ایک سرشار آفیسر: منیجر اشتیاق صاحب جے کے بنک کانسپورہ

Published

3 years ago

August 9, 2023

تنویر محی الدین

سنیچر وار دن کے تین بجے بنک میں ایک کام کے سلسلے میں جانا پڈا بنک میں کچھ بھیڈ وغیرہ نہیں تھی صرف چند لوگ بنک میں اپنے کام کے سلسلے میں مصروف عمل تھے. میرے ہاتھ میں بھی ایک چک بک کی کاپی تھی جس کے ذریعے میں بنک سے کچھ پیسے وصول کرنا چاہتا تھا جو چک میں نے اپنے قریبی دوست سے حاصل کی تھی. معمول کے مطابق آج بھی میرے دوست نے میرے ساتھ وفاداری کا ثبوت دیا جوں ہی میں نے چک بک کی کاپی کونٹر پر بیٹھی ایک بہن کے ہاتھ میں تھما دی شاید سایما نام کی کوئی بہن تھی تو کمپوٹر پر سرچ کر کے بہن نے بہت ہی دیمی آواز میں کہا کہ بھیا اس اکونٹ میں کوئی بیلینس وغیرہ نہیں ہے.
بہن جو کہ ہمشہ ایڈوانس بلاک کی چارج سنبھالتی ہے مگر آج کچھ سٹاف چھٹی پر جانے کی وجہ سے اس بہن کو دونوں کونٹر کی ذمداری سنبھالنی پڈی تھی ایک قابل آفیسر کی یہی ایک خاصیت ہوتی ہے کہ وہ ہر محض پر اپنی ذمداری خوش اسلوبی سے نبہانے کی کوشش کرتے ہیں جس طرح ہماری یہ بہن نبھا رہی تھی اس بنک میں ہمشہ یہ دیکھا گیا ہے کہ یہ بہن بہت ہی لگن سے اپنا کام انجام دیتی رہی ہے جب سے اس سایما بہین نام کی لڈکی نے ایڈوانس میں چارج سمبھالی ہے تب سے کسی بھی اکونٹ ہولڈر کو اس بنک میں مشکلات کا سامنا نہیں کرنا پڈا ہر اکونٹ ہولڈر اس بہین کے کام سے مطمین نظر آتے ہیں خیر جب میں چک لیکر اس کونٹر سے باہر آیا تو کچھ دیر تک چک ہاتھ میں لی اور باہر صوفے پر کسی گہری سوچ میں ڈوبا رہا شاید اسی سوچ میں ڈوبا تھا کہ کیوں ہم مسلمان ہو کر بھی ایک دوسرے کو کبھی چک کے بہانے کبھی کسی اور بہانے ایک دوسرے کو تکالیف پونچاتے ہیں کم سے کم ایک مسلمان کو ایسا نہیں ہونا چاہیے ہمیں خیر امت کا لقب دیا گیا ہے مگر بدقسمتی یہ ہے کہ اس امت مسلمہ نے اس خیر امت کو اپنے چالاکی سے اپنی بد دیانتی سے اپنے اپ کو رسوا کیا ہم تو دوسروں کو برائی سے روکنے والے تھے مگر

ہم خود اس برائی میں غرق ہوگئے
نہ خدا ہی ملا نہ وصال صنم نہ
ادھر کے رہیے نہ ادھر کے رہیے

