جے کے کیڈر کا خاتمہ:کیا ہونے والا ہے جموں کشمیر میں؟

Published

6 years ago

January 22, 2021

عاصم محی الدین

تقریبا 17 ماہ ہوگئے ہیں جب وزیر اعظم نریندر مودی کی سربراہی میں مرکزی حکومت نے آرٹیکل 370 اور 35 اے کو کالعدم قرار دے کر ریاست کو دو مرکز ی علاقوں جموں و کشمیر اور لداخ میں منتشر کردیا۔
اس کے بعد ، اہم پیش ر فتیوں کا سلسلہ جس میں جموں کشمیر انڈین اڈمنسٹرشن سروسز کیڈر کو اے جی ایم یو ٹی میں ضم کرنے والے حالیہ ایک منصوبے کے ساتھ بدستور جاری ہیں۔

وہیں جب اس سلسلے میں مرکزی وزارت داخلہ کی جانب سے گزٹ پاس کیا تو موسم سرما کے دارالحکومت جموں میں UT کے لیفٹیننٹ گورنر منوج سنہا نے صنعتی سرگرمیوں کو فروغ دینے کے لئے 285000 کروڑ روپے کے میگا صنعتی پیکیج کا اعلان کیا۔

اگرچہ مقامی اسٹیک ہولڈرز کی جانب سے دونوں امور پر ابھی تک کوئی واضح رد عمل ظاہر نہیں ہوا ہے۔ وہیں صنعتی پیکیج کی تفصیلات کے بارے میں ابھی تک کچھ حاص پتہ نہیں چل پایا ہے ، تاہم ، جے کے کیڈر کو اے جی ایم یو ٹی میں ضم کرنے نے مرکز کے محرکات کوواضح طور پر ضاہر کردیا ہے۔ جوطویل عرصے سے جموں و کشمیر میں انتظامی اصلاحات کا مطالبہ کررہی تھے۔

دہلی میں موجودہ حکومت کی تفہیم کے مطابق ، حال ہی میں تیار کردہ مرکزی خطے میں پیش آنے والے نصف مسائل اقربا پروری ، ریڈ ٹیپ اور نظام میں بڑے پیمانے پر بدعنوانی کی وجہ سے ہیں۔ وہ لوگ جو نظام میں ریڈ ٹیپ اور بدعنوانی کو فروغ دیتے ہیں انتظامیہ میں اعلی عہدوں پر فائز ہیں۔

ایم ایچ اے میں خدمات انجام دینے والے ایک سینئر عہدیدار نے خبر اردو کو بتایا ، “جے کے کیڈر کو اے جی ایم یو ٹی میں ضم کرنے سے مرکزی حکومت کو نئی سونچ رکھنے والے افسران ، اروناچل پردیش ، گوا ، میزورم اور ہندوستان کی دیگر UTs سے جموں کشمیر میں لانے کی راہ ہموار ہوگئی ہے۔”

“ان عہدے داروں کی کئی سالوں سے بنائی گئی چین اور لابی کو توڑنے کی ضرورت ہے جو جموں کشمیر کی تعمیرو ترقی میں رکاوٹ بنے ہوئے تھے۔”

امکان ہے کہ انتظامی اصلاحات کو پٹری پر لانے کی غرض سے نئی دہلی جموں وکشمیر میں اہم عہدوں پر فائز ہونے کے لئے اعلی افسران کی نئی ٹولی بھیج سکتی ہے۔

“نئی دہلی جانتی ہے کہ اس کا مشن کشمیر اس وقت تک کامیاب نہیں ہوسکتا جب تک وہ انتظاما میں بڑی تبدیلیاں نہیں لاتی۔

نئی پالیسیوں پر موجودہ انتظامیہ سے ان پر عمل درآمد کرانا نئی بوتلوں میں پرانی شراب پیش کرنے کے مترادف ہے ، ”یو ٹی کے ایک سینئر عہدیدار ، نام ظاہر نہ کرنے کی خوہش جتاتے ہوئے ،نے کہا۔

