوسرے کا مددگار بتاتے ہوئے انہوں نے کہا کہ بیلجیئم کے آئی ایم ای سی ادارے کو ہندوستان کے سیمی کنڈکٹر ایکو سسٹم سے جوڑنے کے لیے دونوں ممالک مل کر کام کریں گے۔

انہوں نے کہا کہ دونوں ممالک نے اسٹارٹ اپس کے درمیان رابطہ مضبوط کرنے اور سمندری شعبے میں صلاحیت سازی کو بڑھانے پر اتفاق کیا ہے۔ یونیورسٹی اور تحقیقاتی تعاون کو مضبوط کیا جائے گا اور صلاحیتوں کی نقل و حمل کے لیے جلد ہی ایمیگریشن شراکت داری کا معاہدہ کیا جائے گا۔ علاقائی اور عالمی پیش رفت پر گفتگو کا ذکر کرتے ہوئے وزیر اعظم نے کہا کہ ہندوستان اور بیلجیئم قانون کی حکمرانی، بات چیت اور سفارت کاری پر یقین رکھتے ہیں۔ انہوں نے کہا کہ یوکرین اور مغربی ایشیا میں تنازع کوجلد ختم کرنے اور امن کی تمام کوششوں کی دونوں ممالک حمایت کرتے ہیں۔ دہشت گردی کی ہر شکل کو جڑ سے ختم کرنا دونوں ممالک کا مشترکہ عزم ہے۔ انہوں نے کہا، “یوکرین ہو یا مغربی ایشیا ہم تنازع کی جلد منسوخی اور امن کی تمام کوششوں کی حمایت کرتے ہیں۔ اور دہشت گردی کی ہر شکل کو جڑ سے ختم کرنا ہماری مشترکہ عہد بستگی ہے۔”

وزیر اعظم نے گزشتہ ماہ بیلجیئم اور نیدرلینڈز کی جانب سے مشترکہ طور پر ہاکی ورلڈ کپ کی میزبانی کا ذکر کرتے ہوئے ایونٹ کے لیے مبارکباد دی اور ہندوستانی کھلاڑیوں کی محنت اور کارکردگی کی تعریف کی۔ انہوں نے کہا کہ ہیرے کے کاروبار نے ہندوستان اور بیلجیئم کو طویل عرصے سے جوڑا ہے اور دونوں ممالک اس تاریخی لگاؤ کو وسیع تر شراکت داری کی نئی شکل دے رہے ہیں۔

یواین آئی ایف اے

رائے پور، چھتیس گڑھ میں سوائن فلو کے اب تک 152 کیسز سامنے آئے ہیں، جن میں سے 114 مریض صحت یاب ہو چکے ہیں، جبکہ 38 مریضوں کا علاج جاری ہے۔ ریاست میں کورونا کے بھی دو مریض ملے ہیں۔ وزیر صحت شیام بہاری جیسوال نے جمعرات کے روز دارالحکومت رائے پور میں کہا کہ صورتحال سے گھبرانے کی ضرورت نہیں ہے اور محکمہ صحت نے جانچ اور علاج کے ضروری انتظامات کیے ہیں۔

مسدٹر جیسوال نے بتایا کہ سوائن فلو کے مریضوں کی مسلسل نگرانی کی جا رہی ہے۔ ضلع ہسپتال اور میکاہارا میں جانچ کے تمام انتظامات کیے گئے ہیں۔ انہوں نے کہا کہ کورونا سے نمٹنے کے لیے پہلے سے لیے گئے ڈوزز کی وجہ سے جسم میں کافی امیون پاور موجود ہے۔

وزیر صحت نے لوگوں سے اپیل کی کہ سوائن فلو یا کورونا کی علامات ظاہر ہونے پر کسی قسم کی لاپرواہی نہ برتیں اور فوری طور پر ہسپتال پہنچ کر جانچ اور علاج کروائیں۔ انہوں نے دہرایا کہ موجودہ صورتحال کے پیشِ نظر گھبرانے یا خوفزدہ ہونے کی ضرورت نہیں ہے۔

یو این آئی۔ م ع

نئی دہلی، وزیردفاع راج ناتھ سنگھ نے جمعرات کو یہاں بیلجیئم کے دفاعی امور اور بیرون ملک تجارت کے وزیر تھیو فرینکن کے ساتھ دوطرفہ میٹنگ کی۔ میٹنگ میں دونوں فریقوں نے دفاع اور صنعتی تعاون سے جڑے تمام پہلوؤں کا جائزہ لیا اور دوطرفہ تعلقات کو مزید وسعت دینے پر اتفاق کیا۔

میٹنگ کے دوران دونوں وزرا نے دفاعی تعاون کے تبادلہ خیال، اعلیٰ سطحی دوروں، تربیت اور صلاحیت سازی کے ذریعے ہندوستان-بیلجیئم کے دوطرفہ تعلقات کو مضبوط کرنے پر اتفاق کا اظہار کیا۔ انہوں نے علاقائی امن اور سلامتی سے جڑے مسائل پر بھی بات چیت کی۔ انہوں نے ہند-بحرالکاہل خطے میں سمندری سلامتی کے تعاون کی ضرورت کو تسلیم کیا۔

مسٹر سنگھ اور مسٹر فرینکن نے اس بات کا اعادہ کیا کہ ہندوستان اور بیلجیئم کے درمیان شراکت داری مشترکہ اقدار، باہمی اعتماد اور احترام پر مبنی ہے۔ یہ میٹنگ وزیراعظم نریندر مودی اور بیلجیئم کے وزیراعظم بارٹ ڈی ویور کے درمیان یہاں ہوئی میٹنگ کے علاوہ منعقد کی گئی۔

یواین آئی ایف اے