تھوڑا بہت اس چک والے معملے کو اپنے دماغ سے کچھ دیر تک باہر کیا تو اچانک منیجر صاحب کے آفس پر نظر پڈی سوچا چلو آج بنک میں بھیڈ نہ ہونے کی وجہ سے کچھ دیر تک منیجر صاحب سے بات کرتے ہیں منیجر اشتیاق صاحب جو کہ آج کل کانسپورہ جے کے بنک کی چارج سمبھالے ہوئے ہیں اگر چہ میں نے آج تک بہت سارے ذمدار لوگوں سے کسی نہ کسی معملے پر بات چیت کی مگر آج پہلی بار اشتیاق صاحب سے بات کر کے ایسا محسوس ہوا کہ واقعی کوئی ذمدار شخص بات کر رہا ہے ایک نوجوان آفیسر ہونے کے ساتھ ساتھ نوجوانوں کی آباد کاری کے لۓ اپنے دل میں واقعی درد رکھتا ہے بار بار اپنے باتوں میں کہتا رہا کہ میں نہیں چاہتا ہوں کہ کوئی جوان بے روز گار رہیے بنک کی جانب سے بہت سارے سکیمںیں ہیں جن سے ایک نوجوان فائدہ اٹھا سکتا ہے اور ان سکیمو سے بے روزگاری کے مسلے کو دور کر سکتے ہیں میں نہیں چاہتا ہوں کہ کوئی جوان بے روز گار رہیے مگر بدقسمتی کا مقام یہ ہے کہ نوجوان ان سکیموں سے فائدہ اٹھانے کے لئے تیار ہی نہیں ہے ہمارے نوجوان در در کی ٹھوکریں کھا رہا ہے سب سے بدقسمتی اس قوم کی یہ ہے کہ ہمارے ایم بی اے ڈگری ہولڈر جو ڈگری اس لئے کرتے ہیں تکہ سوسائٹی میں بے روز گاری کا خاتمہ ہو نوجوانوں میں کونسلنگ کر کے المیہ یہ ہے کہ ہمارے یہ ڈگری ہولڈر معمولی تنخواہ پر کسی کمپنی میں اپنے روز گار کے تلاش میں بیٹھ جاتے ہیں ہونا تو یہ چاہیے تھا کہ سماج کے ان نوجوانوں میں کام کرنے کی ضرورت تھی جو روز گار کے لئے پریشان ہیں تکہ ان کی کونسلنگ سے یہ بے روز گار نوجوان تجربہ حاصل کر کے اپنے اپ کو اس سماج کے لئیے بوجھ بننے سے بچ جائیں اور ایک اچھا شہری ہونے کا ثبوت پیش کر سکتے ہیں ورنہ سماج کے لئے یہ بے روزگار نوجوان ایک ناسور بن سکتا ہے اشتیاق صاحب ایک عدیم الفرصت آفیسر اس کے باوجود بھی اپنا قیمتی وقت مجھ نا چیز سے گزارہ تقریبا ایک گھنٹہ بات کرنے کا موقعہ ملا شاید یہ گھنٹہ میرے زندگی کا ایک حسین لمحوں میں ایک حسین لمحہ تھا جب منیجر صاحب میرے ساتھ محو گفتگو تھا ایسا لگ رہا تھا کہ اشتیاق صاحب کی باتیں مٹھاس سے بھری ہوئی تھی اللہ نے اس نوجوان آفیسر کو صورت سے بھی نوازا ہے اور سیرت سے بھی بات کرنے کا انداز سمجھانے کا طریقہ ایسا لگ رہا تھا کہ کوئی سو سال کا تجربہ کار انسان سمجھا رہا تھا ایک ہونہار نوجوان آفیسر جس میں ہر خوبی کوٹ کوٹ کر بھری ہوئی ہے کام کرنے کا الگ ہی انداز اپنی پوری ٹیم کے ساتھ شانہ بشانہ کام کرنے کا سلیقہ جب سے اشتیاق صاحب نے کانسپورہ بنک کی چارج سمبھالی تب سے کبھی بھی اکاونٹ ہولڈروں کو مشکلات کا سامنا نہیں کرنا پڑا ہر اکونٹ ہولڈر اشتیاق صاحب کے کام سے متاثر نظر آتے ہیں اس کی بنیادی وجہ یہ کہ اشتیاق صاحب بہت ہی لگن سے اپنا کام انجام دے رہا ہے آنے والے نسل کے لئے اشتیاق صاحب جیسے آفیسر مشعل راہ ثابت ہو سکتے ہیں اس کے علاوہ ایڈوانس میں جو ٹیم اشتیاق صاحب کی نگرانی میں کام کرتے ہیں وہ اپنی مثال آپ ہیں چاہیے کوئی بھی فائل ہو ایڈوانس میں ایک ہفتے کے علاوہ نہیں رکھتے ہیں بھر حال دل نہیں کر رہا تھا کہ اشتیاق صاحب کے آفس سے باہر جاؤں کیونکہ اشتیاق صاحب کے باتوں سے بہت کچھ بذنس کے حوالے سیکھنے کو ملا اللہ تعالی اشتیاق صاحب کو مذید ترقی سے نوازے چلتے چلتے اشتیاق صاحب کے نظر علامہ اقبال کا یہ شعر پیش کرتا ہوں
نہیں تیرا نشمین قیصر سلطانی کے گنبد پر
تو شاہین ہے بسیرا کر پہاڑوں کی چٹانوں میں