بڑے منصوبوں کے ایک حصے کے طور پر ، اگر ذرائع پر یقین کیا جائے تو آنے والے وقتوں میں 150 کے قریب سینئر عہدیداروں کو جموں و کشمیر بھیجا جا رہا ہے۔ دوسری طرف ، بیش تر عہدے دار جن پر بدعنوانی اور بے ضابطگیوں کے سنگین الزامات ہیں ان کو ملک کے دیگر حصوں میں منتقل کیا جائے گا۔ جوکہ جے کے کیڈر کو AGMUT میں ضم کیے بغیر مرکز کے لئے قانونی طور ممکن نہیں تھا۔

ذرائع نے بتایا ، اس کی بھی منصوبہ بندی کی جارہی ہے کہ مستقبل میں تمام ضلعی سربراہان اور انتظامیہ میں HOD کے فرائز آئی اے ایس اور آئی پی ایس کے درجے سے کم کسی بھی افسر کے پاس نہیں ہوگئے ۔ ابھی تک ، جموں وکشمیر میں جے کے پی ایس سی کے عہدیداروں کو ضلعی افسران کی حیثیت سے بھی تعینات کیا گیا تھا جو آئی اے ایس اور آئی پی ایس رینک کے افسران کے ہمراہ محکموں کی سربراہی کرتے تھے۔

تاہم ، یہ اقدام عوام کی نظر میں کڑی تنقید کا نشانہ نہیں بن رہا ہے۔ UT کے بیشتر افراد اسے ریاستی کیڈر کے خاتمے کے ساتھ مقامی لوگوں کی منظم طور پر منتقلی سمجھتے ہیں۔

“اب مرکز جموں و کشمیر میں امور چلانے کے لئے دہلی سے تمام افسران کی تعیناتی کرسکتا ہے۔ یہ مقامی افسران کومنظم طور پر اختیارات سے دوچار کرنا ہوگا“ ۔ شیخ مقبول نے کہا۔
جموں کے مشہور صحافی ظفر چوہدری نے اپنے ویڈیو بلاگ میں یہ بھی تجویز کیا کہ جے کے کیڈر کے خاتمے اور اے جی ایم یو ٹی میں ضم ہونے کے بعد مقامی جے کے اے ایس افسران کو بھی حکومت کے صحارے کی ضرورت ہے۔

دریں اثنا ، انتظامیہ میں توازن برقرار رکھنے ، مشینری کو صحیح طریقے سے کام کرنے اور عام لوگوں کے لئے اچھی حکمرانی کی فراہمی کو یقینی بنانے کے لئے مرکز کے لئے مقامی جے کے اے ایس افسران کی ہینڈ ہولڈنگ اہم ہے۔

صنعتی پیکیج

اگرچہ حال ہی میں اعلان کردہ 28500 روپے کے صنعتی پیکیج کی کوئی تفصیلات عوامی نہیں ہیں مانا جا رہا ہے کہ یہ رقم بلاک سطح پر نئے اسٹارٹ اپس کے قیام کے لیے خرچ کی جائے گی ، وہیں موجودہ صنعتی ادارے جنہوں نے ان تمام سالوں میں خطے میں کام کیا ہے بھی اسی طرح کی ہنڈ ہولڈنگ کا مطالبہ کررہے ہیں۔

اس پر جموں و کشمیر خطے کے صنعت کاروں کا دعوی ہے کہ انہوں نے جموں و کشمیر میں مشکل ترین حالات میں کام کیاہے جبکہ ان کے لئے اس پیکیج میں کچھ نہیں ہے۔

چیمبر آف انڈسٹریز کشمیر کے صدر شاہد کاملی کا کہنا ہے ، “ہم چاہتے ہیں کہ بنیادی توجہ موجودہ اندسٹریز پر مرکوز رکی جائے۔”

کشمیر میں ، تاجر برادری کا بھی مطالبہ ہے کہ یونٹوں کے قیام کے لئے مقامی لوگوں کو پہلے موقع فراہم کرنا چاہئے۔
“مقامی افراد اس اسکیم کے سب سے پہلے مستفید ہونے چاہیں۔ کے سی سی آئی کے سابق صدر ، شیخ عاشق نے میڈیا کو بتایا کہ حکومت کو چائیے کہ وہ مقامی نوجوانوں کی حوصلہ افزائی اور انہیں اسٹارٹ اپ سرگرمیوں میں شامل کرے۔

نئی انڈسٹریزپالیسی میں نوجوانوں کے لئے ملازمت کے چار لاکھ مواقع پیدا کرنے کا تصور کیا جارہا ہے۔ اس پالیسی کے تحت جو 2037 تک نافذ العمل ہوگی ، جموں و کشمیر میں دو آئی ٹی شہر قائم ہوں گے۔ یہ پالیسی سرمایہ کاروں کو خاطر خواہ مراعات بھی فراہم کرگی ۔

جموں وکشمیر حکومت نے پہلے ہی مختلف اضلاع میں 6000 ایکڑ اراضی کو نئے یوننٹز کی اسٹیبلش منٹ کے لئے نشان دئے کیا ہے جس کے لئے پہلے ہی محکمہ محصول سے 3000 ایکڑ زمین حاصل کی جاچکی ہیں۔

لفٹنٹ گورنر منوج سنہا نے کہا ، “ہماری شفاف پالیسیوں ، بنیادی ڈھانچے ، مارکیٹ پر مبنی پالیسی ماحول اور ہنرمند سرمایہ کاری کے ساتھ ، ہم موجودہ دہائی میں ہندوستان کے لئے ترقی کا ستون بننے کی خواہش رکھتے ہیں۔
” سنہا نے پریس بریفنگ میں نامہ نگاروں کو بتایا ، اس اسکیم سے خطے میں گھریلو مینوفیکچرنگ کو فروغ ملے گا اور جموں و کشمیر کو خود انحصاربننے میں مدد ملے گی۔

دنیا

نیپال میں سیلاب سے تقریباً 470 افراد ہلاک، امدادی کارروائیاں جاری

Published

1 hour ago

August 28, 2026

Online Desk

کٹھمنڈو، نیپال کے دارالحکومت کھٹمنڈو کے حکام کے مطابق گلیشیئر کا ایک بڑا حصہ ٹوٹنے کے بعد مٹی اور چٹانوں کا ایک وسیع تودہ ہمالیائی دریا میں جا گرا، جس کے نتیجے میں آنے والے تباہ کن سیلاب سے نیپال اور چین کے تبت کے علاقے میں کم از کم 469 افراد ہلاک اور کم از کم 1,500 افراد لاپتہ ہیں۔

تباہ کن بھوٹی کوشی سیلاب نے نیپال اور تبت کے پہاڑی سرحدی علاقے کو اپنی زد میں لے لیا، جبکہ نیپال کے ضلع راسووا میں سب سے زیادہ تباہی ہوئی، جو چینی سرحد کے عین جنوب میں واقع ہے۔

ٹیلی ویژن پر نشر ہونے والی تصاویر میں تباہ شدہ مکانات، پانی میں بہتی گاڑیاں اور سیلابی ریلے میں بہہ جانے والا ایک دھاتی پل دکھائی دیا، جبکہ عینی شاہدین نے بتایا کہ سیلابی پانی نے پورے کے پورے دیہات کو اپنی زد میں لے لیا۔ امدادی اور تلاش کرنے والی ٹیمیں متاثرہ علاقے میں پانی میں چلتے ہوئے متاثرین اور لاپتہ افراد کو تلاش کر رہی ہیں، تاہم کارروائیوں میں شدید مشکلات پیش آ رہی ہیں کیونکہ سیلاب کے باعث متعدد سڑکیں اور پل بھی تباہ ہو گئے ہیں۔

حکام نے ابتدائی طور پر خیال ظاہر کیا تھا کہ بدھ کی صبح آنے والے سیلاب کی وجہ 4.4 شدت کا زلزلہ ہو سکتا ہے۔ تاہم متعدد ماہرین اور امریکی جیولوجیکل سروے (یو ایس جی ایس) نے تصدیق کی کہ ”زلزلاتی سرگرمی” دراصل گلیشیئر کے ٹوٹنے اور ملبے کے بہاؤ کا نتیجہ تھی، جس کے بعد دریا کے نچلے علاقوں میں تباہ کن اثرات مرتب ہوئے، نہ کہ زلزلے کی وجہ سے سیلاب آیا۔