ہندوستان

اگلے 30 سال تک اپوزیشن کی حکومت نہیں بنے گی: شاہ

Published

8 hours ago

October 22, 2026

Online Desk

نئی دہلی، مرکزی وزیر داخلہ و امدادباہمی امت شاہ نے کہا کہ اپوزیشن جس طرح کی منفی سیاست کررہی ہے، اس کے پیش نظر اگلے 30 سال تک اس کی حکومت بننے کا کوئی امکان نہیں ہے۔

مسٹر شاہ یہاں یمنا کی بحالی سے متعلق 8,941 کروڑ روپے کے منصوبوں کے افتتاح اور سنگِ بنیاد کی تقریب سے خطاب کررہے تھے۔ انہوں نے کانگریس لیڈر راہل گاندھی اور عام آدمی پارٹی کے قومی کنوینر اروند کیجریوال کو نشانہ بناتے ہوئے الزام لگایا کہ اپوزیشن جماعتیں انتخابات میں شکست کے بعد ای وی ایم، ووٹ چوری اور الیکشن کمیشن کو لے کر بہانے بناتی ہیں۔ انہوں نے کہا کہ اپوزیشن جس طرح کی منفی سیاست کررہی ہے، اس سے اگلے 30 سال تک اس کی حکومت بننے کا امکان نہیں ہے۔

انہوں نے کہا کہ اپوزیشن جماعتیں کبھی ای وی ایم تو کبھی ووٹ چوری کا بہانہ بناتی ہیں۔ جب وہ کہتے ہیں کہ اگلے 30 سال تک ان کی پارٹی کی حکومت رہے گی تو اپوزیشن جماعتیں عوام سے کہتی ہیں کہ ووٹ چوری ہورہی ہے، ورنہ امت شاہ جی کو یہ بات کیسے معلوم ہوئی۔

مسٹر شاہ نے کہا کہ وہ یہیں پیدا ہوئے ہیں، یہیں رہتے ہیں اور ملک کے عوام کے درمیان رہتے ہیں۔ انہیں ہر چھ ماہ میں بیرون ملک جانے کی ضرورت نہیں پڑتی۔ انہوں نے کہا کہ اپوزیشن جس طرح کی منفی سیاست کررہی ہے، اس کے پیش نظر اگلے 30 سال تک اس کی حکومت نہیں بنے گی۔ ملک کی مختلف ریاستوں میں بی جے پی کی حکومتیں منتخب ہونے سے اپوزیشن جماعتیں پریشان ہیں اور اسی وجہ سے وہ ووٹ چوری کا مسئلہ اٹھارہی ہیں۔ انہوں نے الزام لگایا کہ اپوزیشن جماعتیں ووٹ چوری کا شور مچا کر دراندازوں کے ووٹ بچانا چاہتی ہیں۔

انہوں نے کہا کہ اپوزیشن انتخابات میں شکست کے بعد الیکشن کمیشن اور ووٹر لسٹ پر سوال اٹھاتی ہے، جب کہ جیتنے پر انہی انتظامات کو درست قرار دیتی ہے۔ انہوں نے کیرالہ، تلنگانہ، ہماچل پردیش اور تمل ناڈو کے انتخابات کا ذکر کرتے ہوئے اپوزیشن پر دوہرے معیار اپنانے کا الزام لگایا۔ انہوں نے کہا کہ اپوزیشن جماعتیں آس پاس کی ریاستوں سے اپنے کارکنوں کو جمع کرکے دہلی میں مظاہرے کرنے کے ذریعے عوام کے فیصلے کو جھٹلا نہیں سکتیں۔ جمہوریت میں انتخابات جیتنے کے لیے عوام کے درمیان جانا، ان کے مسائل کو سمجھنا اور انہیں حل کرنا ضروری ہے۔ دھرنے، مظاہروں اور سیاسی ہتھکنڈوں کے ذریعے عوامی فیصلے کو چیلنج نہیں کیا جاسکتا۔ انہوں نے کہا کہ بی جے پی کے بوتھ سطح کے کارکنوں سے لے کر وزیر اعظم نریندر مودی تک، پارٹی کے کروڑوں کارکن عوام کے درمیان رہ کر ان کے مسائل حل کرنے کے لیے کام کرتے ہیں۔