گلیشیئر کا انہدام اس وقت ہوتا ہے جب برفانی تودے کا ایک بڑا حصہ اپنے بستر سے الگ ہو جاتا ہے۔ اس میں بعض اوقات لاکھوں مکعب میٹر برف، چٹانیں اور پانی شامل ہوتے ہیں، جو انتہائی تیزی سے حرکت کرنے والے برفانی تودے یا ملبے کے بہاؤ میں تبدیل ہو سکتے ہیں۔ گلیشیئر کا انہدام گلیشیئر سائنس میں باقاعدہ طور پر متعین سائنسی اصطلاح نہیں، تاہم ایسے واقعات کو بیان کرنے کے لیے یہ اصطلاح عام طور پر استعمال ہوتی ہے۔

نیپال کی نیشنل ڈیزاسٹر رسک ریڈکشن اینڈ مینجمنٹ اتھارٹی کے مطابق ”گلیشیئر سے آنے والا سیلاب” لہینڈے کھولا دریا میں نیپالی جانب برف اور چٹانوں کے تودے گرنے کے باعث آیا۔ اتھارٹی کے ماہر ارضیات پرکاش پوکھرل نے بتایا کہ ابتدائی سیلابی ریلا لہینڈے کھولا میں داخل ہوا، جو آگے بھوٹی کوشی اور پھر تریشولی دریاؤں میں شامل ہوتا ہے۔ اس کے نتیجے میں سیلابی پانی جنوب کی جانب نیپال میں پھیل گیا۔ اطلاعات کے مطابق صرف 30 منٹ میں تریشولی دریا کی سطح میں تقریباً 9 میٹر (27 فٹ) تک اضافہ ہوا۔

جاری۔ یو این آئیْ۔ ع ا۔

ہندوستان

پوروانچل ایکسپریس وے پر روڈویز بس ستون سے ٹکرائی، ڈرائیور سمیت دو ہلاک، 26 زخمی

Published

2 hours ago

August 28, 2026

Online Desk

اعظم گڑھ، اترپردیش کے اعظم گڑھ ضلع میں پوروانچل ایکسپریس وے پر جمعرات کی دیر رات تیز رفتار روڈویز بس کے ستون سے ٹکرانے کے سبب بس ڈرائیور سمیت دو افراد کی موت ہو گئی، جبکہ کئی مسافر زخمی ہو گئے۔

اطلاع ملتے ہی پولیس اور ایکسپریس وے کی ایمبولینس ٹیم موقع پر پہنچی اور راحت و بچاؤ کا کام شروع کیا۔

زخمیوں کو فوری طور پر ضلع اسپتال سمیت آس پاس کے اسپتالوں میں داخل کرایا گیا۔ کچھ زخمیوں کی حالت نازک بتائی جا رہی ہے۔

پولیس کے مطابق، بیلتھرا روڈ ڈپو کی روڈویز بس لکھنؤ سے بلیا جا رہی تھی۔ دیر رات پوی تھانہ علاقے میں پوروانچل ایکسپریس وے کے اسٹون نمبر 191 کے قریب بس کے آگے چل رہا پک اپ اچانک بے قابو ہو گیا۔

پک اپ کو بچانے کی کوشش میں بس کا توازن بگڑ گیا اور وہ ایکسپریس وے کے کنارے بنے گورکھپور لنک ایکسپریس وے کے ستون سے ٹکراگئی۔ حادثے میں بس ڈرائیور رجنی کانت (35)، ساکن مدھوبن، مئو اور ایک خاتون مسافر کی موقع پر ہی موت ہو گئی۔ حادثے کے بعد بس میں پھنسے مسافروں کو پولیس اور راحت رساں کارکنوں نے باہر نکالا۔ زخمیوں کو مختلف اسپتالوں میں داخل کرایا گیا۔