مسٹر شاہ نے مسٹر کیجریوال کو نشانہ بناتے ہوئے کہا کہ دہلی کے سابق وزیر اعلیٰ انتخابات میں شکست کے بعد پنجاب میں ڈیرہ ڈالے ہوئے ہیں اور وہاں کے وزیر اعلیٰ کو کام نہیں کرنے دے رہے ہیں۔ انہوں نے پنجاب میں منشیات کے کاروبار کے معاملے پر ریاستی حکومت کو نشانہ بنایا اور دعویٰ کیا کہ آئندہ انتخابات میں پنجاب کے عوام بی جے پی کو اقتدار میں لانے کا فیصلہ کرچکے ہیں۔ انہوں نے کہا کہ بی جے پی 2029 تک پنجاب سے منشیات کے کاروبار کو ختم کرنے کے لیے پُرعزم ہے۔ انہوں نے الزام لگایا کہ دہلی کی سابقہ حکومت نے تحریک کے نام پر اقتدار حاصل کیا، لیکن جمنا کی صفائی اور بنیادی شہری سہولتوں کی فراہمی کے لیے خاطر خواہ کام نہیں کیا۔

یمنا کی بحالی کا ذکر کرتے ہوئے مسٹر شاہ نے کہا کہ دہلی میں بی جے پی کی حکومت بننے کے بعد وزیر اعظم مودی نے دریا کو آلودگی سے پاک بنانے کے لیے ایک لائحہ عمل تیار کرنے کی ہدایت دی تھی۔ انہوں نے دعویٰ کیا کہ منصوبے کا 40 فیصد سے زیادہ کام مکمل ہوچکا ہے اور مرکز کے ساتھ دہلی، ہریانہ اور اتر پردیش کی حکومتوں نے یمنا کو صاف کرنے کے لیے مقررہ مدت پر مبنی لائحہ عمل تیار کیا ہے۔ انہوں نے اعتماد ظاہر کیا کہ مئی 2029 سے پہلے یمنا کو صاف و شفاف بنانے کا ہدف حاصل کرلیا جائے گا۔

یواین آئی ۔ ایف اے

ہندوستان

مودی اور نیتن یاہو کے درمیان فون پر بات چیت، مغربی ایشیا میں امن کی بحالی پر زور

Published

8 hours ago

October 22, 2026

Online Desk

نئی دہلی، وزیر اعظم نریندر مودی اور اسرائیل کے وزیر اعظم بنیامن نیتن یاہو نے جمعرات کو مغربی ایشیا کی صورتِ حال پر تبادلۂ خیال کیا اور خطے میں امن و استحکام کی بحالی کی فوری ضرورت پر زور دیا۔

دونوں رہنماؤں نے ہندوستان اور اسرائیل کے درمیان خصوصی اسٹریٹجک شراکت داری کو مزید مضبوط بنانے کے عزم کا بھی اعادہ کیا۔

وزیر اعظم کے دفتر کے مطابق، مسٹر مودی نے اسرائیلی وزیر اعظم نیتن یاہو سے ٹیلی فون پر بات چیت کی۔

اس دوران دونوں رہنماؤں نے ہندوستان اور اسرائیل کے تعلقات میں مسلسل برقرار رفتار کا خیرمقدم کیا اور باہمی شراکت داری کو آگے بڑھانے پر اتفاق کیا۔

وزیر اعظم مودی نے مغربی ایشیا میں امن کی بحالی کے لیے بات چیت اور سفارت کاری کا راستہ اختیار کرنے کی ہندوستان کی اپیل کا اعادہ کیا۔ دونوں رہنماؤں نے آئندہ بھی رابطے میں رہنے پر اتفاق کیا۔

یواین آئی ۔ ایف اے

دنیا

سعودی عرب کے دمام ہوائی اڈے پر حملے میں دو افراد ہلاک، آٹھ زخمی، پروازیں بحال

Published

8 hours ago

October 22, 2026

Online Desk

دمام، سعودی عرب کے دمام شہر میں شاہ فہد بین الاقوامی ہوائی اڈے پر جمعرات کو فضائی آپریشن دوبارہ شروع ہوگیا اور ہوائی ٹریفک معمول پر آگئی۔ سعودی شہری ہوا بازی اتھارٹی نے بتایا کہ حملے میں دو افراد ہلاک اور آٹھ زخمی ہوگئے تھے۔

بدھ کی شام ہونے والا یہ حملہ مملکت کے مشرقی صوبے میں تیل کی ایک تنصیب پر روکے گئے ڈرون کا ملبہ گرنے سے دو کارکنوں کی ہلاکت کے چند گھنٹے بعد ہوا۔ ان واقعات نے سعودی عرب کے شہری اور توانائی کے بنیادی ڈھانچے کو درپیش مسلسل سلامتی کے خطرات کو اجاگر کیا ہے۔

جنرل اتھارٹی آف سول ایوی ایشن (گاکا) نے بتایا کہ ہوائی اڈے پر حملے میں ایک سعودی شہری اور ایک ہندوستانی باشندہ ہلاک ہوئے۔ زخمیوں میں سعودی عرب، ہندوستان، یمن، بنگلہ دیش اور نیپال کے شہری شامل ہیں۔
اتھارٹی کے مطابق، زخمیوں کی حالت معمولی سے شدید نوعیت کی ہے اور انہیں مختلف اسپتالوں میں طبی امداد دی جارہی ہے۔

گاکا نے مزید کہا کہ حکام ہوائی اڈے کو پہنچنے والے نقصان کا جائزہ لے رہے ہیں اور مسافروں و عملے کی سلامتی یقینی بنانے کے لیے اقدامات کیے جارہے ہیں۔

یمن میں قانونی حکومت کی بحالی کے لیے قائم اتحاد کے مطابق، جمعرات کو بھی سعودی عرب کو نشانہ بنانے والے ڈرون حملے جاری رہے۔ ریاض اور مدینہ کے علاقوں میں پانچ ڈرونوں کو روک کر تباہ کردیا گیا، جبکہ اس سے قبل مشرقی صوبے میں چار دیگر ڈرون مار گرائے گئے تھے۔

گزشتہ چند ہفتوں کے دوران سعودی عرب کو یمن کی حوثی ملیشیا سے منسوب ڈرون اور میزائل حملوں کا مسلسل سامنا ہے۔ ان حملوں میں ہوائی اڈوں، توانائی کی تنصیبات اور شہری علاقوں کو نشانہ بنایا گیا ہے۔

اس سے قبل بدھ کو سعودی وزارت توانائی نے بتایا تھا کہ مشرقی صوبے میں سعودی آرامکو کے شیبہ آئل فیلڈ کی ایک پروسیسنگ تنصیب پر روکے گئے ڈرون کا ملبہ گرنے سے فلپائن اور نیپال کے دو کارکن ہلاک ہوگئے تھے۔

وزارت کے مطابق، اس واقعے میں پاکستان اور ہندوستان سے تعلق رکھنے والے دو دیگر کارکن بھی زخمی ہوئے۔

وزارت نے بتایا کہ اس واقعے کے نتیجے میں تنصیب کے احاطے سے باہر ایک ٹھیکیدار کی گاڑی میں آگ لگ گئی، تاہم آئل فیلڈ میں کام کاج متاثر نہیں ہوا۔

حملوں کے پیش نظر سعودی حکام آنے والے ڈرونوں اور میزائلوں کو روکنے کی کوششیں جاری رکھے ہوئے ہیں۔ ان واقعات نے مملکت میں اہم بنیادی ڈھانچے اور شہری تنصیبات کی سلامتی کے حوالے سے تشویش بڑھا دی ہے۔

یو این آئی۔ یو این آئی۔ ع ا۔