حادثے میں زخمی مسافروں میں انجو برنوال (54)، ہرش برنوال (25)، سَویکا (18)، سنیتا (22)، نِتھانجلی یادو (16)، رمبھَا (38)، آنند (19)، شبھم شیکر (12)، روچی (3)، رودل (45)، پرنس یادو، گنسن (23)، انوشکا (18)، سشیل (41)، شویتا (22)، کوشل کشور دوبے (62)، بھگوتی (38)، انکیتا (20)، سِرشٹی (21)، گولو (15)، سنجو (17)، پرینکا شریواستو (36)، سواتی شریواستو (14)، برجیش چوہان (20)، نشا یادو (30)، ارملا (30)، نِتیاوتی دوبے (45)، ستیش موریہ (21)، اکھلیش تیواری (28)، پرتیما پرجاپتی (18)، شریا یادو (19)، پون کمار شریواستو (50)، شوانی (21) اور کملیش (45) شامل ہیں۔

تمام زخمیوں کو اسپتال میں داخل کرایا گیا ہے۔ ضلع مجسٹریٹ رویندر کمار سمیت ضلع کے کئی افسران اسپتال پہنچے اور زخمیوں کے علاج اور راحت رسانی کے کام میں کسی بھی طرح کی لاپروائی نہ برتنے کی ہدایت دی۔ پولیس نے حادثے کا شکار بس کو ایکسپریس وے سے ہٹانے کی کارروائی شروع کر دی ہے۔ ابتدائی تفتیش میں حادثے کی وجہ پک اپ کے اچانک بے قابو ہونے اور اسے بچانے کی کوشش میں بس کا توازن بگڑنا بتایا جا رہا ہے۔

یو این آئی۔ این یو۔

جموں و کشمیر

اننت ناگ میں دھوکہ دہی اور فراڈ کے الزام میں بی جے پی لیڈر کے خلاف مقدمہ درج

Published

4 hours ago

August 28, 2026

Online Desk

سری نگر، بی جے پی کے اننت ناگ ضلع جنرل سکریٹری عابد ننگرو کے خلاف جموں و کشمیر پولیس نے سرکاری ملازمت دلانے اور امرناتھ یاترا کے دوران پہلگام میں خیمے لگانے کی اجازت دلانے کے نام پر مبینہ طور پر دھوکہ دہی اور فراڈ کرنے کے الزام میں مقدمہ درج کیا ہے۔

پولیس اسٹیشن اننت ناگ میں دھوکہ دہی اور فراڈ کی شکایت پر تحریری شکایت موصول ہونے کے بعد مقدمہ درج کیا گیا۔

پولیس نے بتایا کہ اسے وحید احمد ایتو، عیشمقام، جو فی الحال جی ڈی سی بوائز ہاسٹل، خانہ بل میں مقیم ہیں، کی جانب سے تحریری شکایت موصول ہوئی، جس میں الزام لگایا گیا کہ کرندی گام، بیج بہارا کے عابد ننگرو نے ان کے ساتھ دھوکہ کیا۔

پولیس کے مطابق شکایت میں کہا گیا ہے کہ ملزم نے شکایت کنندہ کو یہ یقین دلا کر اپنے جال میں پھنسایا کہ وہ محکمہ پولیس میں ایس پی او (اسپیشل پولیس آفیسر) کی حیثیت سے اسے سرکاری ملازمت دلوا سکتا ہے اور اپنے سیاسی اثر و رسوخ کی مدد سے شری امرناتھ جی یاتریوں کے لیے پہلگام میں خیمے لگانے کی اجازت بھی دلوا سکتا ہے۔

شکایت کنندہ نے مزید الزام لگایا کہ ان یقین دہانیوں اور دعووں کی بنیاد پر اس سے مجموعی طور پر 8,25,000 روپے لے لیے گئے۔

شکایت کا نوٹس لیتے ہوئے پولیس اسٹیشن اننت ناگ میں بی این ایس کی دفعات 318(4) اور 351(3) کے تحت ایف آئی آر درج کی گئی ہے اور تحقیقات شروع کردی گئی ہیں۔

اننت ناگ پولیس نے ایک بار پھر کہا ہے کہ دھوکہ دہی، فراڈ یا سرکاری ملازمت یا دیگر سرکاری فوائد دلانے کے جھوٹے وعدوں کے ذریعے لوگوں کا استحصال کرنے میں ملوث پائے جانے والے افراد کے خلاف سخت قانونی کارروائی کی جائے گی۔

یو این آئی، ایم جے